Старшыня праўлення Рэспубліканскага саюза турыстычных арганізацый Руслан Сегянюк

Сегянюк аб турызме: беларусы пачнуць масава набываць пуцёўкі ў суседзяў

22
(абноўлена 11:27 25.07.2019)
Змены ў закон "Аб турызме" неабходныя, але, калі не ўлічыць некаторыя нюансы, беларусы пачнуць масава набываць пуцёўкі ў Кіеве, Варшаве і Вільні, лічыць старшыня праўлення Рэспубліканскага саюза турыстычных арганізацый Руслан Сегянюк.

Спецыяліст адзначыў, што ў законапраекце, які праходзіць цяпер грамадскае абмеркаванне, шмат усяго карыснага для бізнесу і прафесіяналаў. І ў цэлым Рэспубліканскі саюз турыстычных арганізацый гэты дакумент падтрымлівае. Але ёсць некалькі нюансаў, па якіх ёсць розначытанні з Мінспорта. У прыватнасці, гэта тычыцца пунктаў "ажыццяўленне турыстычнай дзейнасці" і "фонд персанальнай адказнасці".

"Увядзенне гэтых нормаў прывядзе да негатыўных наступстваў для эканомікі Беларусі і беларускага турбізнесу. Перш за ўсё, прадукт беларускіх тураператараў стане нашмат даражэйшым, а таксама неканкурэнтаздольным у параўнанні з астатнімі прадуктамі, якія ёсць на рынку", - сказаў Сегянюк.

Зараз на беларускі рынак лёгка трапляюць буйныя міжнародныя кампаніі, якія часткова "адводзяць" кліентаў. Унясенне паправак у закон "Аб турызме" ў выніку павялічыць кошт пуцёвак для спажыўцоў і прывядзе да прадказальнага выніку.

"Спажывец пачне набываць (ён і цяпер гэта робіць з-за коштаў) нашмат больш пуцёвак у Кіеве, у Львове, Варшаве ці Вільні. Усе прымежныя зоны сыдуць туды. Нашмат прасцей будзе ўзяць грошы ў кішэню, вывезці за мяжу, заплаціць мясцоваму тураператару. А мы ні капейкі не атрымаем у бюджэт", - падзяліўся меркаваннем эксперт.

Грамадскае абмеркаванне праекта закона "Аб турызме" будзе доўжыцца па 28 ліпеня. Поўную версію дыскусіі ў мультымедыйным прэс-цэнтры Sputnik Беларусь глядзіце на відэа.

Чытайце таксама:

22
Тэги:
Турызм і адпачынак, Беларусь

Радыё