Брэсцкі вакзал

Міленіум па-беларуску: праграма святкавання 1000-годдзя Брэста

47
(абноўлена 16:37 28.08.2019)
Як абласны цэнтр адсвяткуе свой тысячагадовы юбілей, чытайце ў аглядзе Sputnik.

Тры дні горад будзе танчыць, спяваць і шпацыраваць – гучнае свята закране кожную вуліцу. Застацца ў баку ад брэсцкага міленіума жыхарам і гасцям горада будзе складана.  

6 верасня: адкрыццё пуцеправода і святочнае шэсце

Святкаванне 1000-годдзя Брэста распачнецца ўжо ў пятніцу, 6 верасня. На гэты дзень запланаваны першы міжнародны фестываль тэатраў і кніг "Кніжны шкап", які пройдзе на пляцоўцы Брэсцкага тэатра лялек. Таксама ў гэты дзень адбудзецца адкрыццё адразу некалькіх грамадска-значных аб’ектаў – другой чаргі транспартнага пуцеправода "Заходні абход Брэста" і абноўленай экспазіцыі археалагічнага музея "Бярэсце".

На плошчы Леніна пройдзе урачыстае прадстаўленне, якое дасць пачатак трохдзённым святкаванням.

У вечаровай праграме – музычны праект "Горад Святла" і міжнародны парад аркестраў стран СНД.

7 верасня: музыка, выставы і феерверк

У суботу, 7 верасня, у абласным цэнтры з’явіцца адразу некалькі гарадоў: у кожным наведвальнікам будуць прапаноўваць свае забаўкі. Напрыклад, у горадзе рамеснікаў і народнай творчасці на вуліцы Гогаля пройдзе абласное свята фальклёрнага мастацтва з выставамі рамеснікаў і народных майстроў, канцэртамі народных калектываў Брэстчыны.

У гандлёва-прамысловым горадзе на вуліцах Савецкай і Гогаля прамысловыя прадпрыемствы рэгіёна прадставяць свае тавары, а ў горадзе спорта каля Лядовага палаца запланаваныя паказальныя выступы спартсменаў, гульнявыя конкурсы, велапрабег і аўта-парад.  

У горадзе талентаў на музычнай пляцоўцы на вуліцы Савецкай будуць выступаць лаурэаты музучных конкурсаў і стыпендыяты фондаў прэзідэнта, а ў духоўным горадзе ў храмах Брэста адбудуцца канцэрты арганнай музыкі і літургіі.

Яшчэ для аматараў музыкі арганізатары ў Парку культуры і адпачынку падрыхтавалі выступы фіналістаў праекта "Песні пра Брэст", а таксама творчых калектываў горада. Выступы салістаў, фота- і мастацкія выставы чакаюць гасцей горада натхнення, які будзе размяшчацца на Савецкай вуліцы.

Дзеці змогуць бавіць час у горадзе дзяцінства у парках культуры і адпачынку і воінаў-інтэрнацыяналістаў – тут іх чакаюць гульнявыя праграмы, конкурсы, забавы, атракцыёны, выставы і фотазоны, а пенсіянеры могуць наведаць горад залатога ўзросту ў парку культуры і адпачынку, дзе будуць праходзіць танцавальныя праграмы, рэгістрацыя "залатых шлюбаў " і шматлікія канцэрты.

У Парку 1000-годдзя Брэста, дзе будзе знаходзіцца горад будучыні, запланаваныя экалагічныя акцыі, флэш-мобы, закладванне капсулы для наступных пакаленняў.

Таксама ўсіх гасцей горада чакае святочны карнавал – удзельнікі пройдуць па праспекце Машэрава і вуліцы Леніна.

Кульмінацыяй свята стане музычна-гістарычная кампазіцыя Міленіум на Вяслярным канале і феерверк.

