Медытацыя, архіўнае фота

Ёга ў парку і рок-хіты ад аркестра: куды пайсці ў будні 4-8 чэрвеня ў Мінску

26
(абноўлена 21:33 04.06.2018)
Сусветныя рок-хіты ў выкананні аркестра, сямейная ёга ў мінскім парку і свежае кіно - самае цікавае на будучым тыдні.

Па папярэдніх прагнозах, ужо да сярэдзіны будучага тыдня стане крыху халадней: у панядзелак чакаецца +29°C, але ўжо ў сераду паветра астыне да +19°C. Адпачываць ад працы вечарамі можна на канцэрце аркестра з рок-хітамі, занятку сямейнай ёгай проста ў парку, фестывалі ежы, кінапаказах або выставах. Самыя цікавыя падзеі 4-8 чэрвеня шукайце ў падборцы Sputnik.

Рок-хіты ў выкананні аркестра

У Палацы Рэспублікі ў пятніцу выступіць Прэзідэнцкі аркестр Беларусі з ужо знаёмай суайчыннікам праграмай "Дым над вадой".

Прагучыць класіка рока ў сімфанічнай апрацоўцы: сусветна вядомыя хіты груп Deep Purple, Metallica, Guns'n'Roses, Scorpions, Queen, Bon Jovi, AC/DC і не толькі. Кошт квітка — 10-40 рублёў.

Сямейная ёга ў парку

У парку Уручча па чацвяргах праводзяць вячэрнія сямейныя заняткі ёгай з дасведчаным інструктарам з мінскай школы.

Па словах арганізатараў, прыйсці могуць усе жадаючыя: чакаюць і дзяцей, і бацькоў, і бабуль з дзядулямі. Удзел бясплатны; з сабой неабходна захапіць дыванок, ваду і галаўны ўбор.

Інтэлектуальны батл у караоке

У караоке "Сябры" ў чацвер вечарам клічуць на інтэлектуальны квіз "Мозгва". Прапануюць прыйсці камандай і, адказаўшы на старанна складзеныя пытанні, што-небудзь выйграць. Кошт удзелу — 10 рублёў.

Фестываль ежы ў мінскіх кавярнях

Чарговы гастранамічны фестываль "Gastrofest. Крафт" даступны апошні тыдзень!

Овощной шашлычок
© Pixabay
Шашлычок з агародніны

Традыцыйна ў яго рамках дваццаць гарадскіх кафэ і рэстаранаў прапануюць гасцям дэгустацыйныя крафтавыя сэты, складзеныя з самых характэрных страў, па адзінай цане ў 20 рублёў.

Міжнародная фотавыстава

Выстава World Press Photo 2018, на якой можна ўбачыць лепшыя сусветныя прэс-фатаграфіі мінулага года, даступная ў сталічным культурным цэнтры "Цэх" да сярэдзіны чэрвеня. Конкурс сабраў больш за 4,5 тысячы фатографаў з 125 краін свету. Кошт квітка — 5 рублёў.

Шоу ў цырку

У Белдзяржцырку ў маі запусцілася свежая шоу-праграма: гледачам абяцаюць займальныя нумары акрабатаў і жанглёраў, трукі паветраных гімнастаў, ілюзіён-шоу, відовішчную дрэсуру (з удзелам сабак, вярблюдаў, лам і малпаў) і не толькі. Кошт квітка — ад 5 да 62 рублёў.

Выставы рознага кшталту

У ТРЦ Dana Mall гасцей па-ранейшаму сустракае выстава Future Live, дзе на свет прапануюць зірнуць у акулярах віртуальнай рэальнасці (за 10-18 рублёў). А ў Galleria Minsk яшчэ адкрыты Дом акварыумістыкі, дзе ў некалькіх залах можна паназіраць за падводнымі жыхарамі з самых экзатычных месцаў планеты (4,5-5,5 рубля), і "Мастацтва лега" з сотняй маштабных скульптур (10-14 рублёў).

Бабочка со стеклянными крыльями
© Pixabay
Матылёк са "шклянымі" крыламі

У гандлёвым цэнтры Outleto працягваецца выстава рэптылій (3,5 рубля), у бібліятэцы імя А. С. Пушкіна — выставы жывых экзатычных матылькоў (5-10 рублёў) і халоднай зброі (ад 2,5 да 5 рублёў), а ў Гасцёўні Уладзіслава Галубка — выстава карцін з дэнамінаваных купюр Нацбанка.

