Выхадныя ў Мінску

Выхадныя ў Мінску: што наведаць 5-6 жніўня

16
(абноўлена 15:48 07.08.2017)
"Цёмная вежа" супраць "Фатальнай спакусы", класіка ля Ратушы, ровары і не толькі - у афішы падзей Мінска на 5 і 6 жніўня.

Сіноптыкі абяцаюць нам цёплыя выхадныя — тэмпература паветра прагрэецца да 25 градусаў, хоць часам і магчымыя кароткачасовыя дажджы. Але галоўнае іншае: да канца лета застаецца ўсяго нічога, таму трэба паспець добра правесці гэтыя выходныя. Sputnik падрыхтаваў традыцыйную афішу самых цікавых падзей у Мінску на гэтыя дні, 5 і 6 жніўня.

Фестываль павольнай ежы

Філасофія павольнай ежы (slow food) прысвечана здароваму ладу жыцця і харчаванню выключна здаровай ежай і яе павольнага паглынання, поўнага адмовы ад фаст-фуда і іншых "хуткіх страў".

Пазнаёміцца з гэтай плынью і правесці дэгустацыю павольнай ежы вы зможаце 5 жніўня цалкам бясплатна. З 12:00 ва ўнутраным дворыку на вуліцы Чапаева, 3 пройдзе Slow Food Fest.

Свята карэйскай культуры

Днём у суботу ў гарадской ратушы ў Верхнім горадзе пройдзе чарговы нацыянальны свята — на гэты раз карэйскай культуры. Схадзіць на мерапрыемствы ў рамках фестывалю можна цалкам бясплатна.

Гледачам свята карэйскай культуры пакажуць баі на нажах, традыцыйную карэйскую кухню і яшчэ шмат цікавага. 

Класіка ля ратушы

Ужо пяты ў гэтым сезоне канцэрт з серыі "Класіка ля ратушы" будзе прысвечаны "Порам года" і знакамітаму цыклу твораў Антоніа Вівальдзі.

У канцэрце прымуць удзел музыканты з Беларусі, Італіі, Францыі, Нідэрландаў і Германіі. Цалкам бясплатна ў суботу можна будзе атрымаць асалоду не толькі ад надвор'я, але і класічнай музыкі. І абавязкова вазьміце з сабой дзяцей!

Вела-рух "Панаехалі"

Усе нядзелю ў культурнай прасторы "Корпус" будзе праходзіць свята для аматараў ровараў. Дапамагае ў арганізацыі гэтага мерапрыемства "Мінскае веласіпеднае таварыства".

У праграме мерапрыемстваў — веламайстэрні, барахолка, маркет, навучанне яздзе на ровары, апавяданні падарожнікаў, абмеркаванні. Вядома ж, будуць на свяце музыка, ежа і іншыя забавы. Уваход на фестываль бясплатны, час правядзення — з 13:00 і да 20:00.

Кіно: "Цёмная вежа" або "Фатальная спакуса"

Калі вы хочаце схадзіць у кінатэатр, то прапануем вам экранізацыю серыі раманаў Стывена Кінга "Цёмная вежа" або новы фільм Сафіі Копалы "Фатальная спакуса".

"Цёмная вежа" — фантастычны фільм аб барацьбе за захаванне свету і загадкавай вежы, якая аб'ядноўвае ўсе светы. Водгукі на "Цёмную вежу" неадназначныя, але калі вы — у ліку аматараў Стывена Кінга, паглядзець стужку варта.

"Фатальная спакуса" — больш вытанчанае відовішча, знятае дачкой легендарнага рэжысёра Фрэнсіса Форда Копалы Сафіяй. У цэнтры сюжэту фільма — салдат, які трапіў у ходзе грамадзянскай вайны ў ЗША ў пансіён для дзяўчат.

16
Тэги:
Афіша на выхадныя, Верхні горад, Мінск
Спектакль Убачыць ружовага слана

Тэатр HomoCosmos запрашае на восеньскія прэм’еры ўжо зараз

44
(абноўлена 14:46 15.05.2020)
Адзін з самых яркіх тэатральных праектаў сталіцы рыхтуе тры цікавыя пастаноўкі, сярод якіх спектакль па кнізе Святланы Алексіевіч.

