Старшы інспектар па асаблівых даручэннях аддзялення каардынацыі арганізацыйна-аналітычнага ўпраўлення МГБ МУС Аляксандр Чалей

МУС: на пляжах у спякоту нельга піць піва і прыставаць да тых, хто адпачывае

29
(абноўлена 12:29 14.06.2019)
Распіццё спіртнога і піва на пляжы можа абярнуцца штрафам, роўна як і купанне ў неналежных месцах, а таксама абразлівае прыставанне да навакольных людзей, напярэдадні выхадных нагадваюць у МУС.
МВД: на пляжах в жару нельзя пить пиво и приставать к другим отдыхающим

У сувязі са спякотай і новымі тэмпературнымі рэкордамі ў Беларусі праваахоўныя органы напярэдадні выхадных распачалі дадатковыя меры па забеспячэнні бяспекі грамадзян, асабліва гэта тычыцца вадаёмаў і месцаў масавага адпачынку - усяго іх у краіне каля 600, з іх 545 знаходзяцца ў непасрэднай блізкасці ад рэк і азёр.

Гаворка ідзе аб павелічэнні колькасці нарадаў ДАІ і патрульна-паставой службы побач з курортнымі зонамі, а таксама аб рэгулярных рэйдах міліцыі сумесна з МНС, АСВАД і прыродаахоўнымі службамі ў месцах адпачынку паблізу Мінска і абласных цэнтраў, дзе збіраецца больш за ўсё адпачывальнікаў, паведаміў старшы інспектар па асаблівых даручэннях аддзялення каардынацыі арганізацыйна-аналітычнага ўпраўлення МДБ МУС Аляксандр Чалей.

"Ад пачатку мая органамі ўнутраных спраў выяўлена больш за дзве тысячы розных адміністрацыйных правапарушэнняў у месцах масавага адпачынку. У прыватнасці, за ўжыванне  алкагольных напояў да адказнасці прыцягнута больш за 1 100 асоб, за здзяйсненне дробнага хуліганства - больш за 60 грамадзян, за розныя парушэнні ПДР - больш за 700", - распавёў прадстаўнік МУС.

Афіцыйны сайт МУС Беларусі нагадвае пра адказнасць за некарэктныя дзеянні ў месцах адпачынку незалежна ад умоў надвор'я:

- у зонах адпачынку і на пляжах забаронена распіваць алкагольныя, слабаалкагольныя напоі і піва, за гэта прадугледжаны штраф да 8 базавых велічынь (204 рублі), у выпадку паўторнага парушэння - да 15 базавых або адміністрацыйны арышт;

- абразлівае прыставанне да навакольных расцэньваецца як дробнае хуліганства і караецца штрафам ад ад 2 да 30 базавых або арыштам;

- штраф ад 1 да 3 базавых велічынь прадугледжаны за купанне ў забароненых месцах, а вогнішча ў непрадугледжаным месцы, ды яшчэ і ў гарачае надвор'е, абернецца штрафам да 12 базавых велічынь.

Нагадаем, аранжавы ўзровень небяспекі ў сувязі з гарачым надвор'ем падоўжаны да суботы, 15 чэрвеня, уключна.

Каментар прадстаўніка МУС Аляксандра Чалея слухайце ў аўдыёзапісе на радыё Sputnik Беларусь.

29
Тэги:
МУС РБ, Беларусь, Надвор'е
Тэлевядучы, пісьменнік Анатоль Васерман

Што вырашылі? Васерман пра тэмы Украіны і Беларусі на сустрэчы Пуціна і Байдэна

30
(абноўлена 12:42 18.06.2021)
Малаверагоднае вырашэнне сітуацыі на Украіне і "больш мастацкае" рашэнне па Беларусі - чаму падставы для аптымізму пасля перамоў лідэраў ЗША і Расіі "вельмі сціплыя", разважае палітычны кансультант, аналітык, эрудыт Анатоль Васерман.
Что решили? Вассерман о темах Украины и Беларуси на встрече Путина и Байдена

У ходзе перамоў лідэраў ЗША і Расіі ў Швейцарыі "зроблена вельмі няшмат, але зразумела, што назапашаныя супярэчнасці немагчыма паразграбаць за некалькі гадзін, асабліва з улікам таго, што ўвесь час падвальваюць новыя ўскладненні", лічыць Васерман.

