Прэм'ер-міністр Беларусі Раман Галоўчанка

Галоўчанка гатовы паспрачацца з тымі, хто прадказваў Беларусі рэцэсію

6
(абноўлена 11:33 27.07.2020)
Міжнародныя агенцтвы прадракалі Беларусі сур'ёзную рэцэсію і страту да шасці адсоткаў ВУП па выніках 2020-га, але ўлады рэспублікі гатовы з гэтымі агенцтвамі паспрачацца, заявіў прэм'ер-міністр Раман Галоўчанка.

Головченко готов поспорить с теми, кто предсказывал Беларуси рецессию

Як адзначыў Галоўчанка у інтэрв'ю тэлеканалу "Беларусь-1", дзякуючы дакладным і своечасовым рашэнням кіраўніцтву рэспублікі ўдалося пазбегнуць шляху, які ўвёў бы краіну "ў эканамічны хаос". І самую вострую фазу пандэміі, яе эканамічны перыяд, беларусам удалося прайсці дастаткова спакойна.

"Нам прадказвалі міжнародныя агенцтвы рэцэсію сур'ёзную і страту 4-6 пунктаў ВУП па выніках года. Мы з гэтымі агенцтвамі, напэўна, паспрачаемся. Ёсць падставы спадзявацца, што іх прагнозы не спраўдзяцца. Прынамсі, ужо па чэрвеню мы бачым, што наша прамысловасць пачала прыбаўляць, мы пачалі больш упэўнена прадаваць. Фактычна за самы востры перыяд мы страцілі 1,7% ВУП, тады як нашы суседзі і краіны з магутнай эканомікай у ЕС страцілі 5-10%", - заявіў Галоўчанка.

Што да выдаткаў дзяржавы на барацьбу з пандэміяй, якія ўжо склалі паўмільярда рублёў, то гэта не адаб'ецца на заробках, запэўніў прэм'ер. Да прыкладу, у маі ў бюджэтнай сферы ўдалося ўпершыню выйсці на тысячу рублёў. Пры гэтым, нягледзячы на сур'ёзныя выдаткі, Беларусь гатовая да магчымай другой хвалі каронавіруса.

"Самую вялікую суму забрала адрасная дапамога медыцынскім работнікам, якія знаходзіліся на перадавой барацьбы з COVID-19. Гэта сума парадку 123 мільёнаў рублёў. Парадку 55 мільёнаў рублёў пайшлі на кампенсацыю страт для суб'ектаў гаспадарання. Гэта растэрміноўкі, платы падаткаў, арэндныя канікулы, паніжэнне ставак арэнднай платы. Гэта грошы, якія засталіся ў краіне і дапамаглі эканоміцы выйсці з крызісу. Калі не дай Бог будзе другая хваля ці зацягнецца фаза канчатковага выхаду, у бюджэце хапае грошай для таго, каб і далей вырашаць гэтыя праблемы", - сказаў прэм'ер-міністр.

Нагадаем, па дадзеных Міністэрства аховы здароўя на 26 ліпеня колькасць пацверджаных выпадкаў каронавіруса ў Беларусі складае 67132. Пры гэтым паправіліся 60425. Па словах міністра аховы здароўя Уладзіміра Караніка, беларускія медыкі спадзяюцца, што маштабнай другой хвалі COVID-19 у краіне не будзе. Але Міністэрства аховы здароўя ў любым выпадку рыхтуецца, каб усё неабходнае ў сістэме аховы здароўя было.

6
Тэги:
Эканоміка, Раман Галоўчанка
(51:05 / 354.84Mb / просмотров видео: 2629)

Грошы і свет: Форум рэгіёнаў, навацыі "Сбера" і хто такія міленіялы

14
(абноўлена 10:00 29.09.2020)
Актуальныя навіны эканомікі абмяркоўваем у праграме "Грошы і свет" з удзелам экспертаў Аляксея Аўдоніна і Анастасіі Мураўёвай.

Даўно пара выкарыстоўваць новыя тэхналагічныя магчымасці і перавесці традыцыйныя сходу ў анлайн, Форум рэгіёнаў Беларусі і Расіі гэта толькі пацвярджае. Так лічаць госці праграмы "Грошы і свет", эканамічныя эксперты Анастасія Мураўёва і Аляксей Аўдонін, бо многія формы ўзаемадзеяння зараз перажываюць сапраўдную рэвалюцыю на фоне няпростай эпідэміялагічнай сітуацыі. Да прыкладу, кітайская платформа Tik-Tok ужо стала каменем перапоны ў адносінах Вашынгтона і Пекіна.

"Гэта яшчэ адзін віток гандлёвай вайны паміж ЗША і Кітаем. Іміджавыя кітайскія анлайн-платформы дазваляюць стварыць станоўчы вобраз Паднябеснай у вачах амерыканскіх падлеткаў і моладзі, таму для ЗША гэта пытанне ідэалогіі", - мяркуе Мураўёва.

На думку Аўдоніна, спробы тэхналагічнага стрымлівання Кітая з боку ЗША нагадваюць аналагічныя дзеянні, якія раней былі накіраваны супраць СССР. І ўсе мы ведаем, што Саюз разваліўся, у тым ліку, і па гэтай прычыне. Аб'яднаны Захад і сёння спрабуе сканцэнтраваць пляцоўкі для распрацоўкі тэхналогій альбо ў ЗША, альбо ў ЕС і Ізраілі, гэта значыць ідзе сур'ёзная тэхналагічная вайна.

