Дзень Швецыі ў Мінску ў 2018 годзе

Дзень Швецыі - 2019 у Мінску: што рыхтуюць арганізатары ў гэтым годзе

52
(абноўлена 12:36 31.05.2019)
Арганізатары падрыхтавалі шмат актыўнасцяў на любы густ: знайсці забаўкі для сябе змогуць дзеці і дарослыя.

Летні сезон фестываляў і канцэртаў каля Мінскай ратушы адкрые традыцыйны Дзень Швецыі, які ў гэтым годзе пройдзе 1 чэрвеня.

Якімі мерапрыемствамі збіраюцца здзіўляць гасцей арганізатары ў гэтым годзе, чытайце ў аглядзе Sputnik.

Галоўная сцэна: Loreen, J: Морс і дэгустацыя

Адкрыццё фестываля адбудзецца а 13-й на галоўнай сцэне Верхняга горада. Гасцей павітае пасол Швецыі Крысціна Юхансан, а пасля яе запланаваны выступ шведскага хора "Svart på Vitt" (Швеция) і беларускага ансамбля салістаў "Вытокі".

Пазней на галоўнай сцэне фестываля падвядуць вынікі відэаконкурса #Швецыяпобач, які праходзіў у Інстаграме. А 14-й распачнеццы інтэрактыўная віктарына "Швецыя разнастайная".

Да вечара тут таксама выступяць бальнічныя клоўны, адбудзецца прэзентацыя фільма "Палёт на Стакгольмам" і выступ экспертаў шведскай кухні з дэгустацыяй.

День Швеции в Минске
© Sputnik
Абавязковы пункт праграмы - дэгустацыя шведскіх страў

Для аматараў класнай музыкі арганізатары падрыхтавалі сюрпрыз: у 20:30 на галоўнай сцэне выступіць беларускі гурт J: Морс.

Кульмінацыяй свята стане выступ пераможцы Еўрабачання-2012, шведскай спявачкі Loreen. Яна з’явіцца на сцэне а 22-й.

Шведскі інстытут, спектаклі і экалогія

Актыўна працаваць падчас свята будуць выпускнікі Шведскага інстытута, якім арганізатары аддалі культурна-адукацыйную пляцоўку. А 12-й тут адбудзецца прэзентацыя праграм навучання ў Швецыі, потым – сустрэча з выпускнікамі Шведскага інстытута і трэніроўка па швітнэсе для ўсіх жадаючых.

Таксама наведвальнікаў свята чакае конкурс "Адгадай шведскую мелодыю" і урок шведскай мовы з носьбітам . Увесь день на культурна-адукацыйнай пляцоўцы бузе працаваць віктарына на веданне фактаў пра Швецыю, крэатыўны майстар-клас для дзяцей, фотавыстава шведскіх бацькоў і адымсловая фотазона.

Не менш цікавай і насычанай будзе праграма на дзіцячай пляцоўцы. Маленькіх гасцей свята чакае выступ бальнічных колўнаў, мюзікл "Петсан і Фіндус", спектакль "Дарожныя прыгоды Віты", майстар-класы па маляванні і вырабе сувеніраў сваімі рукамі, а таксама неверагодны канцэрт Лені Паўлёнка. Пакуль малыя будуць забаўляцца, бацькі змогуць бавіць час у рэлакс-зоне.

День Швеции в Минске
© Sputnik
Вялікую праграму арганізатары традыцыйна рыхтуюць для дзяцей

Бадай, самай сур’ёзнай пляцоўкай Дня Швецыі стане экалагічны панадворак, які будзе працаваць з 12 да 18 гадзін. Тут будуць абмяркоўваць уплыў экалогіі на жыццё чалавека, унікальнасць Балтыйскага мора і ўнёсак Беларусі ў яго палажэнне, праблемы нітратаў і мікрапластыка, магчымасці жыцця без адходаў. Жадаючыя таксама змогуць набыць прадукты на адмысловым экалагічным маркеце.

Квэсты і віртуальная рэальнасць

Вялікая колькасць актыўнасцяў запланаваная на астатніх пляцоўках свята. У інфапункце, які будзе працаваць з 12 да 18 гадзін, спачатку адбудзеца камандны квэст "Швецыя знаёмая і незнаёмая", а потым спаборніцтвы па рашэнні IQ-задачак у намёце шведскай IT-кампаніі DGTCH7. На турыстычнай пляцоўцы можна будзе набыць туры ў Швецыю і зрабіць вясёлыя фотаздымкі ў адмысловай фотазоне, для тых, хто не мае магчымасцяў на экскурсію рэальную будзе працаваць пляцоўка віртуальнай рэальнасці, дзе можна будзе здейсніць віртуальную экскурсію па Стакгольме.

На спартыўнай пляцоўцы запланаваныя майстар-класы і розыгрышы прызоў па скандынаўскай хадзе, флорболе, настольным тэнісе і хакеі.

День Швеции в Минске
© Sputnik
Аматары спорту змогуць бавіць час на спартыўнай пляцоўцы

Варта адзначыць, што на фестывалі будзе працаваць шмат гастранамічных лакацый, дзе можна будзе не толькі набыць ежу ці прысмакі, а паўдзельнічаць у майстар-класах і правесці дэгустацыю шведскіх страў.

52
Тэги:
куды пайсці ў Мінску, Мінск, Беларусь, Швецыя
Спектакль Убачыць ружовага слана

Тэатр HomoCosmos запрашае на восеньскія прэм’еры ўжо зараз

43
(абноўлена 14:46 15.05.2020)
Адзін з самых яркіх тэатральных праектаў сталіцы рыхтуе тры цікавыя пастаноўкі, сярод якіх спектакль па кнізе Святланы Алексіевіч.

МІНСК, 15 мая - Sputnik. Незалежная тэатральная кампанія Homocosmos рыхтуецца прадставіць восенню адразу тры прэм’еры, якія прыйшлося адкласці з-за пандэміі каронавіруса.

Зараз тэатр збірае грошы на падрыхтоўку рэквізіта і рашэнне арганізацыйных момантаў праз творчую ініцыятыву #АртПроездной, што аб’ядноўвае творчыя калектывы, якія зараз маюць патрэбу ў падтрымцы.

HomoCosmos, знакаміты гледачам такімі пастаноўкамі як "Дора, ці Сэксуальныя неўрозы нашых бацькоў", "Убачыць ружовага слана", "Бог козыту", "Раскрыццё", не проста просіць грошы: яны прапануюць сваім наведвальнікам цікавую альтэрнатыву.

Сёння гледачы могуць набыць квіткі з адкрытай датай на спектаклі: такім чынам, калі адновіцца праца, яны змогуць абраць любую пастаноўку.

Патрапіць можна будзе не толькі на знаёмыя спектаклі, але і на запланаваныя на восень гэтага года прэм’еры - "Хлопчыкі" (па рамане "Цынкавыя хлопчыкі" Святланы Алексіевіч рэжысёра Алега Хрысталюбскага), "Нічога святога" рэжысёра Аляксандра Марчанкі і "Ясь і Малгося" рэжысёрак Кацярыны Аверкавай і Паліны Дабравольскай.

Чытайце таксама:

43
Тэги:
Мінск, Тэатр
Святочнае афармленне Мінска да Дня Перамогі

Стала вядома, якія мерапрыемствы пройдуць у Мінску ў Дзень Перамогі

13
(абноўлена 09:32 09.05.2020)
Асноўныя мерапрыемствы стартуюць а 11-й з ваеннага парада і завершацца ў 23:15 феерверкам, які будзе дадзены ў васьмі кропках.

Нягледзячы на пандэмію каронавіруса, у Мінску вырашылі не адмаўляцца ад мерапрыемстваў 9 мая. Зрэшты, традыцыйных масавых гулянняў у горадзе не плануецца: ва ўсякім выпадку, мэрыя нічога не кажа пра тое, ці будуць працаваць традыцыйныя кірмашы - напрыклад, каля Палаца Спорту.

Якія ж мерапрыемствы пройдуць у Мінску на Дзень Перамогі - 2020?

Ваенны парад

Парад стартуе ў 11:00 каля абеліска "Мінск - горад-герой".

"Галоўная яго асаблівасць у гэтым годзе - паказ толькі новых і мадэрнізаваных узораў ваеннай тэхнікі. Плануецца ўдзел больш за 3 тысячы вайскоўцаў і 185 адзінак тэхнікі. Над сталіцай праляцяць 42 паветраныя судны", - распавялі ў мэрыі.

Трансляцыя парада пачнецца ў 10:50.

Музыка ў парках

У шэрагу сталічных паркаў - Чалюскінцаў, Горкага, Уга Чавеса, Паўлава, а таксама каля Чыжоўка-Арэны - з поўдня будуць гучаць папулярныя творы савецкіх і беларускіх кампазітараў аб Вялікай Айчыннай вайне.

Музыка ў парках будзе гучаць да 23:30, выключэнне - парк Горкага, дзе скончыцца ўсё ў 16:00.

Акцыя ў музеі

З поўдня да васьмі гадзін вечара можна будзе па ільготным тарыфе наведаць музей гісторыі Вялікай Айчыннай вайны. Там можна будзе дакрануцца да Сцяга Перамогі, які пабыў у Мінску 75 гадоў таму.

Ускладанне кветак

З гадзіны дня да манумента Перамогі пачнуць урачыста ўскладаць кветкі.

"Ушанаваць памяць загінулых у гады Вялікай Айчыннай вайны прыйдуць афіцыйныя дэлегацыі дзяржаўных органаў, працоўных калектываў сталічных прадпрыемстваў, прадстаўнікоў грамадскіх і прафсаюзных арганізацый, адміністрацый раёнаў, духавенства, дэпутаты, моладзь. Мерапрыемства будзе доўжыцца да 16.30", - сказалі ў Мінгарвыканкаме.

Канцэрт і салют

А палове на дзясятую вечара на плошчы Перамогі стартуе канцэрт "На славу агульнай Перамогі". Сярод выступоўцаў - "Песняры", "Купалінка", "Спадчына", салісты Вялікага тэатра і беларускія поп-выканаўцы - напрыклад, Аляксандр Саладуха.

Пры жаданні паслухаць канцэрт зусім не абавязкова выходзіць у горад - трансляцыю пакажуць па тэлебачанні.

Завершыцца Дзень Перамогі феерверкам у 23:15. Дадзены салют будзе з васьмі кропак, а назіраць за ім можна будзе і з вокнаў.

13
Тэги:
Дзень Перамогі, Мінск
Тэмы:
Дзень Перамогі - 2020
Медык у клініка-дыягнастычнай лабараторыі

Колькасць выпадкаў заражэння каронавірусам у Беларусі перавысіла 68,6 тысячы

1
(абноўлена 15:13 07.08.2020)
Паправіліся і выпісаныя 64 200 пацыентаў, у якіх раней быў пацверджаны дыягназ COVID-19.

МІНСК, 7 жні - Sputnik. Колькасць тых, хто захварэў на каронавірус у Беларусі перавысіла 68,6 тысячы чалавек, пра гэта паведамілі ў Міністэрстве аховы здароўя рэспублікі ў пятніцу.

"Зарэгістраваныя 68 тысяч 614 чалавек з станоўчым тэстам на COVID-19", - удакладнілі ў профільным ведамстве.

За суткі колькасць выпадкаў павялічылася на 111. Паправіліся і выпісаныя 64 тысячы 200 пацыентаў, у якіх раней быў пацверджаны дыягназ COVID-19, іх за мінулыя 24 гадзіны стала больш на 444.

"За ўвесь перыяд распаўсюджвання інфекцыі на тэрыторыі краіны памерлі 583 пацыента з шэрагам хранічных захворванняў з выяўленай каронавіруснай інфекцыяй", - праінфармавалі ў Міністэрстве аховы здароўя.

Так, колькасць смяротных выпадкаў ўзрасла на тры. Сумарна на тэрыторыі краіны праведзена больш за 1 мільён 353 тысяч тэстаў.

Чытайце таксама:

1
Тэги:
Міністэрства аховы здароўя Рэспублікі Беларусь, каронавірус, Беларусь
Тэмы:
Каронавірус COVID-19