Фестываль, архіўнае фота

Афіша на выхадныя: куды пайсці 2-3 верасня ў Мінску

20
(абноўлена 13:02 03.09.2017)
Завяршэнне фестывалю стрыт-арта, фільм з П'ерам Рышарам, свята Тбілісоба і іншыя падзеі першых восеньскіх выхадных.

Восень пачнецца для жыхароў Мінска вельмі актыўнымі выхаднымі — арганізатары запрашаюць на мноства цікавых мерапрыемстваў. Як не затужыць з-за надыходу восені і куды пайсці 2 і 3 верасня — у традыцыйным аглядзе Sputnik.

Тбілісоба

Хоць агульнанацыянальнае грузінскае свята Тбілісоба будуць святкаваць у кастрычніку, мінчане змогуць акунуцца ў каларыт гэтай выдатнай краіны ўжо ў суботу 2 верасня. Традыцыйнае гулянне ў Верхнім горадзе сталіцы сумясціць і вячэрнія мерапрыемствы, і начную праграму.

Акрамя фудкортаў і выступленняў грузінскіх артыстаў, вечарам каля Ратушы будуць граць дыджэі — Lashа Guruli, Nika Amirejibi, Kakhaber Tsiskaridze. Любіце вы такую музыку ці не, але гэтыя выхадныя могуць стаць апошнімі цёплымі, таму не прапусціце свята.

Unicon Convention & GameExpo

Фестываль фантастыкі, фэнтэзі, коміксаў і кампьютарных гульняў пройдзе ў Мінску ўжо ў шосты раз. Стартуе мерапрыемства ўжо ў пятніцу 1 верасня, а завершыцца ў нядзелю 3 верасня.

На працягу трох дзён наведвальнікі фэсту змогуць мець зносіны, займацца касплэем, абменьвацца рознымі рэчамі і знаёміцца з навінкамі любімых жанраў. Выступяць перад гасцямі Unicon у Мінску і вядомыя фэнтэзі-пісьменнікі: Аляксей Пехаў, Генры Лаён Олдзі і Вольга Грамыка.

Новы фільм з П'ерам Рышарам

Легендарны французскі акцёр вярнуўся — у фільме "Містэр Штайн ідзе ў анлайн". Сюжэт, хоць і просты, досыць цікавы: дзеці ўгаворваюць пажылога ўдаўца пазнаёміцца з светам анлайн-знаёмстваў. Зрэшты, герой Рышара ідзе на хітрасць — выкарыстоўвае чужыя фота і выдае сябе за больш маладога мужчыну.

Як выйдзе персанаж акцёра з гэтай нягеглай сітуацыі пасля таго, як у яго анлайн-выяву закахалася дзяўчына — глядзіце ў кіно.

Вечарына пад адкрытым небам

У трэці ўжо раз у Мінску пройдзе Jameson Block Party — спецыяльна для гэтага арганізатары недалёка ад праспекта Машэрава пабудуюць "тусовачную вуліцу" з ратушай і іншымі элементамі. Словам, будзе нешта незвычайнае.

Выступаць на вечарыне будуць індзі-гурт з Кіева Brunettes Shoot Blondes, расіяне On-the-Go і іншыя. Наведаць адно з самых цікавых мерапрыемстваў выхадных можна цалкам бясплатна, але па папярэдняй рэгістрацыі.

На новой улице J.Street в Минске к празднику Jameson Block Party устанавливают ратушу
© Photo : PR3
Макет Ратушы

Фестываль "Тата адпачывае"

У нядзелю ў мінскім парку Dreamland пройдзе чарговы фестываль "Тата адпачывае". На гэты раз галоўнай тэмай мерапрыемства будзе дзень нараджэння Віктара Цоя, якому не так даўно магло б споўніцца 55 гадоў.

Выступіць на фестывалі трыб'ют-гурт "Віктар", а песні спяваць яны будуць не толькі гурта "Кіно", але і хіты "Агаты Кристи", "Сплин", Nirvana і іншых рок-гуртоў. Мерапрыемства для тых, хто хоча крыху настальгіі.

Завяршэнне

Трэці па ліку фестываль стрыт-арта і сучаснай культуры ў апошнія дні аб'яднае музыку, эка-маркет, танцы і кірмашы. З поўдня суботы і да вечара нядзелі на вуліцы Кастрычніцкая ў Мінску будзе сапраўдны марафон свята.

