Спартыўны аглядальнік Алег Дзмітрыеў

Дзмітрыеў пра матч БАТЭ - ПАОК: такую поўху атрымаць балюча!

12
(абноўлена 13:57 05.10.2018)
Незразумела, чаму трэнерскі штаб БАТЭ не ўлічыў мабільнасці ПАОКа і ўмення грэкаў выратаваць гульню "на хуткасці", такое меркаванне выказаў спартыўны аглядальнік Алег Дзмітрыеў пасля разгромнага паражэння барысаўскага БАТЭ ад грэчаскай каманды на сваім полі з лікам 1:4.

Футбол для Грэцыі ўжо даўно стаў нацыянальнай рэлігіяй, але доўгі час у гэтую рэлігію было падмешана так шмат брыдоты, скандалаў і карупцыі, што грэчаскі футбол да 2014 года ў гэтым заграз, і каманда ПАОК прайгравала каму заўгодна, застаючыся "цёмным конікам", распавёў у гутарцы на радыё Sputnik Беларусь вядомы расійскі журналіст, спартыўны аглядальнік і заўзятар з 40-гадовым стажам Алег Дзмітрыеў.

"Я кажу гэта таму, што каманда адрадзілася з попелу дзякуючы інвестыцыям растоўскага бізнесмена Івана Савідзі. Што мы зараз бачым? Што ПАОК бегаў, а БАТЭ не паказаў высокіх хуткасцяў. Я не разумею, чаму штаб БАТЭ гэтага не ўбачыў, ПАОК быў у Маскве і паказаў, як можна на хуткасцях выратаваць гульню на ліку 2:3, як гэта было ў Салоніках. Вось чаму трэнерскі штаб не ўлічваў гэтай мабільнасці ПАОКа, мне незразумела. Я б на месцы трэнера БАТЭ працаваў бы над хуткасцямі. Такую поўху атрымаць балюча", — сказаў Дзмітрыеў.

Нягледзячы на крыўдны разгромны пройгрыш на сваім полі, у будучай сустрэчы з "Чэлсі" у БАТЭ яшчэ застаюцца шанцы, але хуткасць — гэта тое, над чым трэба працаваць у першую чаргу, лічыць спартыўны аглядальнік.

Як ужо паведамляў Sputnik, напярэдадні барысаўскі футбольны клуб БАТЭ з лікам 1:4 саступіў у матчы грэчаскаму ПАОКу на сваім полі "Барысаў-арэна" ў матчы Лігі Еўропы УЕФА. Наступны матч барысаўчане правядуць 25 кастрычніка супраць лідара групы L — футбольнага клуба "Чэлсі" (у брытанцаў 6 ачкоў пасля двух гульняў). Другое месца ў квартэце займае грэчаскі ПАОК (3 ачкі), трэцяе — БАТЭ (3), і замыкае групу "Відзі" (0).

Каментар спартовага аглядальніка Алега Дзмітрыева слухайце на радыё Sputnik Беларусь.

12
Тэги:
Футбол, ФК БАТЭ, Алег Дзмітрыеў
Каментары