Спектакль Маленькі прынц

Фестываль тэатру, творчасці і чытанняў пройдзе ў Мінску 21-24 верасня

51
(абноўлена 14:13 18.09.2017)
Трэці фестываль "Казачны джэм" будзе разлічаны на дзяцей ва ўзросце ад палугода.

МІНСК, 16 вер — Sputnik. У гэтым годзе "Казачны джэм" праводзіцца на працягу чатырох дзён, адразу на некалькіх пляцоўках пройдуць тэатральныя паказы для самых маленькіх, чытанні, майстар-класы і працуюць творчыя майстэрні, распавялі ў Нацыянальным цэнтры сучасных мастацтваў.

У праграме — пастаноўкі, якія ўлічваюць асаблівасці развіцця дзяцей рознага ўзросту, знаёмства з сучаснымі беларускім і замежнымі аўтарамі, чытанне ўслых казак на рускай і беларускай мовах, жывая музыка, майстар-класы з магчымасцю зрабіць нешта сваімі рукамі.

"Мы хочам сабраць у адным месцы тэатральныя калектывы, асобных аўтараў, акцёраў, музыкаў, якія ў сваёй творчасці звяртаюцца да казак і прыдумляюць разнастайныя формы, каб казка заставалася жывой і чароўнай гісторыяй для гледача", — тлумачыць рэжысёр, кіраўнік асветніцкай установы "Арт-Кропка" Наталля Леванава.

Яна адзначыла, што калі раней бабулі і дзядулі з дапамогай казак перадавалі свой жыццёвы вопыт, то зараз гэтая традыцыя амаль страчана. "Хоць казкі па-ранейшаму застаюцца адлюстраваннем рэчаіснасці — мы ўсе часам і вожыкі ў тумане, і Алісы, і маленькія прынцы, і яшчэ шмат хто".

Прыкладны расклад мерапрыемстваў:

  • 21-23 верасня — тэатральныя паказы для самых маленькіх, чытанні, майстар-класы і творчыя майстэрні ў Нацыянальным цэнтры сучасных мастацтваў (НЦСМ, вул. Някрасава, 3);
  • 23 верасня — паказы шоу-квэста "Падарожжа ў Ізумрудны горад" у дзіцячым тэатры "Кропка" (пр-т Пераможцаў, 9);
  • 24 верасня — паказы спектакля-інсталяцыі "Лабірынт" польскага калектыву Art Fraction Foundation (для гледачоў ад 0 да 3 гадоў) у тэатры "Кропка";
  • 21-24 верасня — у НЦСІ пройдуць тэатральныя паказы, беларускія аўтары прэзентуюць свае новыя кнігі, акцёры і музыкі агучваюць казкі на плёнках у праекце "Дыястужка Live";
  • 24 верасня — казачны дзень у РНПЦ дзіцячай хірургіі арганізуюць клоуны Funny nouse.

Большасць удзельнікаў — камерныя тэатральныя калектывы з Мінска: бэбі-тэатр "Бусы", "Лямцавая батлейка", ParadoxPinoccio, тэатр лялек, святла і цені "Дом сонца", дзіцячы тэатр "Кропка".

З Брэста прыедзе калектыў "Наадварот", з Віцебска і Салігорска — "Цыбулькавы тэатр", "BabyBox" — госці з Тулы.

Упершыню ў фестывалі прымае ўдзел Нацыянальны акадэмічны тэатр імя Якуба Коласа з Віцебска — калектыў пакажа спектакль па гісторыям Сяргея Казлова пра Вожыка і Медзведзяня "Тр'ям! Вітаю!".

"Дзеці ўспрымаюць казку, як гісторыю. Дарослыя могуць праз персанажа аналізаваць жыццё. Але ў любым выпадку для іх гэта агульны свет, тое, з чаго не вырастаюць", — кажа Леванава.

Артысты падчас спектакляў знаходзяцца прама перад дзецьмі, яны могуць адказваць на пытанні, не руйнуючы атмасферу, рэагаваць на дзіця, бачыць яго вочы. Атрымліваецца жывы, адкрыты кантакт. Гэта новы вопыт для дзіцяці, а яго рэакцыя — часам адкрыццё для мамы і таты.

