Нацыянальны мастацкі музей Беларусі

Шэдэўры Нацыянальнага мастацкага музея Беларусі прадставяць у Кітаі

34
(абноўлена 09:39 13.10.2017)
Жывапісныя работы пэндзля беларускіх і рускіх мастакоў ХIХ–ХХI стагоддзяў будуць экспанавацца ў Пекіне.

МІНСК, 12 кас — Sputnik. У Нацыянальным мастацкім музеі Кітая 24 кастрычніка адбудзецца ўрачыстае адкрыццё дзвюх выстаў са збору Нацыянальнага мастацкага музея Беларусі, паведамілі Sputnik арганізатары.

"Выстава "Шэдэўры Нацыянальнага мастацкага музея Рэспублікі Беларусь", прысвечаная 25-годдзю з дня ўстанаўлення дыпламатычных адносін паміж Беларусью і Кітаем, і "Выстава беларускай скульптуры Сяргея Селіханава і Канстанціна Селіханава", — дадалі ў музеі.

Экспазіцыю выставы "Шэдэўры Нацыянальнага мастацкага музея Рэспублікі Беларусь" складуць 57 жывапісных работ з калекцыі беларускага мастацтва ХIХ-ХХI стагоддзяў і рускага мастацтва канца ХIХ — пачатку ХХ стагоддзя. Гэты сумесны выставачны праект закліканы пазнаёміць жыхароў і гасцей Пекіна з выдатнымі палотнамі знакамітых майстроў рускага і беларускага мастацтва. Трохчасткавая структура выставачнага праекта дасць магчымасць убачыць узаемасувязі рускага і беларускага мастацтва, паказаць асаблівасці развіцця беларускага мастацтва ў кантэксце традыцый і сучаснасці, з'явіцца прыкладам актыўнага творчага дыялогу майстроў розных пакаленняў, розных мастацкіх традыцый і стылявых інтарэсаў.

На экспазіцыі будуць прадстаўлены работы такіх знакамітых майстроў рускага мастацтва, як І. Рэпіна, І. Левітана, І. Шышкіна, І. Крамскога, В. Сярова, Б. Кустодзіева; творы класікаў беларускага мастацтва ХIХ-ХХ стагоддзяў — І. Хруцкага, В. Бялыніцкага-Бірулі, С. Жукоўскага, М. Савіцкага, Г. Вашчанкі, М. Данцыга, В. Грамыкі, П. Масленікава, А. Кішчанкі, У. Стэльмашонка; работы сучасных беларускіх мастакоў У. Тоўсціка, В. Сумарава, В. Шкарубы, С. Катковай, І. Бархаткова, В. Касцючэнкі.

"Прадстаўленыя ў экспазіцыі творы беларускіх жывапісцаў перадаюць непаўторны каларыт, духоўную змястоўнасць і эмацыянальнасць нашага выяўленчага мастацтва, паказваюць пераемнасць вялікіх традыцый і нацыянальную адметнасць культуры Беларусі. Гэта выстава стане важнай гістарычнай і культурнай падзеяй для ўсёй рэспублікі. Мастацкі праект пацвярджае, што нацыянальная школа жывапісу з'яўляецца поліфанічным феноменам, здольным інтэграваць любыя праявы творчай энергіі і нараджаць пры гэтым абсалютна новыя пластычныя ідэі", — упэўнены арганізатары выставачнага праекту.

Да выставы падрыхтаваны аднайменны альбом "Шэдэўры Нацыянальнага мастацкага музея Рэспублікі Беларусь".

У экспазіцыі "Выставы беларускай скульптуры Сяргея Селіханава і Канстанціна Селіханава" будзе прадстаўлена 115 твораў скульптуры і 16 твораў жывапісу і графікі Сяргея Селіханава і Канстанціна Селіханава са збору Нацыянальнага мастацкага музея Беларусі, Бялыніцкага раённага мастацкага музея імя В. К. Бялыніцкага-Бірулі, Беларускага дзяржаўнага архіва-музея літаратуры і мастацтва і калекцыі сям'і мастака Сяргея Селіханава — дачкі Наталлі і ўнука Канстанціна.