8 верасня: паветраныя змеі, хмель і солад

У нядзелю, 8 верасня, Брэст пераўтварыцца ў пляцоўку для фестываляў. У Брэсцкім дзяржаўным універсітэце імя Пушкіна пройдзе фестываль сяброўства, у парку воінаў-інтэрнацыяналістаў – фестываль паветраных змеяў, на набярэжнай Францыска Скарыны – фестываль хмелю і соладу, на плошчы Леніна – фестываль вулічных тэатраў. Таксама на плошчы Леніна запланаваны міжнародны парад аркестраў.

47
Тэги:
Юбілей, Брэст
Спектакль Убачыць ружовага слана

Тэатр HomoCosmos запрашае на восеньскія прэм’еры ўжо зараз

44
(абноўлена 14:46 15.05.2020)
Адзін з самых яркіх тэатральных праектаў сталіцы рыхтуе тры цікавыя пастаноўкі, сярод якіх спектакль па кнізе Святланы Алексіевіч.

МІНСК, 15 мая - Sputnik. Незалежная тэатральная кампанія Homocosmos рыхтуецца прадставіць восенню адразу тры прэм’еры, якія прыйшлося адкласці з-за пандэміі каронавіруса.

Зараз тэатр збірае грошы на падрыхтоўку рэквізіта і рашэнне арганізацыйных момантаў праз творчую ініцыятыву #АртПроездной, што аб’ядноўвае творчыя калектывы, якія зараз маюць патрэбу ў падтрымцы.

HomoCosmos, знакаміты гледачам такімі пастаноўкамі як "Дора, ці Сэксуальныя неўрозы нашых бацькоў", "Убачыць ружовага слана", "Бог козыту", "Раскрыццё", не проста просіць грошы: яны прапануюць сваім наведвальнікам цікавую альтэрнатыву.

Сёння гледачы могуць набыць квіткі з адкрытай датай на спектаклі: такім чынам, калі адновіцца праца, яны змогуць абраць любую пастаноўку.

Патрапіць можна будзе не толькі на знаёмыя спектаклі, але і на запланаваныя на восень гэтага года прэм’еры - "Хлопчыкі" (па рамане "Цынкавыя хлопчыкі" Святланы Алексіевіч рэжысёра Алега Хрысталюбскага), "Нічога святога" рэжысёра Аляксандра Марчанкі і "Ясь і Малгося" рэжысёрак Кацярыны Аверкавай і Паліны Дабравольскай.

Чытайце таксама:

44
Тэги:
Мінск, Тэатр
Святочнае афармленне Мінска да Дня Перамогі

Стала вядома, якія мерапрыемствы пройдуць у Мінску ў Дзень Перамогі

13
(абноўлена 09:32 09.05.2020)
Асноўныя мерапрыемствы стартуюць а 11-й з ваеннага парада і завершацца ў 23:15 феерверкам, які будзе дадзены ў васьмі кропках.

Нягледзячы на пандэмію каронавіруса, у Мінску вырашылі не адмаўляцца ад мерапрыемстваў 9 мая. Зрэшты, традыцыйных масавых гулянняў у горадзе не плануецца: ва ўсякім выпадку, мэрыя нічога не кажа пра тое, ці будуць працаваць традыцыйныя кірмашы - напрыклад, каля Палаца Спорту.

Якія ж мерапрыемствы пройдуць у Мінску на Дзень Перамогі - 2020?

Ваенны парад

Парад стартуе ў 11:00 каля абеліска "Мінск - горад-герой".

"Галоўная яго асаблівасць у гэтым годзе - паказ толькі новых і мадэрнізаваных узораў ваеннай тэхнікі. Плануецца ўдзел больш за 3 тысячы вайскоўцаў і 185 адзінак тэхнікі. Над сталіцай праляцяць 42 паветраныя судны", - распавялі ў мэрыі.

Трансляцыя парада пачнецца ў 10:50.

Музыка ў парках

У шэрагу сталічных паркаў - Чалюскінцаў, Горкага, Уга Чавеса, Паўлава, а таксама каля Чыжоўка-Арэны - з поўдня будуць гучаць папулярныя творы савецкіх і беларускіх кампазітараў аб Вялікай Айчыннай вайне.

Музыка ў парках будзе гучаць да 23:30, выключэнне - парк Горкага, дзе скончыцца ўсё ў 16:00.

Акцыя ў музеі

З поўдня да васьмі гадзін вечара можна будзе па ільготным тарыфе наведаць музей гісторыі Вялікай Айчыннай вайны. Там можна будзе дакрануцца да Сцяга Перамогі, які пабыў у Мінску 75 гадоў таму.

Ускладанне кветак

З гадзіны дня да манумента Перамогі пачнуць урачыста ўскладаць кветкі.

"Ушанаваць памяць загінулых у гады Вялікай Айчыннай вайны прыйдуць афіцыйныя дэлегацыі дзяржаўных органаў, працоўных калектываў сталічных прадпрыемстваў, прадстаўнікоў грамадскіх і прафсаюзных арганізацый, адміністрацый раёнаў, духавенства, дэпутаты, моладзь. Мерапрыемства будзе доўжыцца да 16.30", - сказалі ў Мінгарвыканкаме.

Канцэрт і салют

А палове на дзясятую вечара на плошчы Перамогі стартуе канцэрт "На славу агульнай Перамогі". Сярод выступоўцаў - "Песняры", "Купалінка", "Спадчына", салісты Вялікага тэатра і беларускія поп-выканаўцы - напрыклад, Аляксандр Саладуха.

Пры жаданні паслухаць канцэрт зусім не абавязкова выходзіць у горад - трансляцыю пакажуць па тэлебачанні.

Завершыцца Дзень Перамогі феерверкам у 23:15. Дадзены салют будзе з васьмі кропак, а назіраць за ім можна будзе і з вокнаў.

13
Тэги:
Дзень Перамогі, Мінск
Тэмы:
Дзень Перамогі - 2020
Афіцыйны прадстаўнік Міністэрства замежных спраў Расіі Марыя Захарава

МЗС РФ: журналістаў тэлеканала "Дождь" затрымалі з-за адсутнасці акрэдытацыі

11
Удзень у нядзелю ў цэнтры Мінска затрымалі двух карэспандэнтаў і відэааператара расійскага тэлеканала.

МІНСК, 9 жні – Sputnik. Журналістаў расійскага тэлеканала "Дождь" затрымалі ў Мінску ў дзень выбараў прэзідэнта з-за адсутнасці ў іх акрэдытацыі, пра гэта паведаміла афіцыйны прадстаўнік МЗС Расіі Марыя Захарава.

Удзень у нядзелю з'явілася інфармацыя аб тым, што ў цэнтры беларускай сталіцы затрымалі супрацоўнікаў расійскага тэлеканала – двух карэспандэнтаў і відэааператара. Іх забралі і павезлі пасля таго, як яны пагаварылі на вуліцы з прадстаўніцай аб'яднанага штаба Святланы Ціханоўскай Марыяй Калеснікавай.

"Прычына інцыдэнту - адсутнасць неабходнай акрэдытацыі", - цытуе Захараву РІА "Новости".

У дадзены момант затрыманым журналістам аказваецца консульская дапамога. "Пасольства Расіі ў Рэспубліцы Беларусь падключылася да вырашэння сітуацыі ў сувязі з затрыманнем журналістаў "Дождя" ў Мінску і знаходзіцца ў кантакце з беларускім бокам. Устаноўлена іх месцазнаходжанне", – адзначыла афіцыйны прадстаўнік МЗС РФ.

Паводле яе слоў, сітуацыю асабіста кантралюе пасол Расіі ў Беларусі Дзмітрый Мезенцаў. "Толькі што я гаварыла з Дзмітрыем Фёдаравічам Мезенцавым, з нашым паслом, які ўсю гэтую сітуацыю абмаляваў, і ён сказаў, што асабіста трымае гэта на кантролі", - распавяла Захарава.

11
Тэги:
МЗС РФ, Марыя Захарава