Lidbeer-2017

Lidbeer: галоўны восеньскі опэн-эйр пройдзе ўжо ў гэтыя выхадныя

19
(абноўлена 09:54 05.09.2018)
Арганізатары абяцаюць сапраўды маштабнае свята - будзе шмат забавак, ежы і музыкі.

Традыцыйны фестываль Lidbeer у чацвёрты раз збярэ ў Лідзе тысячы гасцей з усёй краіны і нават з-за яе межаў. Шырокі фудкорт, кірмаш, фотаквэсты, феерверк, розныя актыўнасці і маштабная канцэртная праграма — ніхто не будзе сумаваць.

Што паглядзець і ў чым паўдзельнічаць?

На фестывалі Lidbeer кожны зможа знайсці забаву на свой густ. Калі вы прыедзеце з дзецьмі — шукайце вялікую пляцоўку з аніматарамі, батуты і іншымі атракцыёнамі. А парк атракцыёнаў і цырк Dziva прыцягнуць не толькі дзяцей, але і дарослых.

Асаблівае відовішча разгорнецца ля Лідскага замка. Менавіта там на мангале даўжынёй каля 5,5 метраў прыгатуюць рэкордна доўгі шашлык. Аматараў карысных забаў чакае фотаквэст, дзе першым 50 пераможцам уручаць спецыяльныя прызы, астатнія ўдзельнікі таксама не сыдуць без падарункаў.

Што паесці?

Тут будуць 196 кропак фудкорта для сапраўдных гурманаў. Фестывальнае меню будзе ўключаць не толькі закускі, снэкі і фастфуд, але і нацыянальныя стравы розных кухняў свету.

На фудкорце будуць пазначаныя кропкі для тых, хто прыехаў за півам, і тых, хто проста хоча падсілкавацца.

Канцэртная праграма

У 13:00 на малой сцэне выступяць некалькі беларускіх выканаўцаў, якія ўвайшлі ў топ онлайн-галасавання. Арганізатары абяцаюць стылёвую разнастайнасць: ад металу да поп-року. Галоўная сцэна прыме гурты з Беларусі, Расіі і Украіны: ЧуVство Полета, Nizkiz, Animal Джаz, Воплі Відаплясава. Хэдлайнерам стане легендарная група "Ленинград".

На гала-канцэрт можна будзе трапіць ужо ў 10:00. Цікава тое, што на пляцоўцы абяцаюць усталяваць адмысловы памост для людзей з абмежаванымі магчымасцямі.

Дзе спыніцца?

Для зручнасці гасцей будзе арганізаваны кемпінг на шэсць тысяч чалавек, які адкрыецца напярэдадні фестывалю — 7 верасня. Тэрыторыя кемпінга будзе размяшчацца насупраць стадыёна "Старт". У адрозненне ад многіх фестываляў лагер фестывалю Lidbeer — бясплатны. Там таксама можна будзе арандаваць усё неабходнае абсталяванне на месцы, але яго трэба будзе забраніраваць загадзя.

Як дабрацца?

Тым, у каго няма свайго транспарту, арганізатары прапануюць скарыстацца бас-турамі, у кошт якіх уваходзіць білет на галоўны канцэрт і дарога туды-зваротна. Кошт такога тура — 53,50 рубля. Аўтобусы будуць адпраўляцца ад станцыі метро "Каменная горка" з 10:00 да 12:00.

19
Тэги:
LIDBEER, Ліда, Беларусь
Рэканструкцыя Першай сусветнай вайны, архіўнае фота

Паглядзець на баі Першай сусветнай вайны запрашаюць у Дудуткі

12
(абноўлена 11:33 29.10.2020)
Аматары гістарычнай рэканструкцыі таксама змогуць убачыць зброю тых часоў.

МІНСК, 29 кас – Sputnik. Рэканструкцыю штыкавага боя часоў Першай сусветнай вайны зладзяць у Дудутках у рамках праекта "Легендарныя эпохі", паведамілі арганізатары мерапрыемства.

Акрамя рэканструкцыі 31 кастрычніка гасцей чакае аповед пра падзеі Першай сусветнай вайны і выстава зброі тых часоў, праца інтэрактыўных і фота- зон.

"Праект "Легендарныя эпохі" закліканы ў інтэрактыўным фармаце распавесці пра самыя цікавыя эпохі, падзеі і людзей Беларусі. Кожныя выхадныя на тэрыторыі музейнага комплекса будзе праходзіць інтэрактыўная праграма, якая адлюстроўвае пэўны гістарычны перыяд або падзеі", - паведамілі арганізатары.

