Заснавальнік і мастацкі кіраўнік беларускага ансамбля Песняры Уладзімір Мулявін

Мулявін і яго неўміручая спадчына

947
(абноўлена 09:18 08.01.2020)
Сёння выбітнаму беларускаму музыканту, заснавальніку "Песняроў" магло б споўніцца 79 гадоў.
Мулявін і яго неўміручая спадчына

Мулявін прысвяціў сваё жыццё беларускай песне і зрабіў яе папулярнай ва ўсім свеце. Разам з "Песнярамі" ён пабываў у розных краінах, дзе мастацтва выбітнага кампазітара і выканаўцы прымалі з захапленнем. Але самымі жаданымі і ўдзячнымі слухачамі для Уладзіміра Мулявіна заўсёды былі землякі-беларусы.

"Для чаго я зрабіў народную песню? Калі я прыходзіў у залу, бачыў, што на канцэрце народнага калектыву сядзіць 20-30 чалавек. Мне было вельмі крыўдна. Я думаў: трэба неяк яе падняць. Трэба было абнавіць народную песню і потым вярнуць — аддаць яе", — распавядаў Мулявін у адным са сваіх апошніх інтэрв'ю.

Беларускі ансамбаль "Песняры", мастацкім кіраўніком і заснавальнікам якога быў Мулявін, стаўся першым ансамблем з усяго Савецкага Саюзу, які адправіўся на гастролі ў ЗША, і адзіным, хто трапіў у нумар часопіса "Білборд".

ВІА "Песняры" ў прэсе нярэдка параўноўвалі з The Beatles. Самабытныя, таленавітыя і любімыя мільёнамі. Аднак гэта не ўсё, што звязвала два калектывы. Амерыканская публіка горача сустракала беларускі ансамбль, а мясцовыя СМІ назвалі "Песняроў" гуртом, які заслужыў, каб яму апладзіравалі стоячы.

Цікава, што кантракт на выступы ў ЗША "Песнярам" прапанаваў прадзюсер The Beatles. У прэсе таксама можна знайсці інфармацыю, што ўдзельнікі The Beatles у свой час былі захопленыя музыкай калектыву Уладзіміра Мулявіна. Нібыта Пол Макартні сказаў пра "Песняроў": "Мне б такія галасы", Джон Ленан прызнаўся, што нічога лепшага не чуў, а Джордж Харысан усклікнуў: "Песняры" спяваюць, як багі, а граюць, як дзеці!" Дарэчы, афіцыйнага пацверджання гэтай інфармацыі няма як з боку ліверпульскай чацвёркі, так і беларускага ВІА.

Як і кожны з геніяў, цалкам адданых сваёй справе, Мулявін да апошніх гадзін свайго жыцця прагнуў творчасці.

"Ляжу — а чакае столькі працы! Трэба скончыць дзевяць альбомаў. Думкі аб ажыццяўленні гэтай мары, напэўна, і даюць нейкую сілу, стымул, аптымізм. Гэтыя альбомы — сапраўдныя мюзіклы. Калі не пастаўлю на сцэне, хачу іх аднавіць хоць бы ў запісу. Музыку пішу пастаянна. Напяваю на дыктафон. Калі гэта каму-небудзь спатрэбіцца… Спадзяюся, што спатрэбіцца", — казаў Мулявін у сваім апошнім інтэрв'ю.

Аляксандр Крывашэеў і Юлія Хвошч на радыё Sputnik Беларусь узгадваюць выбітнага беларускага песняра Уладзіміра Мулявіна.

947
Тэги:
Жыццё знакамітых людзей, "Песняры", Уладзімір Мулявін, Беларусь
По теме
Беларускі "Пясняр" скарыў Маскву
Міхаіл Фінберг: “Мулявін навучыў мяне працаваць з беларускай мовай”
Тэлевядучы, пісьменнік Анатоль Васерман

Што вырашылі? Васерман пра тэмы Украіны і Беларусі на сустрэчы Пуціна і Байдэна

39
(абноўлена 12:42 18.06.2021)
Малаверагоднае вырашэнне сітуацыі на Украіне і "больш мастацкае" рашэнне па Беларусі - чаму падставы для аптымізму пасля перамоў лідэраў ЗША і Расіі "вельмі сціплыя", разважае палітычны кансультант, аналітык, эрудыт Анатоль Васерман.
Что решили? Вассерман о темах Украины и Беларуси на встрече Путина и Байдена

У ходзе перамоў лідэраў ЗША і Расіі ў Швейцарыі "зроблена вельмі няшмат, але зразумела, што назапашаныя супярэчнасці немагчыма паразграбаць за некалькі гадзін, асабліва з улікам таго, што ўвесь час падвальваюць новыя ўскладненні", лічыць Васерман.

"Але галоўнае зроблена - як кажуць, дамовіліся дамаўляцца. Стварылі сумесныя камісіі па многіх пытаннях, і можна спадзявацца, што калі хоць адна з іх спрацуе, гэта ўжо акупіць усе затраты на сустрэчу", - адзначае аналітык.

Пасля саміту падставы для аптымізму вельмі сціплыя, мяркуе Васерман, "ёсць шмат цалкам аб'ектыўных прычын, якія змушаюць ЗША дзейнічаць як веласіпедыст: пакуль рвешся наперад, трымаешся ў сядле, варта прытармазіць, звалішся".

"Нейкі зрух ёсць паглядзім, што будзе далей. Тры гады таму сустрэча з Трампам таксама прайшла вельмі добра, але Трампа пасля гэтай сустрэчы дружна завалілі разнастайныя брудамёты. Вось з улікам гэтага вопыту я шмат чаго не чакаю. Хай лепш сапхнуць з неспадзяванай нечаканасцю", - кажа Васерман.

Пытанні па Украіне і Беларусі

Эксперт таксама выказаўся з нагоды ўкраінскага кейса і прагучаўшай у ходзе сустрэчы узаемнай прыхільнасці да Мінскіх пагадненняў. Ці зрушыцца сітуацыя з мёртвай кропкі?

"Гэта, на мой погляд, яшчэ менш верагодна, чым паляпшэнне стасункаў з ЗША, паколькі Украіна першапачаткова створана як антырускі праект, як месца вырабу антырускіх з рускіх. І, здаецца, усе спосабы параўнальна мірна ўтрымліваць Украіну асобнай ад Расіі вычарпаны", - лічыць Васерман.

Паднятая на перамовах тэма Беларусі - "для Захаду гэта спосаб знайсці дадатковую падставу для антыбеларускіх абмежаванняў, але мы пастараліся дамагчыся больш сціплага і больш даходлівага мастацкага рашэння", адзначае аналітык.

Чытайце таксама:

39
Тэги:
перамовы, Расія, ЗША, Джо Байдэн, Уладзімір Пуцін, сустрэча, Беларусь, Украіна, Анатоль Васерман
Доктар палітычных навук, прафесар Ігар Панарын

Кардынальны зрух: Панарын распавёў, чым здзівілі перамовы Пуціна і Байдэна

16
(абноўлена 13:57 17.06.2021)
Дамоўленасці лідэраў ЗША і Расіі па стратэгічнай стабільнасці, кібербяспецы і сітуацыі на Украіне - вынікі саміту ў Швейцарыі ацаніў доктар палітычных навук, прафесар Ігар Панарын.
Чем удивили переговоры Путина и Байдена: Панарин о кардинальных сдвигах

Візіт прэзідэнта Расіі Уладзіміра Пуціна ў Швейцарыю, дзе ён правёў перамовы з прэзідэнтам ЗША Джо Байдэнам, а таксама сустрэўся з прэзідэнтам Швейцарыі, у сукупнасці можна ацаніць як паспяховы, адзначыў палітычны эксперт на сваім youtube-канале.

Панарын таксама звярнуў увагу, што ў расійскіх аналітычных праграмах па выніках перамоў гучала слова "капітуляцыя" у дачыненні да прэзідэнта ЗША. "Перад самітам амерыканцы ў сферы кібербяспекі вылучалі нейкія патрабаванні, а па факце на саміце дыяметральна супрацьлеглыя былі прыняты рашэнні, наогул гэта не проста зрух, а кардынальны паварот", мяркуе Панарын.

"Асабістыя перамовы Пуціна і Байдэна ішлі на 40 хвілін больш за запланаваны час. Бакі дамовіліся аб вяртанні паслоў, пачаць дыялог аб стратэгічнай стабільнасці. Намеснік міністра замежных спраў Расіі ўжо абвясціў, што ў бліжэйшы час будуць сфарміраваны рабочыя групы і пачнецца гэты дыялог. Дамовіліся па праблематыцы кібербяспекі і па Украіне, у тым ліку, была дасягнута дамоўленасць, пра гэта на прэс-канферэнцыі сказалі і Пуцін, і Байдэн пра тое, што Украіна павінна выконваць Мінскія пагадненні", - адзначыў Панарын.

Тым часам, Дональд Трамп даў інтэрв'ю Fox News, у якім ацаніў праведзеныя перамовы як "перамогу Расіі", распавёў Панарын. "ЗША нічога не атрымалі ад гэтага саміту, а Расія атрымала дывідэнды. Але ў цэлым Трамп заявіў, што выступае за пазытыўныя стасункі з Расіяй, у тым ліку, эканамічныя", працытаваў эксперт.

На думку прафесара, вынікі перамоў яшчэ будуць ацэньвацца сістэмна, аднак ужо можна сказаць, што "дзяржаўная каманда вакол прэзідэнта Расіі змагла пераадолець супраціўленне ўнутраных і знешніх лібералаў і клінтанітаў, і курс дзяржаўнага прагматызму перамог", падсумаваў Панарын.

Чытайце таксама:

16
Тэги:
Швейцарыя, Саміт, Украіна, Кібербяспека, стратэгічная стабільнасць, стабільнасць, дамоўленасці, Расія, ЗША, Джо Байдэн, Уладзімір Пуцін, перамовы, Ігар Панарын
Сцяг ЗША

ЗША, Вялікабрытанія і Канада сінхронна з ЕС увялі санкцыі па Беларусі

31
(абноўлена 18:52 21.06.2021)
Сёння быў прыняты чацвёрты пакет санкцый ЕС у дачыненні да Беларусі, у "чорным спісе" - 8 прадпрыемстваў і 78 грамадзян рэспублікі.

МІНСК, 21 чэр – Sputnik. ЗША, Вялікабрытанія і Канада ў панядзелак абнавілі "чорныя спісы" у дачыненні да Беларусі. Раней у гэты ж дзень уступілі ў сілу новыя санкцыі ЕС.

ЗША: 5 юрыдычных і 16 фізічных асоб

Як паведамляецца на сайце Мінфіна ЗША, у спіс увайшлі такія юрыдычныя асобы, як ГУБАЗіК МУС, КДБ, Цэнтр ізаляцыі правапарушальнікаў на Акрэсціна, унутраныя войскі МУС, УУС Брэстаблвыканкама.

З фізічных асоб пад новыя санкцыі ЗША трапілі 16 чалавек, у тым ліку прэс-сакратар беларускага прэзідэнта Наталля Эйсмант, спікер верхняй палаты парламента Наталля Качанава. Таксама санкцыі закранулі камандзіра спецпадраздзялення КДБ "Альфа" Сяргея Зубкова, начальніка міліцыі Мінска Міхаіла Грыба, камандуючага ўнутранымі войскамі МУС Мікалая Карпянкова, генпракурора Беларусі Андрэя Шведа і старшыню КДБ Івана Церцеля.

Канада: 17 фізічных асоб і 5 арганізацый

Таксама санкцыйныя спісы ў дачыненні да беларускіх фізічных і юрыдычных асоб пашырылі сёння Канада і Вялікабрытанія.

Адзначым, у абмежавальным спісе Канады - 17 фізічных асоб і 5 арганізацый.

Вялікабрытанія: 11 чалавек і 2 юрыдычныя асобы

У спісе Вялікабрытаніі - 11 фізічных асоб і 2 арганізацыі. У забаронным пераліку на ўезд лічацца камандуючы ВПС Беларусі Ігар Голуб, а таксама кіраўнік Мінтранса рэспублікі Аляксей Аўраменка. Спіс юрыдычных асоб, у дачыненні да якіх дзейнічаюць абмежавальныя меры, папоўнілі Беларуская нафтавая кампанія і "Белаэранавігацыя".

Сумесная заява

ЕС, Канада, Вялікабрытанія і ЗША суправадзілі новыя абмежаванні супраць Беларусі заклікам аб цесным супрацоўніцтве ў рамках расследавання інцыдэнту з RyanAir.

"Мы адзіныя ў закліку да рэжыму Лукашэнкі цалкам супрацоўнічаць з міжнароднымі расследаваннямі падзей 23 траўня, неадкладна адпусціць усіх палітычных зняволеных, рэалізаваць усе рэкамендацыі незалежнай экспертнай місіі Маскоўскага механізма АБСЕ, а таксама пачаць усёабдымны і сапраўдны палітычны дыялог паміж уладамі і прадстаўнікамі дэмакратычнай апазіцыі і грамадзянскай супольнасці пад эгідай АБСЕ", - гаворыцца ў сумеснай заяве.

Санкцыі ЗША супраць Беларусі

Нагадаем, з 3 чэрвеня Злучаныя Штаты аднавілі санкцыі ў дачыненні да дзевяці прадпрыемстваў беларускага нафтахімічнага комплексу.

У спіс трапілі "Беларускі нафтавы гандлёвы дом", "Белнафтахім", Belneftekhim USA Inc, "Белшына", "Гродна Азот", "Гродна хімвалакно", "Лакафарба", "Нафтан", "Полацк шкловалакно".

Гэта далёка не першыя санкцыі, якія ўводзілі ў дачыненні да Беларусі. Іх прымалі паэтапна з 2007 года, але ў 2015 годзе выпусцілі ліцэнзію аб часовым вывадзе дзевяці прадпрыемстваў з-пад санкцый. Затым гэтае рашэнне рэгулярна прадаўжалася на фоне паляпшэння адносін Беларусі з заходнімі краінамі.

Пасля прэзідэнцкіх выбараў у Беларусі ў жніўні 2020 года Вашынгтон папярэдзіў пра заканчэнне ліцэнзіі 26 красавіка і пра тое, што яна не будзе падоўжана "у сувязі з пагаршэннем сітуацыі ў Беларусі".

Мінфін ЗША абвясціў, што гэтая ліцэнзія дапускае неабходны час для згортвання ўсіх сувязей з прадпрыемствамі, якія знаходзяцца пад санкцыямі, і будзе дзейнічаць да 3 чэрвеня

Чытайце таксама:

31
Тэги:
рэспубліка, Беларусь, санкцыі, ЕС, Канада, Вялікабрытанія, ЗША