Старшыня праўлення Рэспубліканскага саюза турыстычнай індустрыі Філіп Гулы

Эксперт распавёў, куды цяпер едуць адпачываць беларусы, і колькі гэта каштуе

6
(абноўлена 11:41 30.07.2020)
Для адпачынку беларусаў за мяжой зараз ёсць чатыры асноўныя напрамкі, у той час як унутраны турызм на фоне пандэміі неапраўдана падаражэў, кажа старшыня праўлення Рэспубліканскага саюза туріндустрыі Філіп Гулы.
Эксперт рассказал, куда сейчас едут отдыхать белорусы и сколько это стоит

Беларусь у плане выезду зараз адна з самых прагрэсіўных краін не толькі сярод суседзяў, але і ў свеце ў цэлым, адзначае суразмоўца Sputnik і прыводзіць у прыклад чатыры асноўныя выязныя накірункі для беларусаў.

Так, з сярэдзіны чэрвеня стартавала чартэрная праграма Албаніі, якая карыстаецца папулярнасцю і актыўна загружаецца, за ёй "паляцела" Чарнагорыя, якая таксама карыстаецца попытам. Зараз ёсць пытанні з другой хваляй пандэміі, але пакуль усё працуе, дадае эксперт.

"Самае галоўнае - мы адны з першых ад пачатку ліпеня адправілі барты ў Турцыю і Егіпет, гэта асноўныя і самыя масавыя кірункі, і тут попыт досыць высокі. Ёсць праблемы ў тым, што не ўсе адкрыліся да працы і не заўсёды турысты атрымліваюць усё што жадаюць і хочуць, бываюць пытанні і з овербукінгам, і са зменай гасцініцы, але ў цэлым гэтыя напрамкі працуюць", - адзначае Гулы.

На жаль, паўнавартасна адправіцца ў Еўропу па-ранейшаму немагчыма, дадае Гулы, "тым, хто планаваў Італію, Балгарыю, Грэцыю, у гэтым годзе не шанцуе".

На радзіме дарагавата?

У сітуацыі, якая склалася, узрос попыт і цікавасць беларусаў да ўласнай краіны, дзе за 300-500 долараў можна паўнавартасна адпачыць у санаторыі па прынцыпе "all inclusive", разважае суразмоўца. Шмат каму гэта па душы, камусьці не зусім спадабалася і ў наступным годзе яны не паедуць, але грамадзяне ў асноўным самастойна падарожнічаюць усюды, дзе ім цікава і зручна, купляючы пуцёўкі праз інтэрнэт.

"Попыт высокі і гэты попыт выкрывае ўсе праблемы, якія існуюць унутры беларускай турыстычнай інфраструктуры, у першую чаргу, недахопы сэрвісу і праблемы цэнаўтварэння. Калі наша індустрыя зможа зрабіць правільныя высновы, то да наступнага года ёсць верагоднасць таго, што цэны будуць больш даступныя для беларусаў і будзе магчымасць прайсці павышэнне кваліфікацыі і даць іншы сэрвіс і змяніць саму прадуктовую лінейку", - кажа Гулы.
Суразмоўца таксама каментуе завышаныя кошты ў беларускіх аграсядзібах ў гэтым сезоне, адзначаючы, што "ўсе хочуць зарабіць пабольш, гэта праблема нашай лакальнай культуры, і так - месцамі цэны высакаватыя".

"Попыт ёсць, таму традыцыйна беларуская культура спрабуе на гэтым зарабіць, што, на мой погляд, не зусім добра, нам трэба наадварот працаваць над тым, каб цэнаўтварэнне змянілася, цэны былі ў перспектыве ніжэй, прадуктовая лінейка шырэй, былі інвестыцыі ў першую чаргу самастойныя", - кажа Гулы.

Без такіх пераменаў нягледзячы на цяперашнюю радасць па развіцці ўнутранага турызму, можа здарыцца адток турыстаў у будучых сезонах, рэзюмуе суразмоўца.

