Выканаўчы дырэктар асацыяцыі Аднаўляльная энергетыка Уладзімір Нісцюк

Нісцюк: СП па вытворчасці электрарухавікоў - гэта не галоўная наша праблема

17
(абноўлена 16:20 23.05.2018)
Выканаўчы дырэктар асацыяцыі "Аднаўляльная энергетыка" Уладзімір Нісцюк пракаментаваў радыё Sputnik Беларусь планы па запуску ў Беларусі сумеснага з нямецкай Siemens і кітайскай CRRC вытворчасці электрарухавікоў.

Міністэрства прамысловасці Беларусі зацікаўлена ў стварэнні сумеснага прадпрыемства па вытворчасці электрарухавікоў разам з двума вядучымі карпарацыямі — нямецкай Siemens і кітайскай CRRC. Такую заяву зрабіў у сераду 23 мая ў Мінску намеснік міністра прамысловасці Сяргей Гунько.

Па словах чыноўніка, цяпер электрарухавікі нямецкай кампаніі ўжо ўсталёўваюцца на БелАЗы, а кітайскія электрацягнікі паспяхова выкарыстоўваюцца і ў Беларусі, і ў Расіі.

"Вытворчасць электрарухавікоў — гэта не тая праблема, якая павінна хваляваць краіну. "Белкамунмаш" вырабляе электробусы — там праблема з рухавікамі? Не, там праблема з акумулятарам, там стаяць суперкандэнсатары, якія важаць больш звычайнага рухавіка для аўтобуса. Нічога новага для электратранспарту яны не зробяць. Электрычныя рухавікі і генератары сёння паспяхова вырабляюць і нашы прадпрыемствы", — сказаў Нісцюк.

Суразмоўца Sputnik лічыць, што актуальнымі цяпер застаюцца дзве праблемы — будаўніцтва завода па вытворчасці акумулятараў або стварэнне гідраакумулятарнай станцыі на базе Гродзенскай ГЭС, як прапануюць кітайскія спецыялісты, і вытворчасць электранагравальных прамысловых катлоў, каб замяніць газа- і паранагравальныя.

Гутарку з выканаўчым дырэктарам асацыяцыі "Аднаўляльная энергетыка" Уладзімірам Нісцюком слухайце ў аўдыёзапісы радыё Sputnik Беларусь.

17
Тэги:
электрамабіль, Энергетыка, Радыё Sputnik Беларусь, Уладзімір Нісцюк, Беларусь
Каментары