Уладзімір Несцяровіч

Несцяровіч пра жаночую эстафету: выцягнулі на жылах і стралялі добра

32
(абноўлена 11:03 23.02.2018)
Прэс-сакратар Міністэрства спорту і турызму Уладзімір Несцяровіч, які назіраў жаночую біятлонную эстафету на стадыёне ў "Альпензіі", падзяліўся падрабязнасцямі гонкі і эмоцыямі пасля перамогі беларусак.
Нестерович о женской эстафете: вытянули на жилах и опять утерли нос мужикам

Жаночы біятлонны квартэт, які складаецца з Надзеі Скардзіна, Ірыны Крыўко, Дзінары Алімбекавай і Дар'і Домрачавай, у чацвер 22 лютага заваяваў залатыя медалі зімовых Алімпійскіх гульняў у Пхенчхане ў эстафетнай гонцы, якая завяршыла спаборніцтвы біятланістак.

На першым этапе эстафеты Надзі Скардзіна проста не пашанцавала, як і астатнім біятланісткам, паколькі падняўся моцны вецер і пайшоў снег, трасу замятала, але затым стыхія паступова сціхла, распавёў суразмоўца Sputnik.

"Мы вельмі перажывалі за Іру Крыўко і Дзінару Алімбекаву, таму што для іх такі старт — гэта ўпершыню ў жыцці, яны дэбютанткі. Але яны выдатна прабеглі, яны цярпелі, на жылах выцягнулі і стралялі добра. Ну а Даша, хай і не заўсёды добра страляе, але мы ведаем — бегае яна выдатна. Яна набрала такі разбег, што яе проста не змаглі дастаць суперніцы", — распавёў Несцяровіч.

Як прызнаўся суразмоўца, яму пашанцавала адным з першых павіншаваць дзяўчат з перамогай і абняць усіх чацвярых адразу пасля працэдуры ўзнагароджання, падчас якой ім уручылі памятных тыгранятаў.

Акрамя таго, Несцяровіч адзначыў, што ў апошні час у беларускім спорце асноўны вынік выцягваюць жанчыны, і мужчынам трэба працаваць і імкнуцца да такіх паказчыкаў.

"Дзяўчаты зноў паказалі, што калі ёсць моцны дух каманды — і моладзь падцягваецца. Бо і Іра, і Дынара — гэта выхаванкі беларускай біятлоннай школы. І ёсць рэзервы, ёсць на каго раўняцца. Мужыкі хай падцягваюцца", — рэзюмаваў Несцяровіч.

Каментар прэс-сакратара Міністэрства спорту і турызму Уладзіміра Несцяровіча слухайце на радыё Sputnik Беларусь.

32
Тэги:
Біятлон, Міністэрства спорту і турызму РБ, Дынара Алімбекава, Ірына Крыўко, Надзея Скардзіна, Уладзімір Несцяровіч, Дар'я Домрачава, Пхенчхан, Паўднёвая Карэя
По теме
Алімпійскія гульні-2018 у Пхенчхане
Акадэмік Расійскай акадэміі навук Вадзім Пакроўскі

Пакроўскі: адсутнасць антыцелаў не азначае, што ў чалавека няма імунітэта

6
(абноўлена 10:59 20.10.2020)
Чаму адсутнасць антыцелаў да COVID-19 у некаторых людзей, якія перахварэлі на каронавірус, не павінна палохаць, разважае загадчык аддзела НДІ эпідэміялогіі Расспажыўнагляду Вадзім Пакроўскі.
Покровский: отсутствие антител не означает, что у человека нет иммунитета

Антыцелы да каронавіруса хутка знікаюць прыкладна ў кожнага пятага з тых, хто перахварэў. Такія дадзеныя прыводзіць НДІ эпідэміялогіі і мікрабіялогіі імя Пастэра. Адбываецца гэта на працягу некалькіх месяцаў, хоць антыцелы да звычайнага грыпу звычайна захоўваюцца ў арганізме даўжэй. Чаму ўсяго гэтага на самай справе не варта баяцца, распавёў Sputnik загадчык аддзела НДІ эпідэміялогіі Расспажыўнагляду Вадзім Пакроўскі.

"Знікненне антыцелаў не азначае, што ў чалавека не сфармаваўся імунітэт. Існуюць розныя клеткі памяці, якія захоўваюць "памяць" аб сустрэчы з вірусам. І пры паўторнай сустрэчы дадуць сігнал усім астатнім сістэмам абароны, уключаючы клеткі-вытворцы антыцелаў", - распавёў Пакроўскі.

Нагадаем, СААЗ 11 сакавіка абвясціла ўспышку COVID-19 пандэміяй. Паводле апошніх звестак, у свеце выяўлена больш за 40 мільёнаў выпадкаў заражэння каронавірусам, больш за мільён чалавек памерлі.

Каментар загадчыка аддзела НДІ эпідэміялогіі Расспажыўнагляду Вадзіма Пакроўскага слухайце ў аўдыёзапісы на радыё Sputnik Беларусь.

6
Тэги:
каронавірус
Тэмы:
Каронавірус COVID-19
Галоўны ўрач 1-й гарадской клінічнай бальніцы Мінска, старшыня Беларускай асацыяцыі ўрачоў Дзмітрый Шаўцоў

Шаўцоў: пнеўманіі і тромбаэмбаліі на фоне COVID-19 нікуды не сышлі

14
(абноўлена 17:25 19.10.2020)
Другая хваля COVID-19 не страшней, чым першая, але і бестурботнасць з бравадай тут недарэчныя, сцвярджае галоўны ўрач 1-й гарадской клінічнай бальніцы г. Мінска Дзмітрый Шаўцоў.
Шевцов: пневмонии и тромбоэмболии на фоне COVID-19 никуда не ушли

Па дадзеных Міністэрства аховы здароўя Беларусі, у краіне за ўвесь перыяд пандэміі COVID-19 колькасць тых, хто захварэў, склала амаль 90 тысяч чалавек, ахвярамі каронавіруса сталі ўжо 933 чалавекі. Другая хваля захворвання ўжо прыйшла ў Беларусь, і гэта становіцца падставай звярнуцца да спецыялістаў, каб даведацца новую інфармацыю пра захворванне і атрымаць рэкамендацыі на базе апошніх даследаванняў.

Ці ідуць публікацыі ў СМІ ў разрэз з рэальнасцю, і як сябе паводзіць ва ўмовах "другой хвалі" - сваімі высновамі са слухачамі радыё Sputnik падзяліўся галоўны доктар 1-й гарадской клінічнай бальніцы г. Мінска Дзмітрый Шаўцоў.

"Мы (насельніцтва) расслабіліся, сталі грэбаваць рэкамендацыямі медыцынскай супольнасці і дзяржавы. І зараз бачым, што другая хваля ідзе. На мой погляд, яна не страшней, чым першая. Але важна разумець, што тады мы ішлі да лета, калі актыўнасць віруса, які адчувальны да ўльтрафіялету, будзе слабець. Зараз халадзее, захворванні ВРВІ, грып і інфекцыі паніжаюць наш імунітэт, і да іх можа "прычапіцца" і каронавірус. Нагадаю, што пнеўманіі як ўскладненні каронавіруснай інфекцыі нікуды не сышлі. Тромбаэмбаліі, інфаркты міякарда таксама назіраюцца, і мы іх бачым і лечым. Не сышлі і смяротныя выпадкі. І калі мы будзем расхлябана ставіцца да ўласнага здароўя, то адны медыкі з гэтай праблемай не справяцца", - сказаў Шаўцоў.

Нагадаем, Міністэрства аховы здароўя РФ зарэгістравала ў жніўні першую ў свеце вакцыну ад каронавіруса "Спутник V", распрацаваную ў расійскім НДЦ імя Гамалеі. Выпрабаванні прэпарата прайшлі ў чэрвені-ліпені на добраахвотніках ва ўзросце ад 18 да 60 гадоў. Прэпарат ужо выпушчаны ў грамадзянскі абарот. Да канца 2020-га года ў Расіі плануюць вырабіць каля 2,3 млн доз вакцыны ад каронавіруса, а вясной будучага года расійскі Мінпрамгандаль мае намер выйсці на паказчык у 15 млн доз у месяц.

Каментар галоўнага ўрача 1-й гарадской клінічнай бальніцы г.Мінска Дзмітрыя Шаўцова слухайце ў аўдыёзапісы на радыё Sputnik Беларусь.

14
Тэги:
каронавірус
Тэмы:
Каронавірус COVID-19
Машына хуткай дапамогі каля бальніцы

Зноў больш за 600 хворых: Мінздароўя агучыла свежую статыстыку па COVID-19

0
За мінулыя суткі каронавірусная інфекцыя забрала жыцці яшчэ чатырох пацыентаў, ахвярамі хваробы сталі ўжо 937 чалавек.

МІНСК, 20 кас - Sputnik. Колькасць тых, хто захварэў на каронавірус у Беларусі наблізілася да 89 тысячаў, такую лічбу ў аўторак агучылі ў міністэрстве аховы здароўя рэспублікі.

"Зарэгістравана 88 909 чалавек са станоўчым тэстам на COVID-19", - паведамілі ў ведамстве.

З учорашняга дня ў рэспубліцы выявілі 619 новых выпадкаў заражэння каронавірусам. Пры гэтым чатыры пацыента з пацверджаным дыягназам COVID-19 памерлі ад ускладненняў. За ўвесь перыяд распаўсюджвання інфекцыі ў нашай краіне каронавірусная інфекцыя забрала ўжо 937 жыццяў.

"У Беларусі на 20 кастрычніка паправіліся і выпісаныя 80 503 пацыента, у якіх раней быў пацверджаны дыягназ COVID-19", - распавялі ў Міністэрстве аховы здароўя.

Адпаведна, за мінулыя суткі шэрагі тых, хто паправіўся, папоўнілі 373 чалавекі. На лячэнні па-ранейшаму знаходзяцца 8 406 пацыентаў, хворых на каронавірус.

З лютага беларускія медыкі правялі ужо 2 244 310 тэстаў на каронавірус па ўсёй краіне.

Чытайце таксама:

0
Тэги:
Міністэрства аховы здароўя Рэспублікі Беларусь, каронавірус, Беларусь
Тэмы:
Каронавірус COVID-19