На фоне новых муралаў на Кастрычніцкай выступяць цікавыя беларускія артысты — у тым ліку і адно з адкрыццяў апошніх гадоў, гурт Schuma. Дарэчы, наведаць свята Vulica Brasil можна цалкам бясплатна.

20
Тэги:
Schuma, Jameson Block Party, Unicon Convention & GameExpo, Тбилисоба, афиша на выходные, афиша, Vulica Brasil, Мінск, Беларусь
Дзяржаўны літаратурна-мемарыяльны музей Якуба Коласа

Што яднае Якуба Коласа і Амар Хайяма?

41
(абноўлена 15:28 14.05.2021)
18 траўня ў Дзяржаўным літаратурна-мемарыяльны музеі Якуба Коласа адкрыецца часовая эксапзіцыя "Якуб Колас і Амар Хайям: жыццёвая мудрасць у паэтычным слове".

Арганізатарам экспазіцыі разам з музеем з’яўляецца Пасольства Ісламскай Рэспублікі Іран у Рэспубліцы Беларусь.  

У кожнага народа ёсць свае паэты-апосталы, прадказальнікі, вяшчальнікі. У Расіі - А.С. Пушкін, у Англіі - Джордж Гордан Байран, у Іране - Амар Хайям, у Беларусі - Якуб Колас і Янка Купала. Якуб Колас і Амар Хайям - моцныя дамінанты беларускай і іранскай культур. Іх працы - гэта своеасаблівы зборнік філасофскіх думак і падыходаў да рэальнасці, які можа стаць свайго роду інструкцыяй для будучых пакаленняў.

Як адзначылі ў музкі, паэзія Якуба Коласа і Амара Хайяма - кульмінацыя іх доўгага і цяжкага шляху да ісціны. І хоць яны жылі ў розны час, у розных краінах, належалі да розных рэлігій, але цэнтрам іх творчасці быў Чалавек-Сусвет. Яны стварылі энцыклапедыю жыцця, мудры кодэкс жыцця ў паэтычнай форме.

Сімвалічна, што ў асабістай бібліятэцы Якуба Коласа знаходзілася кніга Алішэра Наваі - паэта і мысляра, які ствараў свае літаратурныя творы на пэрсідзкай, цюркскай, узбекскай і уйгурскай мовах. Гэтая кніга была прывезена з Ташкента, дзе Якуб Колас разам з сям'ёй быў ў эвакуацыі (1941-1943 гг.). Верагодна, што імя Амара Хайяма было знаёма беларускаму класіку. Больш за тое, філасофскай лірыкай персідскага паэта і філосафа цікавіўся малодшы сын Якуба Коласа Міцкевіч Міхаіл Канстанцінавіч. Ён любіў чытаць Амара Хайяма і адну з кніг персідскага аўтара, перакладзеную на рускую мову, прывёз з Ташкента ў 1970-х гадах.

Дзе: Дзяржаўны літаратурна-мемарыяльны музей Якуба Коласа

Калі: 18 траўня

41
Тэги:
музей, Якуб Колас
Фестываль кельцкай культуры Бельтайн

Дудары, файер-шоу і ірландскія танцы: свята "Бельтайн" адкрывае фестывальны сезон

38
(абноўлена 21:35 26.04.2021)
Феерычную змену цёмнай паловы года на светлую будуць адзначаць у Цэнтральным батанічным садзе па старажытнай кельцкай традыцыі

МІНСК, 27 кра – Sputnik. Урачыстае адкрыццё беларускага фестывальнага сезона – 2021 адбудзецца 1 траўня на тэрыторыі Цэнтральнага батанічнага сада, дзе пройдзе вясновае этнічнае свята "Бельтайн", прысвечанае культуры, музыцы і традыцыям кельтаў!

Для гасцей фестывалю арганізатары падрыхтавалі шматлікія інтэрактыўныя пляцоўкі і лакацыі. Прыхільнікаў кельцкай культуры чакаюць трукавыя паядынкі на халоднай і дрэўкавай зброі, гульні шатландскіх горцаў (кіданне бервяна, кіданне піўной бочкі, барацьба на руках), традыцыйныя абрады друідаў і варажба на рунах, а таксама знакамітыя ірландскія танцы.

