Радыё

Алена Кулінковіч: хлопцам з Neuro Dubel хочацца працягваць выступаць

© Sputnik / Виктор ТолочкоЖонка Аляксандра Кулінковіча Алена распавяла, што падчас вялікага трохгадзіннага канцэрта будзе выканана больш за 30 песень
Жонка Аляксандра Кулінковіча Алена распавяла, што падчас вялікага трохгадзіннага канцэрта будзе выканана больш за 30 песень - Sputnik Беларусь
Падпісацца
У суботу, 18 мая, у клубе Re: Public у Мінску вялікім канцэртам Neuro Dubel адзначыць дзень нараджэння стваральніка і фронтмэна гурта Аляксандра Кулінковіча - у гэты дзень музыканту споўнілася б 47 гадоў.
Елена Кулинкович: ребятам из Neuro Dubel хочется продолжать выступать

Падчас вялікага трохгадзіннага канцэрта прагучаць больш за 30 песень, у тым ліку, і культавыя "Можна жыць", "Паляўнічы і сайгак", "Гузік", "Час развітацца", "На Марс" і многія іншыя.

"Цяжка зразумець, як рухацца далей. На гэта неабходны час, пры гэтым вельмі не хочацца, каб мы цяпер зарыліся ў зямлю і нічога не рабілі. У такіх канцэртаў ёсць некалькі складнікаў. Па-першае, памяць у людзей кароткая - каб памяталі. Па-другое, хлопцам сапраўды вельмі хочацца працягваць выступаць", - распавяла Алена Кулінковіч у МПЦ Sputnik Беларусь.

Частка сродкаў пасля суботняга канцэрту пойдзе на ўвекавечанне памяці Аляксандра Кулінковіча - ёсць планы выдаць кнігу яго публікацый, фотаальбом і трыб'ют кампазіцый Neuro Dubel.

"Саша не хацеў бы, каб усё скончылася... Нездарма ў яго і таблічка такая вісела: "Заслужаны артыст Рэспублікі Беларусь". Ён хацеў каб, яго песні спявалі ў падваротнях, у дварах, дома, на канцэртах. Ён хацеў, каб яго музыка жыла, каб ён застаўся ў памяці людзей, і будзе няправільна, калі мы зараз забудземся на ўсё гэта", - адзначыла жонка музыканта.

Пасля раптоўнай смерці фронтмэна Neuro Dubel Аляксандра Кулінковіча 4 жніўня мінулага года ў многіх фанатаў групы былі сумневы, што калектыў збярэцца зноў і працягне выступаць. Аднак напярэдадні суботняга канцэрту музыкі пацвердзілі, што творчае жыццё Neuro Dubel на гэта сапраўды не скончыцца.

Фрагмент гутаркі з Аленай Кулінковіч слухайце ў аўдыёзапісе радыё Sputnik Беларусь.

Стужка навiн
0