Свята Гукання вясны, архіўнае фота

Квэст для пар і "Гуканне вясны": куды пайсці 24-25 лютага ў Мінску

24
(абноўлена 11:26 23.02.2018)
Рамантычны квэст для пар і "проста сяброў", канцэрт знакамітага грузінскага балета і дызайнерскія кірмашы - самае цікавае на будучых выхадных.

Будучыя выхадныя абяцаюць быць насычанымі: у Мінску пройдзе мноства самых розных мерапрыемстваў. Усёй сям'ёй можна зазірнуць на "Гуканне вясны" у сталічны заапарк, з другой паловай або "проста сябрам" — на рамантычны квэст або канцэрт, а аднаму — адправіцца за падарункамі на дызайнерскі кірмаш. Sputnik сабраў усе самыя цікавыя падзеі 24-25 лютага.

Самыя розныя канцэрты

З новым шоу 25 лютага ў Палац Рэспублікі (пл. Кастрычніцкая, 1) прыязджае Нацыянальны балет Грузіі "Сухішвілі", які складаецца з 500 танцораў і ўласнага аркестра. У балета, які сумяшчае традыцыйны грузінскі танец і элементы сучаснай харэаграфіі, велізарная гісторыя: калектыў пабываў у больш чым 250 турнэ, аб'ездзіў пяць кантынентаў і больш за 100 краін свету, правёў 18 300 канцэртаў і скарыў сваімі выступамі больш за дзевяць мільёнаў чалавек. Кошт квітка — ад 32 да 132 рублёў.

У суботу на той жа пляцоўцы адбудзецца канцэрт "Уладзімір Высоцкі "Я, вядома, вярнуся". Да 80-годдзя артыста Прэзідэнцкі аркестр Беларусі прадставіць гледачам новую праграму: любімыя песні прагучаць у сімфанічнай апрацоўцы пад кіраўніцтвам дырыжора Віктара Бабарыкіна. Уваходны квіток каштуе 10-40 рублёў.

Таксама ў суботу ў Малой зале Белдзяржфілармоніі (пр. Незалежнасці, 50) канцэртам пачнецца ўжо чацвёрты фестываль класічнай музыкі памяці піяністкі Алены Цэгалка "Пакуль не ідуць тытры". У рамках двух вечароў ініцыятары аб'ядналі музыку канца XIX-XX стагоддзяў, абраўшы лепшае: у праграме — творы Рахманінава, Пракоф'ева, Дэбюсі, П'яцолы і іншых выдатных кампазітараў. Кошт уваходнага білета — 7-8 рублёў.

"Гуканне вясны" ў Мінскім заапарку

Усёй сям'ёй у суботу можна зазірнуць у Мінскі заапарк (вул. Ташкенцкая, 40) на свята "Гуканне вясны".

Гуканне вясны - вясновае свята, звязанае з абуджэннем прыроды і прыходам вясны.
© Sputnik Альфрэд Мікус
Карагод на "Гуканне вясны"

Па словах арганізатараў, у праграме — вясновыя карагоды, конкурс прыпевак, танцы, гульні, песні ад акцёраў вулічнага тэатра (і нават выступ цыганскага), сімвалічнае спальванне пудзіла Зімы і мноства зон актывацыі з жэтонамі для бясплатных прызоў на "Вясновым кірмашы". Кошт уваходу — 9 рублёў.

Дызайнерскія выставы-кірмашы

Усе выхадныя ў ТРЦ ARENAcity (пр. Пераможцаў, 84) можна наведаць сучасны кірмаш аўтарскіх падарункаў Sarafan market: гасцей чакаюць дызайнерскія рэчы, модныя ўпрыгажэнні і аксэсуары, арыгінальныя сувеніры, стыльныя інтэр'ерныя дробязі, цацкі, прысмакі і многае іншае.

А ГЦ "Момо" (пр. Партызанскі, 150а) на суботу і нядзелю захопіць фестываль дызайнерскіх вырабаў "Аблічча Беларусі", дзе можна будзе не толькі купіць эксклюзіўныя рэчы (і падарункі для мужчын), але і пацешыцца — арганізатары падрыхтавалі святочную праграму і сюрпрызы у гонар Дня абаронцаў Айчыны. Уваход на абодва кірмашы вольны.

Beauty-дні ў мінскіх ГЦ з Bourjois

У гэтыя выхадныя ў гандлёвых цэнтрах "Замак" (пр. Пераможцаў, 65) і Galileo (вул. Бабруйская, 6) брэнд Bourjois прадставіць новую гаму сродкаў: арганізатары абяцаюць бясплатны make-up ад візажыстаў для ўсіх жадаючых, кансультацыі па падборы касметыкі, зніжку у 20% на ўвесь асартымент маркі ў "Кравт" і прыемныя падарункі. Удзел бясплатны.

