Журналіст, тэлевядучы Уладзімір Познер

Познер і Ноч пажыральнікаў рэкламы: куды пайсці 28 мая - 1 чэрвеня ў Мінску

20
(абноўлена 11:33 28.05.2018)
Выступ Уладзіміра Познера, чатыры канцэрты, "Ноч пажыральнікаў рэкламы 2018" і прэм'ернае кіно - самае цікавае на будучым тыдні.

Па папярэдніх прагнозах, ападкаў на наступным тыдні не чакаецца, а паветра прагрэецца да +27°C. Адпачыць ад працы вечарамі можна на выступе Уладзіміра Познера або адным з чатырох канцэртаў, паказах у рамках Ночы пажыральнікаў рэкламы, у кінатэатры за праглядам прэм'ернай стужкі і не толькі. Самыя цікавыя падзеі 28 мая — 1 чэрвеня шукайце ў падборцы Sputnik.

Выступ Уладзіміра Познера

У Палацы Рэспублікі ў аўторак пройдзе творчы вечар знакамітага тэлежурналіста Уладзіміра Познера. Арганізатары абяцаюць, што гледачам удасца пачуць апавяданні аб займальных выпадках з жыцця, далікатны гумар і тонкую аналітыку. Самыя адважныя прыхільнікі галоўнага інтэлектуала эпохі змогуць злавіць Познера на правакацыйных і вострых пытаннях.

Канцэрты: Цемнікава і вядомы джазмэн

У клубе-рэстаране The Skies вечарам у пятніцу выступіць Алена Цемнікава з хітамі і новымі песнямі.

Певица Елена Темникова
© Sputnik / Екатерина Лызлова
Спявачка Алена Цемнікава

У Палацы прафсаюзаў 29 мая прагучыць канцэрт легенды амерыканскага джаза — саксафаніста Гэры "Дэтройт" Уігінса разам з фартэпіянным трыа Канстанціна Хазановіча.

У Палацы Рэспублікі ў сераду з новай праграмай выступіць Дзіма Білан, а ў чацвер — Ігар Нікалаеў.

Рэспубліканскі апошні званок

У "Мінск-Арэне" 30 мая ўпершыню пройдзе маштабны рэспубліканскі апошні званок для выпускнікоў беларускіх школ. Праграма пачнецца ў 16:00 на прылеглай тэрыторыі: запланаваны выступленні творчых калектываў, гульні, спартыўныя спаборніцтвы і не толькі.

А ў 18:00 у самім комплексе пачнецца канцэрт; удзельнікаў арганізатары трымаюць у сакрэце, але запэўніваюць: выступяць самыя папулярныя сярод моладзі зоркі айчыннай эстрады.

Ноч пажыральнікаў рэкламы

Ва ўжо згаданым Палацы Рэспублікі 1 чэрвеня можна ўбачыць найбуйнейшае рэкламнае шоу ў свеце "Ноч пажыральнікаў рэкламы 2018". На працягу шасці гадзін стануць паказваць калекцыю адборных сусветных рэкламных ролікаў. Асноўная тэма гэтага года — "Магія рэкламы".

Запланавана і спецыяльная праграма ў перапынках: актыўныя зоны, інтэрактыўныя конкурсы і выступы папулярных артыстаў.

Фестываль ежы

На мінулым тыдні ў Мінску стартаваў чарговы папулярны сярод гараджан гастранамічны фестываль — "Gastrofest. Крафт". У двух дзясятках кафэ і рэстаранаў сталіцы прапануюць крафтавыя дэгустацыйныя сэты па адзінай цане ў 20 рублёў. Калі вы вырашылі абыйсці ўсе месцы, варта паспяшацца: прапанова будзе актуальна менш за месяц.

Бургер, архивное фото
© Pixabay
Бургер, архіўнае фота

Перформанс у моднай прасторы

У культурным цэнтры "Корпус" у чацвер пройдзе трансмедыйны перформанс Trans(form)ation / Пера(с)тварэнне, у якім злучацца паэтычныя чытанні, гук і малюнак: маладыя аўтары і перакладчыкі пачытаюць сучасную беларускую лірыку, ілюстратары адшукаюць адпаведныя вобразы, а музыкі з Германіі і Беларусі нададуць тэкстам асаблівую гукавую форму. Уваход вольны.