МІНСК, 15 мая - Sputnik. Незалежная тэатральная кампанія Homocosmos рыхтуецца прадставіць восенню адразу тры прэм’еры, якія прыйшлося адкласці з-за пандэміі каронавіруса.

Зараз тэатр збірае грошы на падрыхтоўку рэквізіта і рашэнне арганізацыйных момантаў праз творчую ініцыятыву #АртПроездной, што аб’ядноўвае творчыя калектывы, якія зараз маюць патрэбу ў падтрымцы.

HomoCosmos, знакаміты гледачам такімі пастаноўкамі як "Дора, ці Сэксуальныя неўрозы нашых бацькоў", "Убачыць ружовага слана", "Бог козыту", "Раскрыццё", не проста просіць грошы: яны прапануюць сваім наведвальнікам цікавую альтэрнатыву.

Сёння гледачы могуць набыць квіткі з адкрытай датай на спектаклі: такім чынам, калі адновіцца праца, яны змогуць абраць любую пастаноўку.

Патрапіць можна будзе не толькі на знаёмыя спектаклі, але і на запланаваныя на восень гэтага года прэм’еры - "Хлопчыкі" (па рамане "Цынкавыя хлопчыкі" Святланы Алексіевіч рэжысёра Алега Хрысталюбскага), "Нічога святога" рэжысёра Аляксандра Марчанкі і "Ясь і Малгося" рэжысёрак Кацярыны Аверкавай і Паліны Дабравольскай.

Чытайце таксама:

44
Тэги:
Мінск, Тэатр
Святочнае афармленне Мінска да Дня Перамогі

Стала вядома, якія мерапрыемствы пройдуць у Мінску ў Дзень Перамогі

13
(абноўлена 09:32 09.05.2020)
Асноўныя мерапрыемствы стартуюць а 11-й з ваеннага парада і завершацца ў 23:15 феерверкам, які будзе дадзены ў васьмі кропках.

Нягледзячы на пандэмію каронавіруса, у Мінску вырашылі не адмаўляцца ад мерапрыемстваў 9 мая. Зрэшты, традыцыйных масавых гулянняў у горадзе не плануецца: ва ўсякім выпадку, мэрыя нічога не кажа пра тое, ці будуць працаваць традыцыйныя кірмашы - напрыклад, каля Палаца Спорту.

Якія ж мерапрыемствы пройдуць у Мінску на Дзень Перамогі - 2020?

Ваенны парад

Парад стартуе ў 11:00 каля абеліска "Мінск - горад-герой".

"Галоўная яго асаблівасць у гэтым годзе - паказ толькі новых і мадэрнізаваных узораў ваеннай тэхнікі. Плануецца ўдзел больш за 3 тысячы вайскоўцаў і 185 адзінак тэхнікі. Над сталіцай праляцяць 42 паветраныя судны", - распавялі ў мэрыі.

Трансляцыя парада пачнецца ў 10:50.

Музыка ў парках

У шэрагу сталічных паркаў - Чалюскінцаў, Горкага, Уга Чавеса, Паўлава, а таксама каля Чыжоўка-Арэны - з поўдня будуць гучаць папулярныя творы савецкіх і беларускіх кампазітараў аб Вялікай Айчыннай вайне.

Музыка ў парках будзе гучаць да 23:30, выключэнне - парк Горкага, дзе скончыцца ўсё ў 16:00.

Акцыя ў музеі

З поўдня да васьмі гадзін вечара можна будзе па ільготным тарыфе наведаць музей гісторыі Вялікай Айчыннай вайны. Там можна будзе дакрануцца да Сцяга Перамогі, які пабыў у Мінску 75 гадоў таму.

Ускладанне кветак

З гадзіны дня да манумента Перамогі пачнуць урачыста ўскладаць кветкі.

