Свята беларускай культуры Вытокі ў Верхнім горадзе

Выхадныя ў Мінску: што наведаць 24 і 25 чэрвеня

37
(абноўлена 10:38 24.06.2017)
Апошні ў гэтым сезоне джазавы вечар ля Ратушы, свята літоўскай культуры, выстава рэтраматацыклаў, найбуйнейшы купальскі фэст “Купальскае кола” і эка-фестываль – Sputnik прапануе некалькі варыянтаў, як нясумна правесці выхадныя.

МІНСК, 23 чэр — Sputnik. Калі не шашлык, то… Пазагараць у гэтыя выхадныя, на жаль, зноў не атрымаецца. Лета не песціць спякотай, а сціплавата прапануе цёплае з эпізадычнымі дажджамі надвор'е.

Але, з іншага боку, гэта нагода адпачыць больш ярка, далучыцца да культурнага жыцця горада. Тым больш, што прапаноў у гэтыя выхадныя звышдастаткова.

Джаз ля Ратушы

У апошні ў гэтым сезоне Джазавы вечар ля Ратушы будзе граць і спяваць амерыканец Кліўленд Джонс, выконваючы сімбіёз госпела, рытм-энд-блюзу, фанка і традыцыйнага джаза. Джонс — уладальнік унікальнага дыяпазону практычна ў тры актавы і вельмі таленавіты імправізатар, сцвярджаюць арганізатары. Яго варта паслухаць.

Адкрыццё юбілейнага сезону Джазавых вечароў ля мінскай Ратушы
© Sputnik Юлия Хвощ
Адкрыццё юбілейнага сезону "Джазавых вечароў" ля мінскай Ратушы

Акрамя Джонса, у гэтую суботу ля Ратушы можна будзе паслухаць лютніста і спевака з Туніса Набіля Хеміра. Адметнасцю гэтага джаз-вечара стане вялікі джэм-сэйшн усіх удзельнікаў фінальнага канцэрта — музыкі (у тым ліку і 15-цігадовы мінскі гітарыст Улад Кучынскі) разам выканаюць знакаміты "Караван".

Джазавы вечар пачнецца ў 20:00.

Дзень культуры Літвы

Джаз ля Ратушы будзе ўвечары. А ўдзень у Верхнім горадзе будуць частаваць, мабыць, цэпелінамі і шакоцісам. У гэтую суботу на плошчы Свабоды адбудзецца свята літоўскай культуры. Будуць частаваць, забаўляць і, напэўна, успамінаць агульную гісторыю.

Литовский флаг
© Flickr / Mr.TinDC
Литовский флаг

Святочная праграма запланавана на працягу ўсяго дня з 13 да 18 гадзін.

Юбілейнае "Купальскае кола"

У гэтыя выхадныя ў турыстычным комплексе "Дукорскі маёнтак" адбудзецца 9 міжнародны фестываль "Купальскае Кола". Для гасцей будуць граць беларускія Gods Tower і Znich, расійскія "Нейромонах Феафан" і "Аркона", "Цінь Сонця" з Украіны і многія іншыя.

 

Купальскае кола-2015
© Sputnik Дзмітрый Карлюк
"Купальскае кола-2015"

Акрамя музыкі абяцаюць вялікі кірмаш, магчымасць паназіраць за тым, як працуюць кавалі, ганчары, ткачы і іншыя рамеснікі. Таксама будуць працаваць спартыўная, дзіцячая і этна-пляцоўкі. На апошняй як раз і будуць вучыць плесці вянкі, варажыць, скакаць праз вогнішча.

Фэст старадаўніх матацыклаў

Сапраўдны музей "на адзін дзень" з віктарынамі і майстар-класамі абяцаюць у гэтую суботу арганізатары 5-га міжнароднага фестывалю старых і старадаўніх матацыклаў "Кола Часу". Убачыць рэтра-машыны, у тым ліку рарытэтны Harley-Davidson 1932 года, можна будзе ў суботу ля Ратушы з 10:00 да 14:00. Прычым найбольш падрыхтаваных гасцей — тых, хто прыйдзе ў рэтра-строях, арганізатары запросяць паўдзельнічаць у паказе "RETRO-fashion", а пераможцаў гэтага моднага конкурсу адзначаць прызамі.

Днём матацыклы-ветэраны выедуць на вуліцы горада і памераюцца хуткаснымі магчымасцямі ў рамках рэтра-ралі. Завершыцца свята ўзнагароджаннем пераможцаў ралі і фестывалю на Вяслярным канале.

