Спектакль Горад. Жаніцьба. Гогаль, архіўнае фота

Міжнародны форум тэатральнага мастацтва "ТэАрт" абвясціў праграму

131
(абноўлена 16:28 02.08.2017)
У гэтым годзе "ТэАрт" пакажа 19 пастановак разнастайных жанраў і формаў з 8 краін свету.

МІНСК, 1 жні — Sputnik. VII Міжнародны форум тэатральнага мастацтва "ТэАрт" пройдзе з 27 верасня па 16 кастрычніка ў Мінску, паведамілі Sputnik арганізатары.

У гэтым годзе "ТэАрт" пакажа 19 пастановак разнастайных жанраў і формаў з 8 краін свету: Беларусі, Латвіі, Францыі, Германіі, Італіі, Расіі, Славеніі і Кыргызстана. Фестываль складаецца з трох секцый: міжнароднай праграмы, праграмы "Belarus Open" і "Школы ТэАрта", якая ўключае ў сябе лекцыі, сустрэчы з рэжысёрамі, майстар-класы і іншыя адукацыйныя мерапрыемствы.

Міжнародная праграма

Адкрые фестываль у гэтым годзе камедыя без слоў "Жаніцьба" М. В. Гогаля ў пастаноўцы Сяргея Зямлянскага. Рэжысёр і харэограф, які прыязджаў на "ТэАрт" у 2014 годзе са спектаклем "Матчына поле", вядомы сваім унікальным тэатральным стылем пластычнай драмы, які спалучае ў сабе элементы драматычнага спектакля, танцавальнага тэатра і пантамімы. "Жаніцьба" — ужо другая праца рэжысёра ў Ліепайскім тэатры ў стылі wordless.

Зорны склад

Сапраўдным падарункам міжнароднай праграмы "ТэАрт" у гэтым годзе стане спектакль "Іваноў" маскоўскага Тэатра Нацый у рэжысуры Цімафея Кулябіна. Адзін з самых тонкіх і незвычайных рэжысёраў сучаснага расійскага тэатра пераасэнсоўвае першую чэхаўскую п'есу і інтэрпрэтуе яе на сучасны лад. У пастаноўцы Іваноў не дваранін, а звычайны офісны работнік, які пакутуе ад крызісу сярэдняга ўзросту. Сапраўды зорны акцёрскі склад пастаноўкі — Чулпан Хаматова, Віктар Вяржбіцкі, Ігар Гордзін, Лізавета Баярская і мастацкі кіраўнік Тэатра Нацый Яўген Міронаў у ролі Іванова — уразіць нават самую спрактыкаваную беларускую тэатральную публіку.

Тэатральная Беларусь

"Belarus Open" — гэта куратарская праграма тэатральнага крытыка Людмілы Грамыка, якая сабрала лепшыя беларускія тэатральныя пастаноўкі апошніх двух гадоў у адзін кейс. У гэтым годзе "Belarus Open" здзівіць гледачоў сваёй насычанасцю: за 4 дні будуць паказаны 11 пастановак з Мінска і рэгіёнаў Беларусі.

Адкрыўшыся камедыяй без слоў, форум "ТэАрт-2017", а разам з ім і беларуская праграма, зачыніцца іншай камедыяй без слоў — "Пансіён" BELVEDERE" — спектаклем з лірычнымі развагамі пра крохкасць і хуткаплыннасць жыцця, пастаўленым у Беларускім дзяржаўным тэатры лялек італьянскім акцёрам і рэжысёрам Матэа Сп'яцы.

131
Тэги:
ТеАрт, театр, Мінск, Беларусь
Рэканструкцыя Першай сусветнай вайны, архіўнае фота

Паглядзець на баі Першай сусветнай вайны запрашаюць у Дудуткі

14
(абноўлена 11:33 29.10.2020)
Аматары гістарычнай рэканструкцыі таксама змогуць убачыць зброю тых часоў.

МІНСК, 29 кас – Sputnik. Рэканструкцыю штыкавага боя часоў Першай сусветнай вайны зладзяць у Дудутках у рамках праекта "Легендарныя эпохі", паведамілі арганізатары мерапрыемства.

Акрамя рэканструкцыі 31 кастрычніка гасцей чакае аповед пра падзеі Першай сусветнай вайны і выстава зброі тых часоў, праца інтэрактыўных і фота- зон.