Кошт квіткоў: дзіцячы — 12 рублёў, дарослы — 7 рублёў; сямейны (тата, мама і дзіця) — 22 рублі; для брацікаў і сястрычак ва ўзросце да года ўваход вольны; шматдзетныя сем'і купляюць білет на двух дзяцей і неабходную колькасць для дарослых.

51
Тэги:
Дзеці, тэатр, Фестываль "Казачны джэм", Беларусь
Фестываль кельцкай культуры Бельтайн

Ірландскія танцы, вогнішча і абрады: што чакае гасцей свята "Бельтайн"

26
(абноўлена 16:55 27.03.2020)
Бельтайн – свята пачатку лета, якое па старажытнай кельцкай традыцыі адзначаецца на пачатку мая.

МІНСК, 27 сак - Sputnik. Вясновы фестываль "Белтайн" прысвечаны музуцы і традыцыям кельтаў пройдзе на тэрыторыі Цэнтральнага батанічнага сада 1-2 мая, паведамілі арганізатары мерапрыемства.

Гасцей фестываля чакаюць open-air канцэрт, інтэрактыўныя пляцоўкі, шматлікія фотазоны, конкурс вогненных тэатраў, ірландскія танцы, кантактны заапарк, выступ шатланскіх дудараў, вялікі рынак рамеснікаў і фудкорт.

На галоўнай пляцоўцы фестываля пройдзе традыцыйны для гэтага свята выбар Майскай каралевы, можна будзе таксама сустрэць і містычнага "Зялёнага чалавека".

На музычнай сцэне фестываля выступяць тэматычныя калектывы: Всё_Crazy, PAWA, Няміга, Hard Wood, Без Панікі, KaS, PyLai, студыя этнічнага танца і музыкі "Кетры"і многія іншыя.

Адным з галоўных рытуалаў свята Бельтайн было распальванне вялікіх вогнішчаў на вяршынях гор або размешчаных паблізу паселішча высокіх узгоркаў – на фестывалі гэтую традыцыю прадставяць маштабным вогненным шоу.

26
Тэги:
Цэнтральны батанічны сад НАН Беларусі, Мінск
Брытанскі спявак Крыс Норман

Голас некалькіх пакаленняў Крыс Норман прыедзе ў Мінск

13
(абноўлена 11:05 24.02.2020)
Група Smokie дасягнула піка папулярнасці ў 1978 годзе, але сам экс-вакаліст Норман працягвае збіраць залы.

Крыс Норман - былы вакаліст гурта Smokie - сустрэнецца з мінчанамі 20 красавіка ў Палацы рэспублікі.

Песні Smokie яшчэ ў 1970-х сталі папулярныя не толькі ў яго роднай Англіі, але ў ЗША і Еўропе.

Сам Норман прызнае, што свайму поспеху ён у вялікай ступені абавязаны бацьку. Калі вакалісту споўнілася 7 гадоў, тата падарыў яму першую гітару. У той перыяд у сэрцах і розумах падлеткаў гучаў рок-н-рол, і Крыс гэтак жа, як і многія, быў захоплены гэтым напрамкам, музыкай Элвіса Прэслі, Літл Рычарда і Лоні Донегана.

Пасля кар'еры ў Smokie вакаліст пачаў выступаць як сольны выканаўца. Першая ж сольная кампазіцыя Нормана Midnight Lady пабіла ўсе папярэднія дасягненні, шэсць тыдняў заставалася на першым месцы ў еўрапейскіх чартах. Зараз на рахунку Крыса Нормана больш за 20 сольных альбомаў.

Норман не старэе, ён крочыць у нагу з часам. Ён не толькі не перастае радаваць аматараў яго музыкі новымі кампазіцыямі, але і не забывае аб трэндах, актыўны ў сацыяльных сетках, дзе рэгулярна выкладвае фатаграфіі з выступленняў і дзеліцца навінамі з жыцця.

А галоўная навіна для беларускага слухача - мінскі канцэрт Нормана.

