Спявачка Алена Цемнікава

Цемнікава, "Фуд Шоу" і модныя маркеты: куды пайсці 17 лістапада ў Мінску

13
(абноўлена 14:44 16.11.2018)
Канцэрт Алены Цемнікавай, фестываль ежы і напояў, зборка кубіка Рубіка на хуткасць і свежае кіно - самае цікавае ў будучую суботу.

У суботу ў сталіцы ападкаў не чакаецца (магчыма, будзе нават сонечна), але паветра прагрэецца толькі да + 3°С. Пацешыцца ў гэты дзень можна на мностве мерапрыемстваў: у Мінску пройдуць некалькі розных канцэртаў, вялікі фестываль ежы з дэгустацыямі, чэмпіянат па спідкубінгу, кінапаказы і не толькі.

Шукайце ў традыцыйнай падборцы Sputnik самыя цікавыя падзеі 17 лістапада.

Канцэрты: Цемнікава і Саладуха

На пляцоўцы Prime Hall 17 лістапада выступіць папулярная спявачка Алена Цемнікава. Арганізатары абяцаюць грандыёзнае свята: хіты будзе суправаджаць шоу-харэаграфія, а таксама светлавое і анімацыйнае шоу. Кошт квіткоў стартуе ад 55 рублёў.

А ў адным з павільёнаў гандлёвага цэнтра "Аутлета" у гэты дзень выступіць Аляксандр Саладуха з усімі сваімі хітамі, сабранымі з 11 выпушчаных альбомаў. Уваход вольны.

Фестываль XJAZZ Мінск

У суботу днём у Палацы мастацтваў, а вечарам у Белдзяржфілармоніі пройдуць канцэрты ў рамках фестывалю "XJAZZ Мінск". Днём будзе прадстаўлена інтэрактыўная музычная праграма для дзяцей і дарослых пры ўдзеле джазавага трыа - берлінскіх гасцей. А на вячэрнім канцэрце Memento той жа ансамбль выступіць з сімфанічным аркестрам Беларусі.

Фестываль ежы і напояў "Фуд Шоу"

У комплексе "Футбольны манеж" у гэты ўікэнд пройдзе тэматычная выстава: сюды запрашаюць усіх, хто любіць кулінарныя навінкі і гатовы дэгуставаць незвычайныя стравы. Пазнаёмяць з кулінарнымі традыцыямі розных краін, правядуць квэсты і розыгрышы, пакажуць майстар-класы ад прафесійных кухараў.

Праздник родной еды Усё Сваё
© Sputnik
Фестываль вулічнай ежы ў Мінску

Чэмпіянат па спідкубінгу

У гандлёва-забаўляльным цэнтры "Галілеа" ў суботу будуць на хуткасць збіраць кубік Рубіка: можна бясплатна паназіраць за спаборніцтвам. Прадставяць розныя дысцыпліны: удзельнікі збяруць не толькі класічны кубік, але і кубікі 2х2х2, 5х5х5, паспрабуюць перамагчы ў розных умовах (адной рукой, з абмежаванай колькасцю хадоў і не толькі). А пасля з мноства кубікаў збяруць карціну.

Танцавальны марафон ў "Сталіцы"

У гандлёвым цэнтры "Сталіца" ў суботу прапануюць пазмагацца за званне самай доўгатанцуючай пары. Пачнецца праект з майстар-класа ад выкладчыкаў танцавальнага клуба "Мара" - па хастлу, вальсу, чарльстону, блюзу і не толькі. Паўдзельнічаць бясплатна могуць усе жадаючыя, трэба толькі папярэдне зарэгістравацца.

Модныя маркеты з аўтарскімі дробязямі

Адразу ў двух ГЦ - "Скале" і "Мома" - на працягу ўсіх выхадных будуць праходзіць кірмашы "Гарошак Маркет" з падарункамі ручной працы і іншымі аўтарскімі штучкамі. Тут атрымаецца купіць стыльныя інтэр'ерныя дробязі, аксэсуары і ўпрыгажэнні з розных матэрыялаў, аўтарскія цацкі, карысныя прысмакі і натуральную касметыку - удзельнічаюць дзясяткі беларускіх майстроў. Уваход вольны.