Love-квэст для пар і "проста сяброў"

У Музеі архітэктурных мініяцюр "Краіна міні" (пр-т Незалежнасці, 25) яшчэ чутны водгалас мінулага Дня закаханых. На працягу ўсяго ўікэнда тут прапануюць прайсці гістарычны love-квэст: па словах арганізатараў, удзельнікаў захопяць у палон самыя знакамітыя легенды пра каханне ў гісторыі нашай краіны, а таксама ўразяць славутасці Беларусі ў мініяцюры ў дзённым і начным асвятленні. Кошт — 4 рублі на дваіх.

Для дзяцей і падлеткаў

У суботу з дзіцем можна наведаць новую гульнявую праграму "У гасцях у Маленькага прынца" у тэатры "Кропка" (пр. Пераможцаў, 9). Гледачы тут змогуць сустрэцца з любімымі героямі спектакля, пагаварыць і пагуляць з імі, а таксама атрымаць на памяць сувеніры і фатаграфіі. Дзіцячы квіток абыйдзецца ў 7 рублёў.

Таксама ў Мінску пройдуць два адметныя майстар-класы. У суботу ў цэнтры Family Club (вул. Першамайская, 3а) пройдзе ўрок "Этыкет ў адзенні" для дзяцей ад 8 да 12 гадоў: навучаць вызначаць віды адзення і аксэсуары, адрозніваць іх па прызначэнні, сачыць за сваім знешнім выглядам, фарміраваць гардэроб і даглядаць яго. Удзел абыйдзецца ў 6 рублёў. А ў цэнтры "Краіна Цудаў" (вул. Шаранговіча, 39) у нядзелю за 12 рублёў падлеткаў навучаць рабіць натуральны макіяж ў стылі Nude.

Новыя фільмы

На тыдні ў пракат выйшла некалькі кінапрэм'ер. Усе выхадныя ў большасці кінатэатраў горада будуць даступныя такія навінкі, як крымінальны дэтэктыў Рыдлі Скота "Усе грошы свету", усхваленая крытыкамі драма Стывена Спілберга "Сакрэтная дасье", працяг вядомай расійскай камедыі "Пра што гавораць мужчыны" і мультфільм "Гномы ў хаце".

24
Тэги:
музей, кіно, Куды пайсці на вакацыях, Квэсты, канцэрт, тэатр, Мінск, Беларусь
Тэмы:
Куды пайсці ў Мінску (52)
Фестываль кельцкай культуры Бельтайн

Ірландскія танцы, вогнішча і абрады: што чакае гасцей свята "Бельтайн"

26
(абноўлена 16:55 27.03.2020)
Бельтайн – свята пачатку лета, якое па старажытнай кельцкай традыцыі адзначаецца на пачатку мая.

МІНСК, 27 сак - Sputnik. Вясновы фестываль "Белтайн" прысвечаны музуцы і традыцыям кельтаў пройдзе на тэрыторыі Цэнтральнага батанічнага сада 1-2 мая, паведамілі арганізатары мерапрыемства.

Гасцей фестываля чакаюць open-air канцэрт, інтэрактыўныя пляцоўкі, шматлікія фотазоны, конкурс вогненных тэатраў, ірландскія танцы, кантактны заапарк, выступ шатланскіх дудараў, вялікі рынак рамеснікаў і фудкорт.

На галоўнай пляцоўцы фестываля пройдзе традыцыйны для гэтага свята выбар Майскай каралевы, можна будзе таксама сустрэць і містычнага "Зялёнага чалавека".

На музычнай сцэне фестываля выступяць тэматычныя калектывы: Всё_Crazy, PAWA, Няміга, Hard Wood, Без Панікі, KaS, PyLai, студыя этнічнага танца і музыкі "Кетры"і многія іншыя.

Адным з галоўных рытуалаў свята Бельтайн было распальванне вялікіх вогнішчаў на вяршынях гор або размешчаных паблізу паселішча высокіх узгоркаў – на фестывалі гэтую традыцыю прадставяць маштабным вогненным шоу.

26
Тэги:
Цэнтральны батанічны сад НАН Беларусі, Мінск
Брытанскі спявак Крыс Норман

Голас некалькіх пакаленняў Крыс Норман прыедзе ў Мінск

13
(абноўлена 11:05 24.02.2020)
Група Smokie дасягнула піка папулярнасці ў 1978 годзе, але сам экс-вакаліст Норман працягвае збіраць залы.

