Купалле ў Александрыі

Як Александрыя адзначыць Купалле-2019?

33
(абноўлена 12:31 05.07.2019)
Беларусаў чакае двухдзённае свята: арганізатары запланавалі сюрпрызы, забавы і выступы вядомых артыстаў.

Святочныя мерапрыемствы, прысвечаныя Купаллю, пройдуць па ўсёй тэрыторыі рэспублікі. Традыцыйны фестываль "Александрыя збірае сяброў - 2019" не стане выключэннем: на малой радзіме прэзідэнта Беларусі свята пройдзе на працягу двух дзён - з 6 па 7 ліпеня.

Праграма святочных мерапрыемстваў у Александрыі - у афішы Sputnik.

Рэспубліканскае свята традыцыйна разгорнецца ў аграгарадку Александрыя Шклоўскага раёна і будзе доўжыцца на працягу двух дзён: 6 і 7 ліпеня.

У суботу, 6 ліпеня свята пачнецца а 14-й з працы тэматычнага экскурсійнага маршруту, гандлёвых радоў, кафэ, выставачных і забаўляльных пляцовак і святочнага кірмашу. Таксама госці свята змогуць наведаць клас, у якім вучыўся беларускі прэзідэнт і паглядзець на цыркавое прадстаўленне.

У 14:00 на малой канцэртнай пляцоўцы пачнецца канцэртная праграма пры ўдзеле творчых калектываў з усіх рэгіёнаў Беларусі. А 18-й тут жа пройдзе афіцыйная цырымонія адкрыцця свята, якая працягнецца канцэртам і дэманстрацыйнымі палётамі самалётаў і парашутыстаў.

Яшчэ адной лакацыяй свята стане пляцоўка народнай творчасці і творчасці маладых. Тут, з абеду і да вечара запланавана музычная праграма, конкурс "Міс Купалінка" і іншыя актыўнасці.

Грандыёзны гала-канцэрт пры ўдзеле замежных і айчынных выканаўцаў пачнецца ў 21:30 на галоўнай пляцоўцы горада. Свае кампазіцыі выканаюць Леў Лешчанка, Ціна Караль, Аляксандр Саладуха, Алёна Ланская і іншыя зоркі. Першы святочны дзень завершыцца яркім лазер-шоу і феерверкам.

7 ліпеня свята працягнецца на тых жа лакацыях. У 11:00 на галоўнай канцэртнай пляцоўцы адбудзецца ўрачыстае ўзнагароджанне работнікаў аграпрамысловага комплексу вобласці, а ў 14:00 на сцэне выступіць заслужаны калектыў "Сябры". На малой пляцоўцы першыя гукі музычнай і танцавальнай праграм прагучаць у 15:20.

Прыхільнікі правільнага харчавання і актыўнага ладу жыцця змогуць наведаць адмысловыя майстар-класы, якія пачнуцца ў 11:00 на пляцоўцы народнай творчасці. Там жа адбудзецца маладзёжны квэст, фестываль фарбаў і канцэрт бардаўскай песні.

Другі святочны дзень завершыцца ў 00:00 - на малой пляцоўцы адбудзецца маштабная дыскатэка пры ўдзеле артыстаў і беларускіх ды-джэяў.

Чытайце таксама:

33
Тэги:
Купалле, Александрыя
Рэканструкцыя Першай сусветнай вайны, архіўнае фота

Паглядзець на баі Першай сусветнай вайны запрашаюць у Дудуткі

10
(абноўлена 11:33 29.10.2020)
Аматары гістарычнай рэканструкцыі таксама змогуць убачыць зброю тых часоў.

МІНСК, 29 кас – Sputnik. Рэканструкцыю штыкавага боя часоў Першай сусветнай вайны зладзяць у Дудутках у рамках праекта "Легендарныя эпохі", паведамілі арганізатары мерапрыемства.