Праграмы ў межах праекта будуць праходзіць кожную суботу з 12:00 да 17:00.

7 лістапада тэмай мерапрыемства стане Другая Сусветная вайна, 14 лістапада – шатландскія найміты, 21 лістапада – эпоха вікінгаў, а 28 лістапада ў Дудутках пройдзе рыцарскі турнір сярэднявечча.

Чытайце таксама:

12
Тэги:
Музейны комплекс "Дудуткі", Першая сусветная вайна
Спектакль Убачыць ружовага слана

Тэатр HomoCosmos запрашае на восеньскія прэм’еры ўжо зараз

49
(абноўлена 14:46 15.05.2020)
Адзін з самых яркіх тэатральных праектаў сталіцы рыхтуе тры цікавыя пастаноўкі, сярод якіх спектакль па кнізе Святланы Алексіевіч.

МІНСК, 15 мая - Sputnik. Незалежная тэатральная кампанія Homocosmos рыхтуецца прадставіць восенню адразу тры прэм’еры, якія прыйшлося адкласці з-за пандэміі каронавіруса.

Зараз тэатр збірае грошы на падрыхтоўку рэквізіта і рашэнне арганізацыйных момантаў праз творчую ініцыятыву #АртПроездной, што аб’ядноўвае творчыя калектывы, якія зараз маюць патрэбу ў падтрымцы.

HomoCosmos, знакаміты гледачам такімі пастаноўкамі як "Дора, ці Сэксуальныя неўрозы нашых бацькоў", "Убачыць ружовага слана", "Бог козыту", "Раскрыццё", не проста просіць грошы: яны прапануюць сваім наведвальнікам цікавую альтэрнатыву.

Сёння гледачы могуць набыць квіткі з адкрытай датай на спектаклі: такім чынам, калі адновіцца праца, яны змогуць абраць любую пастаноўку.

Патрапіць можна будзе не толькі на знаёмыя спектаклі, але і на запланаваныя на восень гэтага года прэм’еры - "Хлопчыкі" (па рамане "Цынкавыя хлопчыкі" Святланы Алексіевіч рэжысёра Алега Хрысталюбскага), "Нічога святога" рэжысёра Аляксандра Марчанкі і "Ясь і Малгося" рэжысёрак Кацярыны Аверкавай і Паліны Дабравольскай.

Чытайце таксама:

49
Тэги:
Мінск, Тэатр
Вакцынацыя ад COVID-19

Парагвай зарэгістраваў расійскую вакцыну "Спутник V"

0
(абноўлена 17:48 15.01.2021)
У Паўднёвай Амерыцы прэпаратам ад каронавіруса ўжо прышчапляюць насельніцтва Аргенціны, Балівіі, Венесуэлы і Бразіліі.

МІНСК, 15 сту – Sputnik. Міністэрства аховы здароўя Парагвая зарэгістравала вакцыну супраць COVID-19 "Спутник V", паведаміў у пятніцу Расійскі фонд прамых інвестыцый (РФПІ).

Вакцыну зарэгістравалі ў рамках паскоранай працэдуры, без правядзення дадатковых клінічных даследаванняў на тэрыторыі дзяржавы. Аналагічным чынам прэпарат быў зарэгістраваны раней у Аргенціне, Балівіі, Сербіі, Алжыры, Палестыне і Венесуэле.

Пастаўкі ў Парагвай забяспечаць дзякуючы міжнародным партнёрам РФПІ ў Індыі, Кітаі, Паўднёвай Карэі і іншых краінах.

Паводле слоў гендырэктара фонду Кірыла Дзмітрыева, многія краіны Лацінскай Амерыкі зацікаўлены ў расійскай вакцыне. Ён спадзяецца, што ў бліжэйшы час "Спутник V" атрымае адабрэнне ў шэрагу іншых дзяржаў рэгіёна.

Міністэрства аховы здароўя Расіі ў жніўні зарэгістравала першую ў свеце вакцыну для прафілактыкі COVID-19, распрацаваную цэнтрам імя Гамалеі, яна атрымала назву "Спутник V". Дырэктар цэнтра Аляксандр Гінцбург раней сказаў, што бяспека вакцыны цалкам даказаная, а эфектыўнасць "Спутник V" склала 91,4%.

Чытайце таксама:

0
Тэги:
Вакцынацыя, каронавірус