Барыс Грабеншчыкоў

"Аквариум" наведае Мінск з вялікім юбілейным канцэртам

40
(абноўлена 15:52 27.06.2017)
Прыхільнікам творчасці гурта Барыс Грабеншчыкоў абяцае выкананне песень розных перыядаў і сюрпрызы.

МІНСК, 27 чэр — Sputnik. Вялікі юбілейны канцэрт "Аквариума" адбудзецца 30 ліпеня ў сталічным Prime Hall, распавялі арганізатары канцэрту.

Легендарнаму расійскаму рок-гурту "Аквариум" сёлета спаўняецца 45 гадоў. З гэтай нагоды калектыў адправіўся ў вялікі юбілейны тур, у межах якога завітае і ў беларускую сталіцу.

"Бываюць страшныя і хворыя песні, якія спяваць эмацыйна цяжка — але, можа быць, менавіта таму яны і важныя. За 45 гадоў я не напісаў ні адной песні, якая стала б мне чужой", — падзяліўся лідар калектыву Барыс Грабеншчыкоў.

На канцэрце ў Мінску 30 ліпеня прыхільнікі пачуюць асаблівую праграму "Акварыума", якая прадэманструе працэс эвалюцыі творчасці калектыву на працягу 45 гадоў.

На творчасці Барыса Грабеншчыкова вырасла некалькі пакаленняў. Ён напісаў больш за 700 песень, запісаў з рознымі музыкамі 43 канцэптуальных альбома і каля ста зборнікаў, змог злучыць Усход з Захадам і ўзбагаціць рускую песенную традыцыю сусветнай музычнай спадчынай.

Концерт Бориса Гребенщикова
© Sputnik / Евгения Новоженина
Выступленне Барыса Грабеншчыкова

"Піцерскі гурт "Акварыум" і яго харызматычны лідэр — аўтар песень, паэт і спявак Барыс Грабеншчыкоў займаюць у гісторыі айчыннага року асаблівае месца — іх творчасць, пачынаючы з першай паловы 80-х, аказала вялікі ўплыў на свядомасць трох пакаленняў слухачоў; яно дапамагло ўзбагаціць вельмі бедную датуль мову айчыннага рок-руху разнастайнымі дасягненнямі сусветнай культуры, што спарадзіла новы мастацкі феномен і прыцягнула да рок-н-ролу ўвагу мільёнаў слухачоў як на тэрыторыі тагачаснага СССР, так і за яго межамі", — піша пра іх гісторык рускага року, энцыклапедыст і музычны крытык Андрэй Бурлака.

З 1972 года, калі студэнт-матэматык Барыс Грабеншчыкоў і студэнт-медык Анатоль Гуніцкій прыдумалі "Акварыум", гурт выступіў з канцэртамі ў Беларусі дзесяткі разоў, прыцягваючы новыя пакаленні слухачоў інтэлегентнасцю і вольнасцю думкі ў творчасці.

Так, у 2015 годзе лідэр "Аквариума" напярэдадні мінскага канцэрта правёў нефармальную сустрэчу са студэнтамі на гістарычным факультэце БДУ і сыграў міні-канцэрт у адным са сталічных пераходаў.

Нават на вялікіх аншлагавых канцэртах легендарнага гурта абстаноўка застаецца сяброўскай і цёплай.

Юбілейны мінскі канцэрт гурта "Аквариум" адбудзецца 30 ліпеня ў сталічным Prime Hall, пачатак а 19-й гадзіне, кошт квіткоў — ад 80 рублёў.

40
Тэги:
Канцэрт, Аквариум, Prime-Hall, Барыс Грабеншчыкоў, Мінск
Марат Башараў у спектаклі Граф Люксембург

Марат Башараў стане салістам мінскай Музкамедыі

24
(абноўлена 16:19 15.06.2021)
Заслужаны артыст Татарстана, лаўрэат дзяржаўнай прэміі Расіі Марат Башараў выйдзе на сцэну Беларускага дзяржаўнага акадэмічнага музычнага тэатра ў ролі Князя Базінэлі ў аперэце Ферэнца Легара "Граф Люксембург".

Вядомы акцёр і тэлевядучы стане салістам мінскага тэатра. Праўда, толькі на два дні. На сцэну Музкамедыі ён выйдзе 22 чэрвеня і 11 ліпеня. У гэтым годзе Беларускі дзяржаўны акадэмічны музычны тэатр адзначае 50-годдзе. Удзел медыйнай персоны ў аперэце "Граф Люксембург" - своеасаблівы падарунак верным прыхільнікам гэтай культурнай установы. Дарэчы, за паўстагоддзя на гэтай сцэне было пастаўлена больш за 300 разнажанравых спектакляў.

Марат Башаров в спектакле Граф Люксембург
© Photo : БГАМТ
Марат Башараў у ролі Князя Базінэлі ў аперэце Ферэнца Легара "Граф Люксембург".

Прэм'ера "Графа Люксембурга" там адбылася 25 сакавіка 2012 года. Хоць упершыню гэта аперэта была пастаўлена ў далекім 1909 у Вене. Новае тварэнне Ферэнца Легара мела вялікі поспех у сучаснікаў, не страціў сваёй актуальнасці твор і праз стагоддзе. Дзеянне ў аперэце адбываецца ў Парыжы. Менавіта ў сталіцы кахання і весялосці сустрэліся і пакахалі адзін аднаго збяднелы арыстакрат і таленавітая актрыса…

Дзе: Беларускі дзяржаўны акадэмічны музычны тэатр (г.Мінск, вул Мяснікова, 44).

