Любчанскі замак

У Любчанскім замку адзначаць 405-годдзе друкарні

99
(абноўлена 09:09 30.08.2017)
Гарадскі пасёлак Любча ў Навагрудскім раёне 3 верасня возьме свята "Друкаванае слова ў Любчы", прысвечаны 500-годдзю беларускага кнігадрукавання і 405-годдзя мясцовай друкарні.

МІНСК, 29 жні — Sputnik. Тэатралізаваным гістарычным святам адзначаць 405-годдзе друкарні ў Любчы, паведамілі Sputnik у аддзеле ідэалагічнай работы, культуры і па справах моладзі Навагрудскага райвыканкама.

"Гарадскі пасёлак Любча ў Навагрудскім раёне 3 верасня возьме свята "Друкаванае слова ў Любчы", прысвечанае 500-годдзю беларускага кнігадрукавання і 405-годдзя мясцовай друкарні. У Любчанскім замку з гэтай нагоды будзе закладзена капсула з пасланнем", — распавялі ў райвыканкаме.

Адкрыецца мерапрыемства тэатралізаваным шэсцем гасцей і жыхароў Любчы ад замка да асноўнай сцэны. Запланаваны сустрэча з паэтамі, фэст літаратурных герояў, парад рэдкіх кніг, праца інтэрактыўнай бібліятэчнай пляцоўкі. Працягнецца свята канцэртам народнага ансамбля музыкі, песні і танца "Белыя Росы", выступленнямі аматарскіх калектываў.

Спецыялісты адзначаюць, што цяпер дакладна невядома, дзе канкрэтна ў Любчы знаходзілася друкарня. Аднак захавалася дакладная дата стварэння друкарні — 27 лютага 1612 года. Яе заснавальнік, друкар Пётр Бластус Кміта прыехаў у Любчу з Вільні, ратуючыся ад пераследу езуітаў.

У Мінску прэзентавалі копію варштата часоў Францыска Скарыны
© Sputnik Андросiк Станiслаў / Бардоўскi Арцём

Даследчыкі лічаць Любчанскую друкарню ўнікальнай з той нагоды, што ні адна пратэстанцкая друкарня ў ВКЛ не існавала гэтак працягла. Прадстаўнікі розных саслоўяў і веравызнанняў мелі магчымасць друкаваць у ёй свае творы. Прычым са сцен друкарні выпускаліся не толькі рэлігійныя кнігі, нямала было выдадзена медыцынскай, навуковай літаратуры, выдавалі навучальныя дапаможнікі і нават свецкія раманы.

"Усяго вядома пра трох друкароў ў Любчы, акрамя Пятра Кміты да выдавецкай дзейнасці далучыўся яго сын Ян Даніэль. Апошнім трэцім выдаўцом быў эмігрант з Польшчы Ян Ланге. Эпідэміі і войны сярэдзіны ХVІІ стагоддзя разбурылі Любчу. З тых часоў выданне кніг у ёй не аднаўлялася", — рэзюмавалі ў райвыканкаме.

99
Тэги:
друкарня, Любчанскі замак, Любча, Навагрудскі раён, Беларусь
Тэмы:
500-годдзе беларусскага кнігадрукавання (39)
По теме
500-годдзе беларусскага кнігадрукавання
Рэканструкцыя Першай сусветнай вайны, архіўнае фота

Паглядзець на баі Першай сусветнай вайны запрашаюць у Дудуткі

10
(абноўлена 11:33 29.10.2020)
Аматары гістарычнай рэканструкцыі таксама змогуць убачыць зброю тых часоў.

МІНСК, 29 кас – Sputnik. Рэканструкцыю штыкавага боя часоў Першай сусветнай вайны зладзяць у Дудутках у рамках праекта "Легендарныя эпохі", паведамілі арганізатары мерапрыемства.

Акрамя рэканструкцыі 31 кастрычніка гасцей чакае аповед пра падзеі Першай сусветнай вайны і выстава зброі тых часоў, праца інтэрактыўных і фота- зон.

"Праект "Легендарныя эпохі" закліканы ў інтэрактыўным фармаце распавесці пра самыя цікавыя эпохі, падзеі і людзей Беларусі. Кожныя выхадныя на тэрыторыі музейнага комплекса будзе праходзіць інтэрактыўная праграма, якая адлюстроўвае пэўны гістарычны перыяд або падзеі", - паведамілі арганізатары.

Праграмы ў межах праекта будуць праходзіць кожную суботу з 12:00 да 17:00.

7 лістапада тэмай мерапрыемства стане Другая Сусветная вайна, 14 лістапада – шатландскія найміты, 21 лістапада – эпоха вікінгаў, а 28 лістапада ў Дудутках пройдзе рыцарскі турнір сярэднявечча.

Чытайце таксама:

10
Тэги:
Музейны комплекс "Дудуткі", Першая сусветная вайна
Спектакль Убачыць ружовага слана

Тэатр HomoCosmos запрашае на восеньскія прэм’еры ўжо зараз

48
(абноўлена 14:46 15.05.2020)
Адзін з самых яркіх тэатральных праектаў сталіцы рыхтуе тры цікавыя пастаноўкі, сярод якіх спектакль па кнізе Святланы Алексіевіч.

МІНСК, 15 мая - Sputnik. Незалежная тэатральная кампанія Homocosmos рыхтуецца прадставіць восенню адразу тры прэм’еры, якія прыйшлося адкласці з-за пандэміі каронавіруса.

Зараз тэатр збірае грошы на падрыхтоўку рэквізіта і рашэнне арганізацыйных момантаў праз творчую ініцыятыву #АртПроездной, што аб’ядноўвае творчыя калектывы, якія зараз маюць патрэбу ў падтрымцы.

HomoCosmos, знакаміты гледачам такімі пастаноўкамі як "Дора, ці Сэксуальныя неўрозы нашых бацькоў", "Убачыць ружовага слана", "Бог козыту", "Раскрыццё", не проста просіць грошы: яны прапануюць сваім наведвальнікам цікавую альтэрнатыву.

Сёння гледачы могуць набыць квіткі з адкрытай датай на спектаклі: такім чынам, калі адновіцца праца, яны змогуць абраць любую пастаноўку.

Патрапіць можна будзе не толькі на знаёмыя спектаклі, але і на запланаваныя на восень гэтага года прэм’еры - "Хлопчыкі" (па рамане "Цынкавыя хлопчыкі" Святланы Алексіевіч рэжысёра Алега Хрысталюбскага), "Нічога святога" рэжысёра Аляксандра Марчанкі і "Ясь і Малгося" рэжысёрак Кацярыны Аверкавай і Паліны Дабравольскай.

Чытайце таксама:

48
Тэги:
Мінск, Тэатр
Гуканне вясны

Тэст: што азначаюць беларускія фразеалагізмы?

1143
(абноўлена 16:02 04.12.2020)
Прайдзіце тэст і даведайцеся, ці зможаце вы правільна падабраць аналаг беларускаму фразеалагізму ў рускай мове.

Фразеалагізмы, якія існуюць у розных мовах свету, часам вельмі падобныя і нават агульныя, калі яны, напрыклад, узятыя са Святога Пісання. Але ў кожнага народа ёсць свае, адметныя трапныя выразы, якія пазначаюць адное і тое ж паняцце, але з дапамогай розных лексічных сродкаў, іншага асацыятыўнага раду.

Прайдзіце тэст на Sputnik і паспрабуйце суаднесці беларускія фразеалагізмы з рускімі.

Вучыце мову разам з намі:

1143
Тэги:
тэст, Беларуская мова
Тэмы:
Вучым беларускую мову