Адкрыццё летняга сезону ў "Дрымлэндзе"

25 чэрвеня адбудзецца адкрыццё летняга сезона ў аквапарку "Дрымлэнд". Там, дарэчы, нарэшце-то зарабілі водныя горкі. Акрамя таго, гасцей чакаюць цёплыя басейны, якасная музыка ад dj Jeneva, dj Smolof, dj Victor Gugo, Аlex Sax (saxophone), а таксама майстар-класы па фітнесу. Адна з сетак крам моднай вопраткі разыграе прызы. Самых маленькіх будуць забаўляць аніматары і клоўны. Пачатак праграмы ў 12:00.

37
Тэги:
джаз, Верхні горад, Мінск
Спектакль Убачыць ружовага слана

Тэатр HomoCosmos запрашае на восеньскія прэм’еры ўжо зараз

44
(абноўлена 14:46 15.05.2020)
Адзін з самых яркіх тэатральных праектаў сталіцы рыхтуе тры цікавыя пастаноўкі, сярод якіх спектакль па кнізе Святланы Алексіевіч.

МІНСК, 15 мая - Sputnik. Незалежная тэатральная кампанія Homocosmos рыхтуецца прадставіць восенню адразу тры прэм’еры, якія прыйшлося адкласці з-за пандэміі каронавіруса.

Зараз тэатр збірае грошы на падрыхтоўку рэквізіта і рашэнне арганізацыйных момантаў праз творчую ініцыятыву #АртПроездной, што аб’ядноўвае творчыя калектывы, якія зараз маюць патрэбу ў падтрымцы.

HomoCosmos, знакаміты гледачам такімі пастаноўкамі як "Дора, ці Сэксуальныя неўрозы нашых бацькоў", "Убачыць ружовага слана", "Бог козыту", "Раскрыццё", не проста просіць грошы: яны прапануюць сваім наведвальнікам цікавую альтэрнатыву.

Сёння гледачы могуць набыць квіткі з адкрытай датай на спектаклі: такім чынам, калі адновіцца праца, яны змогуць абраць любую пастаноўку.

Патрапіць можна будзе не толькі на знаёмыя спектаклі, але і на запланаваныя на восень гэтага года прэм’еры - "Хлопчыкі" (па рамане "Цынкавыя хлопчыкі" Святланы Алексіевіч рэжысёра Алега Хрысталюбскага), "Нічога святога" рэжысёра Аляксандра Марчанкі і "Ясь і Малгося" рэжысёрак Кацярыны Аверкавай і Паліны Дабравольскай.

Чытайце таксама:

44
Тэги:
Мінск, Тэатр
Святочнае афармленне Мінска да Дня Перамогі

Стала вядома, якія мерапрыемствы пройдуць у Мінску ў Дзень Перамогі

13
(абноўлена 09:32 09.05.2020)
Асноўныя мерапрыемствы стартуюць а 11-й з ваеннага парада і завершацца ў 23:15 феерверкам, які будзе дадзены ў васьмі кропках.

Нягледзячы на пандэмію каронавіруса, у Мінску вырашылі не адмаўляцца ад мерапрыемстваў 9 мая. Зрэшты, традыцыйных масавых гулянняў у горадзе не плануецца: ва ўсякім выпадку, мэрыя нічога не кажа пра тое, ці будуць працаваць традыцыйныя кірмашы - напрыклад, каля Палаца Спорту.

Якія ж мерапрыемствы пройдуць у Мінску на Дзень Перамогі - 2020?

Ваенны парад

Парад стартуе ў 11:00 каля абеліска "Мінск - горад-герой".

"Галоўная яго асаблівасць у гэтым годзе - паказ толькі новых і мадэрнізаваных узораў ваеннай тэхнікі. Плануецца ўдзел больш за 3 тысячы вайскоўцаў і 185 адзінак тэхнікі. Над сталіцай праляцяць 42 паветраныя судны", - распавялі ў мэрыі.

Трансляцыя парада пачнецца ў 10:50.

Музыка ў парках

У шэрагу сталічных паркаў - Чалюскінцаў, Горкага, Уга Чавеса, Паўлава, а таксама каля Чыжоўка-Арэны - з поўдня будуць гучаць папулярныя творы савецкіх і беларускіх кампазітараў аб Вялікай Айчыннай вайне.

Музыка ў парках будзе гучаць да 23:30, выключэнне - парк Горкага, дзе скончыцца ўсё ў 16:00.