Дабрачынны канцэрт

У чацвер у КЗ "Атлант" клічуць на вялікі дабрачынны канцэрт, прысвечаны Дню абароны дзяцей. Арганізатары абяцаюць, што тут выступяць група "Тяни-Толкай", спявак і музыка Аляксандр Палціс і спявак, тэле-, радыёвядучы, акцёр Георгій Калдун; а артысты мінскай студыі дзіцячага танца пакажуць свае самыя яркія нумары.

Популярный певец и телеведущий Георгий Колдун
© Sputnik / Виктор Толочко
Папулярны спявак і тэлевядучы Георгій Калдун

3D-спектакль па Дастаеўскаму

Увечары ў панядзелак на сцэне Рэспубліканскага палаца адбудзецца прэм'ера новага 3D-спектакля "Аднойчы ў вялізным горадзе" па матывах аповяду Фёдара Дастаеўскага. Абяцаюць яркае відовішча: у пастаноўцы задзейнічаная паваротная сцэна, аб'ёмныя 3D-праекцыі і не толькі. Спектакль будзе цікавы як дарослым, так і юным гледачам.

Новыя (і старыя) фільмы

Традыцыйна ў чацвер у пракат выйдзе некалькі кінапрэм'ер. З 31 мая будуць даступныя такія фільмы, як фантастыка "Чарнавік" паводле рамана Сяргея Лук'яненкі, дэтэктыў "Чырвоны верабей", камедыйны баявік "Псы пад прыкрыццём" і анімацыйная стужка "Два хвасты".

У рамках праекта Cinemascope ў кінатэатры "Ракета" кожны будні дзень можна будзе ўбачыць розныя кінастужкі. Напрыклад, на тыдні будуць даступныя да прагляду драмы "Уладар мух" Пітэра Брука (1963) і "Манхэтэн" Вудзі Алена (1979), дэтэктыў Альфрэда Хічкока "Непрыемнасці з Гары" (1955), а таксама камедыя Чарлі Чапліна "Малыш" (1921).

20
Тэги:
канцэрты, адпачынак, кіно, выставы, Культурна-масавыя мерапрыемствы, Алена Цемнікава, Уладзімір Познер, Георгій Калдун, Беларусь
Тэмы:
Куды пайсці ў Мінску (52)
Фестываль кельцкай культуры Бельтайн

Дудары, файер-шоу і ірландскія танцы: свята "Бельтайн" адкрывае фестывальны сезон

28
(абноўлена 21:35 26.04.2021)
Феерычную змену цёмнай паловы года на светлую будуць адзначаць у Цэнтральным батанічным садзе па старажытнай кельцкай традыцыі

МІНСК, 27 кра – Sputnik. Урачыстае адкрыццё беларускага фестывальнага сезона – 2021 адбудзецца 1 траўня на тэрыторыі Цэнтральнага батанічнага сада, дзе пройдзе вясновае этнічнае свята "Бельтайн", прысвечанае культуры, музыцы і традыцыям кельтаў!

Для гасцей фестывалю арганізатары падрыхтавалі шматлікія інтэрактыўныя пляцоўкі і лакацыі. Прыхільнікаў кельцкай культуры чакаюць трукавыя паядынкі на халоднай і дрэўкавай зброі, гульні шатландскіх горцаў (кіданне бервяна, кіданне піўной бочкі, барацьба на руках), традыцыйныя абрады друідаў і варажба на рунах, а таксама знакамітыя ірландскія танцы.

На галоўнай пляцоўцы свята пройдзе традыцыйны выбар Майскай каралевы. Падчас фестывалю можна будзе таксама сустрэць і аднаго з самых таямнічых персанажаў кельцкага фальклору – містычнага "Зялёнага чалавека", а яшчэ завітаць на вялікі рынак рамеснікаў і адмысловы фудкорт з рознымі пачастункамі і гарачым глінтвейнам.

Жадаючыя змогуць паспрабаваць свае сілы ў лучным і арбалетным ціры, навучыцца сапраўднаму фехтаванню, спасцігнуць кельцкі дзэн у лакацыі баланс-бордаў, паўдзельнічаць у манетным атракцыёне і здабыць перамогу ў старажытных настольных гульнях. Тых жа, хто захоча на пэўны час стаць сярэднявечным рамеснікам, чакаюць шматлікія майстар-класы, сярод якіх традыцыйнае мылаварэнне і вытворчасць свечак, майстар-клас па чаканцы, ганчарны майстар-клас і інш. А вось дакрануцца да таямніцы друідаў дапаможа эка-квэст "Майскае дрэва".

