Будынак Нацыянальнай бібліятэкі і помнік Францыску Скарыну

Планы на будні: куды пайсці 29 студзеня - 2 лютага ў Мінску

44
(абноўлена 08:46 29.01.2018)
Шоу ілюзіяністаў, зіготкія інсталяцыі ў парку і бясплатныя танцы - самае цікавае на будучым тыдні.

У надыходзячыя будні ў горадзе можна будзе схадзіць на маштабнае брадвейскае магічнае шоу, наведаць бясплатны кінапаказ у культурным цэнтры ці прэм'еры ў кінатэатрах, пабываць на экскурсіі з 4D-кнігамі і не толькі. У традыцыйнай падборцы Sputnik самыя цікавыя падзеі 29 студзеня — 2 лютага.

Брадвейскае шоу ілюзіяністаў

У "Чыжоўка-Арэне" (вул. Ташкенцкая, 19) у чацвер і пятніцу будзе праходзіць маштабнае шоу ілюзіяністаў, якое пабывала ў 200 гарадах 25 краін свету і, па словах стваральнікаў, з'яўляецца самым прадаваным у гісторыі Брадвея.

Абяцаюць адважныя, дзіўныя і відовішчныя трукі: лунанне ў паветры, чытанне думак, знікненне і не толькі. У шоу ў Мінску паўдзельнічаюць сем ілюзіяністаў, кожны — са сваімі здольнасцямі. Сярод іх, напрыклад, фальсіфікатар, алхімік, майстар ўцёкаў, маніпулятар і фокусніца. Кошт квіткоў — ад 52 да 120 рублёў.

Парк з зіготкімі фігурамі

У мінскім парку DreamLand (вул. Арлоўская, 80) пачынае працаваць Парк чароўных ліхтароў: увесь тыдзень тут будзе даступная новая экспазіцыя ў выглядзе святлодыёдных інсталяцый.

Па ўсім парку стаяць зіготкія фігуры (з якімі адназначна варта сфатаграфавацца). Будзе прадстаўлена больш за 40 розных кампазіцый, праца іх пачынаецца з першай цемрай. Уваход будзе каштаваць ад 4 да 10 рублёў.

Бясплатны кінапаказ

У рамках праекта KinoKORPUS у мінскім культурным цэнтры "Корпус" 31 студзеня, як і ў любую іншую сераду, будзе праходзіць чарговы бясплатны кінапаказ.

Наведвальнікаў заклікаюць быць гатовымі да таго, што ў скрынцы, з якой будуць выпадковым чынам даставаць фільмы, можа не апынуцца ніводнай карціны са знаёмай назвай. Таксама арганізатары мяркуюць, што вы можаце сысці ўжо праз 5 хвілін пасля паказу або наадварот — застацца ў цэнтры надоўга. Уваход вольны.

Інтэрактыўная экскурсія з 4D-кнігамі

У аўторак і сераду ў Нацыянальнай бібліятэцы (пр. Незалежнасці, 116) пройдзе інтэрактыўная экскурсія: абяцаюць паказаць малюсенькую і гіганцкую кнігі, а таксама дзіўную 4D-кнігу з дапоўненай рэальнасцю, на старонках якой "ажываюць" героі.

Разам з тым паводзяць па бібліятэцы, раскажуць, як развівалася і змянялася кніга — ад рукапіснай да той самай 4D-кнігі, запросяць на аглядную пляцоўку, адкуль можна зірнуць на Мінск з вышыні ў 73 метра. Кошт экскурсіі — 40 рублёў (група да 10 чалавек).

Бясплатныя заняткі па танцах

У аўторак, 30 студзеня, будуць праходзіць бясплатныя заняткі ў мінскай танцавальнай школе A-class (вул. Куйбышава, 22) адразу па трох накірунках.

Прафесійныя харэографы будуць знаёміць усіх жадаючых з танцам на абцасах High Heels Dance (сінтэз з рухаў go-go, rnb, pop-dance, jazz-funk і аўтарскай харэаграфіі), фітнэсам Bums + Tabs і сучасным парным танцам Хастл.

Свежыя фільмы

Свежыя кінапрэм'еры традыцыйна выйдуць у пракат у чацвер, 1 лютага. У большасці кінатэатраў горада ўвесь тыдзень даступныя да прагляду такія навінкі, як фантастычная драма "Карацей", крымінальная драма "Тры білборды на мяжы Эбінга, Місуры", анімацыйная стужка "Плюшавы монстр" і амерыканская спартыўная драма "Тоня супраць усіх".

44
Тэги:
экскурсия, кино, афиша, Мінск, Беларусь
Марат Башараў у спектаклі Граф Люксембург

Марат Башараў стане салістам мінскай Музкамедыі

13
(абноўлена 16:19 15.06.2021)
Заслужаны артыст Татарстана, лаўрэат дзяржаўнай прэміі Расіі Марат Башараў выйдзе на сцэну Беларускага дзяржаўнага акадэмічнага музычнага тэатра ў ролі Князя Базінэлі ў аперэце Ферэнца Легара "Граф Люксембург".

Вядомы акцёр і тэлевядучы стане салістам мінскага тэатра. Праўда, толькі на два дні. На сцэну Музкамедыі ён выйдзе 22 чэрвеня і 11 ліпеня. У гэтым годзе Беларускі дзяржаўны акадэмічны музычны тэатр адзначае 50-годдзе. Удзел медыйнай персоны ў аперэце "Граф Люксембург" - своеасаблівы падарунак верным прыхільнікам гэтай культурнай установы. Дарэчы, за паўстагоддзя на гэтай сцэне было пастаўлена больш за 300 разнажанравых спектакляў.