Большой модный маркет
© Sputnik
Модны маркет у Мінску

Новае (і старое) кіно

Традыцыйна ў чацвер у пракат выйшла некалькі кінапрэм'ер. У суботу 17 лістапада ў большасці кінатэатраў Мінска будуць даступныя доўгачаканая другая частка фэнтэзі з сусвету Гары Потэра "Фантастычныя стварэнні: Злачынствы Грын-дэ-Вальд", крымінальная драма "Догмэн", трылер "Саната", фільм жахаў "Змярцвелыя ад страху", меладрама "Халодная вайна", камедыйны баявік "Блакітная ігуана" і біяграфічная стужка "Лоро".

У рамках праекта Cinemascope ў кінатэатры "Ракета" можна будзе ўбачыць трылер Альфрэда Хічкока "Псіхо" (1960), а таксама дзве драмы: "Аліса ў гарадах" (1973) Віма Вендэрса і "Хірасіма, любоў мая" (1959) Алёна Рэнэ. У кінатэатры "Піянер" у суботу пройдзе паказ стужкі Інгмара Бергмана "Не кажучы пра ўсіх гэтых жанчын" (1964).

У Гістарычным музеі працягваецца Рэтраспектыва лепшых мультфільмаў Літвы: 17 лістапада тут пакажуць поўнаметражны анімацыйны фільм "Прыгоды Адысея", анімацыйныя фільмы для дарослых, а таксама дэбютныя і студэнцкія працы. Кошт квітка - ад 2 да 3 рублёў.

Дзяцей можна адвесці ў сталічны Планетарый: там усё выхадныя паказваюць розны незвычайнае сферычнае кіно для дзяцей, а пасля праводзяць экскурсію па зорным небе. Кошт - ад 3,6 да 4,2 рубля за квіток.

13
Тэги:
Мінск, Кірмаш, Кіно, Канцэрт, Афіша
Спектакль Убачыць ружовага слана

Тэатр HomoCosmos запрашае на восеньскія прэм’еры ўжо зараз

45
(абноўлена 14:46 15.05.2020)
Адзін з самых яркіх тэатральных праектаў сталіцы рыхтуе тры цікавыя пастаноўкі, сярод якіх спектакль па кнізе Святланы Алексіевіч.

МІНСК, 15 мая - Sputnik. Незалежная тэатральная кампанія Homocosmos рыхтуецца прадставіць восенню адразу тры прэм’еры, якія прыйшлося адкласці з-за пандэміі каронавіруса.

Зараз тэатр збірае грошы на падрыхтоўку рэквізіта і рашэнне арганізацыйных момантаў праз творчую ініцыятыву #АртПроездной, што аб’ядноўвае творчыя калектывы, якія зараз маюць патрэбу ў падтрымцы.

HomoCosmos, знакаміты гледачам такімі пастаноўкамі як "Дора, ці Сэксуальныя неўрозы нашых бацькоў", "Убачыць ружовага слана", "Бог козыту", "Раскрыццё", не проста просіць грошы: яны прапануюць сваім наведвальнікам цікавую альтэрнатыву.

Сёння гледачы могуць набыць квіткі з адкрытай датай на спектаклі: такім чынам, калі адновіцца праца, яны змогуць абраць любую пастаноўку.

Патрапіць можна будзе не толькі на знаёмыя спектаклі, але і на запланаваныя на восень гэтага года прэм’еры - "Хлопчыкі" (па рамане "Цынкавыя хлопчыкі" Святланы Алексіевіч рэжысёра Алега Хрысталюбскага), "Нічога святога" рэжысёра Аляксандра Марчанкі і "Ясь і Малгося" рэжысёрак Кацярыны Аверкавай і Паліны Дабравольскай.

Чытайце таксама:

45
Тэги:
Мінск, Тэатр
Святочнае афармленне Мінска да Дня Перамогі

Стала вядома, якія мерапрыемствы пройдуць у Мінску ў Дзень Перамогі

13
(абноўлена 09:32 09.05.2020)
Асноўныя мерапрыемствы стартуюць а 11-й з ваеннага парада і завершацца ў 23:15 феерверкам, які будзе дадзены ў васьмі кропках.

Нягледзячы на пандэмію каронавіруса, у Мінску вырашылі не адмаўляцца ад мерапрыемстваў 9 мая. Зрэшты, традыцыйных масавых гулянняў у горадзе не плануецца: ва ўсякім выпадку, мэрыя нічога не кажа пра тое, ці будуць працаваць традыцыйныя кірмашы - напрыклад, каля Палаца Спорту.

