Лідскі байк-фестываль-2016

Brutto, TT-34, "Крамбамбуля" выступяць на Лідскім байк-фестывалі

44
(абноўлена 18:55 02.08.2017)
На традыцыйным Міжнародным лідскім байк-фестывалі гледачоў чакаюць конкурсы, фаер-шоу, лазарнае шоу, вялікая канцэртная праграма на дзвюх сцэнах.

МІНСК, 2 жні — Sputnik. XI Міжнародны лідскі байк-фестываль пройдзе ў а.л. "Бярозка" ў вёсцы Белагруда (Лідскі раён) 25-27 жніўня. Сёлета ў праграме фестывалю чакаецца шэраг новаўвядзенняў, распавялі арганізатары фестывалю.

Лайн-ап Лідскага байк-фэста сёлета не саступае юбілейнаму леташняму фестывалю. Так, у праграме заяўлены "Бригадный подряд", "Дай дарогу!", "Крамбамбуля", Все_Crazy, Brutto, TT-34, FolCore і шэраг іншых калектываў.

"Сёлета на фестывалі будуць працаваць дзве сцэны, на другой мы правядзем шэраг конкурсаў, таксама там будуць выступаць музыкі, якіх проста фізічна нельга ўціснуць у межы галоўнай праз насычаны лайн-ап", — распавёў арганізатар фестывалю Аляксандр Лычкоўскі.

Ён таксама адзначыў, што сёлета пляцоўка фестывалю будзе засеяна травой, і клубы пылу не будуць дакучаць наведвальнікам, як у мінулыя гады. Таксама будзе пашырана колькасць фудкортаў (некалькі кропак будуць усталяваны нават у намётавым гарадку), умывальнікаў і біапрыбіральняў.

Пір пасля бітвы: Кукрыниксы выступілі ў Дудутках
© Sputnik Юлія Хвочш / Аляксандр Шурмелёў

"Сёлета другая сцэна будзе перабудавана, павялічана ў памерах, там будзе ўсталяваны добры апарат", — распавялі арганізатары.

Госці фестывалю змогуць пракаціцца на верталёце і павертаным шары і ўзяць удзел у традыцыйных для фестывалю мерапрыемствах — розыгрышу матацыклу з гадавым запасам тушонкі і дабрачынным аукцыёне ў дапамогу Лідскаму сацыяльнаму прытулку. У другі фестывальны дзень адбудзецца вялікі мота-парад па горадзе Ліда.

На тэрыторыі фестывалю кругласутачна будзе працаваць ахоўная стаянка для матацыклаў.

З падрабязнай праграмай XI Лідскага байк-фестывалю можна пазнаёміцца па спасылцы.  

ХІ Міжнародны лідскі байк-фестываль пройдзе 25-27 жніўня ў 15 км ад Ліды (в. Белагруда); кошт квіткоў — 30 рублёў; дзецям да 14 гадоў, дзяўчынам-кіроўцам з правамі катэгорыі А ці А1, а таксама ўдзельнікам ВАВ, інвалідам І-ІІ груп — уваход вольны. 

Глядзіце таксама фота з Лідскага байк-фестывалю-2015 — >>

Глядзіце таксама відэа з Лідскага юбілейнага байк-фестывалю-2016 — >>

44
Тэги:
Лідскі байк-фестываль, Крамбамбуля (гурт), BRUTTO, Лідскі раён
Тэмы:
Лідскі міжнародны байк-фестываль - 2017 (7)
Спектакль Убачыць ружовага слана

Тэатр HomoCosmos запрашае на восеньскія прэм’еры ўжо зараз

39
(абноўлена 14:46 15.05.2020)
Адзін з самых яркіх тэатральных праектаў сталіцы рыхтуе тры цікавыя пастаноўкі, сярод якіх спектакль па кнізе Святланы Алексіевіч.

МІНСК, 15 мая - Sputnik. Незалежная тэатральная кампанія Homocosmos рыхтуецца прадставіць восенню адразу тры прэм’еры, якія прыйшлося адкласці з-за пандэміі каронавіруса.

Зараз тэатр збірае грошы на падрыхтоўку рэквізіта і рашэнне арганізацыйных момантаў праз творчую ініцыятыву #АртПроездной, што аб’ядноўвае творчыя калектывы, якія зараз маюць патрэбу ў падтрымцы.

HomoCosmos, знакаміты гледачам такімі пастаноўкамі як "Дора, ці Сэксуальныя неўрозы нашых бацькоў", "Убачыць ружовага слана", "Бог козыту", "Раскрыццё", не проста просіць грошы: яны прапануюць сваім наведвальнікам цікавую альтэрнатыву.

Сёння гледачы могуць набыць квіткі з адкрытай датай на спектаклі: такім чынам, калі адновіцца праца, яны змогуць абраць любую пастаноўку.

Патрапіць можна будзе не толькі на знаёмыя спектаклі, але і на запланаваныя на восень гэтага года прэм’еры - "Хлопчыкі" (па рамане "Цынкавыя хлопчыкі" Святланы Алексіевіч рэжысёра Алега Хрысталюбскага), "Нічога святога" рэжысёра Аляксандра Марчанкі і "Ясь і Малгося" рэжысёрак Кацярыны Аверкавай і Паліны Дабравольскай.

