Закаханыя трымаюцца за рукі ў кафэ

Як правесці Дзень усіх закаханых па-беларуску

47
(абноўлена 16:00 12.02.2020)
Дзе незвычайна і танна адсвяткаваць сёлета Дзень усіх закаханых – чытайце ў адмысловым аглядзе Sputnik.

Для тых, каму надакучылі бясконцыя тусоўкі, Sputnik зрабіў падборку інтэлектуальных мерапрыемстваў на самае рамантычнае свята года.

Спатканне ў пакоі Петруся Броўкі

"Музей для дваіх" – акцыя, якая стала традыцыйнай у Музеі імя Петруся Броўкі. Только адна пара закаханых увечары 14 лютага зможа патрапіць ва ўстанову і правесці тут рамантычны вечар. Арганізатары абяцаюць адкрыць невядомыя старонкі прыватнай гісторыі Пятра Усцінавіча і Алены Міхайлаўны Броўкаў. Адмысловая экскурсія будзе праходзіць пад гукі гітары з водарам чабора.

Каб патрапіць на інтэлектуальнае спатканне, трэба выканаць умовы, апісаныя ў сацыяльных сетках музея, а розыгрыш адбудзецца ўжо 12 лютага.

Байкот каханню

У Дзяржаўным музеі гісторыі беларускай літаратуры вырашылі адыйсці ад стэрыатыпаў і святкаваць 14 лютага не Дзень усіх закаханых, а міжнародны Дзень дарэння кніг – тут адбудзецца адмысловая пісьменніцкая эстафета – беларускія пісьменнікі сустрэнуцца са сваімі чытачамі ўсіх узростаў.

Нон-стоп імпрэза распачнецца а 10-й гадзіне раніцы і скончыцца толькі ўвечары. Падчас мерапрыемства гасцей будуць сустракаць літаратурныя творцы Міхал Бараноўскі, Ганна Янкута, Зміцер Бартосік, Надзея Ясмінска, Алена Масла, Людміла Рублеўская і іншыя.

Лялька-абяряэг для каханка

Дзяржаўны літаратурна-мемарыяльны музей Якуба Коласа да Дня ўсіх закаханых ладзіць цэлы тыдзень адмысловых майстар-класаў, які пачаўся яшчэ 11 лютага.

Разам са сваёй другой палоўкай можна замовіць майстар-клас па вырабе лялек-абярэгаў і букетаў з цукерак. Для гэтага не абавязкова нават тэлефанаваць у музей, дастаткова пакінуць каментар у сацыяльных сетках музея.

Рамантычны квэст

Музей гісторыі тэатральный і музычнай культуры падрыхтаваў да Дня ўсіх закаханых рамантычны квэст. 14 лютага кожны наведвальнік разам з уваходным квітком атрымае буклет з заданнямі. Падказкі будуць схаваныя на экспазіцыі і дапамогуць даведацца, каму прысвячалі песні і як звярталіся да каханых у лістах беларускія творцы.

Музыка і зоркі

Мінскі планетарый вырашыў святкаваць Дзень усіх закаханых на некалькі дзён раней і ладзіць адмысловы выступ гурта Dodoma ужо 13 лютага.

Па словах арганізатараў, тэмай музычна-візуальнага апавядання ў гэты вечар абраны працэс эвалюцыі планет зямнога тыпу, а таксама эмацыйная рэфлексія на творчасць Андрэя Таркоўскага.

Замест банальнай рамантыкі і пацалункаў у Мінскім планетарый прапануюць паразважаць пра арганізацыю свету і пашукаць сваё месца на планеце.

47
Тэги:
Беларусь, Дзень усіх закаханых
Тэмы:
Куды пайсці ў Мінску (52)
Дзяржаўны літаратурна-мемарыяльны музей Якуба Коласа

Што яднае Якуба Коласа і Амар Хайяма?

41
(абноўлена 15:28 14.05.2021)
18 траўня ў Дзяржаўным літаратурна-мемарыяльны музеі Якуба Коласа адкрыецца часовая эксапзіцыя "Якуб Колас і Амар Хайям: жыццёвая мудрасць у паэтычным слове".

Арганізатарам экспазіцыі разам з музеем з’яўляецца Пасольства Ісламскай Рэспублікі Іран у Рэспубліцы Беларусь.  

У кожнага народа ёсць свае паэты-апосталы, прадказальнікі, вяшчальнікі. У Расіі - А.С. Пушкін, у Англіі - Джордж Гордан Байран, у Іране - Амар Хайям, у Беларусі - Якуб Колас і Янка Купала. Якуб Колас і Амар Хайям - моцныя дамінанты беларускай і іранскай культур. Іх працы - гэта своеасаблівы зборнік філасофскіх думак і падыходаў да рэальнасці, які можа стаць свайго роду інструкцыяй для будучых пакаленняў.

Як адзначылі ў музкі, паэзія Якуба Коласа і Амара Хайяма - кульмінацыя іх доўгага і цяжкага шляху да ісціны. І хоць яны жылі ў розны час, у розных краінах, належалі да розных рэлігій, але цэнтрам іх творчасці быў Чалавек-Сусвет. Яны стварылі энцыклапедыю жыцця, мудры кодэкс жыцця ў паэтычнай форме.

Сімвалічна, што ў асабістай бібліятэцы Якуба Коласа знаходзілася кніга Алішэра Наваі - паэта і мысляра, які ствараў свае літаратурныя творы на пэрсідзкай, цюркскай, узбекскай і уйгурскай мовах. Гэтая кніга была прывезена з Ташкента, дзе Якуб Колас разам з сям'ёй быў ў эвакуацыі (1941-1943 гг.). Верагодна, што імя Амара Хайяма было знаёма беларускаму класіку. Больш за тое, філасофскай лірыкай персідскага паэта і філосафа цікавіўся малодшы сын Якуба Коласа Міцкевіч Міхаіл Канстанцінавіч. Ён любіў чытаць Амара Хайяма і адну з кніг персідскага аўтара, перакладзеную на рускую мову, прывёз з Ташкента ў 1970-х гадах.

Дзе: Дзяржаўны літаратурна-мемарыяльны музей Якуба Коласа

Калі: 18 траўня

41
Тэги:
музей, Якуб Колас
Фестываль кельцкай культуры Бельтайн

Дудары, файер-шоу і ірландскія танцы: свята "Бельтайн" адкрывае фестывальны сезон

38
(абноўлена 21:35 26.04.2021)
Феерычную змену цёмнай паловы года на светлую будуць адзначаць у Цэнтральным батанічным садзе па старажытнай кельцкай традыцыі

МІНСК, 27 кра – Sputnik. Урачыстае адкрыццё беларускага фестывальнага сезона – 2021 адбудзецца 1 траўня на тэрыторыі Цэнтральнага батанічнага сада, дзе пройдзе вясновае этнічнае свята "Бельтайн", прысвечанае культуры, музыцы і традыцыям кельтаў!

Для гасцей фестывалю арганізатары падрыхтавалі шматлікія інтэрактыўныя пляцоўкі і лакацыі. Прыхільнікаў кельцкай культуры чакаюць трукавыя паядынкі на халоднай і дрэўкавай зброі, гульні шатландскіх горцаў (кіданне бервяна, кіданне піўной бочкі, барацьба на руках), традыцыйныя абрады друідаў і варажба на рунах, а таксама знакамітыя ірландскія танцы.

На галоўнай пляцоўцы свята пройдзе традыцыйны выбар Майскай каралевы. Падчас фестывалю можна будзе таксама сустрэць і аднаго з самых таямнічых персанажаў кельцкага фальклору – містычнага "Зялёнага чалавека", а яшчэ завітаць на вялікі рынак рамеснікаў і адмысловы фудкорт з рознымі пачастункамі і гарачым глінтвейнам.

Жадаючыя змогуць паспрабаваць свае сілы ў лучным і арбалетным ціры, навучыцца сапраўднаму фехтаванню, спасцігнуць кельцкі дзэн у лакацыі баланс-бордаў, паўдзельнічаць у манетным атракцыёне і здабыць перамогу ў старажытных настольных гульнях. Тых жа, хто захоча на пэўны час стаць сярэднявечным рамеснікам, чакаюць шматлікія майстар-класы, сярод якіх традыцыйнае мылаварэнне і вытворчасць свечак, майстар-клас па чаканцы, ганчарны майстар-клас і інш. А вось дакрануцца да таямніцы друідаў дапаможа эка-квэст "Майскае дрэва".

Аматары этнічнай музыкі таксама атрымаюць задавальненне: гасцей фестываля чакае вялікі open-air канцэрт з выступленнямі вядомых калектываў, сярод якіх Всё_Crazy, PAWA, Cloverland, Няміга, Hard Wood, Без Панікі, KaS, студыя этнічнага танца і музыкі "Кетры" і інш. Аздобіць свята і непераўзыдзенае шоу дудароў.

На тэрыторыі фестывалю будуць працаваць і інтэрактыўныя фотазоны – "Шаманскі куток", "Дрэва жаданняў", "Фотозона з жывымі птушкамі", "Шацёр Чараўніцы".

А ўвечары на галоўнай пляцоўцы адбудзецца самая яскравая падзея свята – конкурс вогненных і піратэхнічных тэатраў, на які немагчыма глядзець без захаплення!

Дзе: Цэнтральны батанічны сад НАН Беларусі

Калі: 1 траўня, пачатак у 11:00

Кошт квітка: ад 6 да 12 руб.

38
Тэги:
Цэнтральны батанічны сад, Цэнтральны батанічны сад НАН Беларусі, Бельтайн, ірландскія танцы, вогненныя тэатры, дудары
Собака ў вадзе

Дрэнная вада: забаронена купацца ў пяці вадаёмах Беларусі

14
(абноўлена 14:58 19.06.2021)
На працягу тыдня спецыялісты санэпідслужбы абследавалі 329 зон рэкрэацыі. Было ўзята 806 проб вады. Многія з іх не адпавядаюць нарматыўным паказчыкам.

МІНСК, 19 чэр - Sputnik. Санітарна-эпідэміялагічная служба забараніла купанне ў пяці вадаёмах Беларусі, паведамляе Рэспубліканскі цэнтр гігіены, эпідэміялогіі і грамадскага здароўя.

На працягу тыдня спецыялісты санэпідслужбы абследавалі 329 зон рэкрэацыі. Было ўзята 806 проб вады. Як высветлілася, 20 проб не адпавядалі гігіенічным нарматывам па санітарна-хімічных паказчыках, 12 - па мікрабіялагічных паказчыках.

Па выніках праверак абмежавана купанне ў зонах адпачынку Брэсцкай вобласці: пляжы "Цэнтральны" правы і левы бераг ракі Мухавец і цэнтральны пляж возера Алтушскае, а таксама на пляжы Вільчыцкага вадасховішча Магілёўскага раёна.

На Гомельшчыне пляж на Дняпры ў парку культуры і адпачынку "Прыдняпроўскі" ў Жлобіне зачынены для купання, але даступны для заняткаў воднымі відамі спорту.

Бярозы ў блакітнай вадзе Новасібірскай ЦЭЦ-5
© Sputnik / Александр Кряжев

Забаронена купанне і заняткі воднымі відамі спорту на чатырох пляжах ў Магілёве і Магілёўскім раёне: пляж на Грэбенеўскім вадасховішчы Магілёва; гарадскі пляж на Дняпры ў Магілёве; пляж на Пячэрскім вадасховішчы Магілёва і пляж на Дняпры ў аграгарадку Палыкавічы Магілёўскага раёна.

Між тым забароны на наведванне грамадзянамі лясных угоддзяў уведзены ўжо ў 25 раёнах Беларусі, паведамляе міністэрства лясной гаспадаркі рэспублікі.

Увядзенне падобных забарон - гэта вымушаны крок, каб пазбегнуць пажараў у лясных угоддзях рэспублікі. Па меры стабілізацыі пажаранебяспечнай абстаноўкі абмежаванні на наведванне лясоў аператыўна здымаюцца.

Чытайце таксама:

14
Тэги:
Беларусь, вадаём, вада