Onuka

Хэдлайнерам "Камяніцы 2017" стане Onuka

111
(абноўлена 13:44 22.08.2017)
Усе грошы ад прададзеных на фестываль квіткоў пайдуць на рахункі музея для захавання ўнікальнай калекцыі беларускай драўлянай архітэктуры 18-20 стагоддзяў.

МІНСК, 22 жні — Sputnik. Фестываль нацыянальнай культуры "Камяніца" ў дзевяты раз пройдзе пад Мінскам, у музеі народнай архітэктуры і побыту 16 верасня.

Хэдлайнерам фестывалю сёлета будзе ўкраінскі гурт Onuka, які арганічна спалучае актуальную электроніку і традыцыйныя ўкраінскія інструменты. Кожны іх выступ — уражваючы спектакль з выбітным узаемадзеяннем музычных і візуальных элементаў.

Міжнародную хвалю папулярнасці Onuka прынёс выступ у якасці гасцей фінала "Еўрабачання 2017" у Кіеве, пасля чаго запісы гурта апынуліся ў хіт-парадах iTunes у Вялікабрытаніі, Германіі, Польшчы, Нідэрландах, Даніі, Швецыі, Бельгіі, Францыі, Швейцарыі і Аўстраліі.

"Яны перацягнулі на сябе коўдру знішчальным міксам традыцыйнага фолку, духавых і моцных тэхна-вайбаў. 12 балаў ад нас", — напісаў брытанскі New Musical Express пра іх выступ на "Еўрабачанні-2017".

Першы альбом гурта выйшаў у 2014 годзе і адразу апярэдзіў дыск "Океан Ельзи" у хіт-парадзе ўкраінскага iTunes. Другі міні-альбом "Vidlik", прысвечаны 30-годдзю Чарнобыльскай катастрофы, у 2016 годзе ўразіў усіх не менш за дэбют.

Фестываль адбудзецца на пляцоўцы Музею народнай архітэктуры і побыту ў вёсцы Азярцо (4 кіламетры за аўтарынкам "Малінаўка") 16-га верасня. Усе грошы ад прададзеных квіткоў пайдуць на рахункі музея для захавання ўнікальнай калекцыі беларускай драўлянай архітэктуры 18-20 стагоддзяў.

Першыя 500 квіткоў на фестываль каштуюць 5 рублёў 50 капеек. Набыць іх можна толькі ў офісе Музея народнай архітэктуры і побыту — Мінск, Кальварыйская д.17, п. 614. З 10:00 да 16:30, толькі з 22 да 25 жніўня.

Папярэднія кошты на астатнія квіткі: дарослы — 10 руб., студэнцкі — 7 руб., школьны — 5 руб. У дзень фестывалю: дарослы — 15 руб., студэнцкі — 8 руб., школьны — 5 рублёў. Для дзяцей дашкольнага ўзросту уваход вольны.

111
Тэги:
Onuka, Фолк-фэст "Камяніца", Беларускі дзяржаўны музей народнай архітэктуры і побыту, Беларусь
Тэмы:
Фестываль "Камяніца-2017" (6)
Рэканструкцыя Першай сусветнай вайны, архіўнае фота

Паглядзець на баі Першай сусветнай вайны запрашаюць у Дудуткі

12
(абноўлена 11:33 29.10.2020)
Аматары гістарычнай рэканструкцыі таксама змогуць убачыць зброю тых часоў.

МІНСК, 29 кас – Sputnik. Рэканструкцыю штыкавага боя часоў Першай сусветнай вайны зладзяць у Дудутках у рамках праекта "Легендарныя эпохі", паведамілі арганізатары мерапрыемства.

Акрамя рэканструкцыі 31 кастрычніка гасцей чакае аповед пра падзеі Першай сусветнай вайны і выстава зброі тых часоў, праца інтэрактыўных і фота- зон.

"Праект "Легендарныя эпохі" закліканы ў інтэрактыўным фармаце распавесці пра самыя цікавыя эпохі, падзеі і людзей Беларусі. Кожныя выхадныя на тэрыторыі музейнага комплекса будзе праходзіць інтэрактыўная праграма, якая адлюстроўвае пэўны гістарычны перыяд або падзеі", - паведамілі арганізатары.

Праграмы ў межах праекта будуць праходзіць кожную суботу з 12:00 да 17:00.

7 лістапада тэмай мерапрыемства стане Другая Сусветная вайна, 14 лістапада – шатландскія найміты, 21 лістапада – эпоха вікінгаў, а 28 лістапада ў Дудутках пройдзе рыцарскі турнір сярэднявечча.

Чытайце таксама:

12
Тэги:
Музейны комплекс "Дудуткі", Першая сусветная вайна
Спектакль Убачыць ружовага слана

Тэатр HomoCosmos запрашае на восеньскія прэм’еры ўжо зараз

49
(абноўлена 14:46 15.05.2020)
Адзін з самых яркіх тэатральных праектаў сталіцы рыхтуе тры цікавыя пастаноўкі, сярод якіх спектакль па кнізе Святланы Алексіевіч.

МІНСК, 15 мая - Sputnik. Незалежная тэатральная кампанія Homocosmos рыхтуецца прадставіць восенню адразу тры прэм’еры, якія прыйшлося адкласці з-за пандэміі каронавіруса.

Зараз тэатр збірае грошы на падрыхтоўку рэквізіта і рашэнне арганізацыйных момантаў праз творчую ініцыятыву #АртПроездной, што аб’ядноўвае творчыя калектывы, якія зараз маюць патрэбу ў падтрымцы.

HomoCosmos, знакаміты гледачам такімі пастаноўкамі як "Дора, ці Сэксуальныя неўрозы нашых бацькоў", "Убачыць ружовага слана", "Бог козыту", "Раскрыццё", не проста просіць грошы: яны прапануюць сваім наведвальнікам цікавую альтэрнатыву.

Сёння гледачы могуць набыць квіткі з адкрытай датай на спектаклі: такім чынам, калі адновіцца праца, яны змогуць абраць любую пастаноўку.

Патрапіць можна будзе не толькі на знаёмыя спектаклі, але і на запланаваныя на восень гэтага года прэм’еры - "Хлопчыкі" (па рамане "Цынкавыя хлопчыкі" Святланы Алексіевіч рэжысёра Алега Хрысталюбскага), "Нічога святога" рэжысёра Аляксандра Марчанкі і "Ясь і Малгося" рэжысёрак Кацярыны Аверкавай і Паліны Дабравольскай.

Чытайце таксама:

49
Тэги:
Мінск, Тэатр
Армейскія берцы, архіўны фотаздымак

Беларускую армію правераць на боегатоўнасць па загадзе міністра

2
(абноўлена 15:29 25.01.2021)
Узброеныя сілы Беларусі ў бліжэйшыя тыдні чакае маштабны экзамен на здольнасць дзейнічаць у любых умовах.

МІНСК, 25 сту – Sputnik. Раптоўная праверка баявой і мабілізацыйнай гатоўнасці абвешчана ў Беларусі, ваенным трэба будзе выконваць задачы, як днём, так і ноччу, паведаміла прэс-служба Міністэрства абароны.

Здзяйсняць маршы, пераадольваць перашкоды, майстраваць фартыфікацыйныя аб'екты. Вось далёка не ўвесь пералік задач, якія трэба будзе вырашаць падраздзяленням. Некаторыя воінскія часці ўжо атрымалі распараджэнне на прывядзенне ў вышэйшую ступень боегатоўнасці.

Паведамляецца, што для выканання загадаў, манеўрамі будуць ахоплены ўсе палігоны на тэрыторыі краіны. Адпрацоўваць дзеянні трэба будзе як на перасечанай мясцовасці, так і ў гарадскіх умовах. 120-й гвардзейскай механізаванай брыгадзе даручана даўкамплектаваць асабісты склад.

Пільную ўвагу нададуць не толькі стану тэхнікі і асабістага складу, але і дапаможным падраздзяленням забеспячэння і тылу. На завяршальнай фазе пройдуць кантрольныя заняткі і тактычныя вучэнні з баявой стральбой.

Праверка праводзіцца па распараджэнні міністра абароны. Кіраваць іспытам будзе начальнік Генеральнага штаба Узброеных сіл Беларусі. Выпрабаванні войскаў паслужаць павышэнню баявой вывучкі арміі.

Чытайце таксама:

2
Тэги:
Беларусь, армія, Міністэрства абароны РБ