13
Тэги:
Беларусь, музыка
Пасол РФ у Беларусі Дзмітрый Мезенцаў

Пасол Расіі ў Беларусі: мы ўсе атрымалі ў спадчыну традыцыі адзінай айчыны

0
(абноўлена 09:19 03.04.2020)
На ўсёй постсавецкай прасторы Саюзная дзяржава - унікальны ўзор супрацоўніцтва, адзначае пасол Расіі ў Беларусі Дзмітрый Мезенцаў.
Посол России в Беларуси: у двух братских стран особые межрегиональные связи

Як нагадаў ён у каментары для радыё Sputnik, 2 красавіка прагучалі віншаванні ад імя Уладзіміра Пуціна і Аляксандра Лукашэнкі. Кіраўнікі дзяржаў падкрэслілі, што Дзень яднання народаў Расіі і Беларусі адзначаецца ўжо больш за 20 гадоў, а традыцыі нашых адносін налічваюць не адно стагоддзе.

"У кругавароце бягучых клопатаў, а зараз і новых задач, звязаных з процідзеяннем каронавірусу, якімі занятыя і ўрады, і рэгіянальныя ўлады, не заўсёды аддаем сабе справаздачу, што ж для нас, расіян, значыць Беларусь. Можа быць, і хто-небудзь з грамадзян Беларусі не заўсёды паспявае звярнуць увагу на тое, чым жыве братэрская суседняя краіна. Напэўна, святы для таго і існуюць, каб радавацца разам, думаць разам, разам аналізаваць сітуацыю і разам глядзець у будучыню", - адзначыў Мезенцаў.

Ён таксама нагадаў, што зусім нядаўна мы адзначалі 20-годдзе Саюзнага дагавору - з прававога пункту гледжання і па сутнасці сваёй сапраўды ўнікальнага. Бо на ўсёй постсавецкай прасторы няма дзвюх іншых такіх дзяржаў, грамадзяне якіх маюць такія свабоды і правы - выбіраць месца жыхарства, вучыцца, павышаць кваліфікацыю або працаваць там, дзе лічыш патрэбным.

"Мы маем асаблівыя міжрэгіянальныя сувязі. Гэта не толькі падпісаныя ў свой час пабрацімскія дагаворы паміж гарадамі. Гэта розныя фарматы рэальнага ўзаемадзеяння, перш за ўсё ў эканамічнай сферы, пастаўкі адзін аднаму камплектуючых і фарміраванне вытворчых ланцужкоў, якія даюць многім прадпрыемствам рэальны прыбытак. Даюць людзям магчымасць атрымліваць гарантаваную зарплату, станавіцца багацей", - падкрэсліў пасол Расіі.

Таксама Мезенцаў адзначае, што ў рамках Саюзнага дагавору сёння рэалізуюцца праграмы і ў прамысловасці, і ў будаўніцтве, і ў энергетыцы, і ў іншых сферах. Да прыкладу, у ходзе візіту гендырэктара "Роскосмоса" Дзмітрыя Рагозіна ў Беларусь абмяркоўвалася пытанне магчымага ўдзелу беларускіх будаўнікоў ва ўзвядзенні касмадрома "Усходні".

"Літаральна сёння я меў магчымасць з прэм'ер-міністрам Сяргеем Румасам размаўляць пра тое, як паспяхова і планава ідуць да фінішу працы на Беларускай атамнай электрастанцыі ў Астраўцы. Гэта ўнікальныя, але зусім канкрэтныя магчымасці нашага супрацоўніцтва. Акрамя таго, за апошнія 10 месяцаў у Беларусі пабывала восем дэлегацый на чале з губернатарамі расійскіх рэгіёнаў. Не было ніводнай сустрэчы, каб яна не сканчалася падпісаннем пагадненняў аб пастаўках канкрэтнай беларускай прадукцыі, кантрактаў па накіраванні ў гандлёвыя сеткі Расіі выдатнага беларускага харчавання", - адзначыў Мезенцаў.

Пасол Расіі заклікаў памятаць пра тое, што "мы ўсе атрымалі ў спадчыну традыцыі адзінай айчыны". І казаць пра гэта важна не толькі напярэдадні 9 Мая, калі мы будзем адзначаць 75-годдзе Вялікай Перамогі, але і пасля, калі ўрачыстасці застануцца ў гісторыі.

Поўны каментар пасла Расіі ў Беларусі Дзмітрыя Мезенцава з нагоды Дня Яднання народаў Беларусі і Расіі слухайце ў аўдыёзапісы на радыё Sputnik Беларусь.

0
Тэги:
Саюзная дзяржава, Расія, Беларусь, Дзмітрый Мезенцаў