Наш Грунвальд-2017

"Наш Грунвальд - 2018", парад МНС і UNO-турнір: куды пайсці 21 ліпеня ў Мінску

32
(абноўлена 09:23 21.07.2018)
Маштабны фестываль сярэднявечнай культуры і музыкі, турнір па UNO ў гандлёвым цэнтры і класічны канцэрт каля ратушы - самае цікавае ў будучую суботу.

У суботу ў Мінску паветра прагрэецца да + 27°С, аднак па рэспубліцы абвешчаны аранжавы ўзровень небяспекі — месцамі пройдуць ліўні і нават прагрымяць навальніцы. Схавацца ад непагадзі можна на годным мерапрыемстве — у "Дудутках" пройдзе сярэднявечны фэст, каля ратушы — класічны канцэрт, а ў галерэі "Ў" — модны маркет. Шукайце ў традыцыйнай падборцы Sputnik самыя цікавыя падзеі 21 ліпеня.

"Наш Грунвальд — 2018"

Вялікі фестываль сярэднявечнай культуры і музыкі пад адкрытым небам адкрыецца ў суботу ў музейным комплексе "Дудуткі". Традыцыйна яго прысвецяць ваеннай і свецкай культуры і традыцыям. Галоўнай падзеяй стане рэканструкцыя самой маштабнай бітвы сярэднявечнай Еўропы — Грунвальдскай.

За два дні тут пройдуць турніры рыцараў, лучнікаў, алебардыстаў, майстар-класы, прагрымяць канцэрты цікавых фолк-калектываў (у тым ліку гасцей з іншых краін), будуць даступныя "Горад майстроў", інтэрактыўныя пляцоўкі і фудкорт. Кошт квітка — ад 8 да 20 рублёў.

Свята ў гонар Дня пажарнай службы

У суботу ў Мінску з размахам адзначаць прафесійнае свята выратавальнікаў. Раніцай пройдзе парад пажарнай аварыйна-выратавальнай тэхнікі, якую пазней выставяць ў парку Горкага. Там жа разгорнецца маштабны святочны канцэрт з віктарынамі і конкурсамі для дзяцей.

Модны маркет у галерэі

У галерэі "Ў", якая пачала працаваць зусім нядаўна, у суботу і нядзелю пройдзе "Самы модны маркет", дзе можна будзе адпачыць, паслухаць музыку і патанцаваць. На маркеце можна будзе купіць цікавыя штучкі ад выбітных айчынных дызайнераў. Будзе працаваць дзіцячая зона.

Большой модный маркет
© Sputnik
Модны маркет у Мінску

Турнір па UNO

У цэнтры Dana Mall у суботу прапануюць бясплатна паўдзельнічаць у турніры па вядомай настольнай гульні UNO. Тут будуць суседнічаць розныя зоны: напрыклад, у адной навучаць правілам, у іншай прапануюць паўдзельнічаць у розыгрышах ці інтэрактывах. Дарэчы, змагацца гульцы будуць за Sony PlayStation 4, электрасамакат і горны веласіпед — у залежнасці ад занятага месца.

Канцэрт класічнай музыкі каля ратушы

На мінулым тыдні стартаваў другі сезон цыкла любімых мінчанамі канцэртаў пад адкрытым небам "Класіка каля ратушы": сусветныя шэдэўры ў самым цэнтры горада можна бясплатна паслухаць у любую суботу аж да канца жніўня. Абноўленая праграма ўжо даступная: на 21 ліпеня прызначаны канцэрт "Чароўны свет аперэты".

Бясплатнае дзіцячае свята з аніматарамі

У гандлёвы цэнтр Outleto 21 ліпеня клічуць юных гасцей: тут пройдзе бясплатнае свята. У праграме, па словах арганізатараў, выраб мішак з паветраных шароў, інтэрактыўныя гульні і конкурсы, маляўнічы аквагрым, конкурсы, рухомая гульня ў твістэр і не толькі.

Новае (і старое) кіно

Традыцыйна ў чацвер у пракат выйшла некалькі кінапрэм'ер. У суботу, 21 ліпеня, у большасці кінатэатраў горада будуць даступныя трылеры "Клуб мільярдэраў" і "Паранармальныя", баявік "Офіснае бязмежжа", фільм жахаў "Парыж. Горад Zомбі" і меладрамы "Мектуб, маё каханне" і "Зоі".

У рамках праекта Cinemascope ў кінатэатры "Ракета" у гэты дзень можна ўбачыць камедыю Рычарда Лестэра "На дапамогу!" (1965), драму Вудзі Алена "Манхэтэн" (1979) і баявік Сэма Пекінпа "Дзікая банда" (1969). А ў Музеі гісторыі беларускага кіно да канца ліпеня будуць паказваць знакамітыя музычныя фільмы: 21 ліпеня пройдзе паказ стужкі Роберта Уайза "Гукі музыкі" (1965).

У дворыку гатэля "Манастырскі" у Верхнім горадзе працягваюцца суботнія паказы: у гэты дзень можна ўбачыць французскую рамантычную камедыю Шарля Нэмэсі "Гатэль рамантычных спатканняў".

А ў сталічным планетарыі ўсе выхадныя паказваюць розны незвычайнае сферычнае кіно для дзяцей, а пасля праводзяць экскурсію па зорным небе. Кошт — ад 3,6 да 4,2 рубля за квіток.

32
Тэги:
музыка, кіно, Фестываль, Мінск
Тэмы:
Куды пайсці ў Мінску (52)
Дудуткі. Рыцары ў прадчуванні паядынкаў

Дудуткі запрашаюць у беларускае сярэднявечча на сапраўдны рыцарскі турнір

23
(абноўлена 21:08 06.04.2021)
Інтэрактыўны гістарычны праект "Легендарныя эпохі" вяртаецца ў знакаміты музейны комплекс ля вёскі Птіч.

МІНСК, 7 кра – Sputnik. У вясновым сезоне на тэрыторыі музейнага комплекса "Дудуткі" аднаўляецца папулярная інтэрактыўная праграма, удзельнікі якой кожныя выхадныя будуць даведвацца пра самыя значныя эпохі, падзеі і асобы, якія пакінулі прыкметны след у гісторыі Беларусі.

10 красавіка адбудзецца першае мерапрыемства, прысвечанае Рыцарам Вялікага Княства і цікавым сярэдневяковым беларускім традыцыям. Займальны экскурс у гісторыю беларускай дзяржавы пачнецца з аповеда пра даспехі, зброю і тактыку бою сярэднявечных войскаў.

Дудуткі. У чаканні саперніка па турніры
© Photo : "Берсерк"
Дудуткі. У чаканні саперніка па турніры

Наведвальнікаў Дудутак чакаюць рыцарскія баталіі, старажытныя танцы, традыцыйныя гульні і рамёствы бяларускага сярэднявечча.

Гасцей свята ахіне атмасфера часоў высакародных рыцараў і вандроўных менестрэляў з касцюміраваным тэатралізаваным прадстаўленнем і пастановачнымі паядынкамі!

На працягу ўсяго дня наведвальнікі будуць мець магчымасць адчуць прыгажосць беларускай сярэднявечнай музыкі і змогуць паўдзельнічаць у майстар-класах па старажытных танцах.

Дудуткі. Хутка пачнуцца бугурты
© Photo : "Берсерк"
Дудуткі. Хутка пачнуцца бугурты

Арганізатары свята падрыхтавалі розныя інтэрактыўныя лакацыі з сярэдневяковымі гульнямі і забавамі, уключаючы лучны і арбалетны цір, а такасама шмат іншага.

Дарэчы, праграмы ў межах праекта "Легендарныя эпохі" будуць праходзіць кожную суботу з 12 да 17 гадзін і будуць прысвечаны розным гістарычным перыядам. Таму кожны, хто пажадае, зможа і сэрцам, і рукой дакарнуцца да беларускай спадчыны праз імклівыя стагоддзі!

Дзе: Музейны комплекс старадаўніх рамёстваў і тэхналогій "Дудуткі" (Мінская вобласць, ля в. Птіч).

Калі: 10 красавіка, пачатак у 12:00.

Кошт квітка: дарослы – 14 руб., дзіцячы – 7 руб., дашкольнікі – бясплатна.

23
Тэги:
вёска, эпоха, праект, Рыцарскі турнір, турнір, Сярэднявечча, Музейны комплекс "Дудуткі", Дудуткі
Гуканне вясны

Музейны комплекс Дудуткі запрашае на таямнічае Гуканне вясны

27
(абноўлена 18:17 25.03.2021)
Наведвальнікаў свята чакаюць старажытныя гукальные песні, шматлікія майстар-класы, абрадавыя гульні і вясеннія карагоды.

МІНСК, 25 сак – Sputnik. Пакаштаваць здобнае традыцыйнае печыва у выглядзе вясенніх птушачак і разам з усімі упрыгожыць стужкамі жаданняў дрэвы запрашае Музейны комплекс старадаўніх рамёстваў і тэхналогій "Дудуткі".

Штогод Дудуткі адчыняюць сваю браму для усіх прыхільнікаў народнай творчасці, закаханых у таямніцу веснавых абардаў. Таксама і ў гэты раз гасцей чакае зачаравальнае і аўтэнтычнае свята "Гуканне Вясны"!

З дапамогай сапраўдных знаўцаў традыцый беларускай культуры наведвальнікі змогуць прыняць удзел у старадаўніх танцах і гульнях, паспрабаваць свае здольнасці ў святочным роспісе па дрэве.

