Скрыпкі, архіўнае фота

Дызайнерскі фестываль і "вулічны" аркестр: куды пайсці 10 чэрвеня ў Мінску

30
(абноўлена 10:26 10.06.2018)
Фестываль дызайнерскіх вырабаў, дзіцячае свята ў гандлёвым цэнтры і выстава-шоу катоў - самае цікавае ў гэту нядзелю.

У нядзелю тэмпература паднімецца да +24°C, і хоць ападкаў сіноптыкі і не чакаюць, не ўвесь дзень будзе сонечным. Пацешыцца можна на фестывалі дызайнерскіх вырабаў у Батанічным садзе, на Міжнароднай выставе катоў або ў кінатэатры за праглядам свежай або рэтрастужкі, а з дзіцем наведаць бясплатнае свята ў гандлёвым цэнтры. У традыцыйнай падборцы Sputnik — годныя ўвагі падзеі 10 чэрвеня.

Фестываль дызайнерскіх вырабаў

Мерапрыемства пад назвай "Аблічча Беларусі" захопіць Цэнтральны батанічны сад на ўвесь уікэнд. У тым ліку ў нядзелю можна будзе палюбавацца цвіценнем дэкаратыўнай калекцыі півоняў, наведаць майстар-класы і лекцыі.

Липовая аллея в Ботаническом саду
© Sputnik / Виктор Толочко
Алея ў Батанічным садзе

У праграме: фуд-зоны рознага характару, рамесніцкія майстэрня, модныя паказы і канцэрт. Білет каштуе 4-7 рублёў.

Міжнародная выстава катоў

У гандлёвым цэнтры Galleria Minsk 10 чэрвеня працягнецца выстава "Містэр Кот 2018". Запланаваная маштабная шоу-праграма — конкурсы, выступленні, майстар-класы і многае іншае.

Международная выставка кошек
© Sputnik / Наталья Селиверстова
Міжнародная выстава катоў

Пад адным дахам абяцаюць сабраць самых тытулаваных катоў, а яшчэ лепшых котак і кацянят самых розных парод і афарбовак ад вядучых заводчыкаў з Беларусі, краін СНД і Еўропы.

Дзіцячае свята ў ГЦ Мінска

У гандлёва-забаўляльным цэнтры Galileo ў нядзелю пройдзе тэматычнае дзіцячае свята, прысвечанае будучаму Чэмпіянату свету па футболе. Гасцей чакаюць спартыўна-забаўляльная зона ад ФК "Дынама-Мінск", аквагрым і твістынг, майстар-клас і пачастункі. Уваход вольны.

Фестываль "Мядовыя дні"

У кожныя выхадныя чэрвеня ў мінскім Свята-Елісавецінскім манастыры будзе праходзіць бясплатны сямейны фестываль, 10 чэрвеня — не выключэнне.

Свято-Елисаветинский монастырь украшают на Рождество
© Sputnik / Виктор Толочко
У мінскім Свята-Елісавецінскім манастыры

У дні фестывалю тут адкрыецца летняе кафэ з карыснымі прысмакамі ад фітамайстэрні, стравамі манастырскай кухні, выпечкай і травянымі чаямі. Пройдуць спектаклі і арт-мерапрыемствы, запланаваныя інтэрактыўныя праграмы і майстар-класы.

Канцэрт аркестра ля Вялікага тэатра

Апошняя нядзеля, калі ўсе жадаючыя могуць бясплатна ўбачыць выступленне аркестра прама на вуліцы каля Вялікага тэатра. У нядзелю 10 чэрвеня музыкі зноў адыграюць паўгадзінную праграму з папулярнай класічнай музыкі. Калі вы яшчэ не паспелі, наведайце хоць бы аднойчы.

Заявки на экскурсию в Большой театр в этом году подали более 2 тысяч человек.
© Sputnik / Виктор Толочко
Канцэрт аркестра ля Вялікага тэатра

Новыя (і старыя) фільмы

Традыцыйна ў чацвер у пракат выйшла некалькі кінапрэм'ер. У нядзелю 10 чэрвеня ў большасці кінатэатраў горада будуць даступныя такія фільмы, як фантастычны баявік "Свет Юрскага перыяду 2", камедыя "Красуня на ўсю галаву", трылер "Рэінкарнацыя" і драма Кірыла Сярэбранікава "Лета" пра жыццё і творчасць Віктара Цоя.

У рамках праекта Cinemascope ў кінатэатры "Ракета" у гэты дзень можна будзе ўбачыць драму Вудзі Алена "Кулі над Брадвеем" (1994 г.) і вестэрн Джыма Джармуша "Мярцвяк"(1995).