Калі: 22 чэрвеня, 11 ліпеня.

Кошт квіткоў: ад 40 да 100 рублёў.

24
Тэги:
артыст, тэатр, Марат Башараў
Дзяржаўны літаратурна-мемарыяльны музей Якуба Коласа

Што яднае Якуба Коласа і Амар Хайяма?

41
(абноўлена 15:28 14.05.2021)
18 траўня ў Дзяржаўным літаратурна-мемарыяльны музеі Якуба Коласа адкрыецца часовая эксапзіцыя "Якуб Колас і Амар Хайям: жыццёвая мудрасць у паэтычным слове".

Арганізатарам экспазіцыі разам з музеем з’яўляецца Пасольства Ісламскай Рэспублікі Іран у Рэспубліцы Беларусь.  

У кожнага народа ёсць свае паэты-апосталы, прадказальнікі, вяшчальнікі. У Расіі - А.С. Пушкін, у Англіі - Джордж Гордан Байран, у Іране - Амар Хайям, у Беларусі - Якуб Колас і Янка Купала. Якуб Колас і Амар Хайям - моцныя дамінанты беларускай і іранскай культур. Іх працы - гэта своеасаблівы зборнік філасофскіх думак і падыходаў да рэальнасці, які можа стаць свайго роду інструкцыяй для будучых пакаленняў.

Як адзначылі ў музкі, паэзія Якуба Коласа і Амара Хайяма - кульмінацыя іх доўгага і цяжкага шляху да ісціны. І хоць яны жылі ў розны час, у розных краінах, належалі да розных рэлігій, але цэнтрам іх творчасці быў Чалавек-Сусвет. Яны стварылі энцыклапедыю жыцця, мудры кодэкс жыцця ў паэтычнай форме.

Сімвалічна, што ў асабістай бібліятэцы Якуба Коласа знаходзілася кніга Алішэра Наваі - паэта і мысляра, які ствараў свае літаратурныя творы на пэрсідзкай, цюркскай, узбекскай і уйгурскай мовах. Гэтая кніга была прывезена з Ташкента, дзе Якуб Колас разам з сям'ёй быў ў эвакуацыі (1941-1943 гг.). Верагодна, што імя Амара Хайяма было знаёма беларускаму класіку. Больш за тое, філасофскай лірыкай персідскага паэта і філосафа цікавіўся малодшы сын Якуба Коласа Міцкевіч Міхаіл Канстанцінавіч. Ён любіў чытаць Амара Хайяма і адну з кніг персідскага аўтара, перакладзеную на рускую мову, прывёз з Ташкента ў 1970-х гадах.

Дзе: Дзяржаўны літаратурна-мемарыяльны музей Якуба Коласа

Калі: 18 траўня

41
Тэги:
музей, Якуб Колас
Прэзідэнты Аляксандр Лукашэнка і Уладзімір Пуцін

Лукашэнка і Пуцін прымуць удзел у Форуме рэгіёнаў Беларусі і Расіі 1 ліпеня

4
(абноўлена 13:10 23.06.2021)
У рамках форуму будуць працаваць секцыі, пройдзе пасяджэнне маладзёжнага парламента і міжпарламенцкай камісіі, адзначыў віцэ-спікер Саўфеда.

МІНСК, 23 чэр – Sputnik. Аляксандр Лукашэнка і Уладзімір Пуцін прымуць удзел у Форуме рэгіёнаў Беларусі і Расіі 1 ліпеня ў рэжыме відэаканферэнцсувязі, паведаміў віцэ-спікер Савета Федэрацый Юрый Вераб'ёў на пленарным пасяджэнні.

"29 чэрвеня - 1 ліпеня ў РФ пройдзе міжрэгіянальны форум Расіі і Беларусі, ён пройдзе, на жаль, у рэжыме ВКС", - сказаў віцэ-спікер.

Ён адзначыў, што 1 ліпеня запланавана правядзенне пленарнага пасяджэння форуму, у якім плануецца ўдзел прэзідэнтаў дзвюх краін Уладзіміра Пуціна і Аляксандра Лукашэнкі.

У гэтым годзе мерапрыемства пройдзе ў Беларусі і ў Маскоўскай вобласці і будзе ўключаць у сябе працу пяці секцый, а таксама моладзевы форум дзвюх краін. Тэма форуму - "Навукова-тэхнічнае супрацоўніцтва Расіі і Беларусі ў эпоху цыфравізацыі".

У мінулым годзе Форум рэгіёнаў Беларусі і Расіі праходзіў у Мінску. Па яго выніках былі падпісаны кантракты на агульную суму больш за 700 мільёнаў долараў. Усяго па выніках форуму было падпісана больш за 70 розных пагадненняў аб супрацоўніцтве і кантрактаў.

Першае мерапрыемства такога фармату прайшло ў 2014 годзе ў Мінску. Акрамя беларускай сталіцы, дзе форум праходзіў некалькі разоў, мерапрыемства прымалі Сочы, Масква, Магілёў і Санкт-Пецярбург.

Чытайце таксама:

4
Тэги:
Форум рэгіёнаў Беларусі і Расіі, Расія, Беларусь, форум, Уладзімір Пуцін, Аляксандр Лукашэнка
Тэмы:
Саюзная дзяржава Беларусі і Расіі