Акрамя рэканструкцыі 31 кастрычніка гасцей чакае аповед пра падзеі Першай сусветнай вайны і выстава зброі тых часоў, праца інтэрактыўных і фота- зон.

"Праект "Легендарныя эпохі" закліканы ў інтэрактыўным фармаце распавесці пра самыя цікавыя эпохі, падзеі і людзей Беларусі. Кожныя выхадныя на тэрыторыі музейнага комплекса будзе праходзіць інтэрактыўная праграма, якая адлюстроўвае пэўны гістарычны перыяд або падзеі", - паведамілі арганізатары.

Праграмы ў межах праекта будуць праходзіць кожную суботу з 12:00 да 17:00.

7 лістапада тэмай мерапрыемства стане Другая Сусветная вайна, 14 лістапада – шатландскія найміты, 21 лістапада – эпоха вікінгаў, а 28 лістапада ў Дудутках пройдзе рыцарскі турнір сярэднявечча.

Чытайце таксама:

10
Тэги:
Музейны комплекс "Дудуткі", Першая сусветная вайна
Спектакль Убачыць ружовага слана

Тэатр HomoCosmos запрашае на восеньскія прэм’еры ўжо зараз

48
(абноўлена 14:46 15.05.2020)
Адзін з самых яркіх тэатральных праектаў сталіцы рыхтуе тры цікавыя пастаноўкі, сярод якіх спектакль па кнізе Святланы Алексіевіч.

МІНСК, 15 мая - Sputnik. Незалежная тэатральная кампанія Homocosmos рыхтуецца прадставіць восенню адразу тры прэм’еры, якія прыйшлося адкласці з-за пандэміі каронавіруса.

Зараз тэатр збірае грошы на падрыхтоўку рэквізіта і рашэнне арганізацыйных момантаў праз творчую ініцыятыву #АртПроездной, што аб’ядноўвае творчыя калектывы, якія зараз маюць патрэбу ў падтрымцы.

HomoCosmos, знакаміты гледачам такімі пастаноўкамі як "Дора, ці Сэксуальныя неўрозы нашых бацькоў", "Убачыць ружовага слана", "Бог козыту", "Раскрыццё", не проста просіць грошы: яны прапануюць сваім наведвальнікам цікавую альтэрнатыву.

Сёння гледачы могуць набыць квіткі з адкрытай датай на спектаклі: такім чынам, калі адновіцца праца, яны змогуць абраць любую пастаноўку.

Патрапіць можна будзе не толькі на знаёмыя спектаклі, але і на запланаваныя на восень гэтага года прэм’еры - "Хлопчыкі" (па рамане "Цынкавыя хлопчыкі" Святланы Алексіевіч рэжысёра Алега Хрысталюбскага), "Нічога святога" рэжысёра Аляксандра Марчанкі і "Ясь і Малгося" рэжысёрак Кацярыны Аверкавай і Паліны Дабравольскай.

Чытайце таксама:

48
Тэги:
Мінск, Тэатр
Гуканне вясны

Тэст: што азначаюць беларускія фразеалагізмы?

1143
(абноўлена 16:02 04.12.2020)
Прайдзіце тэст і даведайцеся, ці зможаце вы правільна падабраць аналаг беларускаму фразеалагізму ў рускай мове.

Фразеалагізмы, якія існуюць у розных мовах свету, часам вельмі падобныя і нават агульныя, калі яны, напрыклад, узятыя са Святога Пісання. Але ў кожнага народа ёсць свае, адметныя трапныя выразы, якія пазначаюць адное і тое ж паняцце, але з дапамогай розных лексічных сродкаў, іншага асацыятыўнага раду.

Прайдзіце тэст на Sputnik і паспрабуйце суаднесці беларускія фразеалагізмы з рускімі.

Вучыце мову разам з намі:

1143
Тэги:
тэст, Беларуская мова
Тэмы:
Вучым беларускую мову