"Але галоўнае зроблена - як кажуць, дамовіліся дамаўляцца. Стварылі сумесныя камісіі па многіх пытаннях, і можна спадзявацца, што калі хоць адна з іх спрацуе, гэта ўжо акупіць усе затраты на сустрэчу", - адзначае аналітык.

Пасля саміту падставы для аптымізму вельмі сціплыя, мяркуе Васерман, "ёсць шмат цалкам аб'ектыўных прычын, якія змушаюць ЗША дзейнічаць як веласіпедыст: пакуль рвешся наперад, трымаешся ў сядле, варта прытармазіць, звалішся".

"Нейкі зрух ёсць паглядзім, што будзе далей. Тры гады таму сустрэча з Трампам таксама прайшла вельмі добра, але Трампа пасля гэтай сустрэчы дружна завалілі разнастайныя брудамёты. Вось з улікам гэтага вопыту я шмат чаго не чакаю. Хай лепш сапхнуць з неспадзяванай нечаканасцю", - кажа Васерман.

Пытанні па Украіне і Беларусі

Эксперт таксама выказаўся з нагоды ўкраінскага кейса і прагучаўшай у ходзе сустрэчы узаемнай прыхільнасці да Мінскіх пагадненняў. Ці зрушыцца сітуацыя з мёртвай кропкі?

"Гэта, на мой погляд, яшчэ менш верагодна, чым паляпшэнне стасункаў з ЗША, паколькі Украіна першапачаткова створана як антырускі праект, як месца вырабу антырускіх з рускіх. І, здаецца, усе спосабы параўнальна мірна ўтрымліваць Украіну асобнай ад Расіі вычарпаны", - лічыць Васерман.

Паднятая на перамовах тэма Беларусі - "для Захаду гэта спосаб знайсці дадатковую падставу для антыбеларускіх абмежаванняў, але мы пастараліся дамагчыся больш сціплага і больш даходлівага мастацкага рашэння", адзначае аналітык.

Чытайце таксама:

30
Тэги:
перамовы, Расія, ЗША, Джо Байдэн, Уладзімір Пуцін, сустрэча, Беларусь, Украіна, Анатоль Васерман
Доктар палітычных навук, прафесар Ігар Панарын

Кардынальны зрух: Панарын распавёў, чым здзівілі перамовы Пуціна і Байдэна

16
(абноўлена 13:57 17.06.2021)
Дамоўленасці лідэраў ЗША і Расіі па стратэгічнай стабільнасці, кібербяспецы і сітуацыі на Украіне - вынікі саміту ў Швейцарыі ацаніў доктар палітычных навук, прафесар Ігар Панарын.
Чем удивили переговоры Путина и Байдена: Панарин о кардинальных сдвигах

Візіт прэзідэнта Расіі Уладзіміра Пуціна ў Швейцарыю, дзе ён правёў перамовы з прэзідэнтам ЗША Джо Байдэнам, а таксама сустрэўся з прэзідэнтам Швейцарыі, у сукупнасці можна ацаніць як паспяховы, адзначыў палітычны эксперт на сваім youtube-канале.

Панарын таксама звярнуў увагу, што ў расійскіх аналітычных праграмах па выніках перамоў гучала слова "капітуляцыя" у дачыненні да прэзідэнта ЗША. "Перад самітам амерыканцы ў сферы кібербяспекі вылучалі нейкія патрабаванні, а па факце на саміце дыяметральна супрацьлеглыя былі прыняты рашэнні, наогул гэта не проста зрух, а кардынальны паварот", мяркуе Панарын.