Крыс Норман - былы вакаліст гурта Smokie - сустрэнецца з мінчанамі 20 красавіка ў Палацы рэспублікі.

Песні Smokie яшчэ ў 1970-х сталі папулярныя не толькі ў яго роднай Англіі, але ў ЗША і Еўропе.

Сам Норман прызнае, што свайму поспеху ён у вялікай ступені абавязаны бацьку. Калі вакалісту споўнілася 7 гадоў, тата падарыў яму першую гітару. У той перыяд у сэрцах і розумах падлеткаў гучаў рок-н-рол, і Крыс гэтак жа, як і многія, быў захоплены гэтым напрамкам, музыкай Элвіса Прэслі, Літл Рычарда і Лоні Донегана.

Пасля кар'еры ў Smokie вакаліст пачаў выступаць як сольны выканаўца. Першая ж сольная кампазіцыя Нормана Midnight Lady пабіла ўсе папярэднія дасягненні, шэсць тыдняў заставалася на першым месцы ў еўрапейскіх чартах. Зараз на рахунку Крыса Нормана больш за 20 сольных альбомаў.

Норман не старэе, ён крочыць у нагу з часам. Ён не толькі не перастае радаваць аматараў яго музыкі новымі кампазіцыямі, але і не забывае аб трэндах, актыўны ў сацыяльных сетках, дзе рэгулярна выкладвае фатаграфіі з выступленняў і дзеліцца навінамі з жыцця.

А галоўная навіна для беларускага слухача - мінскі канцэрт Нормана.

13
Тэги:
Беларусь, музыка
Шпіталізацыя хворага на каронавірус у ЗША

Спрацавала: у ЗША правялі першыя даклінічныя выпрабаванні вакцыны ад COVID-19

0
(абноўлена 10:19 03.04.2020)
Навукоўцы з Піцбурга маюць намер правесці яшчэ шэраг эксперыментаў, а пасля атрымаць дазвол уладаў на клінічныя выпрабаванні на добраахвотніках.

МІНСК, 3 кра - Sputnik. Першыя даклінічныя выпрабаванні вакцыны ад каронавіруса новага тыпу паспяхова правялі ўрачы з ЗША. Вынікі іх працы апублікаваныя ў навуковым часопісе EBioMedicine.

Вакцына прымушае арганізм лабараторных мышэй выпрацоўваць антыцелы да каронавіруса COVID-19: па словах аднаго з аўтараў даследавання, дацэнта Пітсбургскага ўніверсітэта Андрэа Гамботта, зрабіць гэта атрымалася дзякуючы досведу працы спецыялістаў з вірусамі атыповай пнеўманіі SARS і блізкаўсходняй ліхаманкі MERS.

"Абодва гэтыя патагены з'яўляюцца сваякамі SARS-CoV-2 (...). Таму можна сказаць, што мы загадзя ведалі, як змагацца з новым вірусам", - адзначыў навуковец.

Паводле яго слоў, многія спецыялісты аддалі перавагу "недаказанаму з пункту гледжання эфектыўнасці" новаму падыходу (ён заснаваны на РНК-фрагментах віруса). А група навукоўцаў у Пітсбургу аддала перавагу праверанаму і больш працаёмкаму шляху: распрацоўцы на аснове фрагментаў агульнага для згаданых захворванняў бялку, дзякуючы якому вірус аказваецца ў чалавечым арганізме.

Даследчыкі выгадавалі клеткі, якія выпрацоўваюць вялікую колькасць гэтага бялку, і выкарыстоўвалі пластыр з нанаігламі, каб праверыць яго працу на лабараторных мышах. Паводле інфармацыі навукоўцаў, праз два тыдні пасля траплення вакцыны ў арганізм грызуноў, іх імунітэт пачаў выпрацоўваць антыцелы, якіх аказалася дастаткова для далучэння да вірусных часціц і іх нейтралізацыі.

Адзначаецца таксама, што мышэй не заражалі сапраўдным каронавірусом, але мінулыя досведы з вакцынай ад блізкаўсходняй ліхаманкі MERS паказалі, што яна эфектыўна на працягу года.

У бліжэйшы час навукоўцы з Піцбурга маюць намер правесці яшчэ шэраг эксперыментаў, а пасля атрымаць дазвол уладаў на клінічныя выпрабаванні на добраахвотніках: так даследчыкі могуць стварыць "першую практычна прыдатную" вакцыну ад COVID-19.

0
Тэги:
ЗША, каронавірус
Тэмы:
Успышка каронавіруса з Уханя