Гуканне вясны
© Sputnik Альфрэд Мікус
Саламяная птушка - сімвал абуджэння прыроды!

Таксама ўсім жадаючым будзе прапанавана ўласнымі рукамі зрабіць з саломкі гукальную птушку – сімвал абуджэння прыроды і надыходзячай вясны. А каб выгуканым птушачкам было дзе жыць і спяваць, арганізатары свята падрыхтавалі адмысловае тэатралізаванае дзейства-інтэрактыў – вывешванне шпакоўняў.

Сумаваць сапраўды не прыйдзецца, бо на працягу ўсіх народных гулянняў чакаюцца выступленні вядомых беларускіх творчых калектываў – фолк-этна гурта "GUDA", Народнага сямейнага ансамбля "Жывіца" і этнаграфічнага клуба "Кола" з танцавальна-гульнявой праграмай.

А для самых малых гасцей мерапрыемства будуць працаваць інтэрактыўныя пляцоўкі, дзе можна будзе зрабіць аквагрым і падзівіцца на забавы з паветранымі шарамі.

Увогуле, усе наведвальнікі свята змогуць адчуць самыя яскравыя пачуцці ад адраджэння найцікавейшых звычаяў беларускай архаічнай культуры і прыняць удзел у пазітыўным вясновым народным абрадзе!

А першых 100 наведвальнікаў чакае традыцыйны святочны пачастунак - здобныя вясновыя птушкі!

Дзе: Музейны комплекс старадаўніх рамёстваў і тэхналогій "Дудуткі" (Мінская вобласць, ля в. Птіч).

Калі: 27 сакавіка, пачатак у 12:00.

Кошт квітка: дарослы – 14 руб., дзіцячы – 7 руб., дашкольнікі – бясплатна.

27
Тэги:
карагод, Гульні, песні, свята, Гуканне вясны, Дудуткі, Музейны комплекс "Дудуткі"
Праасвяшчэнны Круціцкі і Каломенскі, Патрыяршы намеснік Маскоўскай мітраполіі Павел

Экс-кіраўніка БПЦ мітрапаліта Паўла перавялі на новую работу

13
(абноўлена 09:53 17.04.2021)
Мітрапаліт Павел абраны пераемнікам мітрапаліта Ювеналія, які нязменна кіраваў маскоўскімі прыходамі амаль 44 гады.

МІНСК, 18 кра – Sputnik. Новым кіраўніком падмаскоўных парафій стане былы кіраўнік Беларускай праваслаўнай царквы мітрапаліт Павел (Панамароў), дадзенае рашэнне было прынята Святым Сінодам Рускай праваслаўнай царквы.

У жніўні мінулага года мітрапаліт Павел быў адпраўлены на кубанскую кафедру, а на яго месца быў прызначаны епіскап Веніямін.

Рашэннем Святога Сінода ад 25 жніўня 2020 года мітрапаліт Павел быў вызвалены ад пасады Патрыяршага экзарха ўсяе Беларусі, з выказваннем падзякі за панесеныя працы, і прызначаны мітрапалітам Кацярынадарскім і Кубанскім, кіраўніком Кубанскай мітраполіі.

А рашэннем Святога Сінода ад 15 красавіка 2021 года мітрапаліт Павел прызначаны Праасвяшчэнным Круціцкім і Каломенскім, Патрыяршым намеснікам Маскоўскай мітраполіі, пастаянным членам Святога Сінода, з вызваленнем ад кіравання Кацярынадарскай епархіяй.

Такім чынам, ён абраны пераемнікам мітрапаліта Ювеналія (Паяркава), які напярэдадні па асабістай просьбе быў адпраўлены на супакой у сувязі з узростам і станам здароўя. Падмаскоўнымі прыходамі ён кіраваў амаль 44 гады і да гэтага часу быў найстарэйшым з правячых архірэяў РПЦ.

Мітрапаліт Павел на пасаду кіраўніка БПЦ быў прызначаны 25 снежня 2013 года пасля таго, як мітрапаліт Філарэт, які кіраваў БПЦ больш за 20 гадоў, пайшоў на пенсію па ўзросце.

Першы Патрыяршы Экзарх усяе Беларусі мітрапаліт Філарэт памёр 12 студзеня 2021 года на 86-м годзе жыцця. Сінод БПЦ прыняў рашэнне аб увекавечанні яго памяці, для гэтага створана спецыяльная Мемарыяльная камісія. Яе ўзначаліў архіепіскап Навагрудскі і Слонімскі Гурый.

Чытайце таксама:

13
Тэги:
работа, Мітрапаліт Павел, мітрапаліт, БПЦ, экс-кіраўнік