Аматары этнічнай музыкі таксама атрымаюць задавальненне: гасцей фестываля чакае вялікі open-air канцэрт з выступленнямі вядомых калектываў, сярод якіх Всё_Crazy, PAWA, Cloverland, Няміга, Hard Wood, Без Панікі, KaS, студыя этнічнага танца і музыкі "Кетры" і інш. Аздобіць свята і непераўзыдзенае шоу дудароў.

На тэрыторыі фестывалю будуць працаваць і інтэрактыўныя фотазоны – "Шаманскі куток", "Дрэва жаданняў", "Фотозона з жывымі птушкамі", "Шацёр Чараўніцы".

А ўвечары на галоўнай пляцоўцы адбудзецца самая яскравая падзея свята – конкурс вогненных і піратэхнічных тэатраў, на які немагчыма глядзець без захаплення!

Дзе: Цэнтральны батанічны сад НАН Беларусі

Калі: 1 траўня, пачатак у 11:00

Кошт квітка: ад 6 да 12 руб.

28
Тэги:
Цэнтральны батанічны сад, Цэнтральны батанічны сад НАН Беларусі, Бельтайн, ірландскія танцы, вогненныя тэатры, дудары
Дудуткі. Рыцары ў прадчуванні паядынкаў

Дудуткі запрашаюць у беларускае сярэднявечча на сапраўдны рыцарскі турнір

33
(абноўлена 21:08 06.04.2021)
Інтэрактыўны гістарычны праект "Легендарныя эпохі" вяртаецца ў знакаміты музейны комплекс ля вёскі Птіч.

МІНСК, 7 кра – Sputnik. У вясновым сезоне на тэрыторыі музейнага комплекса "Дудуткі" аднаўляецца папулярная інтэрактыўная праграма, удзельнікі якой кожныя выхадныя будуць даведвацца пра самыя значныя эпохі, падзеі і асобы, якія пакінулі прыкметны след у гісторыі Беларусі.

10 красавіка адбудзецца першае мерапрыемства, прысвечанае Рыцарам Вялікага Княства і цікавым сярэдневяковым беларускім традыцыям. Займальны экскурс у гісторыю беларускай дзяржавы пачнецца з аповеда пра даспехі, зброю і тактыку бою сярэднявечных войскаў.

Дудуткі. У чаканні саперніка па турніры
© Photo : "Берсерк"
Дудуткі. У чаканні саперніка па турніры

Наведвальнікаў Дудутак чакаюць рыцарскія баталіі, старажытныя танцы, традыцыйныя гульні і рамёствы бяларускага сярэднявечча.

Гасцей свята ахіне атмасфера часоў высакародных рыцараў і вандроўных менестрэляў з касцюміраваным тэатралізаваным прадстаўленнем і пастановачнымі паядынкамі!

На працягу ўсяго дня наведвальнікі будуць мець магчымасць адчуць прыгажосць беларускай сярэднявечнай музыкі і змогуць паўдзельнічаць у майстар-класах па старажытных танцах.

Дудуткі. Хутка пачнуцца бугурты
© Photo : "Берсерк"
Дудуткі. Хутка пачнуцца бугурты

Арганізатары свята падрыхтавалі розныя інтэрактыўныя лакацыі з сярэдневяковымі гульнямі і забавамі, уключаючы лучны і арбалетны цір, а такасама шмат іншага.

Дарэчы, праграмы ў межах праекта "Легендарныя эпохі" будуць праходзіць кожную суботу з 12 да 17 гадзін і будуць прысвечаны розным гістарычным перыядам. Таму кожны, хто пажадае, зможа і сэрцам, і рукой дакарнуцца да беларускай спадчыны праз імклівыя стагоддзі!

Дзе: Музейны комплекс старадаўніх рамёстваў і тэхналогій "Дудуткі" (Мінская вобласць, ля в. Птіч).

Калі: 10 красавіка, пачатак у 12:00.

Кошт квітка: дарослы – 14 руб., дзіцячы – 7 руб., дашкольнікі – бясплатна.

