Старая кінастужка, архіўнае фота

Планы на будні: куды пайсці 22-26 студзеня ў Мінску

33
(абноўлена 18:04 21.01.2018)
Крэатыўная канферэнцыя, бясплатныя кінапаказы і самыя розныя канцэрты - цікавыя падзеі будучага тыдня ў аглядзе Sputnik.

Усе, хто не паспеў адпачыць за ўсяго адзін выхадны, могуць актыўна правесці будні: схадзіць на спектакль, канцэрт ці кінапрэм'еру, пазнавальную канферэнцыю або незвычайную выставу. У традыцыйнай падборцы Sputnik самыя характэрныя падзеі 22-26 студзеня.

Канцэрты

У Prime Hall (пр. Пераможцаў, 65) на гэтым тыдні пройдзе канцэрт акцёра, рэжысёра і музыканта Аляксея Вараб'ёва. 25 студзеня ён выступіць на сталічнай пляцоўцы разам з папулярнай моладзевай групай "Фрэнды" і танцавальным шоу "Нявесты". Кошт квітка — ад 50 да 85 рублёў.

У вялікай зале КЗ "Мінск" (вул. Кастрычніцкая, 5) 26 студзеня ў межах канцэрта "Дыскатэка СССР" з праграмай "На белом покрывале января" выступяць Андрэй Разін і гурт "Ласковый май", Сяргей Васюта і "Сладкий сон", а таксама Аляксандр Дабрынін. Арганізатары абяцаюць, што прагучаць усе любімыя хіты 80-90-ых. Квіток абыйдзецца ў 25-45 рублёў.

А 23 студзеня ў мінскім клубе "Re:publik" (вул. Прытыцкага, 62) упершыню выступіць гурт Bones — музыкі, якія заснавалі, па іх словах, клауд-рэп. Кошт уваходу — 60 рублёў.

Фолк-рок-мюзікл "Трыстан і Ізольда"

У мінскім Музычным тэатры (вул. Мяснікова, 44) да 26 студзеня пройдзе паказ мюзікла "Трыстан і Ізольда", у якім разам з сімфанічным аркестрам і рок-гуртом будуць гучаць фальклёрныя інструменты.

Рэжысёр і харэограф-пастаноўшчык — заслужаны дзеяч мастацтваў Расіі Мікалай Андросаў, знаёмы беларускаму гледачу па мюзіклах "Джэйн Эйр" і "Блакітная камея". У аснове сюжэту — сярэднявечны раман пра каханне рыцара Трыстана і выдатнай прынцэсы Ізольды, якія выпадкова выпілі любоўны напой. Кошт квітка — 14-18 рублёў.

Бясплатныя кінапаказы

У рамках праекта "Кіно з "Амерыканкай", створанага для збору сродкаў на выданне культавых кніг у беларускім перакладзе, увечары 22 студзеня ў прасторы ОК16 (вул. Кастрычніцкая, 16) пакажуць знакаміты "Байцоўскі клуб" Дэвіда Фінчэра з беларускімі тытрамі. Уваход вольны.

У культурным цэнтры "Корпус" (пр. Машэрава, 9/8) бясплатна паказваюць кіно кожную сераду (у гэты раз — 24 студзеня): па словах арганізатараў, фільмы са скрынкі з назвамі самых дзіўных, страшных, кранальных або смешных кінастужак дастаюць усляпую. Рэкамендуюць падрыхтавацца да таго, што, па-першае, у ёй не апынецца ні аднаго знаёмага фільма, па-другое, што госць можа як сысці праз 5 хвілін пасля пачатку, так і затрымацца да апошніх тытраў.

А ў Індыйскім культурным цэнтры (вул. Рэпіна, 4) 26 студзеня пакажуць фільм "Наперад, Індыя!", які заваяваў 26 кінематаграфічных узнагарод. Трансляваць будуць на арыгінальнай мове хіндзі з рускімі субтытрамі.