Акцыя ў музеі

З поўдня да васьмі гадзін вечара можна будзе па ільготным тарыфе наведаць музей гісторыі Вялікай Айчыннай вайны. Там можна будзе дакрануцца да Сцяга Перамогі, які пабыў у Мінску 75 гадоў таму.

Ускладанне кветак

З гадзіны дня да манумента Перамогі пачнуць урачыста ўскладаць кветкі.

"Ушанаваць памяць загінулых у гады Вялікай Айчыннай вайны прыйдуць афіцыйныя дэлегацыі дзяржаўных органаў, працоўных калектываў сталічных прадпрыемстваў, прадстаўнікоў грамадскіх і прафсаюзных арганізацый, адміністрацый раёнаў, духавенства, дэпутаты, моладзь. Мерапрыемства будзе доўжыцца да 16.30", - сказалі ў Мінгарвыканкаме.

Канцэрт і салют

А палове на дзясятую вечара на плошчы Перамогі стартуе канцэрт "На славу агульнай Перамогі". Сярод выступоўцаў - "Песняры", "Купалінка", "Спадчына", салісты Вялікага тэатра і беларускія поп-выканаўцы - напрыклад, Аляксандр Саладуха.

Пры жаданні паслухаць канцэрт зусім не абавязкова выходзіць у горад - трансляцыю пакажуць па тэлебачанні.

Завершыцца Дзень Перамогі феерверкам у 23:15. Дадзены салют будзе з васьмі кропак, а назіраць за ім можна будзе і з вокнаў.

13
Тэги:
Дзень Перамогі, Мінск
Тэмы:
Дзень Перамогі - 2020
Мабільны тэлефон у руках, архіўнае фота

Ці можна фатаграфаваць бюлетэнь? Што сказана ў метадычцы ад ЦВК

0
(абноўлена 16:29 07.08.2020)
На думку Цэнтрвыбаркама, волевыяўленне чалавека да моманту падліку галасоў павінна заставацца таямніцай.

МІНСК, 9 жні - Sputnik. Цэнтрвыбаркам Беларусі ў сваіх метадычных рэкамендацыях разабраў сітуацыю, у якой выбаршчык хоча зрабіць фатаграфію на ўчастку.

Прэзідэнцкія выбары – 2020 у Беларусі: каляндар выбарчай кампаніі | Інфаграфіка sputnik.by
© Sputnik Беларусь / Інфаграфіка

Участковыя камісіі дзейнічаюць на выбарах у адпаведнасці з метадычнымі рэкамендацыямі ЦВК: у іх прыводзіцца тое, як павінны працаваць члены камісій, што павінна быць на участках, а таксама разбіраюцца магчымыя спрэчныя сітуацыі.

Адзін з разбораў магчымых сітуацый тычыцца фатаграфавання на ўчастку. Паводле легенды, мужчына прыходзіць галасаваць з сям'ёй і хоча зрабіць калектыўнае фота на фоне кабінкі на памяць.

"Выбарчае заканадаўства не рэгулюе дадзеныя пытанні. Разам з тым, улічваючы жаданне пакінуць памяць аб удзеле ў выбарах у выглядзе фатаграфіі захапленне шырокага кола грамадзян сэлф-фатаграфіяй, старшыні камісіі не варта забараняць зрабіць пару фатаграфій", - гаворыцца ў метадычных рэкамендацыях ЦВК.

Аднак у рэкамендацыях таксама паказана, што "выбаршчыку трэба ўстрымацца ад фатаграфавання свайго запоўненага бюлетэня, так як яго волевыяўленне да моманту падліку галасоў павінна заставацца таямніцай".
"Акрамя таго, нельга фатаграфаваць спісы выбаршчыкаў, іншых удзельнікаў выбарчага працэсу без іх згоды", - гаворыцца ў дакуменце.

Фатаграфаваць запоўнены бюлетэнь грамадзян заклікаюць стваральнікі платформы "Голас", на якой ужо зарэгістравана больш за 700 тысяч чалавек. Прыхільнікі ініцыятывы паказваюць, што Выбарчым кодэксам фатаграфаванне бюлетэня не забаронена і, калі здымак не будзе апублікаваны да закрыцця участкаў, гэта не будзе лічыцца парушэннем і незаконнай агітацыяй.

0
Тэги:
ЦВК Рэспублікі Беларусь, Выбары, Беларусь
Тэмы:
Выбары прэзідэнта Беларусі - 2020