Радыё

Якія бытавыя дробязі могуць сапсаваць ўражанне замежніка пра Беларусь

© Sputnik / Александр ШурмелевГід Яўген Маслоўскі
Гід Яўген Маслоўскі - Sputnik Беларусь
Падпісацца
Гід па Беларусі Яўген Маслоўскі распавёў радыё Sputnik Беларусь пра найболей папулярныя маршруты для замежных турыстаў і бытавое глупства, з якім можна сустрэцца падчас цікавай вандроўкі.
Якія бытавыя дробязі могуць сапсаваць ўражанне замежніка пра Беларусь

Замежніку, які прыехаў у Беларусь, звычайна паказваюць аглядную экскурсію па гораду Мінску, замкі Мір і Несвіж, Брэст, Белавежскую пушчу і Брэсцкую крэпасць, распавядае экскурсавод. Усё залежыць ад таго, на колькі дзён турыст завітаў у нашу краіну.

Гісторык, краязнаўца, кіраўнік праекта Вандроўкі ў мінулае Павел Дзюсекаў - Sputnik Беларусь
Радыё
Экскурсавод аб вандроўках у мінулае па Мінску

"Бывае, калі не жадаюць ехаць далёка, наведваюць лінію Сталіна, Хатынь ці Курган, гэта так званы ваенна-патрыятычны турызм. Вакол Мінска ўвогуле любяць людзі ездзіць. Гэта Дудуткі, музей гісторыі і культуры Сула. Гэта з таго, што побач", — кажа Маслоўскі.

Калі паездка па Беларусi не абмяжоўваецца адным ці двума днямі, маршруты апроч ужо пералічаных папулярных аб'ектаў могуць уключаць таксама Гародню і Ліду. Прычым ёсць як калектыўныя, так і  індывідуальныя аўтобусныя ці аўтамабільныя туры.

"Канешне, кожны экскурсавод распавядае па-свойму. Бывае і розная манера падачы інфармацыі, і розная інфармацыя для розных турыстаў. Вось расіянам можна сказаць пра Альгерда, які ён быў слаўны, а вось пра паходы на Маскву паглядзець, распавядаць ці, можа, і не трэба", — адзначае Маслоўскі.

Для таго, каб у замежніку хацелася яшчэ раз вярнуцца ў Беларусь, у нашай краіне прадпрымаецца шмат намаганняў. Але часам ўражанне ад паездкі псуюць самыя звычайныя бытавыя дробязі.

Вільнюс, архіўнае фота - Sputnik Беларусь
Вільня, якой не стаць Вільнюсам

"Ёсць траса М1, уздоўж яе калі ехаць, там усё добра, і бясплатныя туалеты, чыстыя, прыўкрасныя, гарачая вада. Па платных трасах туды, куды я важу, так і атрымоўваецца па лініі Полацк-Мінск-Пінск на захад. Але ёсць дарогі, дзе ўсё дрэнна. Напрыклад, ёсць экскурсія "Астравецкая кругасветка", гэта касцёл у Гервятах, а потым палац Агінскага, там туалеты нармалёвыя, але чамусьці там няма паркоўкі для аўтобусаў, і людзі прыязджаюць і павінны выходзіць на шашы", — кажа экскурсавод.

Ячшэ адна праблема — гэта недахоп спецыялістаў, якія валодаюць ангельскай мовай. Уражанне псуецца, калі англамоўнага персаналу не хапае ў музеях ці гатэлях.

"Канешне, у топавых месцах, у Мірскім і Нясвіжскім замках ёсць людзі, якія і польскую, і нават літоўскую мову ведаюць, не кажучы пра ангельскую. Але ёсць месцы, дзе людзі не ведаюць ні ангельскую, ні польскую мовы. Польскамоўных нават цяжэй знайсці", — адзначае экскурсавод.

Гутарку з экскурсаводам Яўгенам Маслоўскім слухайце на радыё Sputnik Беларусь.

Чытайце і слухайце таксама:

Пароўну ці па-братэрску: як краіны дзеляць між сабой агульную гісторыю>>

Экскурсавод пра тое, што цікавіць былых суайчыннікаў у Беларусі>>

Гід па Беларусі: наша праца ў тым, каб абуджаць павагу да краіны>>

Стужка навiн
0