"З дапамогай гэтых выстаў кітайскі народ зможа пазнаёміцца з беларускім мастацтвам, а наша супрацоўніцтва падымецца на новы ўзровень і створыць трывалую аснову для далейшых культурных кантактаў", — рэзюмавалі ў мастацкім музеі Беларусі.

34
Тэги:
живопись, скульптура, искусство, Нацыянальны мастацкі музей Рэспублікі Беларусь, Пекін, Кітай, Мінск, Беларусь
По теме
У Кітаі выдалі зборнік "Беларусь вачыма кітайскіх дыпламатаў"
Рэканструкцыя Першай сусветнай вайны, архіўнае фота

Паглядзець на баі Першай сусветнай вайны запрашаюць у Дудуткі

12
(абноўлена 11:33 29.10.2020)
Аматары гістарычнай рэканструкцыі таксама змогуць убачыць зброю тых часоў.

МІНСК, 29 кас – Sputnik. Рэканструкцыю штыкавага боя часоў Першай сусветнай вайны зладзяць у Дудутках у рамках праекта "Легендарныя эпохі", паведамілі арганізатары мерапрыемства.

Акрамя рэканструкцыі 31 кастрычніка гасцей чакае аповед пра падзеі Першай сусветнай вайны і выстава зброі тых часоў, праца інтэрактыўных і фота- зон.

"Праект "Легендарныя эпохі" закліканы ў інтэрактыўным фармаце распавесці пра самыя цікавыя эпохі, падзеі і людзей Беларусі. Кожныя выхадныя на тэрыторыі музейнага комплекса будзе праходзіць інтэрактыўная праграма, якая адлюстроўвае пэўны гістарычны перыяд або падзеі", - паведамілі арганізатары.

Праграмы ў межах праекта будуць праходзіць кожную суботу з 12:00 да 17:00.

7 лістапада тэмай мерапрыемства стане Другая Сусветная вайна, 14 лістапада – шатландскія найміты, 21 лістапада – эпоха вікінгаў, а 28 лістапада ў Дудутках пройдзе рыцарскі турнір сярэднявечча.

Чытайце таксама:

12
Тэги:
Музейны комплекс "Дудуткі", Першая сусветная вайна
Спектакль Убачыць ружовага слана

Тэатр HomoCosmos запрашае на восеньскія прэм’еры ўжо зараз

49
(абноўлена 14:46 15.05.2020)
Адзін з самых яркіх тэатральных праектаў сталіцы рыхтуе тры цікавыя пастаноўкі, сярод якіх спектакль па кнізе Святланы Алексіевіч.

МІНСК, 15 мая - Sputnik. Незалежная тэатральная кампанія Homocosmos рыхтуецца прадставіць восенню адразу тры прэм’еры, якія прыйшлося адкласці з-за пандэміі каронавіруса.

Зараз тэатр збірае грошы на падрыхтоўку рэквізіта і рашэнне арганізацыйных момантаў праз творчую ініцыятыву #АртПроездной, што аб’ядноўвае творчыя калектывы, якія зараз маюць патрэбу ў падтрымцы.

HomoCosmos, знакаміты гледачам такімі пастаноўкамі як "Дора, ці Сэксуальныя неўрозы нашых бацькоў", "Убачыць ружовага слана", "Бог козыту", "Раскрыццё", не проста просіць грошы: яны прапануюць сваім наведвальнікам цікавую альтэрнатыву.

Сёння гледачы могуць набыць квіткі з адкрытай датай на спектаклі: такім чынам, калі адновіцца праца, яны змогуць абраць любую пастаноўку.

