Афіша на выхадныя: куды падацца 16 і 17 верасня ў Мінску і не толькі

© Sputnik / Антон КлимкоЗакрыццё мотасезону, архіўнае фота
Закрыццё мотасезону, архіўнае фота - Sputnik Беларусь
Падпісацца
Польская і габрэйская культура, байкеры, фестываль "Камяніца" з удзелам Onuka і іншыя цікавыя падзеі гэтых выхадных.

Мяркуючы па ўсім, лета больш не будзе. Ва ўсялякім выпадку, сіноптыкі даюць досыць песімістычныя прагнозы на выхадныя 16 і 17 верасня: дажджы, холад і месцамі моцныя парывы ветру. Але не раім вам чакаць першых цёплых дзён у наступным красавіку — праводзіць уікэнд актыўна трэба ў любое надвор'е.

Прадстаўляем вам традыцыйную афішу Sputnik самых цікавых падзей 16 і 17 верасня ў Мінску і не толькі.

Як прайшоў ХІ Міжнародны лідскі байк-фестываль - Sputnik Беларусь
Відэа
Як прайшоў ХІ Міжнародны лідскі байк-фестываль

H. O. G. Rally Minsk

Байкеры грандыёзна закрыюць чарговы мотасезон. І не толькі беларускія: для ўдзелу ў H. O. G. Rally Minsk у сталіцы на гэтых выхадных збяруцца госці з палутара дзясяткаў краін свету. Матацыклісты праедуць па цэнтры Мінска і зладзяць шэраг актыўнасцяў: канцэрты, магчымасць здаць практычны экзамен катэгорыі "А" і іншае.

Асноўны дзень мерапрыемстваў — субота, 16 верасня. Глядзець на парад байкераў, фатаграфавацца з матацыкламі і слухаць выступленне Прэзідэнцкага аркестра ў гэты дзень можна будзе цалкам бясплатна.

Дзень польскай культуры

У суботу на пляцоўцы ў Верхнім горадзе пройдзе ўжо ўпадабанае свята нацыянальных культур. 16 верасня ля Ратушы правядуць дзень польскай культуры, пасля якога тут жа адбудуцца танцы і канцэрт.

Падрабязнасці Дня польскай культуры ў Мінску арганізатары не паведамляюць, але традыцыйна ў гэты дзень можна будзе бясплатна пазнаёміцца з культурай, традыцыямі і кухняй суседняй краіны. 

Фестываль "Камяніца"

Непадалёк ад Мінска — у Музеі народнай архітэктуры і побыту ў пасёлку Азярцо — у суботу пройдзе чарговы фестываль "Камяніца", наведаць які каштуе танней, чым павячэраць у сталічным кафэ: усяго 10-15 рублёў.

У межах "Камяніцы" можна будзе паслухаць і аўтэнтычныя песні Палесся, якія выканаюць ансамблі адтуль, і выступы знакамітых артыстаў. Сярод выступоўцаў на фэсце — украінскі гурт Onuka, расіяне з Theodor Bastard і беларускі калектыў Shuma.

Свята яўрэйскай культуры

У нядзелю пройдзе яшчэ адно нацыянальнае свята — Дзень яўрэйскай культуры. Месца правядзення ўсё тое ж — Верхні горад. І па традыцыі наведаць яго можна будзе цалкам бясплатна.

З поўдня 17 верасня ля Ратушы можна будзе адчуць нацыянальны каларыт гэтага старажытнага народа — пры дапамозе майстар-класаў, выстаў, яўрэйскіх страў, танцаў і музыкі. Арганізатары абяцаюць, што весела тут будзе да самага вечара.

Самы скандальны фільм верасня

Новую стужку Дарэна Аранофскі "Мама!" ужо лічаць самай скандальнай карцінай нядаўняга Венецыянскага кінафестывалю: адны заяўлялі аб тым, што карціна — шэдэўр, іншыя ж асвісталі стужку і выйшлі з залы.

Драматычны трылер ад аўтара "Чорнага лебедзя" і "Лістапада" з Джэніфер Лоурэнс і Хауерам Бардэмам у галоўных ролях вызначана варты таго, каб яго паглядзець. Як мінімум для таго, каб быць у курсе, праз што паспрачалася журы аднаго з самых прэстыжных кінафестываляў свету.

Стужка навiн
0