Кіраўнік Рэспубліканскага геранталагічнага цэнтра (актыўнага даўгалецця), галоўны пазаштатны герыятр Міністэрства аховы здароўя Людміла Жылевіч

Жылевіч: парады ўрача - як перажыць спякоту дзецям і пажылым людзям

28
(абноўлена 12:20 14.06.2019)
Знаходзіцца на сонца і загараць ў гарачае надвор'е можна толькі да 10 гадзін раніцы, калі ж вас ванітуе, кружыцца галава, цямнее ў вачах ці адчуваюцца дрыжыкі - усё гэта сімптомы цеплавога або сонечнага ўдару.
Жилевич: советы врача ― как пережить жару детям и пожилым людям

Самыя галоўныя правілы ў гарачае надвор'е - ужываць як мага больш вады, старацца не знаходзіцца на сонцы і добра праветрываць памяшканне, каб не было душна, паколькі ў адваротным выпадку не выключаны цеплавы ўдар. Адпаведнымі рэкамендацыямі у эфіры СТБ падзялілася кіраўнік Рэспубліканскага геранталагічнага цэнтра (актыўнага даўгалецця), галоўны пазаштатны герыятр Міністэрства аховы здароўя Людміла Жылевіч.

"Самае слабае звяно - на самай справе гэта дзеці і людзі, якія маюць ўзроставы цэнз за 60 гадоў. У дзяцей яшчэ не сфармавалася тэрмарэгуляцыя. А ў пажылых ужо ёсць змены ў арганізме, якія парушаюць тэрмарэгуляцыю ў прынцыпе", - адзначыла спецыяліст.

Як правіла, пажылыя людзі ўжываюць вялікую колькасць лекавых сродкаў, што ў гарачае надвор'е толькі пагаршае сітуацыю. Акрамя таго, асабліва ўважлівым ў гарачыя перыяды неабходна быць людзям з хваробамі сэрца і пацыентам з павышаным ціскам.

"Усё ж такі нашы людзі хочуць нават нягледзячы на ўзрост выглядаць эфектна і аддаюць перавагу загару, мы ж гаворым пра тое, што загар магчымы толькі да 10 гадзін раніцы, а далей наогул выключыць нейкую сонечную інсаляцыю. Ужо да вечара, калі спадае гарачыня, тады ўжо пераважны выхад на вуліцу", - параіла Жылевіч.

Спецыяліст таксама апісала сімптомы цеплавога ўдару, пры якіх самому пацярпеламу або навакольным яго людзям неабходна прыняць шэраг экстраных мер.

"Часцей за ўсё ў цяжкай ступені чалавек губляе прытомнасць. Калі гэта лёгкая ступень - неспрыяльнае для арганізма цеплавое ўздзеянне, тады першыя сімптомы - гэта пачуццё млоснасць, галавакружэнне, пажылы чалавек дрэнна пачынае бачыць альбо ў яго дваіцца ў вачах", - распавяла Жылевіч.

Акрамя таго, могуць узнікнуць болі ў сэрцы, магчымыя дрыжыкі або ванітавы рэфлекс, у такім выпадку трэба выключыць знаходжанне на сонца, выпіць вады ці нават абліць сябе вадой, калі ёсць такая магчымасць. Калі ж чалавек на вашых вачах страціў прытомнасць, дапамога яму павінна быць імклівай, раіць урач.

"Я вельмі прашу ўсіх грамадзян - не трэба здымаць гэты момант на відэа, трэба спрабаваць усё ж дапамагчы гэтым людзям - зняць адзенне, калі гэта магчыма, калі ёсць вада, абліць вадой, затым павярнуць чалавека на бок, таму што ў гэты момант можа ванітаваць, і чалавек захлынецца ванітавымі масамі. І затым перацягнуць у цянёк і пачаць дыхальныя мерапрыемствы, якія забяспечаць доступ кіслароду ", - рэзюмавала спецыяліст.

Фрагмент гутаркі з кіраўніком Рэспубліканскага геранталагічнага цэнтра Людмілай Жылевіч слухайце ў аўдыёзапісе радыё Sputnik Беларусь.

