Вядучы навуковы супрацоўнік Інстытута Касмічных даследаванняў РАН Натан Эйсмант.

Эйсмант пра аварыю "Саюза": такога не было з часоў выпрабаванняў прататыпа

12
(абноўлена 16:41 11.10.2018)
Прычыны адмовы рухавікоў адразу пасля старту "Саюза" можна будзе ўсталяваць па частках ракеты, якія ўпалі на зямлю, лічыць вядучы навуковы супрацоўнік Інстытута Касмічных даследаванняў РАН Натан Эйсмант.

Аварыйная адмова рухавікоў другой ступені на ракеце-носьбіце "Саюз" адразу пасля яе запуску - гэта беспрэцэдэнтная падзея, якой не адбывалася з перыяду распрацовак і выпрабаванняў прататыпа касмічнага карабля, адзначыў у каментары на радыё Sputnik вядучы навуковы супрацоўнік Інстытута Касмічных даследаванняў РАН Натан Эйсмант.

Як ужо паведамляў Sputnik, пра тое, што падчас старту ракеты-носьбіта "Саюз МС-10" з новым экіпажам МКС на борце адбылася "аварыя носьбіта", было абвешчана раніцай у чацвер 11 кастрычніка ў час тэлетрансляцыі, якая вялася на сайце "Раскосмасу".

"Гэта беспрэцэдэнтна, каб рухавікі адмовілі ў другой ступені. Такога не бывала з часоў выпрабавання "Сямёркі" - гэта прататып "Саюза". Цяжка ў гэта паверыць, але дзякуй Богу, што сістэмы, якія забяспечваюць бяспечны пуск і бяспечнае вяртанне на зямлю, спрацавалі. Самае каштоўнае ў такім выпадку - гэта захаванне жыцця касманаўтаў. Самая галоўная і непрыемная сітуацыя шчасна вырашылася", - сказаў Эйсмант.

Вядома, што на борце "Саюза", які стартаваў з касмадрома "Байканур", знаходзіліся двое касманаўтаў - амерыканец Нік Хейг і расіянін Аляксей Аўчынін. Капсула з імі пасля аварыі прызямлілася на тэрыторыі Казахстана. Стан касманаўтаў ацэньваецца як здавальняючы.
Па словах суразмоўцы Sputnik, у бліжэйшы час могуць быць апублікаваныя новыя факты пра прычыны аварыі і разабрацца адмовай рухавікоў спецыялістам будзе нескладана.

"Прычыны (адмовы рухавікоў - Sputnik) установяць, гэта непазбежна, не думаю, што гэта будзе немагчыма або цяжка зрабіць, паколькі ўсе часткі апарата-носьбіта вярнуліся на зямлю, на іх можна паглядзець, устанавіць, у чым там справа, і думаю, гэта ўдасца даволі хутка", - сказаў Эйсмант.

Каментар вядучага навуковага супрацоўніка Інстытута Касмічных даследаванняў РАН Натана Эйсманта слухайце на радыё Sputnik Беларусь.

12
Каментары