Выстава "13-ы цуд свету"

У Galleria Minsk (пр. Пераможцаў, 9) увесь тыдзень (і нават даўжэй) будзе працаваць выстава "13-ы цуд свету".Можна ўбачыць унікальныя зіготкія арт-аб'екты, алейны жывапіс і графіку, а таксама трапіць у дзіўны казачны пакой для дзіцячай творчасці ў святло-дынамічнай прасторы. Віцебскі мастак і дызайнер Аляксандр Вышка называе экспазіцыю "зіготкай эмацыйнай эклектыкай". Білет — ад 5 да 10 рублёў.

Міжнародная канферэнцыя AdvancedBranding

Штогадовая маркетынгавая канферэнцыя разлічаная на тых, хто імкнецца стварыць новы брэнд альбо вывесці той, які ўжо існуе, на больш высокі ўзровень, атрымаць каштоўную інфармацыю, наладзіць дзелавыя кантакты і правесці работу над памылкамі з лепшымі экспертамі: дасягненнямі і лепшымі кейсамі будуць дзяліцца аўтарытэтныя спікеры з Беларусі, Расіі і Украіны.

Пройдзе 25 студзеня ў гатэлі Renaissance (пр. Дзяржынскага, 1-е). Кошт наведвання — 55 рублёў.

Свежыя фільмы

Свежыя кінапрэм'еры традыцыйна выйдуць у пракат у чацвер, 25 студзеня. У большасці кінатэатраў горада можна будзе ўбачыць такія навінкі, як баявік "Бягучы ў лабірынце: Лекі ад смерці", крымінальны трылер "Дзяўчына ў тумане", расійская камедыя "Zомбоящик" і нават беларускае сямейнае кіно "Тум-Пабі-дум".

33
Тэги:
конференция, мюзикл, выставка, театр, кино, афиша, Мінск, Беларусь
Рэканструкцыя Першай сусветнай вайны, архіўнае фота

Паглядзець на баі Першай сусветнай вайны запрашаюць у Дудуткі

10
(абноўлена 11:33 29.10.2020)
Аматары гістарычнай рэканструкцыі таксама змогуць убачыць зброю тых часоў.

МІНСК, 29 кас – Sputnik. Рэканструкцыю штыкавага боя часоў Першай сусветнай вайны зладзяць у Дудутках у рамках праекта "Легендарныя эпохі", паведамілі арганізатары мерапрыемства.

Акрамя рэканструкцыі 31 кастрычніка гасцей чакае аповед пра падзеі Першай сусветнай вайны і выстава зброі тых часоў, праца інтэрактыўных і фота- зон.

"Праект "Легендарныя эпохі" закліканы ў інтэрактыўным фармаце распавесці пра самыя цікавыя эпохі, падзеі і людзей Беларусі. Кожныя выхадныя на тэрыторыі музейнага комплекса будзе праходзіць інтэрактыўная праграма, якая адлюстроўвае пэўны гістарычны перыяд або падзеі", - паведамілі арганізатары.

Праграмы ў межах праекта будуць праходзіць кожную суботу з 12:00 да 17:00.

7 лістапада тэмай мерапрыемства стане Другая Сусветная вайна, 14 лістапада – шатландскія найміты, 21 лістапада – эпоха вікінгаў, а 28 лістапада ў Дудутках пройдзе рыцарскі турнір сярэднявечча.

Чытайце таксама:

10
Тэги:
Музейны комплекс "Дудуткі", Першая сусветная вайна
Спектакль Убачыць ружовага слана

Тэатр HomoCosmos запрашае на восеньскія прэм’еры ўжо зараз

48
(абноўлена 14:46 15.05.2020)
Адзін з самых яркіх тэатральных праектаў сталіцы рыхтуе тры цікавыя пастаноўкі, сярод якіх спектакль па кнізе Святланы Алексіевіч.

МІНСК, 15 мая - Sputnik. Незалежная тэатральная кампанія Homocosmos рыхтуецца прадставіць восенню адразу тры прэм’еры, якія прыйшлося адкласці з-за пандэміі каронавіруса.

Зараз тэатр збірае грошы на падрыхтоўку рэквізіта і рашэнне арганізацыйных момантаў праз творчую ініцыятыву #АртПроездной, што аб’ядноўвае творчыя калектывы, якія зараз маюць патрэбу ў падтрымцы.

HomoCosmos, знакаміты гледачам такімі пастаноўкамі як "Дора, ці Сэксуальныя неўрозы нашых бацькоў", "Убачыць ружовага слана", "Бог козыту", "Раскрыццё", не проста просіць грошы: яны прапануюць сваім наведвальнікам цікавую альтэрнатыву.

Сёння гледачы могуць набыць квіткі з адкрытай датай на спектаклі: такім чынам, калі адновіцца праца, яны змогуць абраць любую пастаноўку.

Патрапіць можна будзе не толькі на знаёмыя спектаклі, але і на запланаваныя на восень гэтага года прэм’еры - "Хлопчыкі" (па рамане "Цынкавыя хлопчыкі" Святланы Алексіевіч рэжысёра Алега Хрысталюбскага), "Нічога святога" рэжысёра Аляксандра Марчанкі і "Ясь і Малгося" рэжысёрак Кацярыны Аверкавай і Паліны Дабравольскай.

Чытайце таксама:

48
Тэги:
Мінск, Тэатр
Які сёння дзень: 27 лістапада 2020 года

Які сёння дзень: 27 лістапада 2020 года

0
(абноўлена 11:21 20.11.2020)
Гэты дзень з'яўляецца трыста трыццаць другім па грыгарыянскім календары, да канца года застаецца 34 дні.

Гэты дзень - апошні перад Вялікім постам. Якія яшчэ падзеі адбыліся 27 лістапада і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 27 лістапада

  • У 1918 годзе ў склад Літоўскай Тарыбы кааптаваны 6 прадстаўнікоў Віленскай беларускай рады і створана Міністэрства беларускіх спраў Літвы.
  • У 1996 годзе ў выніку праведзенага рэферэндуму была спынена дзейнасць Вярхоўнага Савета Рэспублікі Беларусь.

Хто нарадзіўся 27 лістапада

  • 1900 год: Рыгор Пукст, беларускі кампазітар.
  • 1903 год: Піліп Пестрак, беларускі пісьменнік.
  • 1906 год: Юрый Арынянскі, беларускі акцёр і рэжысёр.
  • 1938 год: Зоя Літвінава, беларуская мастачка.
  • 1947 год: Эдуард Белагураў, беларускі мастак.

Таксама сёння нарадзіліся амерыканскі і ганконгскі кінаакцёр, майстар усходніх адзінаборстваў Брус Лі і савецкі і расійскі паэт і музыкант, галоўны выканаўца гурта "Акварыўм" Барыс Грабеншчыкоў.

27 лістапада ў народным календары

У гэты дзень, напярэдадні Вялікага посту, праваслаўныя вернікі шануюць памяць святога Піліпа, аднаго з 12 апосталаў. Гэты дзень у народзе называлі Піліпаўскія запускі, або заговіны.

У гэты дзень дазвалялася ў апошні раз да Каляд есці мяса і малочныя стравы. У вёсках пасля снядання рэшткі ежы не прыбіралі, а пакідалі для дамавіка. Дзяўчыны ў гэты дзень варажылі на суджанага. Для гэтага хавалі пасля вячэры кавалачак мяса і прымаўлялі: "Суджаны, прыходзь да мяне загаўляцца".

Лічылася, што калі ў гэты дзень пахмурна, у наступным годзе будзе добры ўраджай хлеба. Калі ішоў снег, гэта прадракала непагадзь у маі.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей