Салют на Дзень Незалежнасці ў Мінску

Кіно, артысты і феерверк: як Мінск адсвяткуе Дзень Незалежнасці - 2019?

16
(абноўлена 12:41 29.06.2019)
Маштабнае святкаванне Дня Незалежнасці пройдзе ва ўсіх частках Мінска: ад цэнтра да спальных раёнаў горада.

Дзень Незалежнасці Рэспублікі Беларусь у гэтым годзе адзначаць з традыцыйным размахам: запланаваны шматлікія мерапрыемствы, шырокая канцэртная праграма і актыўнасці, якія аб'яднаюць ўсіх гасцей і жыхароў сталіцы. Як і дзе ў Мінску адсвяткуюць адно з найважнейшых святаў - чытайце ў афішы Sputnik.

Асноўныя пляцоўкі: праграма мерапрыемстваў 3 ліпеня ў Мінску

Асноўнымі месцамі правядзення свята па-ранейшаму застаюцца пляцоўкі каля абеліска "Мінск - горад-герой" і Палаца спорту, а таксама Верхні горад. Святкаванне пачнецца ў 10:00 з патрыятычнага шэсця па праспекце Незалежнасці да плошчы Перамогі.

Галоўныя актыўнасці разгорнуцца каля Палаца спорту. Там аб 11:00 адкрыецца каларытная выстава творцаў і рамеснікаў, пачнецца святочны кірмаш і канцэртная праграма. А з 13:00 па 16:00 ўсіх аматараў сілавога экстрыму парадуе міжнароднае спаборніцтва Minsk Strong Battle.

Атрымліваць асалоду ад выступаў артыстаў гараджане змогуць на працягу ўсяго дня: з раніцы і да ночы. Асноўнымі музычнымі лакацыямі стануць тэрыторыя Верхняга горада і пляцоўка ля Палаца спорту.

Добрая навіна для ўсіх аматараў кіно: кінаманы змогуць атрымаць асалоду ад тэматычнах відэапаказаў дакументальных фільмаў на працягу ўсяго дня. Кінапаказы пройдуць у кінатэатрах сеткі "кіноМінска".

Ваенны парад, які суправаджаецца грандыёзным тэатральным прадстаўленнем каля абеліска "Мінск - горад-герой", пачнецца а 21:00. А ў 22.30 свой старт дасць маштабны гала-канцэрт, які завершыцца відовішчным феерверкам.

Раённыя мерапрыемствы 3 ліпеня ў Мінску

Штогод кожны раён горада па-свойму святкуе Дзень Незалежнасці. Святкаванне з нагоды 75-годдзя вызвалення Беларусі не стала выключэннем.

Святочная праграма Заводскага раёна разгорнецца ў Мінскім заапарку і на пляцоўцы каля "Чыжоўка-Арэны". Там запланаваны розныя мерапрыемствы: спартыўнае свята для ролераў, дыскатэка і не толькі.

Раённае свята пройдзе ў Лошыцкім парку з 12:00 і да 18:00. А ў 10:00 у парку імя Паўлава Маскоўскага раёна пачнецца свята "Табе, Беларусь, прысвячаем!", а таксама спаборніцтвы па велабіятлоне і змешаных адзінаборствах.

У 13:00 парк "Курасоўшчына" і ГЦ "Сонечная даліна" Кастрычніцкага раёна таксама пацешаць святочнымі актыўныяасцямі.

Парк экстрэмальных відаў спорту Партызанскага раёна, дзіцячы парк імя Горкага запрашаюць усіх жадаючых прыняць удзел у спартыўна-забаўляльным мерапрыемстве, паглядзець на выступы творчых калектываў і далучыцца да касцюмаванай акцыі.

Багаты на актыўнасці і Першамайскі раён: з 13:00 у Батанічным садзе пройдзе святочнае мерапрыемства, а ў Парку Чалюскінцаў - гульнявыя актыўнасці для дзяцей і музычныя - для дарослых.

Самоай "сямейнай" зонай стане Фрунзенскі раён. З 12:00 у Парку імя Уга Чавеса пачнецца дзіцячы фестываль. У той жа час у Парку імя 60-годдзя Кастрычніка пройдзе сямейнае свята.

Цэнтральны раён Мінска парадуе гарадскімі квізамі і спартыўна-забаўляльнай праграмай у музейна-паркавым комплексе "Перамога", а таксама на тэрыторыі Траецкага прадмесця. Усе мерапрыемствы пачнуцца з 12:00 і пройдуць да 17:00.

16
Тэги:
Дзень Незалежнасці Рэспублікі Беларусь, Мінск
Тэмы:
75 гадоў вызвалення Беларусі (30)