Радыё

Крыжаноўскі: Кірычэнка - яркі, рознабаковы і без усялякай фанабэрыі

© Sputnik / Виктор ТолочкоЗаслужаны артыст Беларусі Яўген Крыжаноўскі
Заслужаны артыст Беларусі Яўген Крыжаноўскі - Sputnik Беларусь
Падпісацца
Заслужаны артыст Беларусі Яўген Крыжаноўскі ўспамінае пра гады сумеснай працы і адносіны з легендай купалаўскай сцэны Мікалаем Кірычэнкам - пра смерць народнага артыста краіны стала вядома напярэдадні.

У аўторак, 14 жніўня, на 73-м годзе жыцця памёр народны артыст Беларусі, любімы гледачамі акцёр тэатра і кіно Мікалай Міхайлавіч Кірычэнка, які аддаў роднай для яго сцэне тэатра імя Янкі Купалы без малога паўстагоддзя. Дата і час развітання з легендарным артыстам стануць вядомыя пазней.

Акцёр Мікалай Кірычэнка - Sputnik Беларусь
Ад Ягайлы да Берыі: лепшыя ролі Мікалая Кірычэнкі

Мікалай Кірычэнка — сапраўды легенда беларускай тэатральнай сцэны, гэта чалавек, які стварыў велізарную колькасць рознапланавых акцёрскіх вобразаў і на сцэне, і ў кіно, і на тэлебачанні, і быў выдатным выкладчыкам для маладога акцёрскага пакалення, сказаў у гутарцы на радыё Sputnik Беларусь заслужаны артыст краіны Яўген Крыжаноўскі.

"З Мікалаем Кірычэнкам я прапрацаваў у Купалаўскім тэатры 12 гадоў, мелі добрыя адносіны, я ведаў яго сям'ю, яго хобі, ён быў чалавекам вельмі рознабаковым. Любое пытанне аб палітыцы, эканоміцы, мастацтве, літаратуры — ён усё ведаў, і мы яго нават называлі "Знайкам". Але ў першую чаргу, рознабаковая натура паўставала на сцэне — ад трагічных роляў да камічных і тэатральных капуснікаў", — распавёў Крыжаноўскі.

Нягледзячы на шматлікія ганаровыя званні і той перыяд, калі Мікалай Кірычэнка кіраваў Купалаўскім тэатрам, ён заўсёды быў гатовы на любыя эксперыменты, і ў ім не было ніякай фанабэрыі, гэта сапраўдная страта, адзначыў суразмоўца Sputnik.

Гутарку з заслужаным артыстам Беларусі Яўгенам Крыжаноўскім слухайце на радыё Sputnik Беларусь.

Стужка навiн
0