Тыдзень фінскай кухні пройдзе ў Мінску 22-29 ліпеня
(абноўлена 16:45 20.07.2017)
Свята паўночнаеўрапейскай кулінарыі пройдзе ў шэрагу мінскіх кафэ і рэстаранаў.МІНСК, 20 ліп — Sputnik. Тыдзень фінскай кухні прымеркаваны да 100-годдзя незалежнасці Фінляндыі, распавялі ў адзяленні амбасады Фінляндыі ў Беларусі.
З нагоды юбілею падрыхтавана адмысловае меню "Фінляндыя 100", у якое ўвайшлі лепшыя стравы нацыянальнай кухні. Пры яго складанні ўлічвалася старажытная фінская культура ежы і пітва.
"Нягледзячы на прастату, фінская кухня — адна з самых яркіх і прыкметных гастраномій свету. У ёй спалучаюцца мясцовыя прадукты і кулінарныя традыцыі. Цікавая асаблівасць — спалучэнне рыбы і розных відаў мяса ў адной страве", — лічаць арганізатары тыдня фінскай кухні ў Мінску.
На працягу тыдня нацыянальнай кухні Фінляндыі жыхары беларускай сталіцы змогуць паспрабаваць стравы, адзін пералік якіх выклікае непадробную цікавасць і здаровы апетыт: марынаваная сёмга з бураком і гарэлкай; салата з лясных грыбоў з вэнджанай бульбай і мусам са смятаны і эстрагону; качыная грудка з маслам з чорнай парэчкі, печаным яблыкам і хваёвай шышкай; свініна на хлебнай ляпешцы.
Сапраўдным гурманам прапануюць агурэчнае марозіва з падліўкай са сметанковага хрэна з кропам; фінскі чарнічны пірог; салодкія блінцы; грыбны пірог з заварным крэмам; фінскую запяканку з рыбай і многае іншае.
Тэги:
Паглядзець на баі Першай сусветнай вайны запрашаюць у Дудуткі
(абноўлена 11:33 29.10.2020)
Аматары гістарычнай рэканструкцыі таксама змогуць убачыць зброю тых часоў. МІНСК, 29 кас – Sputnik. Рэканструкцыю штыкавага боя часоў Першай сусветнай вайны зладзяць у Дудутках у рамках праекта "Легендарныя эпохі", паведамілі арганізатары мерапрыемства.
Акрамя рэканструкцыі 31 кастрычніка гасцей чакае аповед пра падзеі Першай сусветнай вайны і выстава зброі тых часоў, праца інтэрактыўных і фота- зон.
"Праект "Легендарныя эпохі" закліканы ў інтэрактыўным фармаце распавесці пра самыя цікавыя эпохі, падзеі і людзей Беларусі. Кожныя выхадныя на тэрыторыі музейнага комплекса будзе праходзіць інтэрактыўная праграма, якая адлюстроўвае пэўны гістарычны перыяд або падзеі", - паведамілі арганізатары.
Праграмы ў межах праекта будуць праходзіць кожную суботу з 12:00 да 17:00.
7 лістапада тэмай мерапрыемства стане Другая Сусветная вайна, 14 лістапада – шатландскія найміты, 21 лістапада – эпоха вікінгаў, а 28 лістапада ў Дудутках пройдзе рыцарскі турнір сярэднявечча.
Чытайце таксама:
- Мельнікаў: Беларусь у Першай сусветнай, або Трагедыя выпаленай зямлі
- Брэсцкі гісторык: "Хачу рэканструяваць баі 22 чэрвеня ў родных мясцінах"
Тэги:
Тэатр HomoCosmos запрашае на восеньскія прэм’еры ўжо зараз
(абноўлена 14:46 15.05.2020)
Адзін з самых яркіх тэатральных праектаў сталіцы рыхтуе тры цікавыя пастаноўкі, сярод якіх спектакль па кнізе Святланы Алексіевіч.МІНСК, 15 мая - Sputnik. Незалежная тэатральная кампанія Homocosmos рыхтуецца прадставіць восенню адразу тры прэм’еры, якія прыйшлося адкласці з-за пандэміі каронавіруса.
Зараз тэатр збірае грошы на падрыхтоўку рэквізіта і рашэнне арганізацыйных момантаў праз творчую ініцыятыву #АртПроездной, што аб’ядноўвае творчыя калектывы, якія зараз маюць патрэбу ў падтрымцы.
HomoCosmos, знакаміты гледачам такімі пастаноўкамі як "Дора, ці Сэксуальныя неўрозы нашых бацькоў", "Убачыць ружовага слана", "Бог козыту", "Раскрыццё", не проста просіць грошы: яны прапануюць сваім наведвальнікам цікавую альтэрнатыву.
Сёння гледачы могуць набыць квіткі з адкрытай датай на спектаклі: такім чынам, калі адновіцца праца, яны змогуць абраць любую пастаноўку.
Патрапіць можна будзе не толькі на знаёмыя спектаклі, але і на запланаваныя на восень гэтага года прэм’еры - "Хлопчыкі" (па рамане "Цынкавыя хлопчыкі" Святланы Алексіевіч рэжысёра Алега Хрысталюбскага), "Нічога святога" рэжысёра Аляксандра Марчанкі і "Ясь і Малгося" рэжысёрак Кацярыны Аверкавай і Паліны Дабравольскай.
Чытайце таксама:
- Ружовы слон не для ўсіх: самы стылёвы спектакль сезона паказалі ў Мінску
- Шмат сэксу, яшчэ больш сэнсу: мінчанам паказалі гісторыю дзяўчынкі Доры
Тэги:
Самаізаляцыя па прыездзе ў Беларусь: прыбыўшы з якіх краін, трэба выконваць каранцін
(абноўлена 18:15 01.03.2021)
Пералік краін, па прыездзе з якіх у Беларусь неабходна знаходзіцца ў хатняй самаізаляцыі 10 дзён - у інфаграфіцы Sputnik.
©
Sputnik
Абноўлена: актуальна з 2 снежня 2020 года.
25 сакавіка Саўмін прыняў пастанову №171, паводле якой асобы, якія прыбылі з краін з зарэгістраванымі выпадкамі COVID-19, павінны знаходзіцца ў самаізаляцыі 14 каляндарных дзён (з кастрычніка - 10 дзён). Спіс перыядычна абнаўляецца: беларускае Міністэрства аховы здароўя альбо выключае пэўныя краіны з абмежавальнага спісу, альбо дадае іх зноў.
З 3 лістапада пачынае дзейнічаць новая рэдакцыя пераліку краін "чырвонай зоны", пад абмежаванні трапляюць прыбылі з 138 дзяржаў.
З 3 снежня ў пералік уключаны 8 краін:
- Аўстрыйская Рэспубліка
- Азербайджанская Рэспубліка
- Венгрыя
- Грэчаская Рэспубліка
- Грузія
- Рэспубліка Сербія
- Турэцкая Рэспубліка
У інфаграфіцы Sputnik - карта і спіс краін, па прыездзе з якіх у Беларусь неабходна знаходзіцца ў самаізаляцыі 10 дзён, а таксама краін, на якія прыбылі з якіх гэтыя абмежаванні не распаўсюджваюцца.
Тэги: