Мастацтвазнаўца, куратар карпаратыўнай калекцыі Белгазпрамбанка Аляксандр Зіменка

Зіменка: беларускія мастакі не саступаюць еўрапейскім

51
(абноўлена 10:13 18.10.2017)
Мастацтвазнаўца Аляксандр Зіменка распавёў радыё Sputnik Беларусь пра візіт у Парыж беларускіх мастакоў, якіх міжнароднае журы запрасіла да ўдзелу ў экспазіцыі легендарнага "Восеньскага салона".
Зіменка: беларускія мастакі не саступаюць еўрапейскім

Пакуль у Мінску ўжо ў трэці раз ладзіцца выстава "Восеньскі салон з Белгазпрамбанкам", у сталіцы Францыі на Елісейскіх палях адбылася адна з найбуйнейшых сусветных выстаў сучаснага мастацтва "Восеньскі салон у Парыжы", чыя гісторыя пачалася яшчэ ў 1903 годзе. Сёлета ў экспазіцыі былі былі прадстаўлены творы мастакоў больш чым 40 краін свету.

Восеньскі салон прадставіць экспазіцыю коштам амаль $1 млн
© Sputnik Станіслаў Андросік, Сяргей Пушкiн "Восеньскі салон" прадставіць экспазіцыю коштам амаль $1 млн

Па выніках мінскага "Восеньскага салона 2016" міжнароднае журы зацікавілася творчасцю васьмі беларускіх мастакоў. Аляксандр Акуцыёнак, Аляксей Бялько, Аляксандр Бельскі, Яна Войцік, Георгій Капустнікаў, Сямён Маталянец, Алеся Скарабагатая і Фёдар Шурмялёў разам з мастацтвазнаўцам Аляксандрам Зіменка наведалі Парыж, дзе адкрылі беларускую экспазіцыю славутага "Восеньскага салона".

"Творы выклікалі цікавасць. Настолькі высокага ўзроўню жывапіс, на жаль, у Еўропе не так часта можна сустрэць. Хоць прынцыпова адрозніць творы беларускіх мастакоў ад лепшых прадстаўнікоў французскай школы і наогул еўрапейскіх майстроў проста немагчыма", — упеўнены Зіменка.

За тры дні выставу наведалі больш за 30 тысяч чалавек. Сёлета "Восеньскі салон у Парыжы" прайшоў ужо ў 114 раз. Чакаецца, што прадстаўнікі Супольнасці "Восеньскага салона ў Парыжы" і міжнароднае журы ў лістападзе наведаюць Мінск, каб сярод удзельнікаў беларускага "Восеньскага салона 2017" выбраць удзельнікаў парыжскай экспазіцыі наступнага году.

Гутарку з мастацтвазнаўцам Аляксандрам Зіменка слухайце на радыё Sputnik Беларусь.

51
Тэги:
современное искусство, живопись, искусство, Сучаснае мастацтва, мастакі, Выяўленчае мастацтва, "Восеньскі салон", Аляксандр Зіменка, Францыя, Парыж, Беларусь
По теме
Мастацтвазнаўца "прайшоўся" па графіці на Кастрычніцкай
Урач-педыятр, кандыдат медыцынскіх навук Яўген Камароўскі

Антыбіётыкі "для прафілактыкі": піць ці не піць, раіць доктар Камароўскі

24
(абноўлена 15:23 15.01.2021)
Як антыбіётыкі ўплываюць на каронавірусную інфекцыю, і ці варта займацца самалячэннем, разважае ўрач-педыятр, кандыдат медыцынскіх навук Яўген Камароўскі.
Стоит ли пить антибиотики "для профилактики": отвечает доктор Комаровский

Чаму не ўсе лекавыя прэпараты эфектыўны ў барацьбе з COVID, разважае доктар Камароўскі.

Ва ўсім свеце каронавірусную інфекцыю дыягнаставалі ўжо ў 92 мільёнаў чалавек. Такія дадзеныя прыводзіць Універсітэт Хопкінса. Ахвярамі COVID сталі ўжо амаль 2 мільёны чалавек. З-за таго, што вірус па-ранейшаму мала вывучаны, многія пацыенты больш давяраюць лекам, якія добра зарэкамендавалі сябе ў барацьбе з іншымі хваробамі. Але, да прыкладу, да антыбіётыкаў ёсць пытанні, адзначае доктар Камароўскі ў сваім Youtube-канале.

