МІНСК, 18 кас — Sputnik. Расійскі гурт "Пикник" прэзентуе ў Мінску новую рэвалюцыйную містычную праграму "Іскры і канкан" 6 снежня.
На канцэрце будуць выкананы песні з аднайменнага новага альбома — "Лихие пришли времена", "Злая кровь", "Последний из Могикан", "Парню 90 лет" (песня нядаўна заняла першае месца ў хіт-парадзе радыёстанцыі "Наша Радыё").
Будуць выкананы і ўпадабаныя гледачам песні з папярэдніх альбомаў ("Египтянин", "У шамана три руки", "Фиолетово-черный" і іншыя).
Усё канцэртнае дзейства будзе праходзіць у новых дэкарацыях: гэта і гіганцкае механічнае вока, спяваючы электрычны рот, ажыўляць які будзе люмінісцэнтны Монстр.
Кожнае выступленне гурта — сюррэалістычны спектакль, працяты атмасферай чараўніцтва і таямніцы. Для кожнай канцэртнай праграмы ствараюцца унікальныя дэкарацыі і відэашэрагі, да дробязяў прадумваюцца сцэнаграфія і візуальныя акцэнты.