"Асабістыя перамовы Пуціна і Байдэна ішлі на 40 хвілін больш за запланаваны час. Бакі дамовіліся аб вяртанні паслоў, пачаць дыялог аб стратэгічнай стабільнасці. Намеснік міністра замежных спраў Расіі ўжо абвясціў, што ў бліжэйшы час будуць сфарміраваны рабочыя групы і пачнецца гэты дыялог. Дамовіліся па праблематыцы кібербяспекі і па Украіне, у тым ліку, была дасягнута дамоўленасць, пра гэта на прэс-канферэнцыі сказалі і Пуцін, і Байдэн пра тое, што Украіна павінна выконваць Мінскія пагадненні", - адзначыў Панарын.

Тым часам, Дональд Трамп даў інтэрв'ю Fox News, у якім ацаніў праведзеныя перамовы як "перамогу Расіі", распавёў Панарын. "ЗША нічога не атрымалі ад гэтага саміту, а Расія атрымала дывідэнды. Але ў цэлым Трамп заявіў, што выступае за пазытыўныя стасункі з Расіяй, у тым ліку, эканамічныя", працытаваў эксперт.

На думку прафесара, вынікі перамоў яшчэ будуць ацэньвацца сістэмна, аднак ужо можна сказаць, што "дзяржаўная каманда вакол прэзідэнта Расіі змагла пераадолець супраціўленне ўнутраных і знешніх лібералаў і клінтанітаў, і курс дзяржаўнага прагматызму перамог", падсумаваў Панарын.

Чытайце таксама:

16
Тэги:
Швейцарыя, Саміт, Украіна, Кібербяспека, стратэгічная стабільнасць, стабільнасць, дамоўленасці, Расія, ЗША, Джо Байдэн, Уладзімір Пуцін, перамовы, Ігар Панарын
Які сёння дзень: 20 чэрвеня 2021 года

Які сёння дзень: 20 чэрвеня 2021 года

0
(абноўлена 19:48 18.06.2021)
Гэты дзень з'яўляецца сто семдзясят першым па грыгарыянскім календары, да канца года засталося 194 дні.

Якія падзеі адбыліся 20 чэрвеня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 20 чэрвеня

  • У 1606 годзе ў Магілёве пачалося паўстанне мяшчан, якоедоўжылая 4 гады.
  • У 1948 годзе ў Вязынцы адкрыты філіял Дзяржаўнага літаратурнага музея Янкі Купалы.

Хто нарадзіўся 20 чэрвеня

  • 1566 год: Жыгімонт Ваза, кароль польскі і вялікі князь літоўскі, кароль шведскі.
  • 1740 год: Юзаф Сангушка, дзяржаўны і вайсковы дзеяч Вялікага Княства Літоўскага.
  • 1928 год: Гаўрыла Вашчанка, беларускі мастак.
  • 1939 год: Валерый Раеўскі, беларускі тэатральны рэжысёр.
  • 1963 год: Сяргей Кавалёў, беларускі драматург і літаратуразнавец.

Таксама сёння нарадзіліся французскі кампазітар Жак Афенбах і аўстралійская і амерыканская кінаактрыса Ніколь Кідман.

20 чэрвеня ў народным календары

Сёння праваслаўныя вернікі святкуюць Сёмуху (Троіцу) - галоўнае двунадзесятае пераходзячае свята, якое адзначаецца на 50-ы дзень пасля Вялікадня (уваскрэсення Ісуса Хрыста).

Таксама вернікі шануюць памяць святапакутніка Феадота Анкірскага, якога ў народзе празвалі Фядот Ураджайнік.

У гэты дзень сяляне асабліва спадзяваліся на тое, што хутка пойдуць дажджы, таму што калі будзе суха, калоссе загіне і не будзе ураджаю. Але калі непагадзь прыйдзе да таго, як калоссе нальецца, яно будзе бедным і нават пустым.

Непагадзь маглі прадказаць дым ад кастра, які сцеліцца нізка па зямлі, а таксама шум у лесе. Калі чуваць грымоты, дрэннае надвор'е будзе яшчэ доўга.

0
Тэги:
народны каляндар, які сёння дзень