28
Тэги:
Беларусь, парады ўрача
Віцэ-прэзідэнт Сколцеха па біямедыцынскім даследаванням Міхаіл Гельфанд

"Ніякай вакцыны ў бліжэйшыя 2 тыдні": навуковец аб барацьбе з COVID-19

16
(абноўлена 09:31 08.04.2020)
Чаму ў бліжэйшыя 2-3 тыдні не можа з'явіцца ніякай вакцыны ад COVID-19, і калі трэба было заклапаціцца яе стварэннем - каментар расійскага біяінфарматыка, доктара біялагічных навук, прафесара Міхаіла Гельфанда.
"Никакой вакцины в ближайшие 2 недели": ученый о борьбе с COVID-19

Наколькі апраўдвае сябе гонка за стварэнне вакцыны ад каронавіруса, як хутка можа быць знойдзены антыдот, і што прагназуюць навукоўцы па далейшым развіцці эпідэміі COVID-19? Сваё меркаванне ў ходзе міжнароднага тэлемосту ў ММПЦ "Россия сегодня" выказаў прафесар факультэта біяінжынерыі і біяінфарматыкі МДУ імя М.В.Ламаносава, віцэ-прэзідэнт Сколтеха па біямедыцынскія даследаванняў Міхаіл Гельфанд.

"Калі казаць пра тое, што трэба слухаць прафесіяналаў, то працы аб тым, што ў папуляцыях кажаноў цыркулююць каронавірусы, якія патэнцыйна небяспечныя для чалавека, гэтыя працы публікаваліся, пачынаючы са ўспышкі атыповай пнеўманіі 2003 года рэгулярна. І ўсе гэтыя агляды заканчваліся словамі аб тым, што гэтыя папуляцыі з'яўляюцца крыніцай патагенаў чалавека, і ні адзін урад не заклапаціўся тым, каб з гэтым нешта зрабіць", - кажа Гельфанд.

Акрамя таго, па словах навукоўца, у перыяд эпідэміі 2003 года распрацоўка вакцын супраць віруса атыповай пнеўманіі (блізкага сваяка цяперашняга каронавіруса) была пачата, аднак пазней гэтыя распрацоўкі былі спыненыя пасля таго, як ўспышка эпідэміі паступова згасла. Хоць, здавалася б, няма ніякага закону прыроды, чаму тая эпідэмія павінна была стаць апошняй, адзначыў Гельфанд.

"Цыкл стварэння і клінічных выпрабаванняў вакцыны ў нармальнай сітуацыі - гэта гады, у экстранай сітуацыі, відаць, месяцы, то бок ніякай вакцыны ў бліжэйшыя 2 тыдні не будзе", - падсумаваў суразмоўца.

У сітуацыі, якая склалася асабліва небяспечныя хайп і нядобрасумленныя заявы людзей, якія хочуць "вельмі хутка ўскочыць у цягнік і злавіць свой шанец", дадаў навуковец.

16
Тэги:
Навукоўцы, каронавірус
Тэмы:
Успышка каронавіруса з Уханя

Дарашкевіч: я ведаю, як справіцца з каронавірусам

56
(абноўлена 15:11 07.04.2020)
Смелая прапанова ад кіраўніка праекта Парка высокіх тэхналогій па ранняй дыягностыцы захворванняў Алега Дарашкевіча.

Коронавирус - гэта своеасаблівы трыгер, спускавы кручок для развіцця ў арганізме чалавека цяжкіх ускладненняў ўжо існуючых хвароб. Справіцца з ім можна пры ўмове смелых (і на першы погляд супярэчлівых), але надзвычай дзейсных метадаў, заявіў у студыі радыё Sputnik Беларусь спецыяліст па імуналогіі, кіраўнік праекта па ранняй дыягностыцы захворванняў пры Парку высокіх тэхналогій Алег Дарашкевіч.

