Грузінская спявачка Ніно Катамадзэ

Караоке з горцамі і Ніно Катамадзэ: што будзе на "Тбілісобе - 2018" у Мінску

18
(абноўлена 18:09 20.08.2018)
На свяце Грузіі адбудзецца канцэрт з Ніно Катамадзэ і групай Insight, разгорнуцца забаўляльныя, адукацыйныя і гастранамічныя зоны.

Ужо чацвёртае па ліку вялікае грузінскае свята "Тбілісоба" ў 2018 годзе намечана на 1 верасня — у гэты дзень на тэрыторыі Верхняга горада раскінуцца шматлікія зоны актывацый, выступяць вядомыя артысты, пройдуць майстар-класы і многае іншае. Што рабіць на "Тбілісобе — 2018" у Мінску — шукайце ў афішы Sputnik.

Фестываль грузінскай культуры "Тбілісоба" 1 верасня пройдзе ў Мінску ўжо ў чацвёрты раз. У мінулым годзе на ім пабывала каля 45 тысяч гасцей, а ў гэтым ініцыятары праекта чакаюць яшчэ больш наведвальнікаў.

У гэтым годзе Грузія адзначае сто гадоў з дня сваёй незалежнасці, так што арганізатары плануюць паказаць беларусам усё самае лепшае — менавіта тое, чаго ўдалося дасягнуць за гэтыя гады.

Музыка

У 2018 годзе на галоўнай сцэне ля гарадской ратушы на працягу ўсяго дня будуць выступаць самыя розныя творчыя калектывы, аднак у гэтым годзе для гасцей падрыхтавалі адмысловы сюрпрыз.

Днём госці змогуць паслухаць тут вядомыя "Грузінскія галасы", а яшчэ ансамбль "Эрысіёні", дзякуючы якому беларусы змогуць пачуць знакамітае грузінскае шматгалоссе, уключанае нават у спіс сусветнай культурнай спадчыны.

Увечары на сцэне ў рамках "Тбілісобы-2018" будзе гучаць джаз — выконваць яго будуць як госці з Грузіі, так і мясцовыя музыканты.

Хэдлайнерам гэтага дня стане сусветны лідар джаз-культуры і сапраўдны сімвал нацыянальнай музыкі — Ніно Катамадзэ, якая выступіць бясплатна. Таксама госці змогуць паслухаць гурт Insight.

Музыка (у суправаджэнні, вядома, танцаў) будзе гучаць у самым цэнтры горада да поўначы.

Забавы

На "Тбілісобе" ў 2018-м разгорнецца мноства зон з забаўкамі самага рознага кшталту: як абяцаюць арганізатары, споты раскінуцца ад Ратушы да самай Свіслачы. Для гасцей мерапрыемства нават падрыхтавалі спіс з сотні абавязковых спраў, што дапаможа як мага больш даведацца пра краіну.

Відэафакт: на фестывалі Тбілісоба грузіны спявалі Купалінку
© Sputnik Александр Кривошеев Видеофакт: На открытии "Тбилисобы" грузины пели "Купалинку"

У прыватнасці, прапануюць перамагчы боязь вышыні, павучыцца катацца на скейтах, выканаць незвычайную кампазіцыю ў караоке (з бэк-вакалістамі — горцамі), нават пафарбаваць валасы ў колеры нацыянальнага сцяга Грузіі. А яшчэ ў рамках мерапрыемства будзе працаваць першы "Турбазар", дзе раскажуць пра ўсе характэрныя заняткі, пра якія не варта забываць, калі вырашыце паехаць у Грузію.

На пляцоўцы з лекцыямі будуць выступаць вандроўцы і трэвэл-блогеры — у гэтай зоне варта спыніцца, калі вам цікава, як заваяваць Казбек, па якіх рэках зладзіць рафтынг або нават як адсвяткаваць эфектнае вяселле ў самым прыгожым садзе Тбілісі.

Прыйсці на вялікае грузінскае свята можна бясплатна, яно будзе доўжыцца з дванаццаці гадзін дня да поўначы.

18
Тэги:
"Тбілісоба", Грузія, Беларусь
Рэканструкцыя Першай сусветнай вайны, архіўнае фота

Паглядзець на баі Першай сусветнай вайны запрашаюць у Дудуткі

14
(абноўлена 11:33 29.10.2020)
Аматары гістарычнай рэканструкцыі таксама змогуць убачыць зброю тых часоў.

МІНСК, 29 кас – Sputnik. Рэканструкцыю штыкавага боя часоў Першай сусветнай вайны зладзяць у Дудутках у рамках праекта "Легендарныя эпохі", паведамілі арганізатары мерапрыемства.

Акрамя рэканструкцыі 31 кастрычніка гасцей чакае аповед пра падзеі Першай сусветнай вайны і выстава зброі тых часоў, праца інтэрактыўных і фота- зон.