На Зыбіцкай, 9 яшчэ функцыянуе арт-выстава "Люстэрка душы": мастакі паказалі ўнутраны свет чалавека ў трох напрамках і падмацавалі светлавым і музычным суправаджэннем.

Новыя (і старыя) фільмы

Традыцыйна ў чацвер у пракат выйдзе некалькі кінапрэм'ер. З 7 чэрвеня будуць даступныя такія фільмы, як фантастычны баявік "Свет Юрскага перыяду 2", камедыя "Красуня на ўсю галаву" і драма Кірыла Сярэбранікава "Лета" пра жыццё і творчасць Віктара Цоя.

А ў рамках праекта Cinemascope ў кінатэатры "Ракета" ў кожны будні дзень можна будзе ўбачыць розныя кінастужкі. Да прыкладу, на тыдні будуць даступныя да прагляду дэтэктыў Альфрэда Хічкока "На поўнач праз паўночны захад" (1959), драма Джыма Джармуша "Больш дзіўна, чым у раі" (1984) і фільм жахаў Браяна Дэ Пальма "Кэры" (1976).

26
Тэги:
мерапрыемствы, музыка, адпачынак, кіно, Мінск, Беларусь
Тэмы:
Куды пайсці ў Мінску (52)
Фестываль кельцкай культуры Бельтайн

Дудары, файер-шоу і ірландскія танцы: свята "Бельтайн" адкрывае фестывальны сезон

28
(абноўлена 21:35 26.04.2021)
Феерычную змену цёмнай паловы года на светлую будуць адзначаць у Цэнтральным батанічным садзе па старажытнай кельцкай традыцыі

МІНСК, 27 кра – Sputnik. Урачыстае адкрыццё беларускага фестывальнага сезона – 2021 адбудзецца 1 траўня на тэрыторыі Цэнтральнага батанічнага сада, дзе пройдзе вясновае этнічнае свята "Бельтайн", прысвечанае культуры, музыцы і традыцыям кельтаў!

Для гасцей фестывалю арганізатары падрыхтавалі шматлікія інтэрактыўныя пляцоўкі і лакацыі. Прыхільнікаў кельцкай культуры чакаюць трукавыя паядынкі на халоднай і дрэўкавай зброі, гульні шатландскіх горцаў (кіданне бервяна, кіданне піўной бочкі, барацьба на руках), традыцыйныя абрады друідаў і варажба на рунах, а таксама знакамітыя ірландскія танцы.

На галоўнай пляцоўцы свята пройдзе традыцыйны выбар Майскай каралевы. Падчас фестывалю можна будзе таксама сустрэць і аднаго з самых таямнічых персанажаў кельцкага фальклору – містычнага "Зялёнага чалавека", а яшчэ завітаць на вялікі рынак рамеснікаў і адмысловы фудкорт з рознымі пачастункамі і гарачым глінтвейнам.

Жадаючыя змогуць паспрабаваць свае сілы ў лучным і арбалетным ціры, навучыцца сапраўднаму фехтаванню, спасцігнуць кельцкі дзэн у лакацыі баланс-бордаў, паўдзельнічаць у манетным атракцыёне і здабыць перамогу ў старажытных настольных гульнях. Тых жа, хто захоча на пэўны час стаць сярэднявечным рамеснікам, чакаюць шматлікія майстар-класы, сярод якіх традыцыйнае мылаварэнне і вытворчасць свечак, майстар-клас па чаканцы, ганчарны майстар-клас і інш. А вось дакрануцца да таямніцы друідаў дапаможа эка-квэст "Майскае дрэва".

Аматары этнічнай музыкі таксама атрымаюць задавальненне: гасцей фестываля чакае вялікі open-air канцэрт з выступленнямі вядомых калектываў, сярод якіх Всё_Crazy, PAWA, Cloverland, Няміга, Hard Wood, Без Панікі, KaS, студыя этнічнага танца і музыкі "Кетры" і інш. Аздобіць свята і непераўзыдзенае шоу дудароў.

На тэрыторыі фестывалю будуць працаваць і інтэрактыўныя фотазоны – "Шаманскі куток", "Дрэва жаданняў", "Фотозона з жывымі птушкамі", "Шацёр Чараўніцы".