33
Тэги:
вёска, эпоха, праект, Рыцарскі турнір, турнір, Сярэднявечча, Музейны комплекс "Дудуткі", Дудуткі
Пісьмовы набор кіраўніка дзяржавы

Заканадаўчую функцыю прэзідэнта прапануюць абмежаваць у Беларусі

2
(абноўлена 12:48 14.05.2021)
У Нацыянальнай бібліятэцы Беларусі праходзіць чарговае пасяджэнне канстытуцыйнай камісіі, сёння там разглядаюць прапановы ў раздзел аб парламенце.

МІНСК, 14 тра - Sputnik. Канстытуцыйная камісія прапанавала абмежаваць заканадаўчую функцыю прэзідэнта Беларусі, ён не зможа выдаваць дэкрэты, якія маюць сілу закона.

Акрамя гэтага, прапануецца ўвесці забарону на сумяшчэнне пасад дэпутата ніжняй палаты парламента Беларусі і члена ўрада і замацаваць гэта ў Канстытуцыі.

Сёння праходзіць чацвёртае пасяджэнне Канстытуцыйнай камісіі. Разглядаюцца прапановы па змене канстытуцыйных палажэнняў аб функцыях і паўнамоцтвах парламента - Нацыянальнага сходу Рэспублікі Беларусь.

Прысяга дэпутата

У канстытуцыі таксама можа з'явіцца норма аб прынясенні прысягі дэпутатамі.

"Зыходзячы з агульнапрызнанай практыкі замацавання ў канстытуцыях замежных краін прынясення парламентарыямі прысягі перад народам, высокага статусу парламентарыя, прапануецца дапоўніць канстытуцыю палажэннем аб прынясенні дэпутатамі Палаты прадстаўнікоў, членамі Савета рэспублікі Нацыянальнага сходу Рэспублікі Беларусь прысягі на вернасць народу з выкладаннем тэксту прысягі", - заявіў кіраўнік Канстытуцыйнага суда Пётр Міклашэвіч.

Ён прапанаваў выключыць з Канстытуцыі палажэнні, якія прадугледжваюць дэлегаванне Палатай прадстаўнікоў і Саветам Рэспублікі прэзідэнту заканадаўчых паўнамоцтваў на выданне дэкрэтаў, якія маюць сілу закона - у мэтах больш поўнай рэалізацыі парламентам заканадаўчай функцыі прапануецца.

Акрамя таго, Міклашэвіч лічыць неабходным выключыць выданне прэзідэнтам па сваёй ініцыятыве або па прапанове ўрада ў сілу адмысловай неабходнасці часовых дэкрэтаў, якія маюць сілу закона.

Што з бюджэтам

Міклашэвіч таксама агучыў прапановы па працэдуры прыняцця праектаў законаў аб бюджэце.

Для больш поўнага замацавання на канстытуцыйным узроўні адной з найважнейшых функцый парламента - прыняцця і змены бюджэтаў, ён прапанаваў уключыць у артыкул 97 Канстытуцыі наступнае: "Палата прадстаўнікоў прымае законы аб рэспубліканскім бюджэце і аб зацвярджэнні справаздачы аб яго выкананні. Праект закона аб рэспубліканскім бюджэце на чарговы фінансавы год уносіцца ў Палату прадстаўнікоў урадам па ўзгадненні з прэзідэнтам не пазней 60 дзён да пачатку фінансавага года".

Як распавёў Sputnik палітолаг Юрый Васкрасенскі, таксама прапануецца павялічыць мінімальны ўзрост для абрання ў ніжнюю палату Парламента - з 21 да 25 гадоў. Стаж пражывання ў канкрэтнай мясцовасці краіны для абрання членам Савета Рэспублікі таксама павялічыць да 10 гадоў (раней было пяць).

Права тлумачэння Канстытуцыі ў ніжняй палаты Парламента прапануецца перадаць Канстытуцыйнаму Суду.

Васкрасенскі растлумачыў, што гэтыя нормы падтрымала большасць членаў Канстытуцыйнай камісіі, аднак фінальная версія Асноўнага закона будзе прадстаўленая не пазней за жнівень 2021 года.

Чытайце таксама:

2
Тэги:
Канстытуцыйная камісія, прэзідэнт, Беларусь