6
Тэги:
Турызм і адпачынак, Філіп Гулы
Палітычны і эканамічны эксперт Мікалай Мяжэвіч

Рэформы, суверэнітэт, стасункі з РФ - што хвалявала беларусаў перад выбарамі

7
Суверэнітэт краіны, асноўныя вектары знешняй палітыкі, эканоміка і яе трансфармацыі ― што яшчэ хвалявала экспертную супольнасць і радавых беларусаў напярэдадні прэзідэнцкіх выбараў — 2020.
"Суверенитет, экономика, отношения с РФ": Межевич о послании Лукашенко

Актуальныя тэмы, якія абмяркоўваліся на розных узроўнях напярэдадні беларускіх выбараў, гэта стаўленне да суверэнітэта, прычым не толькі ў самой краіне, але і да суверэнітэта іншых дзяржаў, а таксама асноўныя вектары знешняй палітыкі, пра гэта суразмоўца Sputnik, кіраўнік Цэнтра беларускіх даследаванняў Інстытута Еўропы РАН, доктар эканамічных навук Мікалай Мяжэвіч заявіў у праграме "Грані фармату", якая выйшла напярэдадні паслання Лукашэнкі народу і парламенту.

Пры гэтым самай рэзананснай тэмай, якая выклікае найбольшую колькасць дыскусій, па-ранейшаму застаецца эканамічная сітуацыя ў рэспубліцы і магчымасці яе трансфармацый, пра што таксама разважае суразмоўца.

"Вельмі шмат дыскусій, хоць на мой погляд, менш чым трэба, з нагоды эканамічнай мадэлі ў Беларусі. Зразумела, што тую мадэль, якая ёсць, хтосьці ацэньвае вельмі высока, хтосьці ацэньвае зусім невысока і рэзка крытыкуе, але гэтая мадэль звязаная з палітычнымі і эканамічнымі рашэннямі аднаго чалавека ― Аляксандра Лукашэнкі. Спадарыня Меркель, якая сядзіць у сваім крэсле канцлера таксама не першы тэрмін, прыняла абсалютна гатовую, сталую нямецкую дзяржаву, якая прайшла праз усе складанасці другой паловы 20-га стагоддзя, і ў гэтым сэнсе спадарыня Меркель не зрабіла вызначальнага ўнёску ва ўсе ключавыя характарыстыкі краіны", ― лічыць Мяжэвіч.

Ролю Лукашэнкі ў фармаванні эканамічнай мадэлі краіны "можна параўнаць з роляй прэзідэнта Пуціна, але і тут 90-я гады, якія падзялілі распад СССР і прыход да ўлады расійскага прэзідэнта, зрабілі многія рэчы незваротнымі, і камусьці гэта падабаецца, а камусьці можа не падабацца, але гэта ёсць", адзначае суразмоўца.

7
Тэги:
Пасланне прэзідэнта да народа і парламента, Беларусь, Выбары
Кандыдат медыцынскіх навук, супрацоўнік РНПЦ псіхічнага здароўя Аліна Волчанка

Што здзіўляе медыкаў у адносінах беларусаў да COVID-19 - эпідэміёлаг

8
(абноўлена 15:34 05.08.2020)
Што беларусы на самай справе ведаюць пра каронавірусную інфекцыю і каму вераць, якія меры прафілактыкі выкарыстоўваюць і які зараз рэальны псіхалагічны настрой насельніцтва - РНПЦ псіхічнага здароўя праводзіць даследаванне гэтай тэмы, апытанне добраахвотнае і ананімнае.
Что удивляет медиков в отношении белорусов к COVID-19 ― эпидемиолог

Спецыялістам важна даведацца, наколькі дасведчанасць грамадзян аб тым, што трэба рабіць кожнаму ва ўмовах пандэміі COVID-19, уплывае на тое, як беларусы выкарыстоўваюць гэтыя меры прафілактыкі ў рэальным жыцці і як псіхалагічна спраўляюцца з гэтым выклікам, распавяла Sputnik кандыдат медыцынскіх навук, вядучы навуковы супрацоўнік лабараторыі клініка-эпідэміялагічных даследаванняў РНПЦ псіхічнага здароўя Аліна Волчанка. Першая частка даследавання была праведзена ў сакавіку-красавіку, дадала субяседніца.

"Дасведчанасць, наколькі можна меркаваць, не была дрэннай, але не было даверу СМІ, сістэме аховы здароўя і дзяржаве ў цэлым як гарантам бяспекі. Усе гэтыя асновы пахіснуліся, мяркуючы па адказах беларусаў, найбольшую падтрымку яны знаходзілі ў коле сям'і і самых блізкіх людзей, а таксама калегаў і сяброў, калі тыя з'яўляліся медыкамі", - распавяла Волчанка.

Крэдыт даверу насельніцтва да нашых дактароў на самай справе вельмі высокі і гэта вельмі радуе, адзначыла субяседніца Sputnik.