Патрапіць можна будзе не толькі на знаёмыя спектаклі, але і на запланаваныя на восень гэтага года прэм’еры - "Хлопчыкі" (па рамане "Цынкавыя хлопчыкі" Святланы Алексіевіч рэжысёра Алега Хрысталюбскага), "Нічога святога" рэжысёра Аляксандра Марчанкі і "Ясь і Малгося" рэжысёрак Кацярыны Аверкавай і Паліны Дабравольскай.

Чытайце таксама:

49
Тэги:
Мінск, Тэатр
Спецвыпуск Народнай волі да пахавання загінулага ў Кіеве журналіста Паўла Шарамета

Беларусь гатова прадаставіць Украіне матэрыялы па справе Шарамета

1
(абноўлена 16:51 19.01.2021)
Шарамет загінуў чатыры гады таму ў Кіеве ў выніку выбуху аўтамабіля, па інфармацыі МУС Украіны, бомба знаходзілася пад машынай і кіравалася дыстанцыйна.

МІНСК, 19 сту – Sputnik. Матэрыялы справы па забойстве журналіста Паўла Шарамета Міністэрства замежных спраў Беларусі гатова прадаставіць украінскаму боку, па лініі адпаведных службаў яны ўжо перададзены Польшчы, Літве і Германіі, заявіў прэс-сакратар МЗС Анатоль Глаз.

Раней у СМІ была апублікавана інфармацыя, што Ігар Макар - экс-баец спецыяльнага падраздзялення па барацьбе з тэрарызмам "Алмаз" - даў паказанні ў Кіеве па справе Шарамета з-за новых падрабязнасцей, якія ўзніклі ў сувязі з публікацыяй аўдыёзапісу 2012 года, дзе нібыта фігуруюць беларускія спецслужбы.

Глаз зазначыў, што Макар "даўно ўсім знаёмы, таму МЗС з пэўным скепсісам назіраў за ўсёй валтузнёй, якая раскруцілася вакол яго выказванняў".

Ён асабліва адзначыў рэакцыю ўкраінскіх калег, якія, па яго словах, ледзь не вырашылі выбудаваць на гэтым цэлае новае расследаванне "выключна па палітычных прычынах".

Глаз пацвердзіў, што Макар тройчы звяртаўся ў беларускае пасольства ў Літве летам 2020 года, аднак пераследваў відавочныя ашуканскія мэты.

"І з гэтых зваротаў зусім зразумелы ўсе яго матывы. Але мы цярпліва чакалі, калі ж да нас устаноўленым парадкам звернецца ўкраінскі бок па прававую дапамогу, як ён і заяўляў, каб правесці аб'ектыўную праверку", - сказаў Глаз.

Ён падкрэсліў, што да беларускага боку так ніхто і не звярнуўся, таму, паводле яго слоў, узнікаюць слушныя сумневы ў іх жаданні быць аб'ектыўнымі.

"Па лініі адпаведных службаў матэрыялы перададзены Польшчы, Літве і Германіі. У выпадку паступлення гатовы разгледзець і зварот украінскага боку", - дадаў Глаз.

Гібель Шарамета

Шарамет загінуў чатыры гады таму, 20 ліпеня 2016 года, у Кіеве ў выніку выбуху аўтамабіля. Паводле інфармацыі МУС Украіны, бомба знаходзілася пад машынай і кіравалася дыстанцыйна.

Па версіі следчых, сяржант Узброеных сіл Украіны Андрэй Антоненка быў арганізатарам забойства Шарамета, а выканаўцам - дзіцячы ўрач Юлія Кузьменка. Па версіі следства, яна закладвала ўзрыўчатку пад аўто разам з Антоненкам.

Аб затрыманні падазроных стала вядома ў снежні 2019 года. Кіраўнік МУС Украіны Арсен Авакаў тады заявіў, што Нацпаліцыя затрымала трох падазроных. Усяго да забойства, па версіі следства, датычны па меншай меры пяць чалавек.

Чытайце таксама:

1
Тэги:
Беларусь, Украіна, МЗС Беларусі, МУС Украіны, Забойства, Павел Шарамет