На галоўнай пляцоўцы свята пройдзе традыцыйны выбар Майскай каралевы. Падчас фестывалю можна будзе таксама сустрэць і аднаго з самых таямнічых персанажаў кельцкага фальклору – містычнага "Зялёнага чалавека", а яшчэ завітаць на вялікі рынак рамеснікаў і адмысловы фудкорт з рознымі пачастункамі і гарачым глінтвейнам.

Жадаючыя змогуць паспрабаваць свае сілы ў лучным і арбалетным ціры, навучыцца сапраўднаму фехтаванню, спасцігнуць кельцкі дзэн у лакацыі баланс-бордаў, паўдзельнічаць у манетным атракцыёне і здабыць перамогу ў старажытных настольных гульнях. Тых жа, хто захоча на пэўны час стаць сярэднявечным рамеснікам, чакаюць шматлікія майстар-класы, сярод якіх традыцыйнае мылаварэнне і вытворчасць свечак, майстар-клас па чаканцы, ганчарны майстар-клас і інш. А вось дакрануцца да таямніцы друідаў дапаможа эка-квэст "Майскае дрэва".

Аматары этнічнай музыкі таксама атрымаюць задавальненне: гасцей фестываля чакае вялікі open-air канцэрт з выступленнямі вядомых калектываў, сярод якіх Всё_Crazy, PAWA, Cloverland, Няміга, Hard Wood, Без Панікі, KaS, студыя этнічнага танца і музыкі "Кетры" і інш. Аздобіць свята і непераўзыдзенае шоу дудароў.

На тэрыторыі фестывалю будуць працаваць і інтэрактыўныя фотазоны – "Шаманскі куток", "Дрэва жаданняў", "Фотозона з жывымі птушкамі", "Шацёр Чараўніцы".

А ўвечары на галоўнай пляцоўцы адбудзецца самая яскравая падзея свята – конкурс вогненных і піратэхнічных тэатраў, на які немагчыма глядзець без захаплення!

Дзе: Цэнтральны батанічны сад НАН Беларусі

Калі: 1 траўня, пачатак у 11:00

Кошт квітка: ад 6 да 12 руб.

38
Тэги:
Цэнтральны батанічны сад, Цэнтральны батанічны сад НАН Беларусі, Бельтайн, ірландскія танцы, вогненныя тэатры, дудары
Стадыён Уэмблі у Лондане

Фінал Еўра-2020 могуць перанесці з Лондана

6
(абноўлена 12:21 18.06.2021)
УЕФА можа перанесці фінальны паядынак, так як у Лондане дзейнічаюць жорсткія каранцінныя меры.

МІНСК, 18 чэр – Sputnik. Фінал чэмпіянату Еўропы па футболе могуць перанесці з Лондана ў Будапешт, паведамляе Times.

Фінал Еўра-2020 павінен прайсці ў Лондане на стадыёне "Уэмблі" 11 ліпеня.

Паводле інфармацыі крыніцы, калі афіцыйныя асобы УЕФА і ФІФА не будуць вызвалены ад неабходнасці праходзіць самаізаляцыю па прыбыцці, будзе разгледжаны варыянт з пераносам матча з Лондана ў Будапешт.

У сваю чаргу, брытанскі Кабмін абмяркоўвае магчымасць зрабіць выключэнне для 2,5 тысяч прадстаўнікоў УЕФА і ФІФА, палітыкаў, спонсараў і вяшчальнікаў і дазволіць ім не сыходзіць на ізаляцыю.

Афіцыйным асобам могуць дазволіць наведваць матчы плэй-оф Еўра на "Уэмблі", трэніроўкі каманд, сустракацца з членамі ўрада Вялікабрытаніі.

Стадыён "Уэмблі" умяшчае 90 000 гледачоў. На першых матчах кантынентальнага першынства ў Лондане ўстаноўлена абмежаванне ў 25% ад ёмістасці арэны - 22 500 чалавек. Плануецца, што гэтая колькасць будзе павялічана да плэй-оф.

Дарэчы, на матчах чэмпіянату Еўропы ў Венгрыі дазволена 100-працэнтная запаўняльнасць стадыёна.

У Лондане пройдуць яшчэ дзве сустрэчы групавога этапу з удзелам зборнай Англіі, два матчы 1/8 фіналу турніру, паўфінал і фінал.

Чытайце таксама:

6
Тэги:
УЕФА, Лондан, Еўра-2020, фінал