"Праект "Легендарныя эпохі" закліканы ў інтэрактыўным фармаце распавесці пра самыя цікавыя эпохі, падзеі і людзей Беларусі. Кожныя выхадныя на тэрыторыі музейнага комплекса будзе праходзіць інтэрактыўная праграма, якая адлюстроўвае пэўны гістарычны перыяд або падзеі", - паведамілі арганізатары.

Праграмы ў межах праекта будуць праходзіць кожную суботу з 12:00 да 17:00.

7 лістапада тэмай мерапрыемства стане Другая Сусветная вайна, 14 лістапада – шатландскія найміты, 21 лістапада – эпоха вікінгаў, а 28 лістапада ў Дудутках пройдзе рыцарскі турнір сярэднявечча.

Чытайце таксама:

14
Тэги:
Музейны комплекс "Дудуткі", Першая сусветная вайна
Спектакль Убачыць ружовага слана

Тэатр HomoCosmos запрашае на восеньскія прэм’еры ўжо зараз

50
(абноўлена 14:46 15.05.2020)
Адзін з самых яркіх тэатральных праектаў сталіцы рыхтуе тры цікавыя пастаноўкі, сярод якіх спектакль па кнізе Святланы Алексіевіч.

МІНСК, 15 мая - Sputnik. Незалежная тэатральная кампанія Homocosmos рыхтуецца прадставіць восенню адразу тры прэм’еры, якія прыйшлося адкласці з-за пандэміі каронавіруса.

Зараз тэатр збірае грошы на падрыхтоўку рэквізіта і рашэнне арганізацыйных момантаў праз творчую ініцыятыву #АртПроездной, што аб’ядноўвае творчыя калектывы, якія зараз маюць патрэбу ў падтрымцы.

HomoCosmos, знакаміты гледачам такімі пастаноўкамі як "Дора, ці Сэксуальныя неўрозы нашых бацькоў", "Убачыць ружовага слана", "Бог козыту", "Раскрыццё", не проста просіць грошы: яны прапануюць сваім наведвальнікам цікавую альтэрнатыву.

Сёння гледачы могуць набыць квіткі з адкрытай датай на спектаклі: такім чынам, калі адновіцца праца, яны змогуць абраць любую пастаноўку.

Патрапіць можна будзе не толькі на знаёмыя спектаклі, але і на запланаваныя на восень гэтага года прэм’еры - "Хлопчыкі" (па рамане "Цынкавыя хлопчыкі" Святланы Алексіевіч рэжысёра Алега Хрысталюбскага), "Нічога святога" рэжысёра Аляксандра Марчанкі і "Ясь і Малгося" рэжысёрак Кацярыны Аверкавай і Паліны Дабравольскай.

Чытайце таксама:

50
Тэги:
Мінск, Тэатр
Які сёння дзень: 5 сакавіка 2021 года

Які сёння дзень: 5 сакавіка 2021 года

214
(абноўлена 18:10 04.03.2021)
Гэты дзень з'яўляецца шэсцьдзясят чацвёртым па грыгарыянскім календары, да канца года застаўся 301 дзень.

Якія падзеі адбыліся 5 сакавіка і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 5 сакавіка

  • У 1279 годзе войска ВКЛ на чале з князем Трайдзенем перамагло ордэнскае войска ў бітве пры Ашарадэне.
  • У 1562 годзе магістр Лівонскага ордэна Готхард Кетлер у Рыжскім замку перадаў Мікалаю Радзівілу Чорнаму пячатку Ордэна і ключы ад Рыгі, прызнаючы свае ўладанні часткай ВКЛ.
  • У 1992 годзе Беларусь устанавіла дыпламатычныя адносіны з Грэцыяй і Малайзіяй.

Хто нарадзіўся 5 сакавіка

  • 1777 год: Юзаф Маралёўскі, беларускі паэт і педагог.
  • 1896 год: Кандрат Крапіва, беларускі навуковец і пісьменнік.
  • 1910 год: Аўген Калубовіч (Каханоўскі), беларускі гісторык, палітычны дзеяч, настаўнік.

Таксама сёння нарадзіліся нямецкая рэвалюцыянерка Роза Люксембург і італьянскі пісьменнік і рэжысёр П'ер Пазаліні.

5 сакавіка ў народным календары

Сёння Праваслаўная Царква шануе памяць вялебнага Льва Катанскага.

Па народным павер'і, у гэты дзень дрэнным знакам было ўбачыць упаўшую зорку – гэта, быццам бы, непазбежна прывядзе да цяжкай хваробы або нават смерці таго, хто назіраў за небам або кагосьці з яго блізкіх.

Калі птушкі ў гэты дзень пачынаюць мыцца ў снезе, будзе адліга. Снег або дождж прадвяшчаюць паводку.

214
Тэги:
народны каляндар, які сёння дзень