Арганізатар марафону, спецыяліст па сувязях з грамадскасцю спартыўна-аздараўленчай арганізацыі "Адраджэнне" Таццяна Мартынава распавяла ў студыі радыё Sputnik Беларусь аб новым гучным спартыўным праекце.
"Такія марафоны праводзяцца па ўсім свеце з розным маштабам. Ёсць яшчэ і дыстанцыя 100 км, сёлета яе мы пакуль не робім. У нас будуць спартсмены з Расіі, якія, у асноўным, зарэгістраваліся на 70 км, беларусы больш рэгістраваліся на 30. У Расіі такі марафон праходзіць даўно, яны ўжо звыклыя, а ў нашых спартсменаў гэта першы вопыт", — сказала Мартынава.
Са слоў суразмоўцы Sputnik, марафон невыпадкова называецца "Сцежкай мужнасці", гэта не вясёлы шпацыр па роўнай дарозе, гэта сапраўды выпрабаванне сябе на трываласць і выхаванне характару.
Для тых, хто ўсё ж не вырашыцца выпрабаваць свае сілы на марафонскай дыстанцыі, спецыяльна арганізаваны маштабны спартыўна-забаўляльны фэст "Паляна сяброў", дзе можна не толькі паслухаць музыку ў рэжыме нон-стоп, але і заняцца спортам усёй сям'ёй. Прычым і ўваход, і ўсе забавы для наведвальнікаў будуць абсалютна бясплатнымі.
Поўную версію гутаркі з арганізатарам марафону "Сцежка мужнасці", спецыялістам па сувязях з грамадскасцю спартыўна-аздараўленчай арганізацыі "Адраджэнне" Таццянай Мартынавай слухайце ў аудыёзапісу Sputnik Беларусь.