"З тых, хто мае нейкія сімптомы віруснай інфекцыі, абсалютная большасць наогул на гэта не рэагуе. Працягвае з гэтымі соплямі жыць звычайным жыццём, хадзіць на працу... І паспяхова здаравее!", - упэўнены ён.

Па словах доктара, арганізм чалавека ў пераважнай большасці выпадкаў здольны не тое, што без антыбіётыкаў, а наогул без лекаў справіцца з рэспіраторнай віруснай інфекцыяй, і з каронавіруснай у прыватнасці. Але і адмаўляцца ад медыцынскай дапамогі не варта.

"Так, ёсць пэўныя прыкметы, калі трэба звяртацца па медыцынскую дапамогу. Іх, вядома, трэба ведаць. Але гэта не аргумент на карысць выкарыстання антыбіётыкаў. Абсалютная большасць тых, хто не прымаў антыбіётыкі пры каронавірусе, ходзіць, мае зносіны, і даўным-даўно на працы ці ў школе", - кажа Камароўскі.

Нагадаем, адразу ў некалькіх краінах, у тым ліку і ў Беларусі, цяпер праходзіць вакцынацыя расійскім прэпаратам "Спутник V". Гэта першая ў свеце зарэгістраваная вакцына для прафілактыкі COVID-19, распрацаваная НІЦЭМ ім. Гамалеі.

"Спутник V" створаны на вывучанай і праверанай платформе адэнавірусных вектараў чалавека, важнымі перавагамі якой з'яўляюцца бяспека, эфектыўнасць і адсутнасць доўгатэрміновых негатыўных наступстваў.

Каментарый лекара-педыятра, кандыдата медыцынскіх навук Яўгена Камароўскага слухайце ў аўдыёзапісе на радыё Sputnik Беларусь.

Чытайце таксама:

24
Тэги:
каронавірус, парады ўрача
Тэмы:
Каронавірус COVID-19

Ала Беразоўская пра затрыманні журналістаў у Латвіі: сапраўдная траўля

20
(абноўлена 11:17 15.01.2021)
Журналістка Ала Беразоўская, якая пражывае ў Латвіі і супрацоўнічае з парталам Baltnews, распавяла аб вобыску, які прайшоў у яе. Падрабязнасці глядзіце на відэа.

Ала Беразоўская трапіла ў лік журналістаў, да якіх з вобыскам прыйшлі латвійскія праваахоўнікі - прычынай стала праца з расійскімі СМІ. Улады балтыйскай рэспублікі лічаць, што такое супрацоўніцтва - гэта парушэнне рэжыму санкцый Еўрасаюза.

"Мяне падазраюць у тым, што тут ёсць парушэнне санкцый, але я катэгарычна з гэтым не згодна. Ніхто не прызнаў гэтыя выданні злачыннымі. Мы жывем у свабоднай краіне, і мы маем права публікавацца там, дзе лічым патрэбным", - перакананая Ала Беразоўская.

Па словах журналісткі, у яе ў доме адбыўся вобыск, канфіскавана ўся кампьютэрная тэхніка, уключаючы планшэт унука.

Яна распавядае, што супраць журналістаў афіцыйных расійскіх СМІ ў Латвіі абвясцілі "сапраўднае цкаванне".

"Адбываецца свайго роду расчалавечванне, такім чынам хочуць сказаць свету, што тыя, хто супрацоўнічае і працуе ў афіцыйных расійскіх дзяржаўных СМІ, - гэта не журналісты, гэта прапагандысты, значыць на іх дэмакратыя, свабода слова, правы чалавека могуць не распаўсюджвацца", - тлумачыць яна.

Ціск на Sputnik і Baltnews

Sputnik раней паведаміў, што рускамоўным латвійскім журналістам,  у тым ліку якія супрацоўнічаюць з парталамі Baltnews і Sputnik Латвія, прад'яўлены абвінавачванні па артыкуле аб парушэнні рэжыму санкцый Еўрасаюза, у іх прайшлі вобыскі, узята падпіска аб нявыездзе. Па дадзеных агенцтва, абвінавачванні прад'яўленыя па артыкуле 84 крымінальнага закона Латвіі - парушэнне рэжыму санкцый Еўрасаюза, пакаранне - ад грашовага штрафу да турэмнага зняволення.

Sputnik Латвія і Baltnews звязаны з медыягрупай МІА "Россия сегодня". Пры гэтым латвійскія журналісты, якія пішуць для гэтых СМІ, не з'яўляюцца іх супрацоўнікамі, а выступаюць толькі як пазаштатныя аўтары.

МЗС РФ назваў дзеянні ўладаў Латвіі ў адносінах да рускамоўных журналістаў карнай акцыяй і абуральным прыкладам зневажання асноў дэмакратычнага грамадства - свабоды СМІ і выказвання меркаванняў. У дыпламатычным ведамстве РФ адзначылі, што санкцыі маюць персанальны характар, адносяцца асабіста да генеральнага дырэктара МІА "Россия сегодня" Дзмітрыя Кісялёва і не могуць распаўсюджвацца на ўсіх, хто супрацоўнічае з медыяхолдынгам. Галоўны рэдактар ​ МІА "Россия сегодня" і RT Маргарыта Сіманьян выказала надзею, што Расія адкажа на крымінальныя справы супраць рускамоўных журналістаў.

Чытайце таксама:

20
Тэги:
СМІ, Латвія
На Вадохрышча

Міністэрства аховы здароўя расказала, ці можна купацца на Вадохрышча пасля COVID

0
(абноўлена 17:56 18.01.2021)
Вадохрышчанскія купанні пачаліся сёння ў Мінску, акунуцца ў купель можна ў трох спецыяльна абсталяваных для гэтага месцах: на Камсамольскім возеры, у Драздах і на Цнянцы.

МІНСК, 18 сту – Sputnik. Лішні раз нагружаць арганізм стрэсам не варта, падкрэслілі ў прэс-службе Міністэрства аховы здароўя.

Вадохрышчанскія купанні пачаліся ў Мінску. Акунуцца ў купель можна ў бліжэйшыя тры дні ў трох спецыяльна абсталяваных для гэтага месцах: на Камсамольскім возеры, у Драздах і на Цнянцы.

У прэс-службе Міністэрства аховы здароўя падкрэслілі: купанне ў палонцы - стрэс для непадрыхтаванага чалавека. У нетрэніраванага арганізма гэта можа справакаваць зрыў імунітэту і развіццё інфекцый дыхальных шляхоў, у тым ліку і пнеўманій. З-за напружанай сітуацыі ў рэспубліцы з каронавірусам, медыкі раяць не акунацца ў купель. Калі ж чалавек усё ж рашыўся на гэта, варта загадзя пракансультавацца з лекарам.

"Нечаканае для арганізма апусканне ў халодную ваду можа справакаваць розныя хранічныя захворванні, у тым ліку сардэчна-сасудзістыя", - адзначылі ў прэс-службе.

Кажучы пра купання пасля перанесенага COVID-19, у ведамстве падкрэслілі, што існуе такое паняцце, як "посткаронавірусны сіндром". Ён выяўляецца ў тым, што запаленчы працэс скончыўся, але ўскладненні з боку дыхальнай, сардэчна-сасудзістай сістэмы могуць заставацца.

"Лішні раз нагружаць арганізм стрэсам не варта", - рэзюмавалі ў прэс-службе.

Нагадаем, у Беларусі зараз усталявалася марознае надвор'е, у некаторых рэгіёнах у ноч на 19 студзеня тэмпература апусціцца да -27°C. Але ўжо да чацвярга ў краіне пацяплее, абяцаюць сіноптыкі, слупкі тэрмометраў зноў пакажуць плюсавыя значэнні ў дзённы час.

Чытайце таксама:

0
Тэги:
Беларусь, Мінск, Вадохрышча, каронавірус
Тэмы:
Каронавірус COVID-19