Мінчане на занятках ёгай

"Купальскае Кола" і ёга на даху: куды пайсці ў будні 18-22 чэрвеня ў Мінску

28
(абноўлена 09:42 18.06.2018)
Фестываль "Купальскае Кола 2018", жывая музыка ў дворыку музея і бясплатная ёга на даху гатэля - самае цікавае на будучым тыдні ў аглядзе Sputnik.

Па папярэдніх прагнозах, тэмпература на тыдні падымецца да +27°C, часам будзе воблачна, але ападкаў чакаюць толькі ў аўторак. У традыцыйнай падборцы падзей Sputnik на 18-22 чэрвеня — мерапрыемствы і пад адкрытым небам, і ў цёплых сценах: open-air-фэст і канцэрт у дворыку музея, ёга на даху гатэля і бясплатныя велазаняткі, а таксама свежыя і рэтракінастужкі.

Open-air-фэст "Купальскае Кола 2018"

У пятніцу ў мінскім парку DreamLand адкрыецца фестываль "Купальскае Кола". Гасцей будуць чакаць дзве канцэртныя пляцоўкі, кірмаш, зона для актыўных, таверна, майстар-класы, фотазоны, фаер-шоу і футбольныя трансляцыі. Тут нават прапануюць застацца на ноч — будзе разбіты лагер.

На мясцовых сцэнах выступяць каля 25 гуртоў, у ліку якіх "Мастер" (Расія), Panychida (Чэхія) і Varang Nord (Латвія). Кошт квітка — ад 20 да 35 рублёў.

Жывая музыка ў дворыку музея

Ва ўнутраным дворыку Нацыянальнага гістарычнага музея ў чацвер пройдзе "Свята музыкі". Акрамя канцэрту, гасцей чакае фуд-корт і кірмаш "Гарошак маркет" з аўтарскімі падарункамі.

Выступленне гурта Re1ikt на Купальскім коле
© Sputnik Юлія Хвошч
Выступленне гурта Re1ikt на "Купальскім коле"

Лайн-ап, як сцвярджаюць ініцыятары, шматжанравы і высокапрафесійны: выступяць Аня Жданава (інды-поп/электроніка), Malanka Orchestra (поп-фолк), Re1ikt (мадэрн-рок) і Nizkiz (поп-рок), а таксама спецыяльна запрошаныя артысты з Францыі. Уваход будзе каштаваць 3-5 рублёў.

Фестываль ежы ў фудтраках

На мінулым тыдні стартаваў новы гастранамічны фестываль Gastrofest. Street Food. Усё лета ў сталіцы стане функцыянаваць першая стаянка фудтракаў, дзе 16 удзельнікаў будуць прапаноўваць гасцям спецыяльныя сэты па адзінай цане ў 7 рублёў. Па словах арганізатараў, дапаўняць працу лакацыі маюць намер годнай музыкай.

Доступ да сцэны, кіно і лекцыі ў "Корпусе"

У культурным цэнтры "Корпус" у аўторак пройдзе чарговая "пяціхвілінка" (уваход — 3 рублі): любы госць зможа выйсці на сцэну з вершамі, песнямі, трагедыямі, апавяданнямі з рэальнага жыцця і ўсім, што душы заўгодна. Можна проста паназіраць.

Увечары ў панядзелак тут жа пройдзе бясплатная сустрэча ў рамках цыкла нясумных, па словах арганізатараў, лекцый, а па серадах тут бясплатна паказваюць кіно — выбіраюць выпадковае, "са скрынкі".

Бясплатна: ёга на даху гатэля і велазаняткі

Увечары 21 чэрвеня усіх жадаючых клічуць на занятак ёгай на даху Renaissance Minsk Hotel. Весьці мерапрыемства будуць адразу чатыры прафесіяналы са сталічнай школы. А яшчэ абяцаюць пачаставаць гарбатай і разыграць абанемент. Дыванкі дадуць, але колькасць месцаў абмежавана — варта зарэгістравацца загадзя.

Велосипедисты наблюдают за выступлением конкурентов
© Sputnik / Виктор Толочко
Веласіпедысты назіраюць за выступам канкурэнтаў

У парку імя Янкі Купалы ў сераду, чацвер і пятніцу правядуць бясплатныя заняткі ў велашколе для дарослых. Наведаць можна нават без веласіпеда: вучаць і яздзе, і правілам дарожнага руху.

Фестываль сучаснай музыкі і нямога кіно

У рамках фестывалю сучаснай музыкі і нямога кіно "Кинемо" каля Музея-майстэрні Заіра Азгура паказваюць нямое кіно класікаў сусветнага кінематографа, агучанае сучаснымі беларускімі і замежнымі музыкамі і кампазітарамі.

Увечары 21 чэрвеня ва ўнутраным дворыку музея можна паглядзець карціну Фрыдрыха Вільгельма Мурнау "Усход сонца: Песня двух чалавек" (1927).

Новыя (і старыя) фільмы

Традыцыйна ў чацвер у пракат выйдзе некалькі кінапрэм'ер: з 21 чэрвеня будуць даступныя баевікі "8 сябровак Оушена" і "План уцёкаў 2".