Марат Башаров в спектакле Граф Люксембург
© Photo : БГАМТ
Марат Башараў у ролі Князя Базінэлі ў аперэце Ферэнца Легара "Граф Люксембург".

Прэм'ера "Графа Люксембурга" там адбылася 25 сакавіка 2012 года. Хоць упершыню гэта аперэта была пастаўлена ў далекім 1909 у Вене. Новае тварэнне Ферэнца Легара мела вялікі поспех у сучаснікаў, не страціў сваёй актуальнасці твор і праз стагоддзе. Дзеянне ў аперэце адбываецца ў Парыжы. Менавіта ў сталіцы кахання і весялосці сустрэліся і пакахалі адзін аднаго збяднелы арыстакрат і таленавітая актрыса…

Дзе: Беларускі дзяржаўны акадэмічны музычны тэатр (г.Мінск, вул Мяснікова, 44).

Калі: 22 чэрвеня, 11 ліпеня.

Кошт квіткоў: ад 40 да 100 рублёў.

13
Тэги:
артыст, тэатр, Марат Башараў
Дзяржаўны літаратурна-мемарыяльны музей Якуба Коласа

Што яднае Якуба Коласа і Амар Хайяма?

41
(абноўлена 15:28 14.05.2021)
18 траўня ў Дзяржаўным літаратурна-мемарыяльны музеі Якуба Коласа адкрыецца часовая эксапзіцыя "Якуб Колас і Амар Хайям: жыццёвая мудрасць у паэтычным слове".

Арганізатарам экспазіцыі разам з музеем з’яўляецца Пасольства Ісламскай Рэспублікі Іран у Рэспубліцы Беларусь.  

У кожнага народа ёсць свае паэты-апосталы, прадказальнікі, вяшчальнікі. У Расіі - А.С. Пушкін, у Англіі - Джордж Гордан Байран, у Іране - Амар Хайям, у Беларусі - Якуб Колас і Янка Купала. Якуб Колас і Амар Хайям - моцныя дамінанты беларускай і іранскай культур. Іх працы - гэта своеасаблівы зборнік філасофскіх думак і падыходаў да рэальнасці, які можа стаць свайго роду інструкцыяй для будучых пакаленняў.

Як адзначылі ў музкі, паэзія Якуба Коласа і Амара Хайяма - кульмінацыя іх доўгага і цяжкага шляху да ісціны. І хоць яны жылі ў розны час, у розных краінах, належалі да розных рэлігій, але цэнтрам іх творчасці быў Чалавек-Сусвет. Яны стварылі энцыклапедыю жыцця, мудры кодэкс жыцця ў паэтычнай форме.

Сімвалічна, што ў асабістай бібліятэцы Якуба Коласа знаходзілася кніга Алішэра Наваі - паэта і мысляра, які ствараў свае літаратурныя творы на пэрсідзкай, цюркскай, узбекскай і уйгурскай мовах. Гэтая кніга была прывезена з Ташкента, дзе Якуб Колас разам з сям'ёй быў ў эвакуацыі (1941-1943 гг.). Верагодна, што імя Амара Хайяма было знаёма беларускаму класіку. Больш за тое, філасофскай лірыкай персідскага паэта і філосафа цікавіўся малодшы сын Якуба Коласа Міцкевіч Міхаіл Канстанцінавіч. Ён любіў чытаць Амара Хайяма і адну з кніг персідскага аўтара, перакладзеную на рускую мову, прывёз з Ташкента ў 1970-х гадах.

Дзе: Дзяржаўны літаратурна-мемарыяльны музей Якуба Коласа

Калі: 18 траўня

41
Тэги:
музей, Якуб Колас
Фантан - любімае месца ўсіх дзяцей

Зноў аранжавы ўзровень: спёка ў Беларусі захоўваецца

21
(абноўлена 16:19 20.06.2021)
Дажджоў сіноптыкі па-ранейшаму не прагназуюць, у некаторых раёнах з-за спякоты забаронена наведванне лясоў.

МІНСК, 20 чэр - Sputnik. У дзённы час у пачатку тыдня на большай частцы Беларусі максімальная тэмпература паветра дасягне +33 градусаў.

Захаваецца спякота 22-23 чэрвеня, чакаецца малавоблачнае надвор'е, пераважна без ападкаў, вецер будзе дзьмуць умераны і паўднёва-ўсходні, паведамілі ў Белгідрамеце.

Сіноптыкі раяць не забываць асноўныя правілы паводзін у спякоту, асабліва для пажылых людзей: не выходзіць з дому без патрэбы падчас максімальнай сонечнай актыўнасці, абавязкова апранаць галаўны ўбор і браць з сабой ваду. Знаходзячыся на вуліцы, можна часам заходзіць у крамы або гандлёвыя цэнтры з кандыцыянерамі.

Надвор'е ў Беларусі ў пачатку тыдня

У Мінску ў панядзелак ападкаў не чакаецца, тэмпература паветра ноччу да +18, днём паветра прагрэецца да +32C.

У Брэсце невялікая воблачнасць, могуць прайсці кароткачасовыя дажджы (іх верагоднасць сіноптыкі ацэньваюць у 5-10%, тэмпература паветра да +32C, такое ж надвор'е чакаецца і ў Гродне.

У Віцебску без ападкаў і да +33C, а вось у Гомелі сіноптыкі не выключаюць дождж, тэмпература паветра да + 32C. У Магілёве невялікая воблачнасць, таксама магчымы кароткачасовы дождж.

Чытайце таксама:

21
Тэги:
Дождж, сіноптыкі, Беларусь, Аранжавы ўзровень небяспекі