Тэатр са спісу Forbes едзе з гастролямі ў Мінск
МІНСК, 25 жні — Sputnik. Магнітагорскі драматычны тэатр імя А.С. Пушкіна, які ўвайшоў у рэйтынг дзесяці самых цікавых тэатраў Расіі па версіі часопіса Forbes, выступіць у Мінску з 8 па 10 верасня.
Расійскія артысты вязуць у Беларусь тры спектаклі, якія пакажуць на сцэне Нацыянальнага акадэмічнага драматычнага тэатра імя Максіма Горкага.
Гледачы ўбачаць камедыю Лопе дэ Вега "Вынаходлівая закаханая", меладраму Івана Буніна "Цёмныя алеі" і драму Яўгена Грышкаўца "Зіма".
Калектыў тэатра — пастаянны ўдзельнік дзясятка расійскіх фестываляў. Ён прымаў удзел у тэатральных фестывалях Францыі, Фінляндыі, Чэхіі, Паўднёвай Карэі і нават Чылі. У 2008 годзе спектакль магнітагорцаў "Навальніца" ў пастаноўцы Льва Эрэнбурга стаў уладальнікам прэстыжнай у Расіі тэатральнай узнагароды — "Залатая Маска".
На магнітагорскай сцэне тры сезоны працавала французская актрыса Ан Сэльер.
Тэги:
Паглядзець на баі Першай сусветнай вайны запрашаюць у Дудуткі
(абноўлена 11:33 29.10.2020)
Аматары гістарычнай рэканструкцыі таксама змогуць убачыць зброю тых часоў. МІНСК, 29 кас – Sputnik. Рэканструкцыю штыкавага боя часоў Першай сусветнай вайны зладзяць у Дудутках у рамках праекта "Легендарныя эпохі", паведамілі арганізатары мерапрыемства.
Акрамя рэканструкцыі 31 кастрычніка гасцей чакае аповед пра падзеі Першай сусветнай вайны і выстава зброі тых часоў, праца інтэрактыўных і фота- зон.
"Праект "Легендарныя эпохі" закліканы ў інтэрактыўным фармаце распавесці пра самыя цікавыя эпохі, падзеі і людзей Беларусі. Кожныя выхадныя на тэрыторыі музейнага комплекса будзе праходзіць інтэрактыўная праграма, якая адлюстроўвае пэўны гістарычны перыяд або падзеі", - паведамілі арганізатары.
Праграмы ў межах праекта будуць праходзіць кожную суботу з 12:00 да 17:00.
7 лістапада тэмай мерапрыемства стане Другая Сусветная вайна, 14 лістапада – шатландскія найміты, 21 лістапада – эпоха вікінгаў, а 28 лістапада ў Дудутках пройдзе рыцарскі турнір сярэднявечча.
Чытайце таксама:
- Мельнікаў: Беларусь у Першай сусветнай, або Трагедыя выпаленай зямлі
- Брэсцкі гісторык: "Хачу рэканструяваць баі 22 чэрвеня ў родных мясцінах"
Тэги:
Тэатр HomoCosmos запрашае на восеньскія прэм’еры ўжо зараз
(абноўлена 14:46 15.05.2020)
Адзін з самых яркіх тэатральных праектаў сталіцы рыхтуе тры цікавыя пастаноўкі, сярод якіх спектакль па кнізе Святланы Алексіевіч.МІНСК, 15 мая - Sputnik. Незалежная тэатральная кампанія Homocosmos рыхтуецца прадставіць восенню адразу тры прэм’еры, якія прыйшлося адкласці з-за пандэміі каронавіруса.
Зараз тэатр збірае грошы на падрыхтоўку рэквізіта і рашэнне арганізацыйных момантаў праз творчую ініцыятыву #АртПроездной, што аб’ядноўвае творчыя калектывы, якія зараз маюць патрэбу ў падтрымцы.
HomoCosmos, знакаміты гледачам такімі пастаноўкамі як "Дора, ці Сэксуальныя неўрозы нашых бацькоў", "Убачыць ружовага слана", "Бог козыту", "Раскрыццё", не проста просіць грошы: яны прапануюць сваім наведвальнікам цікавую альтэрнатыву.
Сёння гледачы могуць набыць квіткі з адкрытай датай на спектаклі: такім чынам, калі адновіцца праца, яны змогуць абраць любую пастаноўку.
Патрапіць можна будзе не толькі на знаёмыя спектаклі, але і на запланаваныя на восень гэтага года прэм’еры - "Хлопчыкі" (па рамане "Цынкавыя хлопчыкі" Святланы Алексіевіч рэжысёра Алега Хрысталюбскага), "Нічога святога" рэжысёра Аляксандра Марчанкі і "Ясь і Малгося" рэжысёрак Кацярыны Аверкавай і Паліны Дабравольскай.
Чытайце таксама:
- Ружовы слон не для ўсіх: самы стылёвы спектакль сезона паказалі ў Мінску
- Шмат сэксу, яшчэ больш сэнсу: мінчанам паказалі гісторыю дзяўчынкі Доры
Тэги:
Два ўсплёскі магнітнай буры зафіксавалі навукоўцы
(абноўлена 17:57 03.03.2021)
Папярэдняя магнітная бура была зафіксавана 1 сакавiка i была сярэдняга (умеранага) ўзроўню. МІНСК, 3 сак – Sputnik. Адразу два ўсплёскі магнітнай буры адбыліся на працягу мінулай ночы, паведамляе сайт Лабараторыі рэнтгенаўскай астраноміі Сонца Фізічнага інстытута акадэміі навук.
Па дадзеных навукоўцаў, слабыя магнітныя буры адбыліся да паўночы і ў раёне з 3 да 6-й раніцы. Да гэтага яны лічылі, што ў другой палове ночы ніякіх бур быць не павінна, а магнітасфэра Зямлі павінна была быць спакойнай.
Папярэдняя магнітная бура была зафіксавана 1 сакавiка i была сярэдняга (умеранага) ўзроўню.
Усяго ў класіфікацыі магнітных бур пяць узроўняў - ад G1 да G5. Лічыцца, што слабая бура можа справакаваць нязначныя збоі ў працы энергасістэм, а таксама паўплываць на шляхі міграцый птушак і жывёл.
Больш моцныя буры выклікаюць парушэнні караткахвалевай сувязі і работы навігацыйных сістэм, а таксама збоі напружання ў прамысловых сетках.
Тэги: