Намеснік дырэктара турфірмы Аэрабелсэрвіс Аляксандр Бурдзейка

Сістэму "ўсё ўключана" могуць адмяніць толькі гаспадары гатэляў

23
(абноўлена 14:34 01.11.2017)
Рашэнне аб адмене сістэмы "ўсё ўключана" ў Турцыі могуць прыняць разам ці па-асобнасці ўладальнікі гатэляў, але не краіна ў цэлым, лічыць намеснік дырэктара турфірмы "Аэрабелсэрвіс" Аляксандр Бурдзейка.

З ініцыятывай аб адмене папулярнай у турыстаў сістэмы "ўсё ўключана" на турэцкіх курортах і ў сістэмах гатэляў выступіў кіраўнік канфедэрацыі гандляроў і рамеснікаў Турцыі (TESK) Бендэві Паландакен. На яго думку, адмена сістэмы паспрыяе таму, што турысты будуць менш знаходзіцца ў гатэлях і больш увагі надаваць славутасцям і шопінгу.

Намеснік дырэктара беларускага тураператара "Аэрабелсэрвіс" Аляксандр Бурдзейка ў гутарцы на радыё Sputnik Беларусь адзначыў, што сістэму "ўсё ўключана" немагчыма адмяніць адной заявай, гэта рашэнне могуць прыняць толькі ўладальнікі курортаў зыходзячы з уласнай выгады.

"Я думаю, ад гэтай сістэмы Турцыя адмовіцца не можа, таму што немагчыма забараніць гатэлям уводзіць нейкую сістэму харчавання або неяк навязаць. Гэта значыць кожны гатэль або ланцужок гатэляў, іх уладальнік будзе прымаць гэтае рашэнне самастойна", — сказаў Бурдзейка.

Акрамя таго, па словах суразмоўцы, цэны на наступны сезон тураператарамі ўжо атрыманы, і ў іх усё засталося так, як і было раней. Сістэма "ўсё ўключана" працуе, і вельмі актыўна.

"Тое, што не развіваецца турызм, чаму так мала ездзяць на экскурсіі, як я разумею, у гэтым асноўная праблема. Гэта не таму, што "ўсё ўключана" працуе. А хутчэй таму, што Турцыя — краіна стоадсоткавых зваротаў, гэта значыць практычна адны і тыя ж людзі ездзяць у Турцыю кожны год, а некаторыя і па два разы. Натуральна, за столькі гадоў наведванняў, напрыклад, чалавек 10 гадоў у Турцыю ездзіць, ён ужо ўбачыў усе экскурсіі, якія толькі можна там прыдумаць. У гэтым і ёсць асноўная праблема", — рэзюмаваў суразмоўца.

Гутарку з намеснікам дырэктара беларускага тураператара "Аэрабелсэрвіс" Аляксандрам Бурдзейкам слухайце на радыё Sputnik Беларусь.

23
Тэги:
All Inclusive, туризм и отдых, туристы, туризм, Турцыя, Беларусь
По теме
Што павінен ведаць турыст, каб пазбегнуць праблем на адпачынку
Каментары