Якія ж мерапрыемствы пройдуць у Мінску на Дзень Перамогі - 2020?

Ваенны парад

Парад стартуе ў 11:00 каля абеліска "Мінск - горад-герой".

"Галоўная яго асаблівасць у гэтым годзе - паказ толькі новых і мадэрнізаваных узораў ваеннай тэхнікі. Плануецца ўдзел больш за 3 тысячы вайскоўцаў і 185 адзінак тэхнікі. Над сталіцай праляцяць 42 паветраныя судны", - распавялі ў мэрыі.

Трансляцыя парада пачнецца ў 10:50.

Музыка ў парках

У шэрагу сталічных паркаў - Чалюскінцаў, Горкага, Уга Чавеса, Паўлава, а таксама каля Чыжоўка-Арэны - з поўдня будуць гучаць папулярныя творы савецкіх і беларускіх кампазітараў аб Вялікай Айчыннай вайне.

Музыка ў парках будзе гучаць да 23:30, выключэнне - парк Горкага, дзе скончыцца ўсё ў 16:00.

Акцыя ў музеі

З поўдня да васьмі гадзін вечара можна будзе па ільготным тарыфе наведаць музей гісторыі Вялікай Айчыннай вайны. Там можна будзе дакрануцца да Сцяга Перамогі, які пабыў у Мінску 75 гадоў таму.

Ускладанне кветак

З гадзіны дня да манумента Перамогі пачнуць урачыста ўскладаць кветкі.

"Ушанаваць памяць загінулых у гады Вялікай Айчыннай вайны прыйдуць афіцыйныя дэлегацыі дзяржаўных органаў, працоўных калектываў сталічных прадпрыемстваў, прадстаўнікоў грамадскіх і прафсаюзных арганізацый, адміністрацый раёнаў, духавенства, дэпутаты, моладзь. Мерапрыемства будзе доўжыцца да 16.30", - сказалі ў Мінгарвыканкаме.

Канцэрт і салют

А палове на дзясятую вечара на плошчы Перамогі стартуе канцэрт "На славу агульнай Перамогі". Сярод выступоўцаў - "Песняры", "Купалінка", "Спадчына", салісты Вялікага тэатра і беларускія поп-выканаўцы - напрыклад, Аляксандр Саладуха.

Пры жаданні паслухаць канцэрт зусім не абавязкова выходзіць у горад - трансляцыю пакажуць па тэлебачанні.

Завершыцца Дзень Перамогі феерверкам у 23:15. Дадзены салют будзе з васьмі кропак, а назіраць за ім можна будзе і з вокнаў.

13
Тэги:
Дзень Перамогі, Мінск
Тэмы:
Дзень Перамогі - 2020
Лагатып УЕФА

Кангрэс УЕФА перанеслі з Беларусі ў Швейцарыю

0
(абноўлена 16:45 24.09.2020)
Беларусь упершыню ў гісторыі павінна была прыняць Кангрэс УЕФА ў сакавіку 2021-га, але сёння было прынята рашэнне аб пераносе мерапрыемства.

МІНСК, 24 вер - Sputnik. Кангрэс УЕФА ў 2021 годзе пройдзе ў Швейцарыі, а не ў Беларусі, як планавалася раней, заявіў прэзідэнт арганізацыі Александэр Чэферын.

​Выканкам УЕФА ў сакавіку прыняў рашэнне аб правядзенні пасяджэння вышэйшага органа еўрапейскага футбольнага саюза ў Мінску вясной будучага года.

"Кангрэса УЕФА ў сакавіку 2021 года ў Мінску не будзе, ён пройдзе ў Швейцарыі", - сказаў Чэферын на прэс-канферэнцыі па выніках выканкама УЕФА ў Будапешце.

Акрамя таго, было прынята рашэнне аб тым, што ўсе карпаратыўныя сустрэчы арганізацыі ў бліжэйшыя паўгода пройдуць у Швейцарыі. Таксама ў Швейцарыі пройдуць пасяджэнні выканкама УЕФА, запланаваныя на снежань 2020 года і сакавік 2021 года.

0
Тэги:
Швейцарыя, Беларусь, УЕФА