Дарэчы, летнія паказы фільмаў стартавалі і ў адкрытым кінатэатры бара "Гарышча" на Зыбіцкай. У нядзелю тут пакажуць камедыю "Жыццё ёсць жыццё" (2015, Чэхія) і фантастычны фільм "Пытанні, якія часта задаюць аб падарожжах у часе" (2009, Вялікабрытанія).

30
Тэги:
мерапрыемствы, адпачынак, кіно, выставы, Мінск, Беларусь
Тэмы:
Куды пайсці ў Мінску (52)
Дудуткі. Рыцары ў прадчуванні паядынкаў

Дудуткі запрашаюць у беларускае сярэднявечча на сапраўдны рыцарскі турнір

23
(абноўлена 21:08 06.04.2021)
Інтэрактыўны гістарычны праект "Легендарныя эпохі" вяртаецца ў знакаміты музейны комплекс ля вёскі Птіч.

МІНСК, 7 кра – Sputnik. У вясновым сезоне на тэрыторыі музейнага комплекса "Дудуткі" аднаўляецца папулярная інтэрактыўная праграма, удзельнікі якой кожныя выхадныя будуць даведвацца пра самыя значныя эпохі, падзеі і асобы, якія пакінулі прыкметны след у гісторыі Беларусі.

10 красавіка адбудзецца першае мерапрыемства, прысвечанае Рыцарам Вялікага Княства і цікавым сярэдневяковым беларускім традыцыям. Займальны экскурс у гісторыю беларускай дзяржавы пачнецца з аповеда пра даспехі, зброю і тактыку бою сярэднявечных войскаў.

Дудуткі. У чаканні саперніка па турніры
© Photo : "Берсерк"
Дудуткі. У чаканні саперніка па турніры

Наведвальнікаў Дудутак чакаюць рыцарскія баталіі, старажытныя танцы, традыцыйныя гульні і рамёствы бяларускага сярэднявечча.

Гасцей свята ахіне атмасфера часоў высакародных рыцараў і вандроўных менестрэляў з касцюміраваным тэатралізаваным прадстаўленнем і пастановачнымі паядынкамі!

На працягу ўсяго дня наведвальнікі будуць мець магчымасць адчуць прыгажосць беларускай сярэднявечнай музыкі і змогуць паўдзельнічаць у майстар-класах па старажытных танцах.

Дудуткі. Хутка пачнуцца бугурты
© Photo : "Берсерк"
Дудуткі. Хутка пачнуцца бугурты

Арганізатары свята падрыхтавалі розныя інтэрактыўныя лакацыі з сярэдневяковымі гульнямі і забавамі, уключаючы лучны і арбалетны цір, а такасама шмат іншага.

Дарэчы, праграмы ў межах праекта "Легендарныя эпохі" будуць праходзіць кожную суботу з 12 да 17 гадзін і будуць прысвечаны розным гістарычным перыядам. Таму кожны, хто пажадае, зможа і сэрцам, і рукой дакарнуцца да беларускай спадчыны праз імклівыя стагоддзі!

Дзе: Музейны комплекс старадаўніх рамёстваў і тэхналогій "Дудуткі" (Мінская вобласць, ля в. Птіч).

Калі: 10 красавіка, пачатак у 12:00.

Кошт квітка: дарослы – 14 руб., дзіцячы – 7 руб., дашкольнікі – бясплатна.

23
Тэги:
вёска, эпоха, праект, Рыцарскі турнір, турнір, Сярэднявечча, Музейны комплекс "Дудуткі", Дудуткі
Гуканне вясны

Музейны комплекс Дудуткі запрашае на таямнічае Гуканне вясны

27
(абноўлена 18:17 25.03.2021)
Наведвальнікаў свята чакаюць старажытныя гукальные песні, шматлікія майстар-класы, абрадавыя гульні і вясеннія карагоды.

МІНСК, 25 сак – Sputnik. Пакаштаваць здобнае традыцыйнае печыва у выглядзе вясенніх птушачак і разам з усімі упрыгожыць стужкамі жаданняў дрэвы запрашае Музейны комплекс старадаўніх рамёстваў і тэхналогій "Дудуткі".

Штогод Дудуткі адчыняюць сваю браму для усіх прыхільнікаў народнай творчасці, закаханых у таямніцу веснавых абардаў. Таксама і ў гэты раз гасцей чакае зачаравальнае і аўтэнтычнае свята "Гуканне Вясны"!

З дапамогай сапраўдных знаўцаў традыцый беларускай культуры наведвальнікі змогуць прыняць удзел у старадаўніх танцах і гульнях, паспрабаваць свае здольнасці ў святочным роспісе па дрэве.