А ўвечары на галоўнай пляцоўцы адбудзецца самая яскравая падзея свята – конкурс вогненных і піратэхнічных тэатраў, на які немагчыма глядзець без захаплення!

Дзе: Цэнтральны батанічны сад НАН Беларусі

Калі: 1 траўня, пачатак у 11:00

Кошт квітка: ад 6 да 12 руб.

28
Тэги:
Цэнтральны батанічны сад, Цэнтральны батанічны сад НАН Беларусі, Бельтайн, ірландскія танцы, вогненныя тэатры, дудары
Дудуткі. Рыцары ў прадчуванні паядынкаў

Дудуткі запрашаюць у беларускае сярэднявечча на сапраўдны рыцарскі турнір

33
(абноўлена 21:08 06.04.2021)
Інтэрактыўны гістарычны праект "Легендарныя эпохі" вяртаецца ў знакаміты музейны комплекс ля вёскі Птіч.

МІНСК, 7 кра – Sputnik. У вясновым сезоне на тэрыторыі музейнага комплекса "Дудуткі" аднаўляецца папулярная інтэрактыўная праграма, удзельнікі якой кожныя выхадныя будуць даведвацца пра самыя значныя эпохі, падзеі і асобы, якія пакінулі прыкметны след у гісторыі Беларусі.

10 красавіка адбудзецца першае мерапрыемства, прысвечанае Рыцарам Вялікага Княства і цікавым сярэдневяковым беларускім традыцыям. Займальны экскурс у гісторыю беларускай дзяржавы пачнецца з аповеда пра даспехі, зброю і тактыку бою сярэднявечных войскаў.

Дудуткі. У чаканні саперніка па турніры
© Photo : "Берсерк"
Дудуткі. У чаканні саперніка па турніры

Наведвальнікаў Дудутак чакаюць рыцарскія баталіі, старажытныя танцы, традыцыйныя гульні і рамёствы бяларускага сярэднявечча.

Гасцей свята ахіне атмасфера часоў высакародных рыцараў і вандроўных менестрэляў з касцюміраваным тэатралізаваным прадстаўленнем і пастановачнымі паядынкамі!

На працягу ўсяго дня наведвальнікі будуць мець магчымасць адчуць прыгажосць беларускай сярэднявечнай музыкі і змогуць паўдзельнічаць у майстар-класах па старажытных танцах.

Дудуткі. Хутка пачнуцца бугурты
© Photo : "Берсерк"
Дудуткі. Хутка пачнуцца бугурты

Арганізатары свята падрыхтавалі розныя інтэрактыўныя лакацыі з сярэдневяковымі гульнямі і забавамі, уключаючы лучны і арбалетны цір, а такасама шмат іншага.

Дарэчы, праграмы ў межах праекта "Легендарныя эпохі" будуць праходзіць кожную суботу з 12 да 17 гадзін і будуць прысвечаны розным гістарычным перыядам. Таму кожны, хто пажадае, зможа і сэрцам, і рукой дакарнуцца да беларускай спадчыны праз імклівыя стагоддзі!

Дзе: Музейны комплекс старадаўніх рамёстваў і тэхналогій "Дудуткі" (Мінская вобласць, ля в. Птіч).

Калі: 10 красавіка, пачатак у 12:00.

Кошт квітка: дарослы – 14 руб., дзіцячы – 7 руб., дашкольнікі – бясплатна.

33
Тэги:
вёска, эпоха, праект, Рыцарскі турнір, турнір, Сярэднявечча, Музейны комплекс "Дудуткі", Дудуткі
Аляксандр Лукашэнка ў час наведвання фермерскай экорынка ў Мінскім раёне

Прэзідэнт даручыў зрабіць харчовыя рынкі даступнымі для фермераў

3
(абноўлена 12:17 14.05.2021)
Наведваючы ў пятніцу экарынак Валяр’янава пад Мінскам, кіраўнік дзяржавы распарадзіўся навесці парадак у гандлі харчаваннем.

МІНСК, 14 тра - Sputnik. Прэзідэнт Беларусі Аляксандр Лукашэнка заявіў, што неабходна навесці парадак на прадуктовых рынках краіны.