Чытайце таксама:

39
Тэги:
Мінск, Тэатр
Святочнае афармленне Мінска да Дня Перамогі

Стала вядома, якія мерапрыемствы пройдуць у Мінску ў Дзень Перамогі

11
(абноўлена 09:32 09.05.2020)
Асноўныя мерапрыемствы стартуюць а 11-й з ваеннага парада і завершацца ў 23:15 феерверкам, які будзе дадзены ў васьмі кропках.

Нягледзячы на пандэмію каронавіруса, у Мінску вырашылі не адмаўляцца ад мерапрыемстваў 9 мая. Зрэшты, традыцыйных масавых гулянняў у горадзе не плануецца: ва ўсякім выпадку, мэрыя нічога не кажа пра тое, ці будуць працаваць традыцыйныя кірмашы - напрыклад, каля Палаца Спорту.

Якія ж мерапрыемствы пройдуць у Мінску на Дзень Перамогі - 2020?

Ваенны парад

Парад стартуе ў 11:00 каля абеліска "Мінск - горад-герой".

"Галоўная яго асаблівасць у гэтым годзе - паказ толькі новых і мадэрнізаваных узораў ваеннай тэхнікі. Плануецца ўдзел больш за 3 тысячы вайскоўцаў і 185 адзінак тэхнікі. Над сталіцай праляцяць 42 паветраныя судны", - распавялі ў мэрыі.

Трансляцыя парада пачнецца ў 10:50.

Музыка ў парках

У шэрагу сталічных паркаў - Чалюскінцаў, Горкага, Уга Чавеса, Паўлава, а таксама каля Чыжоўка-Арэны - з поўдня будуць гучаць папулярныя творы савецкіх і беларускіх кампазітараў аб Вялікай Айчыннай вайне.

Музыка ў парках будзе гучаць да 23:30, выключэнне - парк Горкага, дзе скончыцца ўсё ў 16:00.

Акцыя ў музеі

З поўдня да васьмі гадзін вечара можна будзе па ільготным тарыфе наведаць музей гісторыі Вялікай Айчыннай вайны. Там можна будзе дакрануцца да Сцяга Перамогі, які пабыў у Мінску 75 гадоў таму.

Ускладанне кветак

З гадзіны дня да манумента Перамогі пачнуць урачыста ўскладаць кветкі.

"Ушанаваць памяць загінулых у гады Вялікай Айчыннай вайны прыйдуць афіцыйныя дэлегацыі дзяржаўных органаў, працоўных калектываў сталічных прадпрыемстваў, прадстаўнікоў грамадскіх і прафсаюзных арганізацый, адміністрацый раёнаў, духавенства, дэпутаты, моладзь. Мерапрыемства будзе доўжыцца да 16.30", - сказалі ў Мінгарвыканкаме.

Канцэрт і салют

А палове на дзясятую вечара на плошчы Перамогі стартуе канцэрт "На славу агульнай Перамогі". Сярод выступоўцаў - "Песняры", "Купалінка", "Спадчына", салісты Вялікага тэатра і беларускія поп-выканаўцы - напрыклад, Аляксандр Саладуха.

Пры жаданні паслухаць канцэрт зусім не абавязкова выходзіць у горад - трансляцыю пакажуць па тэлебачанні.

Завершыцца Дзень Перамогі феерверкам у 23:15. Дадзены салют будзе з васьмі кропак, а назіраць за ім можна будзе і з вокнаў.

11
Тэги:
Дзень Перамогі, Мінск
Тэмы:
Дзень Перамогі - 2020
Маланка ў небе, архіўнае фота

Штармпапярэджанне з-за навальніц і шквалістага ветру ў Беларусі зацягваецца

0
(абноўлена 17:27 03.06.2020)
У бліжэйшыя дні надвор'е будзе няўстойлівым: чакаюцца ападкі, месцамі - навальніцы і вецер, але тэмпература паветра ў дзённыя гадзіны будзе дасягаць +15 .. + 25°С.

МІНСК, 3 чэр - Sputnik. Штармпапярэджанне абвешчана з-за непагодлівага надвор'я ў Беларусі на вечар серады і чацвер, адпаведная інфармацыя размешчана на сайце рэспубліканскага гідраметцэнтра.

"Сёння, 3 чэрвеня, у перыяд з 15 да 21 гадзіны на большай частцы тэрыторыі чакаюцца навальніцы, пры навальніцах месцамі шквалістае ўзмацненне ветру парывамі да 15-20 метраў у секунду, у асобных раёнах град, моцныя ліўні", - папярэджвае Белгідрамет. Абвешчаны аранжавы ўзровень небяспекі.

Паводле інфармацыі сіноптыкаў, непагадзь у сераду чакаецца і ў сталіцы: можа прогреметь навальніца з моцнымі ліўнямі месцамі па горадзе і шквалістым узмацненнем ветру.

"Увага! 4 чэрвеня (у чацвер) у асобных раёнах рэспублікі чакаюцца навальніцы", - паведамілі сіноптыкі. У гэты дзень у сувязі з прагнозам на тэрыторыі краіны абвешчаны жоўты ўзровень небяспекі.

Па дадзеных Белгідрамета, у бліжэйшыя дні надвор'е будзе няўстойлівым: чакаюцца ападкі, месцамі - навальніцы і вецер, тэмпература паветра ў дзённыя гадзіны будзе дасягаць +15 .. + 25°С у залежнасці ад рэгіёна.

0
Тэги:
Беларусь, Надвор'е