Салют у Мінску

Дзень горада - 2018: якія мерапрыемствы адбудуцца ў Мінску?

23
(абноўлена 11:53 07.09.2018)
Адзначаць Дзень горада Мінска у 2018 годзе будуць весела і з традыцыйным размахам. Асноўныя мерапрыемствы разгорнуцца 8 і 9 верасня. Анонс святочных забавак - у афішы Sputnik.

У рамках Дня горада — 2018 у бліжэйшыя выхадныя мінчане адзначаць 951-годдзе сталіцы. Старт святочнай праграмы — традыцыйнае ўскладанне кветак і вянкоў каля абеліска "Мінск — горад герой" — пройдзе 8 верасня ў 10:00, гулянні жа працягнуцца да вечара нядзелі. Поўная афіша Дня горада 2018 года — у аглядзе Sputnik.

Пляцоўка ля Палаца спорту

8 верасня ў Палаца спорту адбудзецца фізкультурна-спартыўнае мерапрыемства. Аматараў сілавога экстрыму зацікавіць турнір "Minsk-Open Cup", які пачнецца ў 13:00. Магчыма, вас таксама зацікавіць спаборніцтва "Жалезны пажарны".

У 11:00 усіх жадаючых клічуць на бераг Свіслачы, паглядзець на адкрытыя спаборніцтвы весляроў. Байдаркі і каноэ — як абавязковы атрыбут.

Пасля абеду вас запрашаюць на моладзевы open air, дзе выступяць выканаўцы розных музычных жанраў: поп-рок, рок, электронная музыка і іншыя.

Святочны канцэрт, кніжныя выставы і тэматычныя кінапаказы — прыемны бонус святочнай праграмы. Як чакаецца, у Дзень горада тут будуць самыя масавыя гулянні.

Свята сталіцы завершыцца феерверкам ў 23:00: у гонар Дня горада неба будзе афарбавана мноствам "вогненных кветак".

Дзень горада ў Верхнім горадзе

У суботу 8 верасня адпраўляйцеся ўсёй сям'ёй у Верхні горад. З 12:00 да 23:00 там запланаваная праграма, дзе кожны знойдзе забаву на свой густ. Святочныя мерапрыемствы пройдуць пад эгідай "Мінск — горад прыгажосці". Удзельнікамі праекта стануць Нацыянальная школа прыгажосці, мадэльныя агенцтвы і спецыялісты beauty-сферы. Для тых, хто ідзе ў нагу з моднымі тэндэнцыямі, свае калекцыі прадставяць беларускія дызайнеры.

У 12:00 асабліва сентыментальных чакае ўрачысты шлюб дзевяці пар.

Гістарычная рэканструкцыя

Двухдзённы гістарычны фестываль "Мiнск старажытны" пройдзе ў "зялёнай зоне" паміж праспектам Пераможцаў і праспектам Машэрава — з 11:00 і да позняга вечара. Ісці сюды можна як 8, так і 9 верасня.

Дзень танкіста і паўмарафон — 2018

У нядзелю 9 верасня ў Мінску адзначаць штогадовы Дзень танкіста — тут таксама святкуюць Дзень горада. Згодна з афішай мерапрыемства, асноўныя актыўнасці разгорнуцца ў парку Перамогі. У гэты ж дзень пройдзе Мінскі паўмарафон. Калі вы не паспелі зарэгістравацца, то можаце паназіраць за ўдзельнікамі забегу.

У 12:00 запланавана адкрыццё памятнага знака "Беларусам — героям космасу" на вуліцы Касманаўтаў. Аўтары — беларускі дзеяч мастацтваў Іван Міско і архітэктар Валерый Мітрафанаў. Адкрыццё прымеркавана не толькі да святкавання Дня горада, але і да Міжнароднага касмічнага форуму.

Атмасфера свята закране большасць раёнаў Мінска 8 і 9 верасня. Запланаваны вулічныя квэсты, канцэрты, спартыўныя актыўнасці, конкурсы і кірмашы.

23
Тэги:
Дзень горада Мінска, Мінск, Беларусь
Каментары