Праграму "Грошы і свет" з удзелам эканамічных экспертаў Анастасіі Мураўёвай і Аляксея Аўдоніна глядзіце на Sputnik Беларусь.

14
Тэги:
Кітай, ЗША, Форум рэгіёнаў Беларусі і Расіі
(5:26 / 36.43Mb / просмотров видео: 1990)

Рапота распавёў, калі канчаткова вырашыцца пытанне з адменай роўмінгу

6
(абноўлена 12:53 28.09.2020)
Міністэрства сувязі Расіі і Беларусі прынцыпова вырашаць пытанне да 1 кастрычніка, але да тэхнічнага ўвасаблення яшчэ можа спатрэбіцца некаторы час.

Форум рэгіёнаў карысны тым, што на ім збіраюцца "кваліфікаваныя людзі з пэўнымі паўнамоцтвамі, якія могуць па ходзе справы прымаць рашэнні, што прыводзяць да практычных вынікаў, заявіў журналістам у панядзелак дзяржаўны сакратар Саюзнай дзяржавы Рыгор Рапота.

"Быў выступ прадстаўніка акадэміі навук РБ, які распавёў аб праектах па космасе медыцыне новых тэхналогій, і імгненная рэакцыя была губернатара Самарскай вобласці, які прапанаваў больш цесную кааперацыю з навукова-адукацыйнымі цэнтрамі ў РФ, адзін з іх як раз у Самарскай вобласці. І я , шчыра кажучы, убачыў і ў гэтым таксама яшчэ адну сферу плённага ўзаемадзеяння, вось вам практычны вынік па ходзе справы", - прывёў прыклад Рапота.

Паводле слоў дзяржсакратара Саюзнай дзяржавы, на Форуме рэгіёнаў былі традыцыйна паднятыя актуальныя тэмы ўзаемаадносін Расіі і Беларусі ў гандлёва-эканамічнай галіне, навукова-тэхнічнай, развіцці кааперацыйных сувязяў, у гарманізацыі заканадаўстваў.

Было ўзнята пытанне аб развіцці транспартнай інфраструктуры - аўтамабільнага і чыгуначнага транспарту, высакахуткаснай магістралі, развіцця інфраструктуры ў сістэмах сувязі, і натуральна, удзельнікам форуму было цікава даведацца які тут прагрэс, дадаў дзяржсакратар Саюза.

"Прагрэс тут відавочны - Міністэрства сувязі ўзялі на сябе абавязацельствы ўжо да 1 кастрычніка прынцыпова вырашыць пытанне, ад прынцыповага рашэння да тэхнічнага ўвасаблення, магчыма, яшчэ будзе нейкі лаг", - сказаў Рапота.

6
Тэги:
роўмінг, Саюзная дзяржава, Рыгор Рапота
Які сёння дзень: 30 верасня 2020 года

Які сёння дзень: 30 верасня 2020 года

0
(абноўлена 10:00 21.09.2020)
Гэты дзень з'яўляецца дзвесце семдзесят чацвёртым па грыгарыянскім календары, да канца года застаецца 92 дні.

У гэты дзень у 1931 годзе нарадзіўся беларускі паэт Ніл Гілевіч. Якія яшчэ падзеі адбыліся 30 верасня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 30 верасня

  • У 1472 годзе Іаган Гутэнберг выдаў у Майнцы першую ў Еўропе друкаваную кнігу, зараз вядомую як "Біблія Гутэнберга" або "42-радковая Біблія".
  • У 1791 годзе ў Вене адбылася прэм’ера апошняй оперы Моцарта "Чароўная флейта".
  • У 1939 годзе Уладзіслаў Сікорскі ўзначаліў польскі эмігранцкі ўрад у Францыі.

Хто нарадзіўся 30 верасня

  • 1892 год: Зоська Верас, беларуская пісьменніца і грамадская дзяячка.
  • 1931 год: Ніл Гілевіч, дзеяч беларускай культуры, пісьменнік, літаратуразнавец, перакладчык, фалькларыст, адзін з заснавальнікаў ТБМ.

Таксама сёння нарадзіліся нямецкі фізік Ганс Вільгельм Гейгер і брытанская актрыса Дэбора Кер.

30 верасня ў народным календары

Сёння вернікі шануюць памяць пакутніц Веры, Надзеі, Любові і іх маці Сафіі. Гэты дзень лічыўся дзявоцкім святам.

Пакуль старыя жанчыны збіраліся ў хатах, чыталі Біблію і маліліся, маладыя дзяўчаты ладзілі танцы, гульні, спявалі песні і гадалі. Лічылася, што гэты дзень спрыяльны для навядзення любоўных чараў.

Назіралі таксама за надвор'ем. Калі раніцай было пахмурна, наступныя некалькі дзён надвор'е будзе добрым. Калі ідзе дождж, вясна будзе ранняй, а калі, наадварот, суха – зіма прыйдзе яшчэ не скора.

0
Тэги:
народны каляндар, які сёння дзень, Беларусь
Тэмы:
Які сёння дзень: каляндар знакавых падзей