У другой частцы даследавання, якая будзе праводзіцца яшчэ месяц, важна паглядзець у дынаміцы, у тым ліку, і як змяніўся ўзровень даверу да тых ці іншых крыніц інфармацыі, якія стратэгіі выбіраюць для сябе людзі і як яны спраўляюцца з сітуацыяй, каму вераць, і хто іх падтрымлівае, дадала эпідэміёлаг.

Беларусы стаміліся ад каронавіруса?

"Цяпер, калі лета і зусім не хочацца насіць маскі, і статыстыка захворвання зніжаецца, наколькі гэта цяжка і наколькі яшчэ застаецца прыхільнасць мерам прафілактыцы? Мы сапраўды стаміліся, і важна разумець, што ж дае сіл тым, хто ўсё яшчэ выконвае меры прафілактыкі - альбо гэта высокі ўзровень дасведчанасці, альбо гэта толькі медыцынскія работнікі, альбо наадварот павышаны ўзровень трывожнасці", - разважае спецыяліст.

Таксама суразмоўца Sputnik распавядае, як былі выкарыстаныя вынікі першай часткі даследавання, атрыманыя вясной, калі ўзровень захворвання ў краіне набліжаўся да максімальнага.

"Мы якраз трапілі ў хвалю увагі СААЗ да нашай краіны, дзе было сказана пра тое, што важна казаць аб статыстыцы - даваць насельніцтву лічбы і інфармацыю, так мы супакойваем псіхалагічна. І вельмі выдатна актывізаваліся нашы дактары і валанцёры, пасля першага стрэсу яны самі сталі казаць і пісаць у сваіх сацсетках, і вельмі добра паўплывалі на дасведчанасць і заспакаенне грамадзян у сітуацыі самаізаляцыі і абмежаванні сацыяльнай актыўнасці", - распавяла спецыяліст.

Прыняць удзел у даследаванні РНПЦ псіхічнага здароўя можна па спасылцы, апытанне праводзіцца ананімна і не носіць камерцыйных мэтаў, адказы будуць выкарыстаны выключна ў навуковых мэтах, падкрэсліла эпідэміёлаг.

8
Тэги:
каронавірус
Тэмы:
Каронавірус COVID-19
Пенсіянеры галасуюць

Яўка на выбарах, паводле звестак на 16 гадзін склала 73,4%

3
(абноўлена 17:06 09.08.2020)
Найбольш актыўна галасуюць жыхары Гомельскай і Магілёўскай абласцей, тут яўка склала адпаведна 81,87% і 80,29%.

МІНСК, 9 жні - Sputnik. Яўка выбаршчыкаў на прэзідэнцкіх выбарах у Беларусі па стане на 16 гадзін склала 73,4%, паведамілі ў Цэнтрвыбаркаме.
Найбольш актыўна галасуюць жыхары Гомельскай і Магілёўскай абласцей, тут да скрыняў прыйшлі ўжо 81,87% і 80,29% выбаршчыкаў.

На трэцім месцы - Гродзенская вобласць, дзе прагаласавалі 75,66% выбаршчыкаў. У Брэсцкай вобласці яўка склала 75,11%, у Віцебскай - 75,05%, у Мінскай - 72,3%, паведаміў у ЦВК у нядзелю. Яўка на прэзідэнцкіх выбарах у Мінску на 16 гадзін склала 58,79%.

Днём у сталіцы і шэрагу рэгіёнаў сталі з'яўляцца чэргі з жадаючых прагаласаваць. Чэргі стаяць і да дыпмісій Беларусі ў шэрагу краін, дзе арганізаваны ўчасткі.

9 жніўня - асноўны дзень галасавання на выбарах Прэзідэнта Беларусі. З аўторка ў краіне ішло датэрміновае галасаванне. Паводле афіцыйных дадзеных, яўка на датэрміновым галасаванні склала 41,7%. На пасаду прэзідэнта краіны прэтэндуюць пяць чалавек: Андрэй Дзмітрыеў, Ганна Канапацкая, Аляксандр Лукашэнка, Святлана Ціханоўская і Сяргей Чарачэнь. Адзначым, што ўсе кандыдаты ўжо пабывалі на выбарчых участках і прагаласавалі.

3
Тэги:
ЦВК Рэспублікі Беларусь, Выбары, Беларусь
Тэмы:
Выбары прэзідэнта Беларусі - 2020