Гуканне вясны
© Sputnik Альфрэд Мікус
Саламяная птушка - сімвал абуджэння прыроды!

Таксама ўсім жадаючым будзе прапанавана ўласнымі рукамі зрабіць з саломкі гукальную птушку – сімвал абуджэння прыроды і надыходзячай вясны. А каб выгуканым птушачкам было дзе жыць і спяваць, арганізатары свята падрыхтавалі адмысловае тэатралізаванае дзейства-інтэрактыў – вывешванне шпакоўняў.

Сумаваць сапраўды не прыйдзецца, бо на працягу ўсіх народных гулянняў чакаюцца выступленні вядомых беларускіх творчых калектываў – фолк-этна гурта "GUDA", Народнага сямейнага ансамбля "Жывіца" і этнаграфічнага клуба "Кола" з танцавальна-гульнявой праграмай.

А для самых малых гасцей мерапрыемства будуць працаваць інтэрактыўныя пляцоўкі, дзе можна будзе зрабіць аквагрым і падзівіцца на забавы з паветранымі шарамі.

Увогуле, усе наведвальнікі свята змогуць адчуць самыя яскравыя пачуцці ад адраджэння найцікавейшых звычаяў беларускай архаічнай культуры і прыняць удзел у пазітыўным вясновым народным абрадзе!

А першых 100 наведвальнікаў чакае традыцыйны святочны пачастунак - здобныя вясновыя птушкі!

Дзе: Музейны комплекс старадаўніх рамёстваў і тэхналогій "Дудуткі" (Мінская вобласць, ля в. Птіч).

Калі: 27 сакавіка, пачатак у 12:00.

Кошт квітка: дарослы – 14 руб., дзіцячы – 7 руб., дашкольнікі – бясплатна.

27
Тэги:
карагод, Гульні, песні, свята, Гуканне вясны, Дудуткі, Музейны комплекс "Дудуткі"
Праасвяшчэнны Круціцкі і Каломенскі, Патрыяршы намеснік Маскоўскай мітраполіі Павел

Экс-кіраўніка БПЦ мітрапаліта Паўла перавялі на новую работу

15
(абноўлена 09:53 17.04.2021)
Мітрапаліт Павел абраны пераемнікам мітрапаліта Ювеналія, які нязменна кіраваў маскоўскімі прыходамі амаль 44 гады.

МІНСК, 18 кра – Sputnik. Новым кіраўніком падмаскоўных парафій стане былы кіраўнік Беларускай праваслаўнай царквы мітрапаліт Павел (Панамароў), дадзенае рашэнне было прынята Святым Сінодам Рускай праваслаўнай царквы.

У жніўні мінулага года мітрапаліт Павел быў адпраўлены на кубанскую кафедру, а на яго месца быў прызначаны епіскап Веніямін.

Рашэннем Святога Сінода ад 25 жніўня 2020 года мітрапаліт Павел быў вызвалены ад пасады Патрыяршага экзарха ўсяе Беларусі, з выказваннем падзякі за панесеныя працы, і прызначаны мітрапалітам Кацярынадарскім і Кубанскім, кіраўніком Кубанскай мітраполіі.

А рашэннем Святога Сінода ад 15 красавіка 2021 года мітрапаліт Павел прызначаны Праасвяшчэнным Круціцкім і Каломенскім, Патрыяршым намеснікам Маскоўскай мітраполіі, пастаянным членам Святога Сінода, з вызваленнем ад кіравання Кацярынадарскай епархіяй.

Такім чынам, ён абраны пераемнікам мітрапаліта Ювеналія (Паяркава), які напярэдадні па асабістай просьбе быў адпраўлены на супакой у сувязі з узростам і станам здароўя. Падмаскоўнымі прыходамі ён кіраваў амаль 44 гады і да гэтага часу быў найстарэйшым з правячых архірэяў РПЦ.

Мітрапаліт Павел на пасаду кіраўніка БПЦ быў прызначаны 25 снежня 2013 года пасля таго, як мітрапаліт Філарэт, які кіраваў БПЦ больш за 20 гадоў, пайшоў на пенсію па ўзросце.

Першы Патрыяршы Экзарх усяе Беларусі мітрапаліт Філарэт памёр 12 студзеня 2021 года на 86-м годзе жыцця. Сінод БПЦ прыняў рашэнне аб увекавечанні яго памяці, для гэтага створана спецыяльная Мемарыяльная камісія. Яе ўзначаліў архіепіскап Навагрудскі і Слонімскі Гурый.

Чытайце таксама:

15
Тэги:
работа, Мітрапаліт Павел, мітрапаліт, БПЦ, экс-кіраўнік