Кіраўнік дзяржавы ў пятніцу наведвае экарынок ў Валяр'янава, які знаходзіцца пад Мінскам.

"Я чалавек вясковы. Я ведаю, што такое ўласнымі рукамі вырасціць і мець магчымасць прадаць", - цытуе БелТА словы Лукашэнкі.

Паводле яго слоў, людзям патрэбна магчымасць свабодна прадаваць свой тавар, ім неабходна падаць доступ на рынак.

Добры канкурэнт Камароўкі

Лукашэнка лічыць, што пабудаваны шматфункцыянальны комплекс пад Валяр’янява павінен стаць "добрым канкурэнтам Камароўкі". Усім жадаючым неабходна прадастаўляць магчымасці гандляваць прадукцыяй уласнай вытворчасці.

"Я хацеў бачыць тут фермерскі рынак, дзе любы прыватнік ці не прыватнік, усё роўна, прывёз тавар і прадаў. Але вы павінны былі тут узяць якасцю, каб любы чалавек прыехаў, купіў тут мяса, малочную прадукцыю, яшчэ нешта і сказаў: так, гэта аб'ект XXI стагоддзя ", - падкрэсліў прэзідэнт.

Кіраўніку дзяржавы далажылі, што ў цэлым яго даручэнні выкананы, і канцэпцыя фермерскага рынку захоўваецца. Але застаюцца некаторыя нявырашаныя моманты. Напрыклад, калі людзі хочуць гандляваць толькі па выхадных, а ўладальнікам рынку выгадна прадастаўляць плошчы аб'екта на працягу ўсяго тыдня.

Па аналогіі з Белкапсаюзам

Прагучала таксама прапанова стварыць арганізацыю, якая купляла б прадукцыю ў фермераў і іншых прыватнікаў. Па аналогіі з Белкаапсаюзам затым яе можна было б рэалізоўваць цэнтралізавана.

Тады для фермераў узнікае шэраг пераваг - не трэба будзе на рэгулярнай аснове браць у арэнду месца для продажу, набываць касавыя апараты, марнавацца на дастаўку і іншае.

Прэзідэнт завіў, што "абсалютна не супраць" такога падыходу. "Галоўнае - падштурхнуць чалавека, калі гэта магчыма, каб ён апрацоўваў прадукцыю. А ён будзе гэта рабіць, калі да яго прыедуць, купяць, і ён атрымае прыбытак", - лічыць ён.

Бяспечныя прадукты і інвестыцыі

У цэнтры ўвагі кіраўніка дзяржавы былі пытанні, звязаныя з забеспячэннем бяспекі харчовай прадукцыі, якая паступае на прылаўкі. На яго думку, яна "павінна быць выдатнай".

У ходзе наведвання прэзідэнтам комплексу абмяркоўвалася таксама тэма прыцягнення дадатковых інвестыцый для развіцця комплексу. Гэта пацягне за сабой змены ў структуры уласнікаў гандлёвага дома "Валяр’янава" (інвестарамі па будаўніцтве першапачаткова выступілі агракамбінаты "Ждановічы" і "Дзяржынскі", ТАА "Вялес-Міт", Мінскі малочны завод №1)

Кіраўніку дзяржавы далажылі, што ў бліжэйшы час плануецца поўнасцю задзейнічаць усе плошчы гандлёвага комплексу, уключаючы другі і трэція паверхі. Пры гэтым Лукашэнка звярнуў увагу на тое, што не трэба з гэтага месца ствараць копію буйнога гандлёвага цэнтра, якіх шмат у сталіцы.

Прэзідэнт запатрабаваў, каб на працягу гэтага года тут быў зроблены "аб'ект, на які не сорамна будзе зайсці кожны дзень". Ужо ёсць нядрэнныя водгукі наведвальнікаў экарынка.

"Кажуць, і людзі добра працуюць, і абслугоўванне добрае. Але вы мне вырашыце толькі адну задачу, чаго я ад вас патрабую: выгадаваў ён цытрусавыя - ідзі прадавай, кавуны выгадаваў - ідзі прадавай, мяса, малако, сыры і іншае - ідзі прадавай. Чалавек павінен мець свабодны доступ", - падкрэсліў Лукашэнка.

3
Тэги:
харчаванне, гандаль, рынак, Фермерская гаспадарка, Аляксандр Лукашэнка, прэзідэнт