Паводле яе слоў, пакуль дакладна невядома, колькі прэтэндэнтаў вылучылі партыі. Да прыкладу, у 2016-м удзельнічалі 484 чалавекі. Што тычыцца цэнавага складніку, то ў Беларусі для кандыдата ўдзел у выбарах амаль бясплатны. Магчыма, нехта створыць свой асабісты невялікі фонд, з якога будзе фінансаваць выпуск лістовак.
Для параўнання, у Расіі ці Украіне ёсць паліттэхнолагі, яны адпрацоўваюць свой "хлеб", ствараецца адпаведны інфармацыйны прадукт, які душыць выбаршчыка. Старшыня ЦВК перакананая: у Беларусі ўсё не так, у нас у правядзенне выбараў ўкладваюцца "мінімальныя грошы".
"У нас выбарчая кампанія, скажам так, вельмі традыцыйная, кансерватыўная. Яна не прадугледжвае ўкладання вялікіх сродкаў. Можа, гэта здаецца сумным. Але, з іншага боку, гэта не стварае мітусні. Што дазваляе выбаршчыку спакойна, без усялякіх дзён цішыні, вызначыцца з выбарам. Яго не душаць", - распавяла Ярмошына ў эфіры тэлеканала "Беларусь-1".
Нагадаем, Лідзія Ярмошына на сустрэчы з прэзідэнтам Беларусі 30 ліпеня прадставіла даты для правядзення галасаванняў: 7 лістапада - у Савет Рэспублікі, 17 лістапада - у Палату прадстаўнікоў Нацыянальнага сходу. Аляксандр Лукашэнка даручыў узгадніць гэтыя даты з мясцовымі ўладамі, Камітэтам дзяржкантролю і Саўмінам. Зрабіць гэта неабходна да пятага жніўня.
