Закрыццё байкерскага сезону пройдзе ў Мінску 15 верасня

© Sputnik / Виктор ТолочкоЗакрыццё мотасезону
Закрыццё мотасезону - Sputnik Беларусь
Падпісацца
Калі вы маеце слабасць да матацыклаў ці проста хочаце зрабіць праводзіны адыходзячага сезона запамінальнымі, то дакладна захочаце прыняць удзел у маштабным фестывалі H.O.G. Rally Minsk 2018.

H.O.G. Rally Minsk — традыцыйны "злёт" байкераў і аматараў матацыклаў у цэнтры беларускай сталіцы. Штогод тысячы байкераў адкрываюць і закрываюць сезон у Мінску, не выключэннем стане і 2018 год.
Дзень перад стартам асноўнай праграмы — 14 верасня — будзе прысвечаны сустрэчы гасцей. Арганізатары запрашаюць: прыязджайце крыху раней і станьце ўдзельнікамі Poker Run-экскурсіі. Гэта фармат мота-экскурсіі, дзе кожны зможа ўбачыць славутасці, седзячы верхам на жалезным кані.
Асноўны дзень H.O.G. Rally Minsk — 15 верасня. У гэты дзень гасцей чакае маштабны мотапарад, у якім прыме ўдзел тысяча матацыклістаў. Парад дасць старт ад Кургана Славы і арганізаванай калонай фінішуе каля Палаца спорту.
На асноўнай пляцоўцы каля Палаца спорту адбудзецца канцэрт гасцей з Германіі — групы Bonfire. Для гасцей і ўдзельнікаў мерапрыемства запланавана шырокая праграма: актыўнасці для дарослых і дзяцей, выстава рэдкіх мадэляў матацыклаў, выступы прафесійных каскадзёраў і многае іншае.
Уваход на мерапрыемства бясплатны — традыцыйна да Палаца спорту на мерапрыемства прыйдуць паглядзець тысячы мінчан і гасцей сталіцы.

Стужка навiн
0