"Я хачу прапанаваць ідэю, але загадзя папярэджваю: яна правакацыйная. Для таго, каб нам гарантавана прадухіліць хуткае распаўсюджванне эпідэміі (нават ва ўмовах каранцінных мер яно будзе хуткім), неабходна зрабіць папераджальны ўдар - пачаць кантраляванае вакцынаванне. Гэта значыць даць магчымасць кантактаваць з  дзікім", патагенным штамам віруса групам насельніцтва, якія ў сілу сваіх прафесійных абавязкаў вымушаныя жыць у ізаляцыі. Гэта, перш за ўсё, вайскоўцы. На добраахвотнай аснове, пад кантролем спецыялістаў, каб не дапусціць ніводнага сур'ёзнага ўскладнення ў гэтых адважных хлопцаў", - заявіў урач.

Пра тое, які эфект дасць такі метад, вы пачуеце ў відэазапісы праграмы "Гарызонт падзей" са спецыялістам па імуналогіі Алегам Дарашкевічам на радыё Sputnik Беларусь.

56
Тэги:
Беларусь, каронавірус
Тэмы:
Успышка каронавіруса з Уханя
Кожнаму дасталася часцінка Жыватворнага агню

Набажэнствы напярэдадні Вялікадня пакажуць па тэлебачанні

0
(абноўлена 09:04 09.04.2020)
Усяго на каналах Белтэлерадыёкампаніі будуць паказаныя 11 набажэнстваў - як для каталікоў, так і для праваслаўных.

МІНСК, 8 кра - Sputnik. Прамыя трансляцыі велікодных набажэнстваў каталіцкай і праваслаўнай цэркваў пакажуць у эфіры беларускага тэлебачання, расказалі Sputnik у прэс-службе Белтэлерадыёкампаніі.

На фоне распаўсюджвання каронавіруса многія, у тым ліку вернікі, хочуць засцерагчы сябе. Для выконваючых сацыяльнае дыстанцыяванне і самаізаляцыю арганізаваны прамыя трансляцыі велікодных набажэнстваў - і ў каталікоў, і ў праваслаўных.

Так, у чацвер 9 красавіка ў сем гадзін вечара на тэлеканале "Беларусь 3" пачнецца прамая трансляцыя набажэнства ў Вялікі чацвер з архікафедральнага касцёла Найсвяцейшай Панны Марыі ў Мінску. У пятніцу 10 красавіка ў 23:20 на гэтым жа тэлеканале пройдзе прамая трансляцыя Крыжовага Шляху з Рымскага Калізея з удзелам Папы Рымскага Францыска.

Вечарам 11 красавіка, а 21:45, у эфіры "Беларусь 1" і "Беларусь 24" пакажуць трансляцыю набажэнства на Вялікдзень з архікафедральнага касцёла Найсвяцейшай Панны Марыі ў Мінску. У нядзелю 12 красавіка ў 16:20 на "Беларусь 3" будзе транслявацца велікоднае пасланне і благаславенне "Гораду і свету" Папы Рымскага.

Прамая трансляцыя літургіі на праваслаўную Вербніца будзе паказана па "Беларусь 3" у нядзелю ў 09:50.

Трансляцыю Чыну амавення ног у праваслаўны Вялікі чацвер пакажуць апоўдні 16 красавіка. У пятніцу 17 красавіка на тым жа тэлеканале ў прамым эфіры будзе ісці Вячэрня з вынасам Плашчаніцы з Мінскага Свята-Духава кафедральнага сабора.

У наступную пятніцу ў 19:00 у эфіры "Беларусь 3" адбудзецца трансляцыя ютрані з чынам пахавання Плашчаніцы з Мінскага Свята-Духава кафедральнага сабора. У нядзелю ў 13:15 па "НТБ-Беларусь" пройдзе прамая трансляцыя з храма Гроба Гасподняга ў Ерусаліме з сыходжаннем Жыватворнага агню.

Нарэшце, 18 мая а 23:45 па "Беларусь 1" і "Беларусь 24" будзе паказаная прамая трансляцыя святочнага богаслужэння з Мінскага Свята-Духава кафедральнага сабора.

0
Тэги:
Беларусь, Вялікдзень
Тэмы:
Сустракаем Вялікдзень