"Ушанаваць памяць загінулых у гады Вялікай Айчыннай вайны прыйдуць афіцыйныя дэлегацыі дзяржаўных органаў, працоўных калектываў сталічных прадпрыемстваў, прадстаўнікоў грамадскіх і прафсаюзных арганізацый, адміністрацый раёнаў, духавенства, дэпутаты, моладзь. Мерапрыемства будзе доўжыцца да 16.30", - сказалі ў Мінгарвыканкаме.

Канцэрт і салют

А палове на дзясятую вечара на плошчы Перамогі стартуе канцэрт "На славу агульнай Перамогі". Сярод выступоўцаў - "Песняры", "Купалінка", "Спадчына", салісты Вялікага тэатра і беларускія поп-выканаўцы - напрыклад, Аляксандр Саладуха.

Пры жаданні паслухаць канцэрт зусім не абавязкова выходзіць у горад - трансляцыю пакажуць па тэлебачанні.

Завершыцца Дзень Перамогі феерверкам у 23:15. Дадзены салют будзе з васьмі кропак, а назіраць за ім можна будзе і з вокнаў.

13
Тэги:
Дзень Перамогі, Мінск
Тэмы:
Дзень Перамогі - 2020
Мабільны тэлефон у руках, архіўнае фота

Ці можна фатаграфаваць бюлетэнь? Што сказана ў метадычцы ад ЦВК

0
(абноўлена 16:29 07.08.2020)
На думку Цэнтрвыбаркама, волевыяўленне чалавека да моманту падліку галасоў павінна заставацца таямніцай.

МІНСК, 9 жні - Sputnik. Цэнтрвыбаркам Беларусі ў сваіх метадычных рэкамендацыях разабраў сітуацыю, у якой выбаршчык хоча зрабіць фатаграфію на ўчастку.

Прэзідэнцкія выбары – 2020 у Беларусі: каляндар выбарчай кампаніі | Інфаграфіка sputnik.by
© Sputnik Беларусь / Інфаграфіка

Участковыя камісіі дзейнічаюць на выбарах у адпаведнасці з метадычнымі рэкамендацыямі ЦВК: у іх прыводзіцца тое, як павінны працаваць члены камісій, што павінна быць на участках, а таксама разбіраюцца магчымыя спрэчныя сітуацыі.

Адзін з разбораў магчымых сітуацый тычыцца фатаграфавання на ўчастку. Паводле легенды, мужчына прыходзіць галасаваць з сям'ёй і хоча зрабіць калектыўнае фота на фоне кабінкі на памяць.

"Выбарчае заканадаўства не рэгулюе дадзеныя пытанні. Разам з тым, улічваючы жаданне пакінуць памяць аб удзеле ў выбарах у выглядзе фатаграфіі захапленне шырокага кола грамадзян сэлф-фатаграфіяй, старшыні камісіі не варта забараняць зрабіць пару фатаграфій", - гаворыцца ў метадычных рэкамендацыях ЦВК.

Аднак у рэкамендацыях таксама паказана, што "выбаршчыку трэба ўстрымацца ад фатаграфавання свайго запоўненага бюлетэня, так як яго волевыяўленне да моманту падліку галасоў павінна заставацца таямніцай".
"Акрамя таго, нельга фатаграфаваць спісы выбаршчыкаў, іншых удзельнікаў выбарчага працэсу без іх згоды", - гаворыцца ў дакуменце.

Фатаграфаваць запоўнены бюлетэнь грамадзян заклікаюць стваральнікі платформы "Голас", на якой ужо зарэгістравана больш за 700 тысяч чалавек. Прыхільнікі ініцыятывы паказваюць, што Выбарчым кодэксам фатаграфаванне бюлетэня не забаронена і, калі здымак не будзе апублікаваны да закрыцця участкаў, гэта не будзе лічыцца парушэннем і незаконнай агітацыяй.

0
Тэги:
ЦВК Рэспублікі Беларусь, Выбары, Беларусь
Тэмы:
Выбары прэзідэнта Беларусі - 2020