"Праект "Легендарныя эпохі" закліканы ў інтэрактыўным фармаце распавесці пра самыя цікавыя эпохі, падзеі і людзей Беларусі. Кожныя выхадныя на тэрыторыі музейнага комплекса будзе праходзіць інтэрактыўная праграма, якая адлюстроўвае пэўны гістарычны перыяд або падзеі", - паведамілі арганізатары.

Праграмы ў межах праекта будуць праходзіць кожную суботу з 12:00 да 17:00.

7 лістапада тэмай мерапрыемства стане Другая Сусветная вайна, 14 лістапада – шатландскія найміты, 21 лістапада – эпоха вікінгаў, а 28 лістапада ў Дудутках пройдзе рыцарскі турнір сярэднявечча.

Чытайце таксама:

14
Тэги:
Музейны комплекс "Дудуткі", Першая сусветная вайна
Спектакль Убачыць ружовага слана

Тэатр HomoCosmos запрашае на восеньскія прэм’еры ўжо зараз

50
(абноўлена 14:46 15.05.2020)
Адзін з самых яркіх тэатральных праектаў сталіцы рыхтуе тры цікавыя пастаноўкі, сярод якіх спектакль па кнізе Святланы Алексіевіч.

МІНСК, 15 мая - Sputnik. Незалежная тэатральная кампанія Homocosmos рыхтуецца прадставіць восенню адразу тры прэм’еры, якія прыйшлося адкласці з-за пандэміі каронавіруса.

Зараз тэатр збірае грошы на падрыхтоўку рэквізіта і рашэнне арганізацыйных момантаў праз творчую ініцыятыву #АртПроездной, што аб’ядноўвае творчыя калектывы, якія зараз маюць патрэбу ў падтрымцы.

HomoCosmos, знакаміты гледачам такімі пастаноўкамі як "Дора, ці Сэксуальныя неўрозы нашых бацькоў", "Убачыць ружовага слана", "Бог козыту", "Раскрыццё", не проста просіць грошы: яны прапануюць сваім наведвальнікам цікавую альтэрнатыву.

Сёння гледачы могуць набыць квіткі з адкрытай датай на спектаклі: такім чынам, калі адновіцца праца, яны змогуць абраць любую пастаноўку.

Патрапіць можна будзе не толькі на знаёмыя спектаклі, але і на запланаваныя на восень гэтага года прэм’еры - "Хлопчыкі" (па рамане "Цынкавыя хлопчыкі" Святланы Алексіевіч рэжысёра Алега Хрысталюбскага), "Нічога святога" рэжысёра Аляксандра Марчанкі і "Ясь і Малгося" рэжысёрак Кацярыны Аверкавай і Паліны Дабравольскай.

Чытайце таксама:

50
Тэги:
Мінск, Тэатр
Здымак планеты Зямля з космасу, архіўны фотаздымак

Два ўсплёскі магнітнай буры зафіксавалі навукоўцы

0
(абноўлена 17:57 03.03.2021)
Папярэдняя магнітная бура была зафіксавана 1 сакавiка i была сярэдняга (умеранага) ўзроўню.

МІНСК, 3 сак – Sputnik. Адразу два ўсплёскі магнітнай буры адбыліся на працягу мінулай ночы, паведамляе сайт Лабараторыі рэнтгенаўскай астраноміі Сонца Фізічнага інстытута акадэміі навук.

Па дадзеных навукоўцаў, слабыя магнітныя буры адбыліся да паўночы і ў раёне з 3 да 6-й раніцы. Да гэтага яны лічылі, што ў другой палове ночы ніякіх бур быць не павінна, а магнітасфэра Зямлі павінна была быць спакойнай.

Папярэдняя магнітная бура была зафіксавана 1 сакавiка i была сярэдняга (умеранага) ўзроўню.

Усяго ў класіфікацыі магнітных бур пяць узроўняў - ад G1 да G5. Лічыцца, што слабая бура можа справакаваць нязначныя збоі ў працы энергасістэм, а таксама паўплываць на шляхі міграцый птушак і жывёл.

Больш моцныя буры выклікаюць парушэнні караткахвалевай сувязі і работы навігацыйных сістэм, а таксама збоі напружання ў прамысловых сетках.

0
Тэги:
магнітная бура, Навукоўцы