А ў рамках праекта Cinemascope ў кінатэатры "Ракета" ў кожны будні дзень можна будзе ўбачыць розныя кінастужкі. Напрыклад, на тыдні будуць даступныя дэтэктыў Рамана Паланскі "Дзіця Размары" (1968), драмы Джыма Джармуша "Больш дзіўна, чым у раі" (1984) і Тэрэнса Дэвіса "Далёкія галасы, застылыя жыцці" (1988), а таксама камедыйны мюзікл Рычарда Лестэра "The Beatles: Вечар цяжкага дня" (1964).ф

28
Тэги:
музыка, кіно, Фестываль, Купальскае кола, Беларусь
Тэмы:
Куды пайсці ў Мінску (52)
По теме
Вогненнае шоу і карагоды пад рок: як у Дудутках праходзіць "Свята сонца"
Рэканструкцыя Першай сусветнай вайны, архіўнае фота

Паглядзець на баі Першай сусветнай вайны запрашаюць у Дудуткі

14
(абноўлена 11:33 29.10.2020)
Аматары гістарычнай рэканструкцыі таксама змогуць убачыць зброю тых часоў.

МІНСК, 29 кас – Sputnik. Рэканструкцыю штыкавага боя часоў Першай сусветнай вайны зладзяць у Дудутках у рамках праекта "Легендарныя эпохі", паведамілі арганізатары мерапрыемства.

Акрамя рэканструкцыі 31 кастрычніка гасцей чакае аповед пра падзеі Першай сусветнай вайны і выстава зброі тых часоў, праца інтэрактыўных і фота- зон.

"Праект "Легендарныя эпохі" закліканы ў інтэрактыўным фармаце распавесці пра самыя цікавыя эпохі, падзеі і людзей Беларусі. Кожныя выхадныя на тэрыторыі музейнага комплекса будзе праходзіць інтэрактыўная праграма, якая адлюстроўвае пэўны гістарычны перыяд або падзеі", - паведамілі арганізатары.

Праграмы ў межах праекта будуць праходзіць кожную суботу з 12:00 да 17:00.

7 лістапада тэмай мерапрыемства стане Другая Сусветная вайна, 14 лістапада – шатландскія найміты, 21 лістапада – эпоха вікінгаў, а 28 лістапада ў Дудутках пройдзе рыцарскі турнір сярэднявечча.

Чытайце таксама:

14
Тэги:
Музейны комплекс "Дудуткі", Першая сусветная вайна
Спектакль Убачыць ружовага слана

Тэатр HomoCosmos запрашае на восеньскія прэм’еры ўжо зараз

50
(абноўлена 14:46 15.05.2020)
Адзін з самых яркіх тэатральных праектаў сталіцы рыхтуе тры цікавыя пастаноўкі, сярод якіх спектакль па кнізе Святланы Алексіевіч.

МІНСК, 15 мая - Sputnik. Незалежная тэатральная кампанія Homocosmos рыхтуецца прадставіць восенню адразу тры прэм’еры, якія прыйшлося адкласці з-за пандэміі каронавіруса.

Зараз тэатр збірае грошы на падрыхтоўку рэквізіта і рашэнне арганізацыйных момантаў праз творчую ініцыятыву #АртПроездной, што аб’ядноўвае творчыя калектывы, якія зараз маюць патрэбу ў падтрымцы.

HomoCosmos, знакаміты гледачам такімі пастаноўкамі як "Дора, ці Сэксуальныя неўрозы нашых бацькоў", "Убачыць ружовага слана", "Бог козыту", "Раскрыццё", не проста просіць грошы: яны прапануюць сваім наведвальнікам цікавую альтэрнатыву.

Сёння гледачы могуць набыць квіткі з адкрытай датай на спектаклі: такім чынам, калі адновіцца праца, яны змогуць абраць любую пастаноўку.

Патрапіць можна будзе не толькі на знаёмыя спектаклі, але і на запланаваныя на восень гэтага года прэм’еры - "Хлопчыкі" (па рамане "Цынкавыя хлопчыкі" Святланы Алексіевіч рэжысёра Алега Хрысталюбскага), "Нічога святога" рэжысёра Аляксандра Марчанкі і "Ясь і Малгося" рэжысёрак Кацярыны Аверкавай і Паліны Дабравольскай.

Чытайце таксама:

50
Тэги:
Мінск, Тэатр
Які сёння дзень: 26 лютага

Які сёння дзень: 26 лютага 2021 года

0
(абноўлена 17:29 21.02.2021)
Гэты дзень з'яўляецца пяцьдзесят сёмым па грыгарыянскім календары, таму да канца года засталося 308 дзён.

Якія падзеі адбыліся 26 лютага і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 26 лютага

  • У 1932 годзе ў Мінску пачала выдавацца газета "Літаратура і мастацтва".
  • У 1992 годзе Беларусь і Фінляндыя ўстанавілі дыпламатычныя адносіны.

Хто нарадзіўся 25 лютага

  • 1912 год: Уладзімір Карпаў, беларускі пісьменнік.
  • 1918 год: Пётр Машэраў, кіраўнік Беларускай ССР.
  • 1929 год: Георгій Колас, беларускі пісьменнік.

Таксама сёння нарадзіліся французскі пісьменнік Віктор Гюго і рускі пісьменнік Аляксандр Праханаў.

26 лютага ў народным календары

Сёння праваслаўныя вернікі шануюць памяць вялебнага Марцініана Палесцінскага, якога ў народзе называюць Мартын, і Стэфана Неманя, або ў народзе – Сцяпана.

Святому Мартыну моляцца пра збаўленне ад спакусаў, асабліва – жаночых. Таксама гэты дзень лічыўся добрым, каб прыбраць у хаце – гэта абяцала дабрабыт і ўдачу ў справах.

Калі снег у гэты дзень пачаў раставаць, вясна будзе цёплая. Пахмурны дзень, наадварот, абвяшчае пра познюю і халодную вясну.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей