Палітычны эксперт, дацэнт МДІМА Кірыл Коктыш

Эксперт: да чаго прывядзе сусветнае падзенне спажывецкага попыту

10
Як падзенне спажывецкага попыту ў розных краінах свету тармозіць эканоміку і адначасова робіцца імпульсам для гонкі ўзбраенняў, на радыё Sputnik Беларусь разважае палітычны эксперт, дацэнт МДІМА Кірыл Коктыш.
Эксперт: к чему приведет общемировое падение потребительского спроса

Ва ўмовах агульнасусветнага падзення спажывецкага попыту многія СМІ і экспертныя супольнасці прыходзяць да высновы аб тым, што ніякія навукова-вытворчыя прарывы і змены тэхналагічнага ўкладу не змогуць перадухіліць будучы крызіс. Шляхі вырашэння знаходзяцца, хутчэй, у палітычнай плоскасці — у стварэнні буйных, але лакалізаваных эканамічных зон, дзе будуць прапісаныя асаблівыя правілы гульні.

"Так, на сёння атрымліваецца, што ў сітуацыі глабальнага крызісу грамадства не дэманструе пакупніцкай здольнасці, і ў першую чаргу, у ЗША. Там не атрымалася гэтую здольнасць ажывіць, усе закрэдытаваныя занадта моцна. Зразумела, што рухавіком попыту можа быць толькі дзяржава. А самы галоўны бенефіцыяр, які выйграе ад попыту, які генерыруе дзяржава, гэта ваенна-прамысловы комплекс", — кажа Коктыш.

Па словах эксперта, у сітуацыі, якая склалася, стала магчымым абсалютна легітымна марнаваць грошы на ўзбраенне. Таму цяперашняе пашырэнне NATO адбываецца, у першую чаргу, па фінансавых прычынах, паколькі Злучаным Штатам неабходна перазапусціць свой ВПК.

"Уся гісторыя NATO грунтуецца вакол ідэі таго, што краіны NATO павінны плаціць па 2% ад свайго ВУП, і іх трэба пераканаць у гэтай неабходнасці. Я памятаю фразу Трампа падчас перадвыбарчай кампаніі аб тым, што "я зачыню NATO, калі яны не будуць плаціць". Ваенная гарантыя не бясплатная, яна каштуе гэтыя 2%", — адзначае эксперт.

У той жа час, па словах суразмоўцы, краіны NATO могуць выдаткаваць гэтыя сродкі (2% ад ВУП) выключна на прадукцыю амерыканскага ВПК.

"Нават немцы, якія вырабляюць цалкам прыстойную ваенную тэхніку, за кошт гэтых узносаў не могуць паставіць яе да сабе на ўзбраенне. Яны павінны паставіць толькі зброю амерыканскай вытворчасці. З аднаго боку, трэба пераканаць Еўропу пераўзброіцца, з другога — аплачваць гэтыя рахункі. І ўсе разумеюць, што, у асноўным, гэта фінансавая гульня, але свет ад гэтага становіцца ўсё больш небяспечным", — канстатуе эксперт.

Гутарку з палітычным экспертам, дацэнтам МДІМА Кірылам Коктышам слухайце на радыё Sputnik Беларусь.

10
Тэги:
NATO, МГИМО, Кірыл Коктыш, ЗША
Палітычны і эканамічны эксперт Мікалай Мяжэвіч

Рэформы, суверэнітэт, стасункі з РФ - што хвалявала беларусаў перад выбарамі

7
Суверэнітэт краіны, асноўныя вектары знешняй палітыкі, эканоміка і яе трансфармацыі ― што яшчэ хвалявала экспертную супольнасць і радавых беларусаў напярэдадні прэзідэнцкіх выбараў — 2020.
"Суверенитет, экономика, отношения с РФ": Межевич о послании Лукашенко

Актуальныя тэмы, якія абмяркоўваліся на розных узроўнях напярэдадні беларускіх выбараў, гэта стаўленне да суверэнітэта, прычым не толькі ў самой краіне, але і да суверэнітэта іншых дзяржаў, а таксама асноўныя вектары знешняй палітыкі, пра гэта суразмоўца Sputnik, кіраўнік Цэнтра беларускіх даследаванняў Інстытута Еўропы РАН, доктар эканамічных навук Мікалай Мяжэвіч заявіў у праграме "Грані фармату", якая выйшла напярэдадні паслання Лукашэнкі народу і парламенту.

Пры гэтым самай рэзананснай тэмай, якая выклікае найбольшую колькасць дыскусій, па-ранейшаму застаецца эканамічная сітуацыя ў рэспубліцы і магчымасці яе трансфармацый, пра што таксама разважае суразмоўца.

"Вельмі шмат дыскусій, хоць на мой погляд, менш чым трэба, з нагоды эканамічнай мадэлі ў Беларусі. Зразумела, што тую мадэль, якая ёсць, хтосьці ацэньвае вельмі высока, хтосьці ацэньвае зусім невысока і рэзка крытыкуе, але гэтая мадэль звязаная з палітычнымі і эканамічнымі рашэннямі аднаго чалавека ― Аляксандра Лукашэнкі. Спадарыня Меркель, якая сядзіць у сваім крэсле канцлера таксама не першы тэрмін, прыняла абсалютна гатовую, сталую нямецкую дзяржаву, якая прайшла праз усе складанасці другой паловы 20-га стагоддзя, і ў гэтым сэнсе спадарыня Меркель не зрабіла вызначальнага ўнёску ва ўсе ключавыя характарыстыкі краіны", ― лічыць Мяжэвіч.

Ролю Лукашэнкі ў фармаванні эканамічнай мадэлі краіны "можна параўнаць з роляй прэзідэнта Пуціна, але і тут 90-я гады, якія падзялілі распад СССР і прыход да ўлады расійскага прэзідэнта, зрабілі многія рэчы незваротнымі, і камусьці гэта падабаецца, а камусьці можа не падабацца, але гэта ёсць", адзначае суразмоўца.

7
Тэги:
Пасланне прэзідэнта да народа і парламента, Беларусь, Выбары
Кандыдат медыцынскіх навук, супрацоўнік РНПЦ псіхічнага здароўя Аліна Волчанка

Што здзіўляе медыкаў у адносінах беларусаў да COVID-19 - эпідэміёлаг

8
(абноўлена 15:34 05.08.2020)
Што беларусы на самай справе ведаюць пра каронавірусную інфекцыю і каму вераць, якія меры прафілактыкі выкарыстоўваюць і які зараз рэальны псіхалагічны настрой насельніцтва - РНПЦ псіхічнага здароўя праводзіць даследаванне гэтай тэмы, апытанне добраахвотнае і ананімнае.
Что удивляет медиков в отношении белорусов к COVID-19 ― эпидемиолог

Спецыялістам важна даведацца, наколькі дасведчанасць грамадзян аб тым, што трэба рабіць кожнаму ва ўмовах пандэміі COVID-19, уплывае на тое, як беларусы выкарыстоўваюць гэтыя меры прафілактыкі ў рэальным жыцці і як псіхалагічна спраўляюцца з гэтым выклікам, распавяла Sputnik кандыдат медыцынскіх навук, вядучы навуковы супрацоўнік лабараторыі клініка-эпідэміялагічных даследаванняў РНПЦ псіхічнага здароўя Аліна Волчанка. Першая частка даследавання была праведзена ў сакавіку-красавіку, дадала субяседніца.

"Дасведчанасць, наколькі можна меркаваць, не была дрэннай, але не было даверу СМІ, сістэме аховы здароўя і дзяржаве ў цэлым як гарантам бяспекі. Усе гэтыя асновы пахіснуліся, мяркуючы па адказах беларусаў, найбольшую падтрымку яны знаходзілі ў коле сям'і і самых блізкіх людзей, а таксама калегаў і сяброў, калі тыя з'яўляліся медыкамі", - распавяла Волчанка.

Крэдыт даверу насельніцтва да нашых дактароў на самай справе вельмі высокі і гэта вельмі радуе, адзначыла субяседніца Sputnik.

У другой частцы даследавання, якая будзе праводзіцца яшчэ месяц, важна паглядзець у дынаміцы, у тым ліку, і як змяніўся ўзровень даверу да тых ці іншых крыніц інфармацыі, якія стратэгіі выбіраюць для сябе людзі і як яны спраўляюцца з сітуацыяй, каму вераць, і хто іх падтрымлівае, дадала эпідэміёлаг.

Беларусы стаміліся ад каронавіруса?

"Цяпер, калі лета і зусім не хочацца насіць маскі, і статыстыка захворвання зніжаецца, наколькі гэта цяжка і наколькі яшчэ застаецца прыхільнасць мерам прафілактыцы? Мы сапраўды стаміліся, і важна разумець, што ж дае сіл тым, хто ўсё яшчэ выконвае меры прафілактыкі - альбо гэта высокі ўзровень дасведчанасці, альбо гэта толькі медыцынскія работнікі, альбо наадварот павышаны ўзровень трывожнасці", - разважае спецыяліст.

Таксама суразмоўца Sputnik распавядае, як былі выкарыстаныя вынікі першай часткі даследавання, атрыманыя вясной, калі ўзровень захворвання ў краіне набліжаўся да максімальнага.

"Мы якраз трапілі ў хвалю увагі СААЗ да нашай краіны, дзе было сказана пра тое, што важна казаць аб статыстыцы - даваць насельніцтву лічбы і інфармацыю, так мы супакойваем псіхалагічна. І вельмі выдатна актывізаваліся нашы дактары і валанцёры, пасля першага стрэсу яны самі сталі казаць і пісаць у сваіх сацсетках, і вельмі добра паўплывалі на дасведчанасць і заспакаенне грамадзян у сітуацыі самаізаляцыі і абмежаванні сацыяльнай актыўнасці", - распавяла спецыяліст.

Прыняць удзел у даследаванні РНПЦ псіхічнага здароўя можна па спасылцы, апытанне праводзіцца ананімна і не носіць камерцыйных мэтаў, адказы будуць выкарыстаны выключна ў навуковых мэтах, падкрэсліла эпідэміёлаг.

8
Тэги:
каронавірус
Тэмы:
Каронавірус COVID-19
Афіцыйны прадстаўнік Міністэрства замежных спраў Расіі Марыя Захарава

МЗС РФ: журналістаў тэлеканала "Дождь" затрымалі з-за адсутнасці акрэдытацыі

12
Удзень у нядзелю ў цэнтры Мінска затрымалі двух карэспандэнтаў і відэааператара расійскага тэлеканала.

МІНСК, 9 жні – Sputnik. Журналістаў расійскага тэлеканала "Дождь" затрымалі ў Мінску ў дзень выбараў прэзідэнта з-за адсутнасці ў іх акрэдытацыі, пра гэта паведаміла афіцыйны прадстаўнік МЗС Расіі Марыя Захарава.

Удзень у нядзелю з'явілася інфармацыя аб тым, што ў цэнтры беларускай сталіцы затрымалі супрацоўнікаў расійскага тэлеканала – двух карэспандэнтаў і відэааператара. Іх забралі і павезлі пасля таго, як яны пагаварылі на вуліцы з прадстаўніцай аб'яднанага штаба Святланы Ціханоўскай Марыяй Калеснікавай.

"Прычына інцыдэнту - адсутнасць неабходнай акрэдытацыі", - цытуе Захараву РІА "Новости".

У дадзены момант затрыманым журналістам аказваецца консульская дапамога. "Пасольства Расіі ў Рэспубліцы Беларусь падключылася да вырашэння сітуацыі ў сувязі з затрыманнем журналістаў "Дождя" ў Мінску і знаходзіцца ў кантакце з беларускім бокам. Устаноўлена іх месцазнаходжанне", – адзначыла афіцыйны прадстаўнік МЗС РФ.

Паводле яе слоў, сітуацыю асабіста кантралюе пасол Расіі ў Беларусі Дзмітрый Мезенцаў. "Толькі што я гаварыла з Дзмітрыем Фёдаравічам Мезенцавым, з нашым паслом, які ўсю гэтую сітуацыю абмаляваў, і ён сказаў, што асабіста трымае гэта на кантролі", - распавяла Захарава.

12
Тэги:
МЗС РФ, Марыя Захарава